點心到 (鴻星大廈)

營業中

休息中

跟同學在油麻地上堂前，同學提議食點心當晚餐。就搵咗附近一間好多人幫襯嘅點心店試試。點心店以摩登時尚嘅木系裝修設計，簡潔而乾淨。入座會每位收茶位5蚊，每台會比一不鏽鋼大壺，入面已衝好了茶，倒出來非常有茶味及茶色。餐廳用QR code落單，不用等侍應行過來。蝦餃（2粒）該點心店可以叫半籠兩只或1籠4只的蝦餃或燒賣。啱曬我呢啲食一粒就夠嘅朋友。蝦餃非常晶凝通透，皮薄餡多，蝦肉非常爽口濃蝦味。燒賣（2粒）燒賣多蝦肉蝦作為餡料，食落依舊爽口，口感層次豐富姜蔥牛柏葉牛柏葉夠乾淨，白中帶淡黃色，沒有用食用漂白劑去漂，牛柏葉食落好爽口。豉汁蒸鳳爪鳳爪夠入味，吸收曬醬汁嘅精華，女士必叫可補充骨膠原籠仔金針雲耳雞飯非常大籠，用大荷葉包住金針雲耳雞飯來蒸，令每一粒飯都吸收咗雞油嘅精華同荷葉的香味，食落去飯唔會油膩。雞肉口感嫩口、金針亦都整到剛剛好夠軟身。金沙脆皮銀蘿腸腸粉包住炸過嘅蘿蔔絲，軟中帶脆，口感層次豐富。黑松露菜苗餃一籠有三粒，份量非常足。菜苗餃皮蒸道好堅挺，面放住松露夠高級，裡面嘅蝦亦都好爽口彈牙。燒汁釀虎皮椒青椒同紅椒都非常新鮮爽口，有點帶辣，釀上鯪魚肉，煎到金黃松脆非常好味。總括嚟講，$200

行經油麻地，見有間點心到，好耐冇飲茶🫖，一於進入開餐囉。每次飲茶必點嘅～蝦餃（2粒）& - 燒賣（2粒）蝦肉鮮甜，爽脆彈牙，口感紮實。韭王鮮蝦腸粉，蝦🍤大隻彈爽，腸粉皮滑滑的，認真唔錯。黑松露菜苗餃🥟，皮薄有煙韌感，入口有微微的黑松露同菜香味，餡料很新鮮。燒燒汁釀虎皮椒，煎得香口。鮮竹牛肉，皮蛋瘦肉粥&濃湯杞子浸時蔬，份量足夠晒飽。#油麻地 #油麻地美食 #飲茶 #蝦餃 #燒賣#腸粉 #牛肉 #聚餐 #美點 #滋味

同媽子飲夜茶～茶位每位$5，仲唔收加一，搵唔到第二間有咁抵😝👉🏻籠仔排骨鳳爪飯$37排骨鳳爪份量適中，兩樣都好好餸飯。飯蒸得好靚好乾爽。一個飯夠兩個人分享，超爆抵食。👉🏻蜆蚧鯪魚球$26六大粒鯪魚球，擺左好耐先食佢，仲係熱辣辣嘅。外脆內煙韌，點蜆蚧醬食好香口。👉🏻韭黃鮮蝦腸$29滑溜腸粉，每嚿都食到一大隻新鮮蝦仁。佢哋個腸粉皮煙煙韌韌，坊間茶樓做唔到呢個口感。👉🏻咸水角超級中意食咸水角，新鮮炸起好有空氣感。

點心到已經食過無數次，一直食唔厭😋依間成日都好多人，好受歡迎！我諗遊客都會放依間係頭几選擇，因為依度點心都係黎到香港必食地道點心😍腸粉係我首先推薦既，所以一口氣叫左4種腸粉🤣分別係手工布拉腸粉、香茜牛肉腸、韭黃鮮蝦腸、金沙脆皮銀蘿腸，款款都各有各特色，腸粉皮好滑，係新鮮整既！金沙脆皮銀蘿腸最好味，滑滑腸粉包住香脆脆皮，入面仲有好香既餡料，几層口感味道一次過食好惹味！手工布拉腸粉超滑！香茜牛肉腸入面滿滿餡料好正！韭黃鮮蝦腸隻隻蝦大大隻！豐料糯米雞真係好多料，入面有大大舊靚叉燒，仲有雞、菇等，飯香糯軟熟，啖啖飯都滲有香味！醬皇金錢肚好爽！蜜汁叉燒包入面餡料好多，甜甜香香！

早上起吾到身飲茶，晚餐都可以食點心，食得開心有抵食，首選油麻地點心到。呢度由朝到晚都可以食點心，而且便靚正超級抵食，兩人點到成台都係，都係$214埋單，食飽飽又實惠，介紹返$200左右 食到幾多野先😋：1. 金沙脆皮銀蘿腸 2. 五香鹹水角3. 香茜牛肉腸4. 榴蓮武媚娘5. 鮑螺片滑雞粥6. 燒汁釀虎皮椒7. 籠子鳳爪排骨飯全部味道佳份量又好，賣相也不錯喔，腸粉必食特別薄滑💓😛茶位都係$5 位，真系如同飲茶🫖般，飲啖茶，食點心，舒適👍

呢間係油麻地嘅點心到，一出地鐵站附近就見到😂地點好方便。價錢方面都真係幾抵食，2人埋單人均$70-80。食到好飽😚😚😚燒賣（4粒） - HK$32這道燒賣外皮薄透，內餡鮮嫩多汁。夠新鮮彈牙。醬皇金錢肚 - HK$28金錢肚醬汁味道濃郁，好入味。四寶滑雞扎 - HK$32雞肉質地鮮嫩，餡料豐富。蜜汁叉燒腸 - HK$27叉燒腸表皮光滑，蜜汁的味道幾好。蜆蚧綾魚球 - HK$26新鮮炸好嘅魚球彈性十足，好香口！呢個推介！

爸爸媽咪好仲意食點心飲茶，但係茶樓都係得午巿同下午茶先有點心食，平日想食點心去點心舖食就最方便，因為全日都有點心食😋一直都好仲意食點心到，點心質素一直都keep到👍仲係大眾點評商圈人氣好店！所以無論几點都係座無虛席，好熱鬧🥰而我地每次必點燒賣同蝦餃，好大粒好足料！燒賣粒粒上面都有大大隻脆口又彈牙既蝦！Food list🍽️蝦餃(4粒) $32蝦餃(2粒) $16蝦餃粒粒飽滿，一咬鮮蝦又爽又香，好滿足！燒賣同蝦餃都係可叫4粒戓2粒，人少d可以叫2粒，几好呢！燒賣(4粒) $32豉汁蒸鳳爪 $23豉汁蒸鳳爪好入味呢！鮮竹牛肉球 $23鮮竹牛肉球好大粒！香煎蘿蔔糕 $22蘿蔔糕好軟熟，煎得香口又剛剛好！五香鹹水角 $22濃湯鮮竹卷 $21茶位 $5/位

手工點心，細味中式經典嘅人情滋味！🥢🧧- 蝦餃（2粒）🦐🥟 蝦餃外皮薄得嚟有彈性，唔會一夾就爛，啖啖都食到大隻鮮蝦，蝦肉鮮甜，仲有少少脆口嘅感覺，完全冇雪味～✨呢個係每次飲茶必點嘅！👍- 燒賣（2粒）🐷🦐 燒賣嘅size唔算大，但中規中矩，非常精緻。黃皮包住鮮蝦同豬肉嘅完美比例，咬落去口感紮實之餘，仲帶有一陣陣香氣～🐾- 鮮蝦腐皮卷 🦐🥢 大推‼️呢個腐皮卷煎到金黃香脆，出面嘅腐皮炸得啱啱好，唔會過油，食落去係爽口但又唔油膩～✨入面係滿滿嘅鮮蝦，味道濃郁，🤤每一口都係外脆內嫩，惹味！💛- 籠仔金針雲耳雞飯** 🐔🍚 呢個飯香味撲鼻，雞件鋪滿飯面，份量啱啱好～🍲雞肉嫩滑，入晒味，金針同雲耳嘅加入令整體口感更加豐富🌿飯粒煲到粒粒分明，又保留咗雞汁嘅香味，非常滿足～💯配埋少少豉油，一絕！🖤- 黑松露菜苗餃🌱🥟 呢個菜苗餃真係一個驚喜！💚皮薄得嚟仲有啲韌性，咬落去滿滿嘅菜香味，仲帶有少少黑松露嘅幽香～🍄菜餡新鮮清甜，唔會搶走松露嘅香氣，反而兩者結合得非常自然，係素食嘅朋友都會鐘意嘅一款點心～🌟- 蜆蚧鯪魚球🐟🦪 鯪魚肉非常鮮甜，打得夠彈牙，配埋蜆蚧嘅鹹香味，味道更加豐富～🐚外層炸到脆

🩵金沙脆皮銀蘿腸腸粉皮又滑又煙韌，包住脆口既炸蘿蔔條，口感層次好豐富🥰🩵欖仁馬拉糕鬆軟質感，微微甜，份量岩岩好，細細個但係原個上，比起切件食得更過癮～🩵懷舊鵪鶉蛋燒賣除左傳統燒賣，仲有比較特別既鵪鶉蛋燒賣，鵪鶉蛋好香，同燒賣一齊食又幾夾🙈🩵炭燒山楂鴨絲包自家製麵包，有少少似叉燒包既肉，外面一層黑色脆皮，賣相幾突出，忍唔住叫左份試下👍🏻🩵四寶滑雞扎雞大件又滑身，腐皮包住飽滿既餡料，足料！🩵醬皇金錢肚個醬汁鎖曬係每一件金錢肚到，惹味又唔會過鹹😌🩵五香鹹水角炸得好香口，外皮唔厚，但有咬口，內餡唔滿好飽滿，但好夠味，唔錯～

蝦餃 $16 蝦餃嘅皮薄透明，裡面嘅鮮蝦爽口彈牙，每啖都能感受到蝦肉嘅鮮甜。燒賣 $16 燒賣嘅外觀十分誘人，內餡由豬肉同蝦仁組成，香氣撲鼻，肉汁四溢。豐料糯米雞 $32糯米雞包裹得相當緊實，米飯吸收咗雞肉嘅鮮香，口感黏糯而不膩，裡面仲有冬菇同蛋黃，整體風味更加豐富，搭配埋荷葉嘅清香，讓人回味無窮。蜜汁叉燒腸 $27叉燒腸外皮滑溜，內裡嘅叉燒肉質軟嫩，味道甜美。蜆蚧綾魚球 $26綾魚球即叫即炸，口感彈牙，配上蜆蚧嘅鮮味，令整體味道更加突出，啖啖都能感受到魚肉嘅鮮香。懷舊鵪鶉蛋燒賣 $28燒賣上面放咗一粒細小嘅鵪鶉蛋，內餡嘅肉質鮮嫩，加上鵪鶉蛋嘅滑嫩，味道更加細膩。炭燒山楂鴨絲包 $30外皮好似炭燒過一樣，口感香脆，入面嘅鴨肉鮮香多汁，每啖都能感受到鴨肉嘅香氣，搭配山楂嘅果香，確實幾好味。

下午茶經過搵點心食，呢個位置就腳人少少試吓。兩個人簡簡單單叫左蝦餃燒賣鳳爪牛肉球，出品都幾好出點心時間都可以另外叫咗個腸粉同籠仔飯，籠仔飯大個到都真係兩個人先食得哂（連埋其他點心）。腸粉就一般正路，厚身少少。始終吾係茶樓，個壺自己倒既暖水茶壺反而吾習慣最後一提間店好奇怪嘅一點，下午茶時間雖然冇坐滿但目測都有1/3人以上，洗吾洗要食客開聲先開番個冷氣通風呢，咁空氣又吾循環又焗，請留意下啦

今日同屋企人一齊去點心到食晚飯，環境舒服 光猛。但職員好似冇咩表情及反應，評論唔到佢地係差定好態度…食物種類算正常，但食物比較的骰，特別係蝦餃，聽屋企人講比以前細粒左。馬拉糕都只係麻麻..食食下有砂糖沙沙感覺，感覺唔正宗。另外，只係供應普洱，平時去點心店/茶樓都會問想飲咩茶，但哩間一坐低只係見俾熱水壺，入面係普洱，如果有更多選擇會較好。比較好食既係咸水角，都新鮮，大粒亦出哂煙，起碼唔係擺到凍冰冰；雲耳蒸雞飯亦正常。

油麻地都係旺角隔離 而且彌敦道係經常搭車經過路段 今日係度行順便搵野食下 見到呢間 再search下好似唔錯咁 就揀左呢間食。好多點心都係20幾蚊 睇落係平不過size都比出邊食既點心細籠，所以係咪真係平左就未必啦，埋單同出邊食除返開其實差唔多，不過可以叫做食多幾款點心啦。其實叫左既點心之中，普遍都係ok 唔算好出色，不過特別想講既呢度既腸粉係幾滑，口感唔錯既腸粉。其他點心 如牛柏葉，金錢肚 黃其實份量都比較少，都有蘿蔔做底既。服務方面，有蘿蔔仲未食哂，阿姐想收埋走，同佢講呢個要既未食哂，唔出聲望實我，未食哂講出黎都有錯嗎？ 另外，唔係坐卡位既環境比較插擠迫，拉開d台之後走廊都會變得窄左。>>>總結＜＜＜食物ok 服務唔ok

好耐都冇岀過旺角行，今日去幫表哥吉屋到收貨，收完肚仔餓🫠好耐冇飲茶😂就同男朋友仔去飲茶👹食物炭燒山楂鴨絲包好耐都冇嚟食過，我印象中好似只有一次試過呢個包🫠因為佢成日都賣晒😭今次見到有即刻落單先🔥🔥🔥呢個包真係好好食！佢有菠蘿包脆皮feel～又唔會好甜👉🏻我個包到咗之後，姐姐嗌鴨絲包lock機👹好彩我嗌得砌！臘味飯初初佢加豉油嘅時候，我仲嫌佢少🤫原來佢哋係落得啱啱好🫶🏻因為啲臘肉好有鹹香～佢個臘腸咬落去會爆汁😆啲飯入晒臘味味，超正！蝦餃燒賣峴蚧鯪魚球呢個超級彈牙！必食之選🫶🏻但係我忘記了佢有咁多粒😂有啲飽..仲要係粒粒都大到好似哥爾夫球咁大..牛肉腸金錢肚啲蘿蔔超級淋甜！再加上金錢肚好入味💕

超耐冇飲茶食點心啦🫖今日同朋友經過開油麻地見到門面都好明亮，唯2人座位有啲迫🔸籠仔金針雲耳雞飯睇落好大籠，份量適合兩個人share仲有好多雞件，食落超綿滑！🔸濃湯鮮竹卷熱辣辣超好食✨推薦！一共有3件，中間都超足料🔸醬皇金錢肚勁入味嘅金錢肚，食落微辣勁開胃！🔸黑金流沙包黑漆漆嘅賣相！包唔算好飽滿但中間真係有流沙，如果再多啲餡就prefect!🔸沙薑汁燴鮮淮山食落冇咩沙薑汁嘅味道比較乾身，如果配上湯會更出色！📍 點心到 (鴻星大廈) (油麻地)油麻地彌敦道484號鴻星大廈地舖#油麻地美食 #香港美食 #香港美食推介 #旺角美食 #點心 #港式點心 #點心控 #一盅兩件 佢