麻辣派對 (金百利廣場) (已結業)

相隔年多再次到來，歐洲風的裝潢依然令我的視覺震撼著，在浪漫的氣氛和環境以及一片花海之下吃著正宗的川式辣味，這種感覺依然奇妙。凍檸茶極之的大杯，用來稍後解辣，實屬最好不過。免費奉送的老火湯，相當夠火喉，完全沒有味精的痕跡，是真老火，讚。歌樂山辣子雞，炸過的雞塊沉浸在辣椒山中，嗜辣的我把這座山也移平，雞肉雖被炸透，但內裏仍是令人滿意的 Juicy，花生很香脆，偶爾還找到幾粒被炸過的蒜頭，伴隨著辣椒與雞塊同吃，爽歪。孜然蔥爆蒙古羊肉，羊肉分量很多，肉質軟嫩，羊的酥香拿捏得剛剛的好，醬爆京蔥很好下飯，令人慾罷不能。水煮鮮牛肉，鮮牛肉沐浴在辣椒油之中，令到整個辣度更有層次，那些乾辣椒以及花椒的香氣，令人難以忘懷。

🇨🇳麻辣派對今日到銅鑼灣麻辣派對食重慶名菜酸菜魚😋地點係sogo 對面嘅百金利商場，位置超方便，只要係地鐵站行5分鐘就到🤩餐廳環境非常有格調，裝修別具風格，座位安排都好啱香港人口味，有好多卡位可以揀。食物有辣亦都可以選擇唔辣，跟返你嘅需要🙃食物選擇多，而今日重頭戲更係水煮系列入邊嘅酸菜魚😍😍餐廳提供五款魚肉選擇，我哋根據侍應推介嘅喜好揀咗江團同埋加咗鮮牛肉🐮辣度由於我地都幾食得辣，所以我哋揀咗中辣，鍾意食辣嘅朋友可以揀大辣或者加枱面上個支辣粉🎈酸菜魚一個字 - 好！魚肉大塊同無骨 有咬口 亦都好有魚味/ 湯底應該係用咗豬骨嚟煲 酸夾鮮 淨係飲個湯都會想飲多幾啖😂😂/ 魚肉同鮮牛嘅份量多 足夠3/4個人一齊食/ 鍋入面嘅配料算重手 有大量嘅芽菜、辣椒、泡椒、蒟蒻同寬粉🎈水果茶走甜入面嘅水果差唔多滿瀉出嚟/ 水果新鮮 最後當飯後果食曬😋😂/ 鍾意甜啲啲 可以叫小甜或者正常

朋友叫我去食酸菜魚好多次，今日終於去了銅鑼灣金百利麻辣派對 🥳呢度嘅裝修真係好似開party room咁，同個名好貼切，打卡都唔錯。打開餐牌，主打有重慶銅盤烤桂魚$338，見到隔離枱食緊都幾大盤，另外水煮系列$198-$318，首先就要揀味道，有四款，除咗我最想食嘅酸菜味型之外，仲有蕃茄味型，呢款又真係未見過，夠晒特別，喜歡食辣嘅當然就係鮮椒味型，水煮味型，辣度有唔同嘅程度可以選擇，我就叫咗BB辣，酸菜魚都係有少少辣先好食😋之後就係要揀魚，平時多數食桂花魚嘅，不過見到有一款叫剝皮魚，當我哋喺度研究乜嘢叫剝皮魚嘅時候，侍應都好熱情，佢即刻介紹剝皮魚就係冇骨嘅，咁就最啱我啦😂雖然個名叫麻辣派對，但係其實都可以叫唔辣嘅。叫左酸菜魚，當然要加其他配菜，都有幾十款選擇，貴有花膠小龍蝦🦞，平有豆腐娃娃菜，就連田雞都有得食。特飲都有幾款，我哋就叫咗冰蜜語水果茶，食辣嘢點都要有一杯凍嘢飲下嘅，杯水果茶好大杯，甜甜地正好可以解辣。

麻辣派對1.金牌酸辣水晶粉$39（5/10）水晶粉好硬，食完胃痛，下次唔會再叫水晶粉！2.雲南米線$38（7/10）3.酸菜江團魚 跟飯 跟老火湯 $78（9/10）侍應話係淡水魚，呢個酸菜魚真係好好味，辣得嚟唔會食到流鼻水，又唔會比酸菜搶咗辣味，而且每舊魚唔係薄切，每舊魚係厚切，份量又多，都有大約8舊，非常唔錯！3人總共價錢$170.5，有加一服務費！個人口味總評分：7/10地址：銅鑼灣記利佐治街1號金百利廣場4樓R1號舖#酸菜魚 #四川菜 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong

講到食麻辣成日都聽人提起麻辣派對，今次第一次食🤪第一次食想試試酸菜魚😛，佢有幾種魚類選擇（唔同價錢），朋友推薦桂花魚，因為冇咁多骨又冇腥味👍🏻價錢$3182個女仔食一盤都幾大盤😜魚都有好多舊，配菜有蒟蒻芽菜酸菜辣度可以選擇，我地就簡左小辣，好惹味😛唯一一個遺憾係，因為我哋太飽所以淨係試咗酸菜魚，下次一定會再黎試多啲小食☺️☺️

今日同阿女出銅鑼灣逛逛，秋天天氣好好，街上人來人往，shopping嘅心情特別好，想食好嘢心情更加好，今日又係阿女最鍾意嘅《麻辣派對》。酸菜味型江團(BB辣)~份量超大，魚塊有好多件，江團魚冇骨啖啖肉，肉質嫩滑，件件厚切，超正！配菜都好足，當然有酸菜，仲有大大件蒟蒻，爽口芽菜，滑捋捋水晶粉，其他配料有辣椒，泡椒等等，呢度嘅酸菜魚湯底秘方係阿女特別喜愛，其他地方食唔到，最後餐廳店員送上自家製糖水，解解辣氣，好貼心。下午茶餐可以叫個麻辣小麵(走辣)，包飲品。

睇餐廳名好似好辣咁嚟到打開Menu, 又唔係全部菜式都辣喎。同行唔食辣嘅朋友都一樣食得開心。✨黃燘雞鍋大大盆，明火煲住熱辣辣。可以揀唔同辣度，就住朋友程度就揀咗小辣雞肉夠嫩滑，配上醬汁嘅味道非常惹味加入香蔥芫茜．紫洋蔥好爽口✨紅燒排骨小麵排骨份量都好多，長長嘅小麵，口感幼滑，加入肉碎湯底都好香✨蜜語水果茶集合唔同種類嘅水果，味道好清甜，可以中和一下味蕾，健康之選✨渣喳店員仲貼心送上糖水，今餐滿足又滿意餐廳嘅燈光較暗，打造Party嘅氣氛，幾舒適

麻辣派對永遠唔會令我失望，因為佢每一樣嘢都好好食，最簡單嘅食物就係最難整。盈月另外有驚喜。今日叫咗午餐肉炒蛋，回鍋肉炒西蘭花，麻辣花膠，全部都好好食。我要特別推介麻辣花膠，麻辣得來，花膠好友彈口， 10分開胃，每一啖都係花膠肉。好友骨膠原，食到我哋舔舔脷。前菜好食，主菜都十分滿意。椰菜花炒回鍋肉，椰菜花炒得好爽口。絕對冇林啤啤。配兩個白飯，一流。當然唔少得就係水果茶，超級大杯，生果足料。成餐都好滿足。最重要係，每人平均都係百幾蚊。10分超值👍🏻👍🏻👍🏻

今日黎到銅鑼灣行街,行到肚餓咁啱俾我見到SOGO對面有麻辣派對,之前喺尖沙咀食過記得又唔貴又幾好食,所以決定又試下呢間分店上到黎門口已經見到入面既花花裝修,相信老闆一定係好鍾意花,入面有好多同花有關既裝飾,同壁畫因為都比較餓個人又大食既關係,我地兩個人叫左三個餐,最勁既係真係食得晒$78酸菜魚配飯加6小時燉湯(唔洗加錢)一如尖沙咀既酸菜魚咁惹味,魚肉滑溜有質感,切得夠厚,唔會好薄一夾就斷,魚皮都食埋,湯底酸辣適中個燉湯超級熱辣辣又足料,見到有雞腳同圓肉$78萵荀炒鮮牛肉配白飯燉湯萵荀翠綠爽口,鮮牛肉口感軟滑,食得出個牛肉有預先醃過先炒,叫左少辣,唔太食得出有辣,下次可以試下大辣$68大刀牛肉小麵加$10肥腸配凍檸茶仲有碟涼菜麵既質地似幼身既上海麵,食既時候會索到啲湯汁,配料份量十足,一啲都唔小家,牛𦟌夠稔咬得到,肥腸都洗得乾淨無怪味最後再有甜品綠豆沙🤭

小妹平日好小放假，襯平日傍晚人小小約下屋企人出銅鑼灣行下。行完Sogo 經過見到呢間餐廳，大家都諗起疫情前一齊去四川旅行，所以就決定去刺激一下個味蕾。同朋友一齊去食，入到去估唔到餐廳嘅裝飾咁潮，真係好似落咗bar咁，完全唔似一間食四川菜嘅餐廳，幾有意思。而且餐廳坐得都幾舒服，並冇中餐個種嘈雜或者污糟感覺。坐定定就一於睇吓食咩辣野好～水煮江團魚嚟得麻辣派對，點都要試吓依度嘅水煮魚掛。我見到餐牌有幾款魚類可以揀，但其實我哋對於唔同嘅魚都係一竅不通，咁就不如揀個入門級嘅江團魚啦。唔好以為水煮會真係好難，其實我哋食落又覺得幾易入口。我自己就覺得江團魚好肥美，入邊仲有薯粉、魔芋、芽菜等等配料，其實我哋都有諗過自己再嗌其他配料入去繼續食，但又想留肚食下其他嘢。下次再嚟嘅時候，一於嗌一個水煮魚再加其他料當火鍋食。麻辣豬手煲除咗水煮魚，原來麻辣派對嘅豬手煲都相當不錯。餐廳將豬手整到非常之林，雖然豬手都係有麻辣味，但就一啲都唔影響到豬手本身嘅味道，仲更加入味添。清炒蒿荀當然要叫返啲蔬菜來中和一下味蕾。蒿荀清清地，食完辣野再咬一口蒿荀非常之爽口，又可以降低口腔入面嘅麻辣感。原本諗住食完辣野之後再去食甜品，

父親最愛吃辣，在家中煮個公仔麵都要加麻辣油，難得父女二人被母親拋低食自己，就和他去麻辣派對吧！最喜歡麻辣派對有梳化卡位，是川菜餐廳中少有的設置。是的，拿菜牌的胖手是家父，他說要拍給同事看，很可愛的。水煮味型黑魚 $228黑魚骨刺少，肉多，很適合老人家食。水煮麻辣湯底配料豐富，有豆芽、魔芋、水晶粉等等，麻辣入味，辣勁十足，一邊吃一邊出汗。山城回鍋肉$88色澤紅亮，肥而不膩，入口濃香吃起來鹹香入味，微辣中帶著一點甜翻炒均勻之後的肉肉都能均勻上色，雖然有肥肉，但是一點都不會膩。最後當然要點杯蜜語水果茶解辣～

中午來到銅鑼灣行街，打算先食一餐豐富的再慢慢行。SOGO 附近最好就是去到金百利廣場看看，一去到商場地下，就見到「麻辣派對」大大的招牌，一於中午就去辣一下吧。想不到平日的2點左右亦差不多全餐廳滿座。麻辣派對內裡環境非常有格調，不像一般的中餐館的裝潢，以暗色為主題再加一些吊燈，就好像真的進入了一個「party」一樣。來得麻辣派對，基本上就是為了食辣。我們一於點兩份主菜，從小辣開始嚐起。⍋ 1. 水煮江團魚出面餐廳很難食到好的水煮魚，而麻辣派對的水煮魚聽閒是非常出名，所以就點了一份水煮江團魚。一上桌時，我們就被這份水煮辣椒震懾了，整個大鍋充滿着紅紅辣椒，心想以為會是非常的辣，但其實嚐一口亦沒有想像中這麼強勁，真的是小辣的層級。這份水煮江團的份量非常大份，江團魚切得大塊卻而毫無細骨，浸上少許水煮辣湯再一併食用正好一流。⍋ 2. 香辣豬手鍋除了必食水煮魚之外，我們亦嚐嚐辣子香鍋系列中的豬手鍋。驚喜的是，店員拿了一個爐來用以將豬手鍋保持溫度，這部份顯示出餐廳是有特別用心的。豬手鍋內有大量辣椒、香蔥、蒜頭伴隨著，未食豬手已經聞到陣陣香味，而豬手在爐的保溫下，食落非常稔軟，而且豬手充分吸收了鍋內的辣

值得一試的酸菜魚太耐冇得上深圳食嘢，就去左麻辣派對止下癮。例牌叫咗一個酸菜魚，好鍾意佢哋可以揀唔同嘅魚同埋好多嘅配菜。佢哋嘅魚肉好飽滿，一啲都唔Hea，而且無骨，魚質鮮甜，值得一試！

銅鑼灣約食飯，又想坐得耐的話，麻辣派對絕對值得一試！行入店門，已經聞到一陣陣香辣味，立即感到垂涎三尺。食客枱上面一個個香鍋，就知道呢間店舖嘅招牌菜就係水煮魚同酸菜魚。主食：酸菜魚（黑魚，小辣）魚肉嫩滑又結實，只有少量魚骨，而且份量十足。除咗魚肉之外亦有極多配料，香菜、薯粉，魔芋，可能兩個人食都有啲太多！酸菜魚湯底亦都非常好飲，可以獨立當湯飲品嚐。主食：口水雞（小辣）傳統四川口水雞做法，麻辣味十足。食完條脷有麻痹嘅感覺。雞肉亦都非常入味，值得推薦。甜品：桂花糕附送每人一杯桂花糕甜品，桂花香味十足，而且口感豐富。

銅鑼灣嘅麻辣派對就聽得多嚟就真係第一次原來真係勁抵食㗎😍🐟水煮味江團魚水煮魚係餐廳必食江團魚就最經濟實惠魚皮嘅油香非常吸引有啲似鱔魚肉就係軟淋淋嘅都幾滑㗎配菜加左水晶粉，鮮牛肉，萵荀推薦鮮牛肉牛肉係手切既非常滑又好有牛味完全係麻辣既必食之選水晶粉既份量就勁大吸曬麻辣汁，放耐左都唔會淋好吸引呀雖然今次淨係叫咗BB辣但都食到水煮湯底用咗唔同香料製成質素好，cp值高🏚️家常豆腐夠香夠滑又大碟走辣都好高質