黔知味牛肉米線

營業中

休息中

早幾日係荃灣等謙放學，見到黔知味牛肉米線，感覺唔錯有米線可以選擇就入左去座低食，原來呢到係做貴州美食，湯底仲係每日用新鮮牛筒骨熬製牛肉，唔怪得湯底咁清甜。✡️ 涼拌折耳根✡️ 涼拌青瓜✡️ 黔知味怪味牛肉🍜 黔知味蹄花米線🍜 黔知味肉碎燃麵✡️ 糯米糍杷✡️ 黔知味宣慰府豆幹✡️ 黔知味大定玫瑰冰粉🧋 黑糖珍珠奶茶☕ 可樂煲薑整體感覺滿意， 蹄花即係豬蹄，入口軟滑QQ 米線係粗身的唔錯喎， 謙謙的肉碎燃麵拌勻哂食每一口都沾到肉碎好滋味，涼拌菜可以自由要求辣到，我地點了少辣，夠哂清新開胃， 呢間最有驚喜的係糯米糍杷， 佢兩邊煎得好香脆中間灑左dd糖漿，花生碎黑芝麻碎，入口超香口，極度推薦要叫糯米糍杷。

講開米線，自然會諗起雲南米線；或者加入咗麻辣湯底，偏近四川口味嘅米線；又或者經過改良，迎合港人口味嘅港式米線。至於，近期香港多咗唔少國內口味嘅餐廳，其中以酸辣香鮮醇厚濃郁為主嘅貴州菜，我哋都真係未食過，所以嚟到荃灣黔知味牛肉米線，就初嚐第一次嘅貴州米線。黔知味怪味牛肉「怪味」牛肉嘅醬汁酸酸辣辣，非常惹味，夠晒醒胃。黔知味牛肉米線黔知味牛肉米線嘅招牌，當然係牛肉米線啦！薄切嘅牛肉除咗肉味濃厚，仲要非常嫩滑。至於米線係粗身米線，食落更有口感更索湯。至於湯底辣味唔嗆鼻，但就好惹味。黔知味蹄花麵蹄花即係豬手，炆煮過嘅豬手嫩滑無比，一咬開就皮肉分離，肉質鬆軟，而豬皮吸收咗湯汁後，口感更滑溜，充滿骨膠原。黔知味夜郎糍粑糍粑可以算係貴州菜嘅代表！糍粑係即叫即做，所以夠晒新鮮熱辣，當中嘅糯米糍粑同玉米糍粑嘅味道比較清雅，而高粱糍粑因為用上高粱混合糯米製成，能夠提升糯米嘅香味，食落煙煙韌韌。

是晚來到荃灣，選了在街角的黔知味試試，小店做的是貴州口味。店員好快送上熱茶，仲熱情介紹餐牌，他們的出品都係手工製作啦。⭐辣子雞米線朋友點了辣子雞米線，雞件係預先炒好嘅冇得選擇辣度，但湯麵就可以加辣，朋友呢碗就揀咗大辣。雞件入口鮮味香辣，肉質軟糯唔乾身，米線吸左辣油又香又惹味😋⭐牛肉麵自己點左牛肉麵，牛肉係切成薄薄一片的，份量下得很多，牛肉片有口感，肉味香濃。而湯底很鮮味，加上自己點小辣口味，個人覺得啱啱好連湯都飲埋🤤⭐宣慰府豆幹店員介紹佢地係手工豆乾黎，同香港平時食開嘅豆腐乾好唔同，呢度個感覺係切薄咗嘅豆腐然後炸過，外脆內軟，加埋佢秘製嘅辣椒粉同枱面嘅藤椒粉，又香又麻勁好食🤤⭐涼拌海帶絲併折耳根見國內朋友成日話食折耳根，自己未試過，見餐牌有就點一份試下啦，店員話未食過未必接受到佢嘅口味，所以建議我哋點海帶絲再伴入折耳根，二合一喎😊涼拌汁酸酸辣辣有蒜香，折耳根甘甘苦苦味道獨特，入口個感覺唔知點解覺得有啲似花旗參，哈哈，上網睇下原來折耳根係魚腥草，平時家人用嚟煲湯，唔怪得陣味有啲熟悉啦🤭⭐夜郎三色糍杷店員推介佢哋嘅糍杷，糯米口味係手工製，而玉米同高粱就機製，好奇下就叫份三色糍杷啦，一次過試

1️⃣ 黔知味辣子雞米線（加脆哨）🐣辣子雞嫩滑多汁，辣度恰到好處，辣得過癮但唔會太刺激🔥。米線煙韌，吸滿湯底嘅香辣味，脆哨更係畫龍點睛，帶嚟豐富嘅口感體驗，食完即刻有幸福感！💯2️⃣ 黔知味怪味牛肉🐮牛肉非常嫩滑，入味到位，而「怪味」係結合咗酸、辣、麻嘅複雜層次，酸中帶辣，辣中有麻，味道唔會過重，但令人越食越上癮。呢道菜真係幾有驚喜！✨3️⃣ 黔知味糯米糍粑🍧煎到外脆內軟嘅糍粑，煙韌嘅口感超滿足，配合微甜嘅糖漿，甜度適中，唔會過膩，非常適合作為飯後甜品。簡單卻能俘虜味蕾，推薦！🍡4️⃣ 黑糖珍珠奶茶🧋🧋黑糖香氣濃郁，珍珠彈牙有嚼勁，奶茶口感順滑，甜而不膩，飲落令人相當滿足。同辣味主菜一齊搭配，完美平衡味蕾！💛5️⃣ 黔知味大定玫瑰冰粉🌹🌹玫瑰香氣清新，冰粉爽滑透心涼，一口解辣又解渴，特別係食完辣味主菜後嚟一碗，清涼又舒服，簡直係完美嘅收尾甜品！❄️

最近天氣有小小涼～想食熱辣辣嘅米線🍜路過一間貴州嘅米線 位置好闊落😊就入來試下～點知有驚喜！蹄花米線🍜超好味😋！豬腳燜得勁淋～BB辣剛剛好～米線好淋好入味 唔掛得之剛才叫老闆娘推介是 佢話款款都咁好味🤣怪味牛肉🐮食肉怪來啦！又想食🐷又想食牛～一次滿足兩個要求哈哈哈哈哈哈哈好味！鹵牛肉超級入味 ～桂花酒釀雙花（桂花+蛋花）一到秋天就特別鍾意桂花味～食完米粉再食個甜品真係超正😄三色糍粑🍡我真係勁鐘意食糍粑！呢個糍粑有三隻味～粟米、糯米、高粱～好特別！夾埋黃豆粉 超正！涼拌青瓜🥒再加個超級清爽嘅青瓜～正啊！

晚上10點諗唔到食咩 經過入左去。叫左個牛肉麵，辣子雞米線，雲吞，酒讓丸子，凍奶茶。牛肉麵幾好食，下次試下唔辣，辣子雞就一般，個口感好似回鍋肉多d,個丸子最好食，甜甜地我覺得依種口感，凍奶茶麻麻，似珍珠奶茶味用粉沖個種。下次都可以再試下其他。

今天下午， 我們去到荃灣海壩街黔知味牛肉米線(荃灣) 午餐。在貴州的美食中，黔知味牛肉米線無疑是一道極具代表性的料理。這道米線以新鮮的牛肉為主料，配上香濃的湯底，米線滑嫩，湯汁鮮美，每一口都令人陶醉。此外，黔知味的夜郎糍粑也不容錯過，分別是糯米糍粑、玉米糍粑和高粱糍粑，三種不同口味的糍粑，讓人嘗到各種獨特的風味，口感嚼勁十足。最後，搭配兩杯凍檸茶，不僅解渴，更增添了清新的口感，讓整個用餐體驗更加完美。貴州的美食真是多姿多彩，令人流連忘返。

在荃灣區搵食，各式食肆臨立，在海壩街食牛肉米線，喜歡其飽肚又抵食。餐廳裝修簡約，尚算整潔。黔知味牛肉麵 $45牛肉爽口有肉香，湯底清甜，麵條彈牙之餘亦份量十足。黔知味蹄花米線 $46豬腳腍滑鬆化，口感令人回味。米線和清湯味道亦十分夾。鮮肉雲吞 $40雲吞大大隻，鮮肉餡肉汁豐富，抵食又美味。黔知味大定玫瑰冰粉 $22冰粉口感爽滑，配芝麻麥片卻又能提供粗糙口感，反差中見和諧，頗具心思。黔知味宣慰府豆幹 $24炸脆的豆腐小食，外脆內軟，豆味香濃。黑糖珍珠奶茶 $28凍檸檬茶 $22

✳️周二午膳，我去咗荃灣嘅「黔滋味」，想試下佢哋嘅貴州美食，真係要分享一下！✨首先，我叫咗一碗**黔滋味牛肉米線**~$45。米線滑溜溜，牛肉嫩滑，配上特製湯底，簡直係一碗滿足感爆棚嘅美味！湯底有啲微辣，但唔會太重，正好令我每一口都想再來多一口。✨然後，我仲試咗**鮮肉雲吞**，十個只需$44，真係好抵！雲吞皮薄肉滑，內餡鮮美，每一口都係滿滿嘅肉汁，簡單但好正！我建議大家搭配凍奶茶，$10嘅價錢，飲落去清新又唔會過甜，仲可以解辣。✨最後，當然唔可以唔試佢哋嘅甜品，**黔知味桂花酒釀雙花小丸子**，熱食$22。小丸子外脆內軟，桂花香氣撲鼻，酒釀嘅味道又唔會太重，真係滿足。

📍黔知味牛肉米線 (荃灣)荃灣海壩街97-101號昌泰大樓地下1B&1C號舖行開荃灣發現有間貴州美食，一入到去老闆娘超熱情有種勁賓至如歸嘅感覺，佢寫到明啲嘢係新鮮即制，唔會用預製菜👉涼拌海帶絲💰28😋😋😋😋.8/5海帶絲酸酸甜甜勁開胃，我問老闆娘咩係折耳根？原來係用嚟煲糖水嘅魚腥草，佢話驚我哋食唔慣，所以落幾條俾我哋試吓，真係超級好👉涼拌青瓜💰28😋😋😋😋.8/5佢哋涼拌嘅食物全部都係即叫即制，所以啲青瓜特別爽口，真係好好食☺️👉黔知味宣慰府豆幹（6塊）💰24😋😋😋😋.8/5第一次食呢個豆乾食落去有啲臭豆腐嘅感覺，但係又冇咁強烈，佢另外配製咗啲辣粉俾我哋自己㗎，驚我哋食唔到辣實在太貼心👉鮮肉雲吞（8粒)💰40😋😋😋😋.8/5呢個真係超出色，皮薄餡靚，佢入面嘅鮮肉唔係用肥豬肉，但係完全唔會嚡口，好有肉汁，另外佢個湯底係用紫菜同埋蝦皮鮮熬成好正👉 黔知味辣子雞米線💰45😋😋😋😋.8/5辣子雞米線佢嘅米線同平時食嘅唔一樣原來貴州嘅米線係大條啲，但係食落都好滑唔錯喎辣子雞份量都幾多抵食回頭:yesyesyes!!!食物質素真係好好，佢哋標榜所有食物即叫即制，但係都唔會要等好耐而且重點係價錢好抵食

叫咗牛肉蹄花米線，本來想叫小辣，老闆娘好心提醒小辣可能太辣，建議叫BB辣先~不過食得辣嘅話BB辣=0，後悔冇叫油辣椒另上😔湯底好清，有蔥花唐芹，鹹咗小小，未至於食完口渴，有辣椒應該香好多牛肉份量唔少，比較乾身襟嚼，有牛肉香。蹄花係煮到腍身脫骨嘅豬手， 外皮軟滑肉又腍又香，唔算好肥膩，味道清淡，點湯食啱啱好。米線先係重點，比起平時食嘅粗身但係好索湯，又軟又滑，超正！冰粉好清爽，入面有碎冰、山楂、提子乾，好多配料，收尾啱啱好！因為老闆娘又要落單又要落廚，所以等得耐啲，不過舖頭細人唔多，坐得幾舒服，苦蕎都好飲一個人食quota有限，下次再試吓其他菜式~

原本去到見到米線店同隔離台灣菜人龍比較下，仲有少少猶豫到底食邊間好諗緊個陣上openrice睇下食評，見到大家對呢間米線店都係大讚，所以就試下。叫左一碗辣子雞米線同牛肉米線，再加左份三色糍糕同冰粉做甜品。米線口感真係同連鎖店唔同，而且辣椒油好香。三色糍糕個人最中意係粟米味，但糯米味口感係最軟糯！冰粉入面加左玫瑰花，所以好清香。2個人食完都係HKD150左右，出門口真係忍唔住講左句：好彩試左米線，又平又好食。

已經第二次幫襯，OK，好食，極似係貴州食過嘅味道！湯底冇乜味精，粗米線亦係其他地方少見，有暖麥茶第一時間奉上，枱面有辣辣面（粉）,花椒粉，醋等自助，甜品有即做糍粑和冰粉！

到荃灣做嘢經過呢間牛肉米線，睇個店名應該係貴州省的。Lunch time未食嘢又唔趕時間，自己又中意食米線，就入去試下。睇價錢做人，點咗45蚊牛肉米線，諗住牛肉應該唔會多。點知上到嚟，啲牛肉唔大塊，但都唔細，數量都唔少，至少每次起手夾到牛肉😄😄👍👍更正嘅係仲有啲真正嘅牛肉粒沉底，以前食完米線同餸係撈花生同肉碎，宜家係撈牛肉粒🥹🥹數量唔敢話多，但滿足到我個人嘅要求👍👍同埋啲牛肉真係有牛肉味😍😍湯底夠清，一上嚟就聞到肉味，唔鹹，唔會食完係咁想飲水。湯底雖然清，但好味，唔會好似其他米線店咁，好多調味料。唔想再食連鎖米線店嘅你，建議到此一試👍👍見佢店鋪個位置雖然喺街口，但好似冇乜人流。希望佢做得住啦！有嚟路德圍吃喝玩樂嘅你，有機會可以試下😉😉

应该刚刚开业，我们四个人点了四种米线和四样小吃，都没踩雷，店家态度非常好，价钱不贵，此外，几种蘸料感觉都是内地空运，辣椒粉和醋都很安逸，可惜住的比较远，希望有机会再来。