點心皇 (已搬遷) 新店位置

有同事凌晨3時許都未食飯, 話買埋宵夜比我地食.佢話去點心皇買. 我就未食過. 但係講到點心, 突然間想食粉卷. 另外仲幫第二位同事買左d 返黎工作得攰攰地見到野食即刻開心晒.嘩! d 牛肉好大粒, 有少少馬蹄, 味道ok啦, 起碼食唔出"好假"既感覺燒賣就比較差, 肉多過蝦, 蝦得一兩隻細蝦兼夾唔多爽唔多新鮮. 而且層皮仲有點剝落既情況d 腸粉簡直係極品.見到有粉卷o個時真係好開心, 因為我起碼5年冇食過.但係一夾, 成層粉散左. 再夾, 又散, 得返個咸... 個咸就pack 得好實.叉燒腸都係一樣, 一夾就跌同散. 好林又唔彈牙. 點解咁都可以拎出黎賣. d 叉燒仲係唔甜.最搞笑就係佢比左喼汁當豉油. 好彩唔係好多. 仲接受到拿拿聲吞左佢.只有牛肉一樣較為可取.

星期二, 家沒飯開, 一個人竟然想去一個以前工作的飯堂, 食一食, 補寫返一個食評. 點心皇, 以前是馬師道天橋底的一家夜店, OT過後非常喜歡都這裡食返個點心. 如今, 馬師道既點心皇已經不在了. 不過, 係天后站, 仲有一間生存緊. 自助形式, 先購票, 後自己去 counter 攞. 點了一個燒賣同一碟乾燒伊麵. 此食店有11個喊面, 加埋我呢個, 係第12個了. 先說一個來錯了的點心, 本是叫鮮蝦燒賣的, 但竟然來了牛肉燒賣. 味道完全不鮮, 又出錯, 懶得去換...原因.....就是那個乾燒伊麵, 如其名, 如其姓, 是乾. 麵是乾身, 硬身, 味道點好都好, 個麵唔得始終是敗筆. 辛苦地哽了大半碟麵.....不好了, 吃多兩淡尚算Ok私紅豆沙 (送既). 算我倒楣吧.

馬蹄糕就食得多, 馬蹄卷?! 真係未試過! 見個賣相吸引, 只售$10, 試下無防啦! 一試之後, 勁正! 一片一片的馬蹄糕卷成一卷, 原來口感勁好, 甜度又適中, 好味到幾飽都食得落 食完隻糯米雞, 再歎埋杯涷奶茶之後都仲回味緊個馬蹄卷, 素性要多個馬蹄卷外賣, 回家繼續享用

七月十七‧晴休息沒有幾個月，跑季又開。第一場的十公里賽在城門水塘舉行，晨早在天后坐旅遊巴前往。因怕錯過了上車時間，5時半未到，人已到達，還是吃多點東西好。這裡廿四小時經營，不停有點心供應，還有有線電視睇，實在是不二之選。 要了珍珠雞，一籠兩隻，又都幾大隻的，夠晒份量。吃起來糯米當然是濕濕腍腍的，畢竟也蒸了好一段時間。吃起來味道還可以，當然是有點假味，12蚊兩大隻的糯米雞，可以理解。吃著吃著，卻吃到不少的微細碎骨，敗興。 不過價錢又真的是便宜的，難怪眼見有不少夜班收工人士，晨運客又或是返超早更的也會在這裡開餐。下次再在這裡上車也會在這裡吃，勝在近便。

今日行經天后廟道，見有ｄ餓，又有間點心店，咪行入去試下，點知我的惡夢，就開始左啦！我叫左一碟牛肉腸粉，一碗貢丸河粉，同埋一盅雞扎，睇個樣ｏｋ架，有冷氣又有電視睇，不過，ｄｏ野食就好差，ｄ貢丸河粉ｄ貢丸生的，咬落去凍冰冰，有怪味，最難頂係ｄ雞扎臭架！想食死人咩！本來尼ｄ牛肉腸粉就ｏｋ架，只是ｌｅ間野ｄ豉油係過期架，你有冇食過ｄ．．．．．酸ｏ既豉油，未食過，就ｏ黎ｌｅ暑ｏ野食下ｌｉ～我請個經理同我換ｏ左碗貢丸河粉，同盅雞扎，個女經理食ｏ左粒貢丸，對住我講「係ｏ甘ｏ既味，食你ｏ吾死，換咩ｏ牙！」真ｏ係好難頂～貼錢買難受！劉華都有話今時今日ｏ甘ｏ既服務態度．．．．．好心就找人搞下佢啦～

這餐廳價錢很優惠，但形式像大家樂，要自己拿食物。的確很平，可惜水準不好，點心全部是淋淋的，似是預先做好了很久，而且入口不熱，沒有一種出爐美點的感覺。點了一碟叉燒腸粉，覺得叉燒帶點苦的味道，感覺不新鮮；蝦餃穿了，蝦是淋淋的；小籠包好厚皮，沒有汁，內邊比較多肥肉，像７－１１的貨色。如果想省錢，這裡可以考慮，但不會有喜，也許會有點驚．．．．．不好吃的點心，怎能稱點心皇?費解．．．

今晚去左點心皇食晚飯，叫左個個叉燒腸粉，完全係無味，仲好油，個小籠包係好淋同埋無汁，ｄ雞粥係油到不知所謂，未食過咁難食的晚餐。我發現有條頭髮係度呀！救命！！我食唔到呀！後尾去左ｍｃ　ｄｏｎａｌｄ食，浪費錢！！激氣！！呢間係好平，但好難食，同埋好多阿伯係度．．．

因為好少o係呢頭食野,所以去左都ok大間ge 點心皇.一入到去,見到入面全部都係阿伯,都估到乜事.後來要左碗墨丸麵.點知去攞o個時佢竟然話得番一粒墨丸,塞左幾粒勁難頂ge貢丸俾我...食o個陣發覺d粉淡過乜,睇真d條菜上面仲好似有條蟲,真係對佢徹底失望~

本人外賣雞粥，女樓面接單後只把它丟到後面，然後繼續抹檯，之後有其它客叫點心等，她一直幫他們，我站了十五分鐘，問她是否冇粥，她說：等下啦！我說：有冇攪錯，唔係排隊咩？她完全冇理我，直至五六分鐘後才開始煮，我排等一，但等了超過半小時。另外一男樓面亦不理會，服務真是差差差！

早茶夜茶晏晝茶，每時每刻包點蒸點煎炸點，各適其適無求但求填飽肚，麻麻好食點心皇的社會功能，就是將中式酒樓大家樂化及七十一化，創新想法，運作繁複，推行勇氣，極值一贊晨早留留，來這裏吃早餐。牛肉，蝦腸粉，珍珠鶏，馬拉糕，加埋中西茶，都只是四十多元。最弊就是唔多好食。牛肉沒有肉味，只有蘇打及味粉味。腸粉粉不滑，蝦是有些少爽，算是僅僅合格。珍珠鶏則是飯硬料少，無荷葉味。馬拉糕味道算過得去，做得也鬆，是較好的一樣點心。這裏就像七十一一樣，在那一個時候來食都得，買個方便。一分錢一分貨，價錢廉宜，但求醫肚，不要奢求食物水準。

通常食完嘢印象深的情況有二個可能：一係好正，一係好驚嚇。上個禮拜食完到依家重印象猶新。叫咗柱候牛腩意粉，油菜同鯪魚球：柱候牛腩好咸，牛腩冇肉味，應該係雪藏咗好耐嘅貨式，鯪魚球完全冇魚味，好多粉，簡直令人失望；以前點心皇係北角嘅時候味道都幾好，估唔到依家水準變成咁，可惜。

12月24日x'mas eve同阿D.去維園行完工展會, 諗住行去天后果邊既大家樂醫肚. 但行過門口見好似好多人.所以過對面既點心皇. 6:15入去, 唔太滿. 我見有懷舊大包又唔知係乜餡,正想問counter姐姐但佢只同顧同其他人傾計. 最後我冇叫大包而求其要左碗牛丸湯河, D.就要咖哩牛腩飯. 我個碗湯河, 名符其實既水浸河粉加4粒牛丸. 連味精都慳, 真係健康到唔健康. 牛丸, 又係冇味, 都唔知自己食緊乜. D.既咖哩牛腩, 真好野, 佢係花椒八角牛腩汁再淋上咖哩汁, 咁就係咖哩牛腩, 真係大開眼界.雖然今年聖誕我係幾手緊, 但咁普天同慶既日子為乜搞到要受難咁呢?

昔日宵夜明燈,今日已淪為雞肋,年前點心皇在房地產上大有斬鑊,索性縮水,今日只剩下一兩間分店.年前在太古城上班,下班已差不多深夜,來到在港運城對面,點心快餐化始祖點心皇,在這個時段來個盅頭飯,蝦餃燒賣,至高無上的享受.年來很多地方深夜也有點心吃,而點心皇,由擴充營業一刻起,已變成流水作業式出品.每一次去,同上迴轉壽司的心理一樣,純屬解決生理需要.水準並不如其他人說得那麼差,可能小弟一向只吃點心類別,而大多人,也在吃客飯中出事.來得點心皇,當然係吃點心才最恰當.

今日同朋友仔一齊食早餐。皆因新釗記ｄ早餐實在太唔長進，我地都唔想再去食。朋友仔揀左點心皇，佢先到，叫左一個早餐：有叉燒包、火腿、腸仔、蛋，仲有沙o爹牛麵，都只不過係$16！飲埋凍檸茶都係$18！好抵～～～我就食左個茄蛋治！原本想唔飲野，但收銀阿姐話我地冇得散叫架喎！（都唔知點解，餐牌明明就有得散叫！）叫埋杯熱檸水，又咩餐具都唔俾我，問阿姐佢又呆下呆下咁，好彩隔離個o靚仔醒目…如果唔係返工都會遲到！總括黎講，ｄ野好抵食，都幾好食（早餐呢ｄ野都唔難食得去邊o既！）～不過ｄ阿姐全部都好似未訓醒咁，如果你係燥底就唔好去挑戰自己極限喇！=p

food quality and service POORthe staff speaking "excitedly" when serving us food...口水..will close soon!