麻布茶房 (已結業)

今晚在麻布茶坊晚飯，安排坐位時已表明只有一張預定既套餐可選擇，點餐後想點些飲品後才發覺有一本平日用既正式餐牌。這種營銷手法在這偽日式西餐廳可為百年難得一見。奈何餐已點，所以唯有寄望食品方面能给一點希望及驚喜。當餐送上時，所带來的驚喜令我此生難忘，因為該套餐之份量極少，烏冬份量係一包正常烏冬概三份一，牛肉飯係正常飯碗概一半份量，就價值90元再加一概套餐來講，呢間餐廳既CP值係冇可能用正數來評論。所以，希望可以行多兩步去德福二樓一間真正日式西餐廳，吾好試間而有無限概驚喜。

食物差，服務態度差，近年遇上最沒水準的餐廳，幾年都無寫食評，實在太差，真心要執筆提醒其他人咪嚟食。一搭入餐廳，應該是經理的服務員已經語氣不好，態度不好，已經覺得這間餐廳所有服務員態度好不去邊， 因為上樑不正下樑歪，唔好嘅態度好似細菌一樣感染整間鋪，個個都會有樣學樣。食物點選方面，這款無，那款無，心中已經沉下去，到點選好的牛扒上枱了，煎得太生了，醬汁又太稀沒味道， 一間餐廳煎塊牛扒都煎唔好，何必要由日式餐廳額外再加西餐食品呢！Too bad

今晚同朋友兩個人去九龍灣行街，見到呢間啲扒同邊爐幾平就入去試下。點知入到去就得定食同扒嘅餐牌，隔離檯都係，我估係如樓上啲食評所講邊爐賣晒所以無。坐咗好耐，見到隔離檯個個都有杯茶，係得我地呢檯無，最尾要自己去斟茶朋友話第一次遇到要客人自己去斟茶嘅餐廳。我叫咗個美式雜扒，有三塊扒，伴碟嘅有啲洋蔥，粟米，一條腸仔，一舊西蘭花，一片火腿，味道普通。牛扒我最後先食嘅，唔知係咪放得耐（唔係一上碟即食）覺得有啲韌。

之前聽媽咪話想試麻布茶房 今晚就兩母女去撐枱腳😆💞我地叫左兩個餐 介紹下先😆-------⭐蒲燒鰻魚飯定食配甜品（$102）呢個飯好香 鰻魚份量都多 照燒汁覆蓋每粒飯😆唔會乾 啖啖都好滿足！！另外個餐仲有麵豉湯同埋前菜 味道正常😀另外甜品都好吸引 有宇治抹茶蕃薯燒雪糕 ，紅豆白玉，牛乳忌廉粟米湯😆雪糕好軟滑 白玉煙韌，好好食😍😍-------⭐茶房風雞肉火鍋定食配朱古力香蕉聖代（$79）火鍋好足料😍件件雞肉都大大舊，仲有好多配料 有娃娃菜 金菇 冬菇 豆腐 獅子狗 鳴門卷 龍蝦丸 蟹柳 超級豐富😍😍😍跟餐仲有白飯👍夠晒飽！另外仲有甜品朱古力香蕉聖代 勁大杯而且賣相吸睛😍雪糕香滑 啖啖滿足😄食完真係好飽！😂-------總括黎講我覺得呢餐好抵食！😍食物質素唔錯 而且仲有靚靚甜品食 依家火鍋套餐做緊特價 大家不妨去試下呀😸❤其實我仲有好多甜品想試呢哈哈😂-------評分（10分滿分）味道：8賣相：8性價比：9回頭率：8-------餐廳資料名稱：麻布茶房地址：九龍灣牛頭角道77號淘大商場一期地下G114-G115號鋪前往方法：九龍灣站B出口

同朋友一齊食午餐咁就揀咗麻布茶坊叫咗個鹽燒鯖魚定食鯖魚果皮 都燒烤得脆脆的 加上滴兩滴檸檬汁更加開胃呀 青魚份量就啱啱好夠一個人食 食完之後我仲叫咗個甜品牛奶雪糕但係味道就淡淡的

呢間分店d服務員態度都幾差唔落單不突止，上食物仲要好求其天啊。。你收加一服務費囉唔想送餐的話不如唔好收服務費，價格食得更相宜話說食指定午餐，有Dreyer’s 雪糕批送加埋一要60-70蚊一個餐，連飲品送埋雪糕批變相都幾抵要左個叉燒拉麵，麵底都算煙Un 叉燒唔會太林身，有咬感不過湯底較淡個配菜係看似粟米既豆豆。。好硬啊咖哩雞扒蛋包飯呢。。。好少雞扒而且好林咖哩味好淡同日式味道有d距離用既係日式咖啡，找回那種感覺凍檸茶自己加糖水 nice 👍🏻個雪糕批現成的，Dreyer’s ge 大家都知咩喇

好耐之前所以過一次 印象普普通通 今次再食都係差唔多因為排隊嘅人多員工又少 服務員一開頭已經叫我地諗好食咩 落完order先入去😐😐🥢冷蕎麥麵配牛肉飯 $98另外附送三式甘味簡單來講呢 就不過不失 佢地啲牛肉係肥牛片 我本人就不太喜歡😕至於三式甘味 最左果款係粟米湯 比咗男朋友食🤣🤣中間係my fav牛乳雪糕蕃薯粒坐底 最後係紅豆糍粑果類咁嘢 .🍴澳洲肉眼牛扒 另加追三款 $107男朋友order五成熟 結果幾乎全熟 果然呢啲餐廳唔可以要求太多 不過加配嘅辣味薯角係唔錯嘅 如果外層再脆身啲會更好👻

本身想食韓式，見餐廳好多人，反而平時好多人等位既麻布今日冇咩人，諗諗下決定入去。店內唔太寬敞，D枱都擺到密密麻麻，好彩時間都算早，都唔算逼。員工好快送水/茶過黎，個杯有d似平時茶樓果d，個人覺得同環境及食物唔太襯。餐廳有3張大menu，不過我地對定食冇咩興趣，感覺太貴又普通，唔抵食，就主力望另外兩張。我想鋸扒，太座想火鍋。鋸扒有4款選擇，我選擇左$94 安格斯西冷(8安士)，再加$29連三款小食/飲品。太座就選左雞肉火鍋+宇治金時霜淇淋刨冰($74)。三款小食/飲品之一，炒煙肉波菜用左好多蒜去炒，所以都好入味，份量都好大碟，太座好鐘意食，話夠晒味，食肉前食d菜都健康d。三款小食/飲品之一，薯角好味！熱辣辣，外脆內軟，我地呢份唔會太鹹，反而隔離台叫薯條就投訴薯條太鹹，而且份量都唔少，覺得係抵食。安格斯上枱啦! 黑椒汁+5成熟望落唔算細塊，食落好有肉質，算係鬆化，兩邊比較熟，食到中間就再生d，覺得只有3-4成熟，太座唔太喜歡，不過黑椒汁好配，唔會好辣，但佢用細樽上汁就唔係好夠，食到一半d汁就俾我用晒咁。冇晒雞肉，就轉左豚肉，餸份量一般，連埋白飯都夠飽，豚肉質素就麻麻地，薄切，仲有獅子狗+龍

首先，入到去想食一人火鍋，侍應A話冇爐用，之後見佢收咗另一台客個爐，以為有爐用，然後侍應B過嚟落單，就話火鍋係賣晒而唔係冇爐用⋯⋯好啦，甘我叫定食：烏龍冷面加迷你和風豚肉飯，有味噌湯同迷你三式甜品，味增湯鹹到呆左，個豚肉飯啲豚肉又dry又冇味，個飯又唔夠熱，最後放得落口食嘅就只有烏龍麵😰 然後我男朋友叫咗個16安士安格斯牛扒，塊扒dry到喊，叫七成碟上變全熟⋯⋯ 然後個侍應A全程發夢，叫佢比杯熱茶我去左執枱冇左件事，叫另一個比杯杯茶都係唔熱，最後個三式色甜品都麻麻，從來未喺呢度寫過食評，第一次寫因為間餐廳真係好唔掂！

叫左個蒜蓉牛柳意粉同西冷塊西冷又乾又硬 成塊化石咁個意粉仲經典 油浸意粉 救命好難食 食到落底真係食唔落意粉裹面仲有啲菇 自問自己好鍾意食菇一食落去 救命即吐出來 個菇好臭仲要有種變壞既感覺店員既服務態度極差 黑口黑面咁叫檸茶又唔比糖水 唔同佢講都唔比甜品我地食總括而言 呢間野無得救 好難食 以後唔會再黎幫襯

位置方面:九龍灣淘大商場本身都已經好多野食, 但食扒既就好少, 而呢間價錢都比較正常.等待時間方面:7點零鐘到, 唔洗等位即刻入得, 始終淘大都比較多野食, 座位冇咁快full.牛扒方面:今次嗌左2塊西冷, 1塊8oz ($94), 1塊16oz($128). 2塊都嗌左7成熟. (唔係鐵板上)味道唔錯, 食得出佢有用到牛油煎, 而且肉汁都唔錯, 但係就太多筋.另外, 肉都唔會好韌, 再配飯同意粉, 其實都好飽.小食方面:嗌牛扒加$29就有3款野食, 因為2個餐, 我地嗌左6款小食.煙肉波菜: 好好食!!!! 佢係用蒜茸炒, 所以好惹味! ..之餘都唔會蓋左煙肉浸味味噌湯: 普通, 勝在冇蔥沙律: 普通, 一碗仔辣味薯角: 好食!! 佢有啲辣粉, 所以薯角都有啲味, 份量都好多, 幾抵食飯&意粉: 配扒上環境方面:環境舒適, 都坐得幾舒服. 唔算好大, 十零張枱.總結:去開九龍灣可以去淘大既麻布茶房据下平價扒, 味道唔錯. 另外, 佢仲有提供打邊爐, 仲有好多款甜品, 下次可以去試下~

今日去食lunch，其實平日都唔特別鐘意食呢間餐廳，因為之前都試過蛋包飯個蛋勁水/食到有蛋殼（完全不能理解1），只係因為選擇唔多所以都會幫襯下，已知佢信用卡機已壞左大半年，一直都唔搵人整（完全不能理解2），都無所謂，都係想開開心心食個飯。點知今日去坐低左，叫左三個餐，想叫餐飲時，一位黑色眼鏡既小姐先同我地講今日雪櫃壞左無餐飲（完全不能理解3），一坐低時又唔出聲，到落晒單先講，因為餐牌上寫明有餐飲，我地反問咁會唔會收平d? 因為你寫明包既野無左一樣，佢話：平時假期都會無餐飲。講講下又話有時平日都會無餐飲（完全不能理解4）。我地表示從來無遇過咁既情況。不過我地落左單就算，都係一杯野飲，唔通又起身走咩？點知呢位侍應小姐好唔順氣咁企係度bear住我地，之後仲同佢既同事一直望住我地，好似好唔服氣咁。（完全不能理解5）呢d咁既服務態度，唔怪得佢地lunch hour都唔駛等位，真係唔會再幫襯。食物質素又唔好，服務態度又衰🤷🏻‍♀️

經過見到火鍋有半價優惠，又見到大大塊西冷都好抵食，所以決定今晚晚餐就係度食！！餐廳環境吾算好大，但都坐得舒適既。餐牌就有呢幾款👇🏻👇🏻最後我地點左。。。。16OZ既牛扒拼左3款小食：（沙律🥗，薯條🍟薯角）沙律就好細份同都好求其，所以吾好點。反而薯角有驚喜，餐廳加左小小辣辣既粉，薯角份量又多又好食！薯條都有一碟，全部熱辣辣炸起！牛扒🐮較失望係因為用碟上，今次點左5成熟！牛扒我覺得煎到岩岩好，一切落去係好容易切開，吾un！食落口亦都吾un。只係無乜牛味，似係雪左好耐甘。食緊肉但吾覺得係牛扒囉豚肉火鍋🍲火鍋有龍蝦丸，蟹柳，豆腐，冬菇，菜，幾片豚肉，金茹。每樣小小，再加個飯！配料吾算好特別，都係普通既材料，但份量都多，湯底清甜，幾好飲，我都係用湯做泡飯食。豚肉片係普通無特別，就係肉囉，嘻嘻🤭套餐亦都跟雪糕🍦，有4款配搭。我揀左紅豆。紅豆甜甜地，煮得淋幾好味。雪糕下面果舊係蕃薯餅，幾好食，吾會甜夠淋夠香！但雪糕味道係好淡既呍呢拿味，溝左冰沙甘，吾係香濃果啲款，吾太好食。

九龍灣甘多餐廳🍴花多眼亂，究竟邊一間先係最抵食又食得最滋味呢？我今次選「麻布茶房」😋😋😋點樣可以一次過滿足了3個願望？！呢到「麻布茶房」就實現了.... 火鍋🍲套餐組合；有火鍋🍲+烏冬/飯+雪糕🍦；未進餐已經令我流曬口水啦，因為無論環境/食物既presentation 都甘正，食慾大增就係必然既事啦⋯⋯火煱配料看似很少，但每款少少已經好足夠。再者配上飯後甜品係何等美事呢😋😋除了滿足還是滿足，真的是無得彈的一個lunch..

星期五當然要happy下啦，所以就約左朋友食晚飯。由於時間尚早，所以唔使點等位就可以食得啦。雞肉都不錯，唔會難食，普通正常😂抹茶奶昔，都幾滑，好飲。丸子好食，好煙韌，反而甜品好味過正餐🙊😂