麻酸樂米線專門店 (已結業)

一個下午茶加小食都落錯單，食物等候得耐，埋單多謝都無聲!唯一有一位女侍應有跟進!下次都要再考慮再去唔去食，而且不會推薦給朋友家人!…………………………………………

是晚不想吃得太飽, 又來到這裡晚餐. 未夠七時已經人山人海, 為何?豬牛戀人米線 $38: 5分, 我要的是豬牛戀人米線, 材料包括有薄切黑豚肉, 穀飼牛肉, 以及時蔬 薄切黑豚肉以及穀飼牛肉都是相當之肥, 基本上是每件也是肥肉為主, 瘦肉只得少許, 肉質也是麻麻. 至於個湯底方面, 選擇了金銀蛋芫茜湯底, 下下火, 還算是不俗的選擇.牛魔王米線 $36: 文迪就要了以牛為主的牛魔王米線.凍檸樂: 餐飲要了凍檸樂, 解渴一流呢.其實水準只是普通, 如果要大排長龍的話, 還是揀選另外的店子吧.

又一次在這裡晚餐, 還是人龍店來, 遲了點來就要大排長龍. 我們坐在卡位, 是幾舒適的.豬牛戀人米線 $36: 6分, 想吃得清一點, 要了金銀蛋芫茜湯底, 湯是比較清新,淡淡的, 只是喝完有點口喝, 是師傅的關係? 不過, 吃吃皮蛋下火, 也是幾好的. 叫得豬牛戀人, 是有豬又有牛. 豬是薄切黑豚肉, 肉質帶點實, 肥肉部份較多. 牛是穀飼牛肉, 不太有肉味. 不過$36一碗連飲品, 也是收貨的了.冬蔭公米線 $39: 文迪要的是冬蔭公米線, 喝了一口湯, 是幾辣的, 不過就沒有平日吃冬蔭公那陣香辣的味道.凍檸茶 +$2: 要了杯凍檸茶, 要另加$2, 茶味比較淡薄.這裡的食物當然不算是好出色, 但計及價位, 想清清地吃一餐, 也是個選擇.

星期日去馬鞍山食LUNCH, 週圍都無位, 呢間較少人等位就等呢間, 等位時聲明有BB車而張飛仔佢都有Mark低,但 佢都照俾一個好窄一定要摺架車嘅搭枱位, 咁BB又訓緊覺, 我唯有抱住佢小心d 咁食, 我同老公叫左豬仇家米線同一份牛扒, 食物質素就等如一般嘅茶餐廳, 米線唔夠煙"un", 唔算得上係專食米線嘅餐廳, 但我最火係佢要我地搭枱但送野食來時次次都唔問就俾左搭我地枱果邊對父子, 果對父子兩個都係叫左扒, waiter送野食來時每次都由佢地果邊上, (我地果邊又唔係無位, 唔明lor), 唔問又唔睇單, 咁黎米線果時對父子咪移返碗野比我地lor, 但黎個扒時果個阿爸即刻就食lor, 等左好耐之後,米線都食到7788之後 , 我地叫個扒同人地個扒先一齊黎, 咁好明顯我地份扒俾人食左, 因為我地係早過對父子入黎既,所以我諗我以後都唔會去lu.......用餐不快, 當然搭枱食客係其中一個原因, 但主因係間餐廳服務問題, 搭枱安排混亂

去烏溪沙睇「海之心」前，隨意挑一間新開的食肆午餐。「麻酸樂米線專門店」走高檔路線，一碗米線不連餐飲，動軏要 ~$40。可是質素出奇地差，寧願吃「譚仔」還好。男友的「豬仇家米線」，配料有手打肉丸、豬潤、豬軟骨、黑豚肉、時蔬，酸辣湯底。豬類的肉質死死實實，毫無鮮味。酸辣湯不夠香濃，毫不惹味，把米線浸得過稔。我的「一口鹽酥雞配牛肉米線」，配清雞湯底。湯底沒有鮮味，牛肉比吉野家的還要差。鹽酥雞炸得不錯，乾身不油膩，但七味粉下得太少，不夠香口啊。價錢貴，服務差，米線不及格，應該沒有下次了

馬鞍山廣場開左幾間新食肆~基本上晚晚都有人等位 ( 其實我都唔知點解會咁爆) , O個 晚8點幾四圍搵野食咪睇下多唔多人~幾好彩又等一陣就有! 嘻!3個人唔係太肚餓, 我地嗌左個二人餐!二人餐有 :一碗1-12 號米線 ( 佢餐牌又D SET死既米線配撘 )一碟飯 有7-8款揀(好似係) 二款小食二杯飲品$110 包埋加一又幾抵喎!!咁我地就嗌左 :1號 >> 招牌十式式米線 咖哩吉列豬排飯炸腐皮蟹條雞絲粉皮凍檸茶凍阿華田 招牌十式式米線我地轉左紅薯粉~ (唔洗加錢幾好! 哈!)個粉煮得幾好~幾煙韌~但D配料就認真麻麻地啦!係D普通料啦~~唔推介啊!!! 咖哩吉列豬排飯呢個真係好好食!!D咖哩汁真係一流啊!! 仲有塊豬排炸得好脆!! (雖然無乜肉食~哈哈! 下次可以試魚嫁我覺得)我覺得呢個可以係佢地GE 招牌嫁!!!我食晒成碗飯就知咩事啦之後係炸腐皮蟹條 同 雞絲粉皮~雞絲粉皮~好明顯佢落重手左, 好多醬, 多到....撈唔到 -,- 但我又鐘意佢D醬多花生喎! 哈!我自己都OK GE, 但可能對D老人家來講會有D咸~粉皮一般啦唔係特別爽口~炸腐皮蟹條好好食

麻酸樂開左都有一段長時間次次行街經過來見到勁多人等位今日終於要試下,係唔係真係甘正如常門口勁多人,拿左飛仔等左差唔多半個鐘先入到去入到去坐低馬上叫野食叫左兩個米線餐一個酸辣炸醬牛丸米線跟腐皮炸蝦卷另一個麻辣炸醬墨丸米線跟一口雞其實之前未食過麻酸樂,所以叫d餸同平時食三哥的時侯一樣這樣比較容易compare其實餸同米線方面同三哥差唔多, 只是湯底比三哥差但米線的精髓在於湯底, 湯底失敗就差不多已經玩完原因麻辣湯底都係勁酸, 完全食唔出麻辣味腐皮炸蝦卷同一口雞都ok, 平平無其最後叫左杯凍檸蜜, 但這就是最失敗之作,杯檸蜜冇檸檬冇錯,係冇檸檬,唔係冇檸味喝下去完全係蜜糖水一杯,跟餐都要加成$8完全係失敗中的失敗

下午要覆診，唔想煮，去咗食酸辣麵！之前試過佢下午茶幾好食，又多選擇，諗住正價都試下佢午餐啦。11：45去到排隊，未到飯市都要排3-5個。原來佢早餐做到12點，即係11：30-12：00你叫早餐同午餐者得！正呀！即刻睇下有咩抵啦！因為時間早，胃口麻麻，就叫個早餐！真係11：55都仲有得落單，職員無「炸型」（雖然平過午餐約$10 )，仲好好招呼同好快手！兩個人叫兩份炸醬米線早餐，跟雙蛋，油包同勢奶茶。米線都有4種揀，雙蛋又可以揀火腿蛋或腸蛋，包都有多士同牛角包揀，食得牛角包好似仲抵！只係我唔食得咁油。客人多，約10-15分鐘先有得食，不過樣樣熱辣辣，正！炸醬唔辣，仲藏少少番茄醬酸味，開胃！米線唔係煮好N年個D發水樣，食到尾都熱。雙蛋都唔係平日連鎖快餐個D涷冰冰！係杯茶啦，香就幾香，不過飲落無咩味！不過$27位，超值喇！下次再試其他百搭早餐！

是晚天氣寒冷, 還是出外晚飯好了, 就揀了這家新店, 未夠七點來到, 都要等十五分鐘先有位, 之後更是大排長龍, 等位的人聚滿在店門外, 相當熱鬧.六寶米線 $36: 7分, 來這裡當然要吃米線, 是晚腸胃不太舒適, 想吃得清一點, 不吃酸辣湯底了, 就要金銀蛋芫茜湯底, 想不到是清的, 鹹蛋加上皮蛋, 都幾下火, 另外還有芫茜, 芽菜以及腐竹, 都是我喜歡的食材, 單是吃個湯底, 都飽了不少, 不過就有點師傅的痕跡, 飲完湯後都幾口渴. 米線質感不俗, 而六寶包括有手打肉丸, 雞軟骨丸, 爽滑牛丸, 墨魚丸, 雪場棒蟹, 韓風泡菜餅以及時蔬. 幾款丸類都算彈牙, 較為特別的是雞軟骨丸, 幾有咬口的, 而韓風泡菜餅都幾辣, 怕辣的朋友要小心.桂花檸檬蜜 +$8: 8分, 米線是套餐來的, 包飲品一杯, 我加$8轉了特飲, 就是桂花檸檬蜜, 帶桂花香, 幾清新的, 蜜糖份量適中, 不太甜, 加上檸檬, 配搭合宜, 是幾舒潤的飲品.淨時蔬 $10: 7分, 另外要了客淨菜, $10一大碗, 份量十足, 菜還算幾靚, 抵食的.牛角酥: 6分, 另外一個餐香茅豬扒飯還跟牛角酥及餐湯, 牛角酥熱