黃金冰室 (成業街)

營業中

休息中

偶然走進這間冰室 ，就是因為見到有人叫這個日式咖哩雞扒飯，見到這黃金色的香脆雞扒，再加上聞到雞扒之下就是香噴噴的咖哩汁，所以就點了這個。 雖然賣相靚，但塊雞扒可能炸過了火，所以表面的麵包糠變得較硬，很難咬，塊雞扒的肉汁亦變得不足，不知是否廚師失手。至於咖哩汁雖然餐牌寫是日式，但自己就覺得是馬來西亞咖哩汁，有很香的椰汁味，幾好味。至於碗羅宋湯就細細碗，酸酸味味幾好飲！ 杯凍奶茶味道就不過不失，未去到出色之作，但算是合格，唔難飲。另外，上餐要改善一下，叫了一個肥牛炒烏冬，追單2次，等到差不多結賬才上枱，最後只是食了2口就要打包外賣。

星期日，與阿媽來觀塘黃金冰室下午茶，以前都有來過，現在下午茶改了菜單，試下新野。兩個人點了一個黃金鮮茄焗豬扒飯及依府蝦仁炒河，再加一個波蘿包。焗豬飯好食，剛焗起火熱上枱，豬扒已幫你分開一塊塊，不需要用刀自己再切開，夠方便。焗豬扒飯是大路菜，正常水平。依府蝦仁炒河，見有蝦仁，芽菜，蛋芡河粉，味道較清淡，自己落了辣椒醬調味，一試無防。而自己亦加多個波蘿包，很大個，皮脆，這個抵食。

❇️環境冰室裏面環境闊落，座位空間都大另外仲有卡位，普遍就算午飯時間都唔需要等好耐.❇️食物平日都會想食下常餐，e到既CP好高多士脆 蛋滑 .1️⃣特餐 $56包括沙嗲肥牛米線 、火腿奄烈及丹麥多士米線入面已經有埋豆卜，數量仲有唔少丹麥多士係烘底，超級脆口.2️⃣常餐一個主食（麵），配上炒蛋及丹麥多士仲可能選擇要魚柳定係牛柳

#20221231 💛📍 黃金冰室 觀塘成業街11號華成工商中心地下2號舖 🍽深水埗｜長沙灣｜葵涌｜北角均有分店————————————————————————#鐵板干炒豬扒炒即食麵 $68💭個鐵板新鮮滾熱辣咁上枱，咋咋聲🤩配料唔單止有芽菜洋蔥呢啲🧅佢仲落左蛋同椰菜絲落去炒🥚好惹味，豬扒好淋好彈牙，不過都幾重味，食到尾會有啲咸.#黑椒牛脷粒炒飯 $58💭好大好大份😳雖然個炒飯炒得未夠乾身，有啲濕濕地🙈勝在牛舌都唔少同好味😋本身散叫無湯跟所以問店員姐姐紅湯要幾錢，無諗過姐姐好人到直接送左碗#羅宋湯 比我地飲🥰.#觀塘美食 #觀塘黃店 #深水埗美食 #深水埗黃店 #長沙灣美食 #長沙灣黃店 #葵涌美食 #葵涌黃店 #北角美食 #北角黃店 #🐷_食

返工的飯堂，因為佢唔駛等位，但唔係因為佢無人食，而因為佢真係好大間。7位以上就VIP 房，吹水可以好大聲。知我咩料，成班人食飯有幾吵🤣🤣😂🤣不過開心嘅。佢燒味係我哋成日叫，仲有午餐A。

🍞🍜黃金冰室🍝🍚觀塘食晏又一飯堂，勝在夠大，得一個鐘食飯，唔駛等位，六七個人都快有位架☺️每次入去都俾麵包吸引，今次終於試到🤭🔸全日餐 - $48 沙爹牛肉麵+丹麥酥+炒蛋+吉列豬扒，熱檸水。呢份全日餐其實好大份，麵多，其他餐廳唔會有吉列豬扒跟餐，所以呢度好抵食。至於味道，非常正常合理，茶餐廳風味！🔸咖哩吉列豬扒，司華力腸配意粉 $58 - 係港式咖哩，吉列豬扒好大塊，味道ok 同炸粉都唔算厚。係司華力腸得半條有少少失望🥹，不過豬扒咁大塊同事都夠食了。🔸咖啡提子包 $12 - 麵包好大個，呢個味好少見，味道都幾好食！夠新意，咖啡味幾香😋🔸地瓜芝士包 $12 - 芝士味咸香濃郁，地瓜甜甜地，都好充料大個！麵包質地煙韌，最中意。整體成間餐廳食物質素同外表係吸引，地方闊落，坐得舒服，但係唔好預好好服務，因為始終都係茶餐廳，裝修都簡潔，乾淨。黃金色滿佈茶餐廳💰

食過呢間lunch 覺得幾抵食, 今日朝早要去觀塘緊係要食返個早餐😆黑松露炒蛋配特色餐包&雪菜肉絲米粉&茶走 - $35餐包個面係墨西哥包皮少少甜地，包好鬆軟， 幾好食！黑松露炒蛋好滑好多菇, 有蛋香, 聞落好香黑松露味, 當然啦食落去做無咩黑松露味, 但始終成個早餐$35唔可以要求太多雪菜肉絲米粉幾濃味 有啲茶餐廳雪菜肉絲米或者榨菜肉絲米個味會淡啲, 得雞湯味, 呢間就好夠味👍🏻幾好!幾適合觀塘返工嘅朋友😎最後, 茶走好多煉奶，飲到尾我都頂唔住，下次都係要少甜先得😜

又係返觀塘既日子！今次收夜8點幾，辛勞嘅工作完成後，搵間餐廳坐低慢慢食下晚餐！今次叫咗個牛扒餐！据塊扒當然就要配薯條。薯條都炸得脆既！今次件牛扒既質素都唔錯既！如果生多少少個效果會更加好的！味道都唔錯既，唔多覺得有雪味嘅。而且都唔會話太靭！配上紅酒汁，真係一個唔錯既配搭！雖然賣相普通！但係味道真係唔差嘅！仲有少少心思，用番茄仔整咗隻兔仔出嚟，薯條就無落鹽，咁都好嘅！無咁鹹，健康d！跟住飲一杯凍檸茶，茶底都靚嘅，而且唔係得個甜字。

近哩年好多餐廳結業，但就多咗好多冰室開業。午餐諗住求求其其食過餐，揀咗間門口望落企企理理茶餐廳（當時連招牌都無睇），其實唔覺門面有招牌，入去有條走廊左邊仲擺放櫃枱賣面包，再行入去，嘩～好似去咗第二度，簡直久違感覺，樓底高，唔噪唔煙，乾乾淨淨，裝修柔和金光暖意～舒服，地方大座位大，2人座6人枱都無搭枱，無歧視無面色無趕客～正。先望望其他座客食緊果碟，又望望職員送餐手攞位果碟質素，感覺好得，碟頭滿滿，色澤鮮明，香氣四散，隔離飯香，見到樣樣都想食。食物種類多，炒粉面焗飯、燒味、湯粉、面包。叫咗個油雞瀨粉，雞嫩滑，連我最憎食嘅雞胸都好滑，分量多，好大碗，湯底唔會太咸，啱我口味，瀨粉彈牙，唔會軟爛爛好食。燒餓湯河，朋友話得。加$9轉飲奶茶紅豆冰第一次飲，紅豆粒粒分明，略甜已起晒沙，奶茶香滑，好味好大杯扺飲。朋友杯熱檸檬茶，檸檬有6片，份量十足。茶餐廳價錢，餐廳格局，酒樓質數，好耐無食過咁好食又咁有質數茶餐廳。

只收現金，已經落後疫情期間，沒有人無希望用現金支付，因為貨幣都有機會傳播細菌。用現金又多多規矩，唔收一毫、五毫十分不便。食物環境唔錯，希望可以改善，增設電子支付。

食物質素好，職員態度親切，裝修靚，若果有電子支付就更好，因為只能用現金，未能使用消費券，蛋撻同 葡撻同樣出色，就算外賣返到公司過咗一個小時，質素都無乜差，奶茶味道適中~~

放假當然要食個靚早餐，今日就去咗觀塘嘅黃金冰室，之前有食過深水埗分店，感覺性價比好高！觀塘分店超級大，門口位置仲有bakery賣包位，售賣多款自家製麵包，其中紫薯奶皇包同乾蔥XO醬叉燒包超吸引，下次返工經過一定要嚟試下！除咗位置寬敞，每個卡位竟然有兩個叉電位，好貼心！｛羅宋湯餐肉粒通粉 $36｝早餐供應時間係七點到十一點半，配 西煎雙蛋、特色餐包，餐包外面烘到香脆，入面係芝士同火腿粒，幾特別！羅宋湯比較甜，湯料豐富，加埋餐肉粒感覺好滿足！飲品都幾大杯，味道正常發揮，凍鴦啡味唔算太突出。如果係揀早餐A至C仲可以揀火腿奄列、黑松露或鹹牛肉炒滑蛋，個人幾推薦鹹牛肉炒蛋，鹹香滑溜。Ü

平時食開深水埗嗰間黃金， 公司附近開咗都一直冇嚟食， 今日見同事話大家出去食就試下啦， 高質助深水埗好多，嗰塊豬扒，大塊到我食唔曬，啲飯夠多（好心深水埗學下啦，外賣成日都唔夠食）。另外，呢度環境好大好開揚，唔錯有下次

係地鐵站不遠呢一間茶記，門口冇太多嘅裝修但入到去裝修尚算整潔時尚😎冰鎮菠蘿油超正，麵包軟熟，加冰硬嘅牛油完勝🤤再配埋熱奶茶 ☕️絕對係完美嘅組合奶茶茶味好夠👍🏻絕對令你一試難忘另外點左喇沙肥牛炒河，味道足夠👍🏻👍🏻👍🏻再點多個鐵板宮寶蝦球炒雙面王，同相冇出入，但味道偏甜，係酸甜酸甜😆你鍾意偏鹹嘅多啲

咁我喺附近返工，有一個鐘食飯時間，自然就想坐足40分鐘啦，咁我嚟到呢度叫完嘢食就是禁電話啦，點知收得兩格，完全上唔到網，我用公司電話睇吓啦因為兩個唔同台，點知都上唔到網，好唔開心估唔到呢個地方居然上唔到網。。。。。。。。。。。。。。。。。。。。。。。。。。。。。。即是咩心機都冇晒，成個餐都大打折扣好似返咗古代咁，黑白電視年代，食飯時間就係坐定定食飯，冇得撳電話睇電視📺最陰公係我今日一個人落嚟食飯，唔通自己同自己講嘢咩頂