點滾鮮點心火鍋

營業中

休息中

一入秋又想打邊爐，但屋企人又想點心，今次一次過滿足多人的晚餐！這裡有台式火鍋與港式點心任食放題，味道好唔錯！環境舒適，適合各類聚餐。我地叫左至尊澳洲和牛火鍋套餐，湯底有8款選擇︰熱門有正宗台灣麻辣和丈壇酸菜等，我地揀了養生雞湯及阿里山野菌。火鍋的食材選擇非常豐富，特別推薦他們的澳洲和牛，肉質鮮嫩，入口即化，搭配自製的火鍋醬，正！重點係牛肉都是無激素的，讓人吃得更安心。港式點心也不容錯過！任食的點心種類繁多，從蝦餃到燒賣，每一口都散發著濃郁的鮮香。特別是他們的台式小食，讓人倍感親切，必試！最特別的是，餐廳配備了電視機，還可以自己投送螢幕，真的是聚會的好幫手，享受相片或聽歌都好方便，我當然要聽返近期好熱門的APT.。想不到屯門都多左咁多好野食，呢間餐廳性價比高，下次同長輩來食下先。

每星期早起的家庭聚餐，年輕人們不再害怕早起，而是為了陪伴家人而心甘情願。我們最近在屯門發現了一家台式火鍋放題餐廳，更提供免費升級加點心放題服務，這真的能夠迎合老一輩人的口味。於是，今晚我們早早預約了座位，享受了不同的優惠，性價比真的很高。我們選擇了 C 餐的「至尊澳洲和牛火鍋餐」，價格為 $348。這個套餐包含八款自選鍋底和任食台式小食，而選擇 B 餐或 C 餐更可免費升級加點心放題。我們選擇了台灣紅燒牛肉湯，每位還附贈了自家製手打和牛牛丸。餐廳採用澳洲無激素牛肉，讓人吃得健康又安心。澳洲精選無激素牛板腱和澳洲純血和牛，在口感上油脂較少，而安格斯特級牛肉則肉味更濃郁。海鮮選擇包括無骨鱸魚片、虎蝦、扇貝、青口和魷魚等，還有一些特別的火鍋料，如淮山杞子燒賣和水晶蓮蓉包。此外，多款人氣台式小食任你選擇，包括椒鹽四季豆、酥炸花枝丸、酥炸杏鮑、私房麻辣鴨血和台灣香腸等，即叫即炸，香口非常點心放題，我們品嚐到了排骨、鳳爪、菜苗餃、蝦餃、燒賣、牛柏葉、鮮竹卷、芒果糯米糍、大良炸鮮奶等等，一定能滿足老人家的胃口。而且，這些點心都是現場製作，絕不馬虎。整體來說，餐廳環境溫馨舒適，服務也相當周到，適合全家

喺屯門市中心，最好食嘅點心，呢一間一定榜上有名雖然佢係火鍋店，但佢嘅點心真係好出色蝦餃燒賣，蘿蔔糕必食而且服務態度好好，亦好細心當然打邊爐亦OK，有三個價錢嘅餐通常都係食中間價錢嗰個啲肉、海鮮同菜新鮮 😗 另外仲有少量嘅熟食，都好食嘅不過要留肚食點心😂飲品方便，都好多選擇，有茶、有汽水而醬汁方面：都係普通火鍋店提供嗰啲另外有Häagen-Dazs雪糕😌😌 每次食打邊爐，總係會嗌好多點心因為真係太好食☺️☺️

最近去咗一間港式台灣火鍋店，真係要大讚佢哋嘅性價比！平時港人鍾意北上消遣，香港飲食業真係好難做，但係真係好希望佢可以做得住，所以真係要專登幫佢寫返個好評介紹俾大家！😛首先，呢間店嘅台式小食真係很正！台灣腸、鹽酥杏包菇，上檯時仲係微暖，即刻感受到台式風味！主食除咗有新鮮嘅牛肉，仲有牛舌，牛舌真係好嫩滑，牛肉味好濃郁！仲有各式丸子同蔬菜，選擇多多，真係好滿足！！！最令我驚喜嘅係佢哋嘅自家製小食！紅燒牛腩炆得夠腍，仲有牛筋，入口即溶，真係一試難忘！食完主食仲可以食返個台灣邊爐必食既王子麵！😋甜品除咗有糖水任食之外，仲有一人一杯Haagendazs雪糕，係大杯裝！！有唔同口味，我自己就簡左曲奇味，無得輸埋單每人只係250蚊（星期六晚），真係抵到哭！呢個價錢喺香港食到咁豐富嘅火鍋，真係超值！希望呢間餐廳可以做得住，佢哋嘅食物質素真係好高，真係值得推介俾大家！利申：食之前無諗過要寫食評，所以啲相只係隨便影

果日8點半後入座，免收一嘅，牛肉質素一般正常，可以過下口癮，野食肯定無2，300$果d咁多嫁啦，但都夠食，又任飲。如果你鐘意食平時飲茶果d大大粒燒賣，呢度岩你😂因為佢有得比你打邊爐，又幾好食wo,豬肉幾香，又有香菇，足料，不過狂食好快飽😂另外服務都幾好，無黑面情況出現，環境都算舒服

做緊優惠，親子套餐，二大人送一個小童或長者免費。今日去食左，都唔錯，有海鮮虎蝦，扇貝，魚，蝦滑，墨魚滑，青口，有台式小吃，香腸同地瓜條好味，食120分鐘，會有下次，有 häagen-dazs雪糕，或 tiramisu食，不過不是任食，各人有一份。

見今日凍凍地又見新開所以約埋朋友去試下晚飯時間7點幾都無人排隊就揀左個中價位試試佢入到去環境係幾好既服務都唔差不過啲野食就極之唔掂普通肥牛係得個肥字，唯一可取既係個牛板腱豬肉片係厚切瘦肉所謂既雞髀肉同雞柳無分別仲有個份量係唔知點set 既4大1細點1份蝦得2隻，點1份午餐肉又係得2件，就當唔計個小朋友都俾3件啦吓話未試食間火鍋店熟食仲好食過打邊爐既雖然熟食係ok,個份量又係勁尷尬花枝丸3粒，秀珍菇得個10粒都唔知有無真係唔會再去食囉