麻布茶房 (已結業)

曾幾何時覺得麻布茶房係幾好食既餐廳, 上次黎呢間分店有個唔好既經歷, 就係坐走廊位係完全冇SERVICE, 叫天不應叫地不聞. 今次決定要精明D, 死都唔要走廊位...是晚同男朋友叫左一人一個熱窩, 天時咁凍, 梗係熱辣辣既野正D啦..男朋友叫左: 咖喱牛柳熱窩我就叫左: 番茄豬肉熱窩熱窩都係跟定食既, 即係跟個飯, 前菜, 仲有生果.熱窩等左大概十分鐘左右, 黎到第一時間快D食啦, 天氣咁鬼凍~咦... 等陣, 明明記得個熱窩餐牌圖度有粟米架... 冇既... 左搵右搵, 搵哂成個窩都冇喎(我最想食就係個粟米啦 >.< )冇左, 唔制~~ 跟住同個疑似經理既人講, 個熱窩冇左粟米既...疑似經理既人話: 噢, 廚房唔記得俾你呀? 補返俾你下...(都唔知係咪專登"漏"俾既....)好啦, 既然話有得補返, 咁就開開心心繼續食...講返個熱窩先, 裡面D肉同菜, 實在少得可憐, 碗飯又係日式細碗, 我同我男朋友都食唔飽呀 ~.~我從來都係會食剩, 然後等男朋友KO架嘛....七十幾蚊個, 未加一, 仲要食唔飽.... 好唔開心, 唔該整大份D啦...

25號同女友行街，行到累就入左呢間度坐下、食個early dinner夜晚去睇戲因為都係5點幾，就叫左一個1人餐先($138)，包括湯、前菜、主菜、飲品、甜品等左起碼4個字，開始唔對路，就叫侍應催一催，睇個湯同沙律黎未啦點知一黎就係主菜，次序錯哂主菜係咖哩豬扒飯(+鹵蛋)，飯係微暖既，豬扒炸到皮肉分離，個鹵蛋係冰凍唔知點解咁既貨色要等咁耐，仲要係間鋪呢個鐘數無乜人食完飯，又過左好耐，黎左沙律，西蘭花海老沙律凍就真係好夠凍，不過詭異既地方係所有野食都無味即係你望住自己夾件蝦落口，但完全食唔到蝦味，西蘭花都係一樣…一路食一路狂笑…因為完全唔知自己食緊咩…又過左起碼3個字，催左幾次，先黎個南瓜湯最正既係個waiter「啪」一聲放底左個湯之後(我去旺角果間人地係介紹完菜名先放底ga)連隻匙都唔比一隻，我用手整黎食呀??又催左一輪先識比個匙我就係呢個啦，個色水好似幾好飲左之後就真係好耐人尋味，因為佢完全無南瓜味橙黃色，又唔係粟米味，又唔係南瓜味，又唔係罐頭湯味其實真係唔知咩味…食完湯啦，叫甜品，抹茶聖代過左一陣serve上黎，應該係除左飲品凍檸茶之外味道最正常既食物啦細心既朋友可以留意，佢支餅乾

自從做左第一次同朋友去過麻布茶房食之後, 好多時出街佢都話要食呢間, 因為佢好喜歡食佢既燒蕃薯冰淇淋。(佢話因為而家咁大個唔會拿住杯軟雪糕係街食, 同埋佢鍾意食燒蕃薯呀!)今次兩個去左呢到食聖誕DINNER!食左一個飯, 兩個甜品, 個飯叫左漢堡扒蛋包飯(配咖哩汁), 而甜品就叫兩個, 一個叫左焦糖巧酥, 另一個就係肉桂蘋果燒蕃薯冰淇淋。今次兩個都比以前既細個...唔知係唔係因為星期五同埋臨近聖誕既關係呢...我地食左兩三啖個雪糕就傾倒左啦~不過就甜品哩講~依然有質數。下次唔會假期或者大時大節哩loo~

$138 的放題星期日的晚上，只有3檯客人(包括以下的"第二檯")吃放題。第一檯的人客不停投訴式食物是冰凍的(例如芝士焗蠔和一些應該是熱的海鮮)，第二檯的客人坐了幾分鐘都無人招呼就走了，而我們點的食物，大約只來了一半，三文魚只是薄薄的幾片，追加都無用，綠茶只是室溫，不是熱的，連暖都不如，壽司的飯是鬆散的，很難夾，雞軟骨很大碟，但是沒有味道的。以後都不想再來了!

食完DINNER, 搵甜品時間!朋友鐘情麻布甜品 就順她意曾經在麻布甜品失望過,今次穩陣食"新地"?好好味! 而且全程要防止佢"倒下" 好有趣味......一讚系因為我地傾極都未傾完,但WAITER完全唔趕 我地差唔多系最後走的客人....哈哈

今晚真的想不到吃什麼,而且行到很累便來到比較近的麻布茶房雖然他們開放式的坐位設計是頗舒服但是缺點是侍應經常看不到你我們就自然變了『空氣』侍應的服務不好, 問他們麵裡是否跟餐就只是懶懶跟你說『沒』,不帶半點語調而且他們沖茶經常沖到周邊都是水...送餐的時候都只會放在一邊,不會放到你跟前不評論服務,就評論食物這是蕃茄蛋香菇拉麵蛋味比蕃茄味重,而且吃得出是用蕃茄油,倒不像用新鮮的蕃茄煮湯底拉麵不是用日本拉麵, 相比八八八,山頭火那些拉麵,是蚊與牛比這是辛辣雞肉奄烈烏龍麵看它介紹是人氣之作,便挑選,但發現有點中伏雞肉是雪藏雞,沒有味而且整個湯底都很淡味.......烏冬都是便宜貨他們收這個價錢 我當然會用番這個價錢的價值觀來評論的確 有 點 失 敗

第一次去跑馬地馬場玩,多得朋友仔仲贏左小小錢tim,hehe~雪糕癮起的我決定搵間甜品鋪食左佢!太夜的關係想食的Haagen-Daz 都收左lu,見麻布茶房仲未收,照殺~!寒天布甸芭菲 試過菓匠茶屋既超級好味軟雪糕,這裡的立刻比下去lu... 奶香唔算濃,但賣相可愛,合格啦.中間的粟米片已經俾雪糕浸死左,淋晒不好吃.底層的寒天好似涼粉,口感QQ的,不錯啊.最有驚喜的是埋在雪糕中的粒粒布甸,同軟雪糕很配,又軟又滑,so yum!焦糖牛奶刨冰食慣左糖百府個種有味道棉棉冰,食返傳統無味冰冰有小小唔慣tim~不喜歡雪糕同刨冰的組合,怪怪的.如果焦糖大方小小落多dd會更加好呢.因為朋友仔旋風式掃走左舊雪糕,得返d冰.淡如水的冰不好吃...食唔晒囉不過因為心情好食咩都好味道,還是值得俾笑臉一個

今日去佐食麻布茶房既下午茶,叫佐個日式咖哩牛肉飯定食加凍檸茶….真係好好味…. 前菜對我黎講賣相不太好,味道都麻麻,另外果麵豉湯味道就鹹佐少少…不過都接受到既…至於主菜…就ok好食啦…因為佢有濃濃嘅咖哩….加埋d牛肉…又香口..又好味…正…另外叫多佐個白玉紅豆,玉既口感好煙韌,幾得意同特別,而且紅豆煮得都好淋,番薯就唔洗講啦…一句講哂好味!

之前來這家麻布茶房午餐, 覺得它的食物有一定水準, 這晚再與3,5知道再來, 這次選擇吃放題, 有火鍋, 刺身, 小菜, 鐵板, 都是任點的。我們都滿心歡喜的進入店內, 而且覺得每位只係138非常便宜。我們看是放題, 於是想慢慢點也可以, 因為我們可以吃3小時, 我們開始的時候都只是叫一點, 但它的所有東西都來得非常慢。有些很簡單的火鍋配料, 只是生菜, 金針菇, 粟米那種食材, 都準備很久, 甚至一直都沒有來過。更不用說那些刺身壽司。我們3番4次問服務員我們點的菜為何沒有來, 但她每次答案都是叫我們再次填寫點菜紙落單, 但我們落了4,5次, 同樣的食物都沒有來過, 只係開始時的2,3張單有來過, 之後的點菜單是完全的石沈大海, 這班朋友是非常會自誤的, 但我們都呆著等待。還有的是那位服務員的態度真的非常差, 完全沒有幫我們查一下我們的點菜單是miss了還是廚房沒有食材。時間差不多了, 她便即時想來結帳, 我們都等到心情惡劣了。她還問我們點的東西是否齊了, 我們都不好氣的回答很多沒有來, 我們等了3小時, 但吃的實在是太少了。然後經理來了, 主動說給我們免2位人頭費, 朋友覺得還是不值

呢個位置真係唔錯呀, 因為佢o係名店上面, 人流唔算多, 而且環保都幾舒服, 佢有分店外同店內2種位, 如果想舒服d, 我覺得店入面好d, 因為d chair都舒服d架! 但如果想開 “陽” d, 同埋特別d, 店出面都幾好架。因為都係o係個商場入面ge, 又有冷氣, 而且周圍行ge人唔多, 食住野都唔覺得怪。佢d野食呢, 都ok啦, 雖然份量唔算好大, 但佢d set ge野都幾好食, 尤其係佢果d滑蛋雞飯, 幾好食架。不過佢就唔算平, 一個lunch set都要50幾蚊。另外叫甜品又太貴, 不過佢d 雪糕都算係幾好食啦, 有錢ge可以食埋。

依間我就第一次去食、之前聽朋友話Ｄ拉麵幾好食。我叫左個咖喱豬扒飯、塊豬扒炸得好香Ｄ肉好淋、Ｄ咖哩汁有少少甜但係都整得好好味。炸雞軟骨好好味，帶點香脆，再配上檸檬汁绝對食唔停口，好少地方會整得好食。依道就非常好！我朋友就叫左個叉燒拉麵、好香豬骨湯味但係比較咸左Ｄ。叉燒都幾好味、拉麵質地彈牙都幾好味.

位置被安排在店外，感覺像是露天坐位，但事實是處於商場，感覺特別，而且商場寧靜，與同事八卦聊天最好不過！不用大大聲的說是說非點了個蕃茄湯底雞豚肉漢堡拉面，感覺很健康！蕃茄湯酸甜甜，有點乾喉。漢堡扒內除了軟綿綿的肉碎還加上爽脆的粟米粒，令本來入口即散的肉碎加添口感上的張力 (其實可能只係想用少d肉....)，但味道沒有漢堡牛肉的濃，都是湯底的味道。檸水則有陣檸檬味洗潔精的怪味....是日主題為八卦閒聊，以環境撘救，食物的質素變得不太重要。$39.8 的午餐還有餐飲，這種情調格局，本人覺得物有所值的。

公眾假期同朋友係銅鑼灣行街, 行到倦, 想搵達地方 ‘hea’ 下, 飲杯咖啡歇一歇。呢度係舊大丸一樓, 諗住靜靜地, 點知原來呢度已經俾班自由行佔據左大部份既位。當日我地去到已經要被安排坐係加開位 (即餐廳外商場內範圍而非餐廳內), d 木台 密到好似同隔離 木台 同一張咁滯, d 木台 同椅子都好舊, 班自由行又好嘈, 只係想快d 食左就走。想分享既係: 叫左一個小食 (大約$28), 如果自己要整都超易。先 ‘十’ 左 d 菠菜, 再雪涷, 可按自己既喜好加少少鹽呀、醬汁呀之類調味。呢間就將 d 菠菜卷成球狀, 再在頂部加上麻醬、蕃茄碎 (如圖, 賣相可愛)。夏天食感覺清新, 健康又易整。

我與朋友本來今晚都不是在這吃晚餐, 不過有點突發事所以改在此吃.一向都覺得麻布只是吃甜品, 原來都有正餐, 所以突發過後便去了這間麻布吃.一坐下的女服務生其實OK, 不OK的以下再說.我們兩個人先是點了一客蕃茄牛柳蛋包飯和一客解籽蘋果沙拉.蛋包飯先來, 是set的, 有湯有小吃2碟和一碟海帶生菜沙律, 飯及湯的味道還好.其後催了一次單的解籽蘋果沙拉也到了, 但沙拉怎吃也沒有蘋果味, 滿口只是青瓜的味道. 而且上菜的男服務生放碟時有4份1隻碟是不在桌上的, 草草放下就走, 沒考慮過其實沙拉有機會會被碰跌.之後決定加單要了兩個甜品share吃, 一個是葛軟磁抹茶冰淇淋布甸, 另一個是巧克力聖代.布甸先來, 但吃罷只覺得抹茶冰淇淋和伴碟水果OK, 碟上其餘的都有點令人失望.巧克力聖代都只是軟雪糕杯, 吃罷覺得沒甚麼特別.只是, 因為我和朋友是share吃的, 吃葛軟磁抹茶冰淇淋布甸我們兩人只用了一隻叉, 其後雪糕來了我們便要求了一個男服務生多給我們一隻匙. 不過該男服務生應過了便沒有當作一回事, 我朋友看著他完全沒有意思要拿給我們. 其間另一台食客也問過服務生取匙, 可那台轉身便有服務生拿給

三蕃四次問了服務員，用什麼卡有九折，他們答了幾次都話我用緊張卡有，到結帳時，卻說放題特價沒有優惠(?)，激死！咁唔老實，你想有人再幫襯都幾難！！！叫食物時，份量寫多少，佢地都係隨意俾幾多你的，跟單又跟唔到！所以 $138 個放題，要俾加一就認真唔抵！！！