麻布茶房 (已結業)

2點幾黎到銅鑼灣, 好耐無黎食過, 就入左黎食野環境比以前差... 好多座位都安排在大堂, 好似在街邊食野咁不過近3點依然全場滿座, 2個人等左5分鐘左右叫左一個豬肉辣擔擔面, 同一個煎牛柳配三文魚飯糰前者: 拉面太林, 豬肉只得2小片, 湯底不夠熱也不夠辣後者: 牛柳幾林身, 肉味不錯, 配牛柳的芽菜也好味; 三文魚飯糰一般食物還可以, 不過服務就十分差... 個個waiter都木口木面問一位女waiter廁所響邊度, 問左2次都無反應, 然後慢慢移動去一個櫃度帶鎖匙... 算什麼服務態度?

WEEKEND同老婆去左銅鑼灣行街，6點我就肚餓想食晚餐，麻布茶房仲未多人排隊，所以走左入去。叉燒拉麵- 湯好清，麵彈牙，肉稔滑入味但份量好少，老婆鍾意個筍&配菜。海鮮烏冬奄列- 個汁好好味，烏冬彈牙，尢魚爽，整體上都好味。

喺門口見到個食物模型好吸引,俾佢吸左入去!其實我只係想食個軟雪糕,入到去叫左個宇治金時,係綠茶味的沙冰軟雪糕!味道方面,唔算太差,個底係一堆刨冰,上面有篤綠茶軟雪糕,幾特別,不過如果有埋朱古力會更好食,下次都會再嚟試吓第二d款式!

一月廿四日(星期四)今日training完番左office,之後同老公走去CWB本身如果我冇病就去左咖哩物語...但係我又唔聽話又咳!...下次去過啦小朋友!坐左個門口位!老公仔又同我調左位><叫左1)馬鈴薯海鮮沙拉,呢個ok,同埋唔覺得係薯仔salad!2)茶房風咖哩牛柳蛋包飯,呢個好食呀!...d咖哩唔辣,甜甜地!d牛腩好食呀!!!!3)麻布什錦燒烏龍麵,呢個好特別呢!!!好似一個燒餅,但係係udon...幾好食!!不過d service真係慢左d!要改善下喇!其實真係唔錯既!!!同埋呢度既甜品好食!d聖代...好食!!我會忍口!快d好番!!!!老公等我!!!!!!!!!!!!!!

行完工展會拎住一袋二袋只想拿拿聲搵個地方歇下腳於是作出一個好蠢既抉擇就係黎麻布茶房唔去UCC (其實只係幾步之差=3=)被安排坐係"街位" (商場)叫極都冇人黎寫野上菜勁慢成個鐘只係加左1次茶很差的說!2人叫左2樣野:1. 豆腐牛肉屏屏麵- 屏屏麵毫無特別仲有陣雲吞皮味- 湯底(其實可說沒有)冇味只有點點豉油味- 牛肉是雪藏肥牛絕冇必要係度食- 豆腐冇豆腐味可笑- 伴菜很GENEROUS地比了丁點點菜和幾粒唔知乜豆使唔使咁呀....收得人地幾十蚊比D咁既野人食好嬲!- 2分2. 芥末蘆筍豆腐沙律- 完全吃不到芥末只有一些稀釋了的沙律汁- 有8小粒豆腐咁大把- 沙律菜尚算新鮮- 因為食材本身好吃所以整體來說不是太差- 等了40分鐘才上菜呢- 6分服務差對MENU內容咩都唔識一定一定以後唔會再黎做左一條大水魚而家好唔高興!咁既價錢不如去食名牌雲吞麵好過!

同事帶咗我嚟呢間「麻布茶房」, 老老實實, 之前都冇乜點食過呢間嘢,我叫咗「蛋包免治肉醬飯定食」, 跟小小酸菜、豆豆、清湯同一杯餐飲,同事果個係「茶房風炸豚肉定食」。兩個飯其實都幾靚仔架! 食落都唔錯, 食得出啲飯係珍珠米, 個蛋又好滑好靚, 啲汁都唔錯, 唔會太重味。而同事個豚肉都比咗少少我試, 又係唔錯喎~ 不過個人嫌佢啲飯同餸都唔係好夠熱, 只係暖, 同埋唔夠菜食,如果改善埋呢兩樣嘢就profert 啦!! 我哋兩個餐都係$48.8, 加埋一, 埋單$107, 銅鑼灣區嚟講, 中等價啦!不過對於我嚟講,佢既食物質素同價錢比起上嚟就普普通通咋喎!!

叫了宇治金時蕃薯雪糕, 軟雪糕很香滑, 綠茶味不重. 蕃薯不太香甜, 食落有點溜.海鮮薯絲沙律–完全唔得, 無味, 雪藏海鮮一丁點味也沒有, 好恐佈.

自從以前係金鐘食過佢地D烏龍面之後已經愛上左呢D咁"IN UN"既烏冬質感..因為係超市同其他食肆都搵吾到,所以我時時都想去食呢間野,,上次都係ORDER左個茶房烏龍面,牛肉蘆筍卷(好似太多油)但味道OK,同埋兩杯特飲,佢地既甜品都好有口卑..其實想試下,,但因為我地果晚好夜先去,,唔好意思再ORDER咁多野,服務一般,唔太好,唔太差,可能臨收工會係差DD

未搬之前都試過一次佢地d野...已經覺得普通上星期六晚應朋友要求去食個時估唔到比上次更差朋友叫的咖哩牛肉飯在落單後3分鐘黎到, 已有點出奇, 原來是唔熱的~~我叫的京蔥牛肉偏身湯麵更經典, 遲D上台無問題, 起碼見到有熱騰騰的煙令我知道佢夠熱,但被麵身的"陰陽色"情況吸引, 好奇為何麵身會有不同顏色之時, 才發覺是因為麵未煮熟就拎出廚房俾客~~!!我完全被佢地的水準嚇驚~朋友原本是為佢地的雪糕新地而黎的, 結果都係急急食完轉場再戰甜品好過服務員的表現之前已有人提過故從略。希望呢間分店好好向其他分店學習, 否則剛剛裝修完ge 投資補唔番就唔好啦~

由於店搬了入面,所以與女朋友去試下~變得如何~新裝修算不錯,比之前的涼快很多,服務態度比2個多星期前好,不過人客也不算多,無之前咁旺場,是否之前服務態度真的做得太差了嗎?食物味道變回之前的正常味道(不難食),不過最後叫的雪糕(no:171),個軟雪糕少了很多,比之前的少了兩個圈.除了雪糕變小了外,總算比上次為好.

本人於10月7日去銅鑼灣麻布茶房晚膳,一開始入到座位, 坐了10多分鐘一杯茶也沒有,之後叫了好幾次也是要等好久,好似不想做生意般! 到了點菜,侍應全程黑口黑面, 而且到最後又漏單!! 想叫侍應加茶,其女侍應態度更是十分惡劣,加茶加了全場都沒有加我們的茶,之後我們不滿地再叫她加茶,她的態度更惡劣並毫無歉意, 不滿地黑口黑面跟我們頂嘴, 原本想叫甜品,最終成肚氣!! 即叫埋單並罵了經理一頓!我奉勸各位唔想受氣的話,千其唔好去呢間麻布茶房!!

上星期睇完煙花去左食野去到先知搬左入去裡面都ｏｋ靚，但無左曰本餐廳ｆｅｅｌ同舊時高貴氣派食物都ｏｋ嘅　好食～～但係我唸佢地真係要正視下ｄ新產品路線．．．粟米肉粒飯都有．．．好野不如出埋乾炒牛河啦原全偏黎曰本餐．．係轉左廚師定係轉左市場察劃．．個老細咁都比出．．．夠勇敢．．．服務好左．．．ｄ員工自動自覺左個副經理仲好好人我唸因為佢地轉左人，上次黎果陣，我記得仲係女副經理黎．．果個真係唔好提～～整體我地都好滿意，期待有更好進步～～

麻布茶房茶房特選咖啡(Hot) （$27.8)茶房烏龍面($48.8)茶房風炸豆腐($25.8)黒白川年糕($35.8)日式雜菌牛肉飯($54.8)焦糖咖啡奶昔($38.8)價錢高,服務+食物本人覺得“差“，極差，$255 for two persons, 不値!不説也罷!

上星期與女朋友到麻布食晚飯,不知道是否隔壁裝修,人流少了,不用等位,不過~~最重要是食物味道變差了,食物的材料和份量也變差了,最後上的雪糕也變得溶了3成才送到.還是尖沙咀店比較好呢.

上星期四晚諗住去和民食,點知多人到爆,轉戰去麻布試下...1)芝麻醬鮮蝦冷麵($62.80)~賣相靚,味道OK2)和風蒜香燒上級牛柳($79.80)~飯團幾好味,牛柳如果生少少會比較好味3)燒蕃薯霜淇淋-焦糖巧酥($38.80)~好好味二人共消費:$200