麻堡 (已結業)

𝙞𝙛 𝙮𝙤𝙪'𝙧𝙚 𝙡𝙤𝙤𝙠𝙞𝙣𝙜 𝙛𝙤𝙧 𝙖 𝙣𝙚𝙬 𝙗𝙪𝙧𝙜𝙚𝙧 𝙥𝙡𝙖𝙘𝙚 - 𝙤𝙧 𝙟𝙪𝙨𝙩 𝙩𝙞𝙧𝙚𝙙 𝙤𝙛 𝙩𝙮𝙥𝙞𝙘𝙖𝙡 𝙖𝙢𝙚𝙧𝙞𝙘𝙖𝙣 𝙗𝙪𝙧𝙜𝙚𝙧, 𝙘𝙝𝙚𝙘𝙠 𝙩𝙝𝙞𝙨 𝙤𝙣𝙚 𝙤𝙪𝙩!🔥 𝙩𝙝𝙚𝙮 𝙨𝙚𝙧𝙫𝙚 𝙘𝙞𝙡𝙖𝙣𝙩𝙧𝙤 𝙖𝙣𝙜𝙪𝙨 𝙗𝙚𝙚𝙛 𝙗𝙪𝙧𝙜𝙚𝙧, 𝙨𝙥𝙞𝙘𝙮 𝙘𝙝𝙞𝙘𝙠𝙚𝙣 𝙗𝙪𝙧𝙜𝙚𝙧, 𝙨𝙖𝙩𝙖𝙮 𝙗𝙪𝙧𝙜𝙚𝙧 𝙖𝙣𝙙 𝙢𝙚𝙭𝙞𝙘𝙖𝙣 𝙛𝙤𝙤𝙙 𝙖𝙩 𝙖𝙛𝙛𝙤𝙧𝙙𝙖𝙗𝙡𝙚 𝙥𝙧𝙞𝙘𝙚!.成日都食burger，久唔久都要食返啲中式啲既味道balance下，芫茜同麻辣漢堡夠哂重口味，芫荽控同麻辣控記得留言參加抽獎！burger一拎上手就聞到勁大陣芫荽味，每朝新鮮手打既安格斯patty夠厚夠軟，加埋芫茜幾有口感，佢地秘製既芫茜青醬仲好香同塊肉好夾😍 另外麻辣雞堡有得揀辣度，煎香完塊雞扒再搽埋佢地自家製辣椒醬好惹味，鐘意既仲可以成樽買返屋企炒餸添！加$10配跟餐小食有香辣薯條、酸椰菜沙律、墨西哥飯；除左burger之外仲有幾款墨西哥小食，薄餅、burrito、nachos🙌🏽

呢日試下深水埗新開嘅漢堡店出咗兩款近期大熱既口味 沙嗲味 芫荽味聽日叫咗⭐️沙嗲安格斯牛肉漢堡套餐$88‼️如果用goodmalling app 仲有$10優惠券👍🏻漢堡每個都即整 店員可以幫你切開👍🏻漢堡包面勁脆 會爆麵包碎👍🏻沙嗲醬好惹味 而且有唔少花生粒👍🏻牛肉係每朝店舖即整 肉味香濃 有肉汁中間夾住 洋蔥 蕃茄 蔬菜 感覺幾健康.除此之外 呢間麻辣漢堡都係主打麻辣同牛肉味道好夾唔會死辣.套餐建議選擇沙律😋酸酸地嘅沙律汁 配爽口嘅椰菜 勁開胃食肉獸既我幾鐘意.#麻堡 (深水埗)地址：深水埗青山道153號地下B號舖

經過附近諗住堂食米線，但係滿座等好耐就轉去隔離睇吓啲外賣拎返上車食。行兩步無意中發現到有一間香噴噴嘅漢堡店，就試吓佢個墨西哥牛肉薄餅，即叫即整，買咗一份之後阿仔同老公食完不斷話好食，全部食晒我都唔夠食，大家不斷叫不如encore, 咁就返轉頭再買多一份🤣再加一個芝士辣肉醬墨西哥粟米片，真係好有水準，即製熱辣辣，薄餅有得揀牛肉雞肉同豬肉，仲有少少辣味，真心推介，下次會再試吓佢啲漢堡包🍔😍，希望佢個漢堡包都有驚喜。

經過聞到好香既煎牛望下原來新開左間漢堡店，就買返個試下，買左個蘑菇安格斯牛肉漢堡包，食落有驚喜塊牛有肉汁好厚和牛，食得出塊牛同出面的漢堡包唔同，有誠意的漢堡包，下次會再返唻試其他野，唔係太肚餓所以淨係試左個漢堡包，見到外賣紙原來有其他小食賣同埋聽小姐講雞翼係新鮮生炸，下次試下雞翼同埋試食最愛食的墨西哥薄餅

近排減肥，已經好耐冇食過餐好嘅肉～好姐妹介紹一間佢試過幾好味漢堡店😋就去對自己好啲！去到一睇仲以為係珍珠奶茶店？？？不過經小姐姐介紹就咗試咗佢大廚精選嘅黑松露安格斯牛堡( 佢話餐牌冇)又話手打牛肉又話每日新鮮製作～～成為98蚊可以接受！加十蚊有餐跟，就試椰菜沙律啦～～ 黑松露味道唔錯，牛肉有驚喜一路食一路滴，肉味突出！ 椰菜沙律就有啲似家雞老伯，味道偏甜～～ 整體表現不俗， 可以再試！小姐姐話每星期都會有唔同精選介紹，加 fb仲有兩隻雞翼餸㖭👍

有朋友介紹最近新開左間手製漢堡店，於是好奇試下，雖然細細間但服務好好，員工好細心好nice問有咩鍾意食同推介漢堡，於是試左芝士漢堡，一食不得了，牛肉勁厚！仲可以加$10可以配有薯條/沙律/飯/意粉同埋汽水，但我見特飲幾靚於是忍唔住買左3杯唔同既試，漸變色好靚而且好飲！而配菜我揀左沙律，酸酸地好好食好開胃！後來走左再望返個menu先知可以再加$15有雞翼，下次會再試其他！絕對值得推薦的一間小店，會繼續支持！

賣點係手打漢堡。我係元朗都要$98！見到立即試一試😋牛肉味濃烈👍🏿牛迷一定要食！麻辣也有驚喜😋同肉好夾！食埋水牛城雞翼，好和味！可惜無啤酒😂最重要係性價比超高！