點滾鮮點心火鍋

營業中

休息中

點心加持火鍋店✨🤩又有新嘢啦，係台式火鍋+點心！打邊爐又得食點心又得，佢哋啲蝦餃燒賣全部都好靚，火鍋我最推介就係佢哋嘅和牛，每一片都厚薄適中，而且油脂紋理靚，入口軟滑！揀咗套餐之後就揀湯底，我揀咗壽喜燒同台灣紅燒牛肉湯，超級推薦壽喜燒湯。店舖採用澳洲無激素牛肉，美國安格斯牛肉，重點推介澳洲純血和牛，超香牛肉味勁好食！另外可以試埋澳洲上腹牛五花，牛舌芯，牛舌非常之爽口彈牙好好食！唔牛的朋友也有豚肉、雞肉同海鮮選擇。火鍋配料用料十足，有多款海鮮選擇，如海蝦、扇貝、魷魚、墨魚滑等。值得一提。佢哋同時間有中式點心供應，可以一次過滿足兩種願望，淮山杞子燒賣入邊蝦肉大大粒，而且係唔會食到成大嚿脂肪，用料質素高！鳳城鮮蝦水餃仲正，餡料十足外層嘅水晶皮厚薄適中！點心由店內點心師傅每日新鮮製作，咁就可以放心食！飲品基本上係自取講得出嘅都會有，自助區總共有40幾款嘢食，茶啊丸啊，全部都幾靚仔。側邊仲有肉燥飯、牛腩等等，食完之後後仲有杯雪糕！點滾鮮點心火鍋 (屯門)屯門屯合街2號屯門時代廣場南翼L2樓26-27號舖樓

呢排天氣太凍，今日放工即刻想去打邊爐，近近地見到這一間可以打邊爐之餘又有點心食，感覺幾新穎。每個座位都附有獨立電視，叫職員幫手調教你想睇既台就可以。日式壽喜燒火鍋和蟲草養生雞火鍋壽喜燒的醬汁甜中帶鹹，濃郁的味道讓人一試成主顧。牛肉在醬汁的調味下煮熟，鮮嫩可口，入口即化。蟲草養生雞火鍋的湯底清淡而鮮美，雞肉的鮮香與冬蟲夏草的獨特風味相互交融，讓人感受到自然的味道。澳洲和牛的風味濃郁，肉質鮮嫩，入口即化，油脂的香氣與肉的鮮味相得益彰。安格斯牛肉的味道豐富，肉香四溢，口感層次分明，適合各種烹飪方式，兩種牛肉各有不同的口感。炸地瓜條炸至金黃色的地瓜條外皮酥脆，內部柔軟，口感對比豐富，這道小食簡單又美味。鳳爪和蝦餃點心鳳爪外皮滑嫩，內部骨頭和筋膜的口感使得吃起來富有嚼勁。蝦餃主要以新鮮的蝦仁為主料，經過剁碎和調味，餡料鮮甜可口。海蝦和墨魚滑海蝦肉質緊實，味道鮮甜，富含蛋白質和多種營養素。墨魚滑由墨魚製成，味道獨特，帶有海洋的鮮味。另外叫了少量丸和蔬菜，最特別係可以叫生點心打邊爐，感覺幾特別。丸類蔬菜款式都好足夠，飲品亦有多款選擇。最後還有haagen-daz雪糕免費贈送，晚市指定時間還有折扣優惠

聽到有台式火鍋+點心放題， 立刻食指大動，與家人晚飯來試試。一進門便見到自助區，丸類和蔬菜類都很豐富。選了C餐， 澳洲和牛火鍋餐每位$348，加一服務費。有一家食肉獸在，這個C餐比較多牛肉選擇就最適合，而且是澳洲冇激素牛肉。海鮮類有海蝦、魷魚、鱸魚片、扇貝、青口、蝦滑、墨魚滑。點心火鍋料也有鮮蝦餃、韭菜餃、鳳城鮮蝦水餃、淮山杞子燒賣，真的第一次吃火鍋用中式燒賣配料。坐下見到每桌都有螢幕，可以自己投屏喜歡的影片，邊吃邊看很不錯！湯底充滿台灣風味，我們的鴛鴦湯底，選了阿里山野菌湯和鳳梨濃鮮蕃茄湯。我喜歡蕃茄湯，用鮮蕃茄煮味道甜而不酸，而野菌湯可以連什菌都吃光光，清淡但有菌香。先吃肉類，澳洲純血和牛肩肉，牛肉味比較好，薄切，稍微灼熟一下就可以吃；安格斯精選牛肉肉質結實爽口；澳洲Q彈牛五花趾，的確口感最爽，但牛肉味較淡。其他肉還有牛舌心、精選豬梅花、荷蘭豬五花，各種口味任君選擇。海鮮類都最喜歡海蝦，大大隻，超新鮮爽口，味道非常鮮甜。鱸魚片又滑又新鮮，一再翻點；墨魚滑是我的至愛，吸收湯味，再吃煙韌的墨魚滑和墨魚粒粒，口感非常好！魷魚、青口、扇貝都非常新鮮好吃！餃類都很出色，鮮蝦餃又爽又甜；韮菜餃

屯門時代廣場稻香隔離易咗手做火鍋🍲一段時間 一直想試，今晚咁啱冇飯開一於過嚟同老公撐枱腳😬優惠折扣有力度🫢🫢120分鐘台式火鍋 成十款湯底任揀，仲有茶樓點心 台式小食 fusion 😎2人同行，八五折優惠3人同行，一人半價4人同行，一人免費親子同行，兩個大人，1位小童免費敬老同行，兩個大人，1位長者免費主要分三個餐，主要分別糸牛品種，我哋都係牛魔王當然食返澳洲和牛餐最抵啦😍😍一飲品火鍋配料自助形式仲有炆牛腩夠火候、豬手入味夠腍台式火鍋又點少得鴨血😌自家隻鴨血夠麻夠辣夠風味台灣腸熱辣辣一口下去脆卜卜真係要小心焫親呀🤣揀左台式麻辣拼養生雞湯湯底湯底足料，有台式風味澳洲純血和牛～～牛脂均勻、牛味濃郁，未去到入口即溶，頗有咬口，稍稍5、6秒就食得 不斷encore嗜牛之選😍😍澳洲Q彈牛五花趾～~放題好少會吃到高質牛花趾 非常有肉味口感豐富 牛舌蕊 ～～有驚喜嘅項目，放題食到高價貴嘢，爽口有牛味，五碟不過份吧😝😝澳洲精選牛板腱，另外一種口感，老公表示非常喜歡🥰🥰私房麻辣鴨血 ~~直接食就可以，嫲嫲辣辣口感海鮮方面，鱸魚片鮮甜，厚切！經過少少醃製非常嫩滑 有魚味蝦滑、墨魚滑亦都高質海蝦大大隻，爽口

就快完結2024，為左慰勞自己，所以食返個放題開心下。朋友住屯門推介左一間平靚正嘅放題。這間放題位於屯門時代廣場二樓，喺平時商場與商場通道嗰層，要落一層，即係麥當勞扶手電梯落一層。這間放題麻雀雖小，五臟俱全。枱好大，就算兩個人都可以坐卡位，都好舒服。入去之前店員為我們點好湯底，我們點咗最貴個C餐，最多野食，食足120分鐘。這間放題主打台灣食品，同埋飲夜茶，啱曬平時飲唔到早茶嘅我。落咗單之後出去巡下，見到有熱葷，台灣肉燥飯，香鹵豬手，五香牛腩，蘿蔔牛肚。還有不少甜品，如椰汁紫米露，香芒布丁，黑糖仙草，鮮桔愛玉，法式燉蛋，椰汁紅豆糕。第一時間夾咗法式燉蛋同椰汁紅豆糕試試。他們甜而不膩，質量好，而且不算細件，份量不錯。到最後食完晚餐，每一款甜品都有試下，每一款都唔會令你失望。他的甜品真係要讚讚。朋友同我都好鍾意食點心，而且對點心又一定嘅要求。今晚所點各款嘅點心，即叫即蒸，分量十足，所有點心都係平時食開，有啲唔喺孖寶入面，已經好耐冇食奶黃包，他做得特別香滑，十分推介。香滑奶黃包/大良炸鮮奶/菜苗餃/蝦餃/粉果/燒賣/芒果糯米糍/叉燒包另外佢都可以點一啲台灣嘅小食，酥炸杏鮑蔬，椒鹽四季豆，麻辣鴨

有台式火鍋+點心放題，咁的配搭咩都可以食D，岩哂屋企人每人都可以食到自己鍾意的野。自助區很豐富丸類同菜都很多款式。屋企人今日好想食牛，就揀左澳洲和牛火鍋餐每位$348。 湯底揀咗蕃茄菠蘿湯底同芫茜皮蛋湯底。每碟牛的水準都好平均，唔好由頭食到尾都係靚牛，最推介的係澳洲純血和牛，牛味重，肥瘦適中，全枱都好推介，其次係澳洲Q彈牛五花趾，唔想太油膩的可以揀佢，牛味都夠但可以多食幾碟都唔漏。海鮮都有好多選擇，蝦夠大隻同新鮮爽口，味道鮮甜。蝦滑同墨魚滑都好彈牙，粉唔多食到蝦同墨魚的原味道。鱸魚片扇貝同青口都好新鮮。仲有台灣小食有台灣香腸，梅香地瓜條，鴨血，有炸菇，多到食唔哂，仲有仲有點心可以食，蝦餃，燒賣，金錢肚，牛柏葉，鮮竹卷和菜苗餃等等等，真係要帶個大D的胃嚟先可以呀，最後想吃甜品仲有甜品櫃同中式糖水椰汁紫米露， 每人仲有一個häagen-dazs雪糕。所以同屋企人嚟食就岩哂，每個人想食的野都可以滿足哂，完美的一餐。

最愛食點心嘅我😍 黎食點心放題加至尊澳洲和牛火鍋餐(120分鐘)，燒賣蝦餃鳳爪排骨可以任點超爽啊！平時係茶樓食都要$40-50一籠，真係同屋企人食超爽！點心質素唔差，一籠都好大份，味道好惹味好夠味！蝦餃燒賣最好味😋 牛肚牛栢葉都正常！食完點心，就去自取區拎咗碗仔翅，真係幾足料，每一口都有餸好有口感！加點醋更加開胃🤤仲有好多丸類蔬菜，熟食仲牛腩，豬手，台灣香腸，麻辣鴨血等，雖然好想食唒但食唔到咁多🙈留反個肚打邊爐，湯底揀咗一麻辣一壽喜燒鍋，幾足料下😆 澳洲純血和牛，精選牛舌芯同牛肉丸兩邊湯底煮都好味🤤鱸魚片好嫩但少腥。最後仲有Haagen Dazs 食！滿足！

這間位於屯門的點滾鮮，主打台式火鍋及港式點心放題，有三個價位的套餐，由$158起，豐斂由人。我們今次選了至尊澳洲和牛套餐，包了幾款澳洲和牛肉等，款式甚多。澳洲和牛雪花紋理清晰，安格斯牛及牛板腱肉味較濃郁，牛五花油脂比較多。每枱有獨立電視機，可以自己投屏睇戲。點心款式都有十款多，必點蝦餃燒賣，蝦餃大隻爽口。海鮮有海蝦、鱸魚片、扇貝等，十分新鮮。蝦滑及墨魚滑都很彈牙。韭菜餃及水餃都脹卜卜，水餃餡料豐富。外面還有些滷豬手、牛筋腩等小食，炆得入味又夠腍。外面自助區還有多款特色丸及蔬菜。最後還送上一人一杯的雪糕。

最近天氣凍，打邊爐既次數都多左，上網發現呢間有任飲任食火鍋之外，仲有任食點心同台灣小食，非常豐富！C餐 至尊澳洲和牛火鍋餐 大人 $348宜家做緊優惠，二人同行有85折，食足120分鐘。肉類每次叫會以人頭數量比，吾怕叫太多！呢個餐多左安格斯特級牛肉、澳洲純血和牛等等，海鮮都upgrade左會多左大大粒既帆立貝。出面仲有自助bar，有調味料、醬料拎。仲有蔬菜、丸類，飲品、甜品。另一賣點當然系點心！點心可以一件件叫，蝦餃燒賣都encore左幾次，同平時茶樓食既點心差唔多！今次反而食點心多過打邊爐！最後套餐包每人一林Haagen Dazs雪糕！餐牌：

屯門時代廣場《點滾鮮點心火鍋》放題有同行優惠，我約住屯門老友食晚餐。我們選火鍋C餐：鴛鴦鍋底-鳳梨濃蕃茄湯&養生雞湯，肉類：澳洲精選牛板腱、牛舌心、澳洲纯血和牛、安格斯肥牛、雞肉等⋯肉類新鮮，色澤嫩紅，肉味香濃，純血和牛脂均勻、牛味香濃入口即溶。海產類：海蝦、青口、鱸鱼肉片、蝦滑、墨鱼滑，新鮮爽口味甜。點心任食：蝦餃、燒賣、豆苗餃、奶黃包，我至愛都是蝦餃和燒賣因大大粒啖啖肉好食😋自助區：有各式丸類、蔬菜、菇類、豬手、牛腩、糖水、碗仔翅、甜點，炆牛腩和豬手夠腍夠入味，芒果布甸美味😋餐廳送每人一杯Häagen-Dazs雪糕，滿足感爆燈超正👍 總結：選擇多，性價比高，服務好。

第一次去餐廳可以同時打邊爐之餘仲食埋港式點心 。好有特色同創意嘅餐廳！點心分兩種，一種係蒸好由蒸籠拎出嚟，另一種係生料可以放人鍋入面整熟 。生料淥熟真係第一次，意外地：好食！！好食在，皮薄得嚟好煙韌，就算放落湯度淥，都唔會爆皮或者爛哂 。至於火鍋，澳洲和牛係今次呢個set嘅賣點：肉質鮮嫩一定有，油花分布平均，口感滑滑！煮熟後肉片保持多汁，唔油膩！配台灣麻辣湯底，增加唔同層次感，同和牛係一個prefect當然唔小得，小食！！！呢度有好多款嘅台式小食，水準拍得住喺台灣食😋😋就算幾飽，點都要叫啲食下 。有鴨血！係鴨血！有炸菇，有台灣腸。全部都好好食🤤最後緊係要食甜品啦🍧🍨套餐包每人一杯Haagen Dazs雪糕，仲有蕃薯糖水任食，唔洗怕第二個胃唔滿足😌一定食到你飽用餐體驗：餐廳互動性好好，旁邊電視可以自己用電話投屏，可以睇到自己想睇嘅戲（當然要留意：非色情與暴力為主） ，第一次去餐廳可以有呢個服務 。

今日被我發現屯門有間火鍋放題超抵食😎食物質素也相當高, 牛肉用上澳洲無激素，有海鮮大蝦，帶子，熱食有台灣小食，最估唔到是有點心呀🤭先開始揀火鍋，款式都有8款，我地揀左雙併2款湯底「台灣紅燒牛肉湯」相當特別湯味濃厚 「皮蛋芫荽肉片湯」另一款可以清下熱氣感😆火鍋配料齊全，有自助式取飲品以及蔬菜類，款式多，而且乾淨👍🏻整潔👍🏻 而自己點算的食物也不少，最欣賞係燒賣同餃子🥟，一看就知係自家製，粒粒帳卜卜好大粒🤭 最估唔到的是有點心，絕對不是普通材料，是有質素的點心😎重點：原來有消夜時段，又有長者優惠🤭抵食呀！下次可帶爸媽來食😌

同朋友係屯門行街，見到間好抵食嘅火鍋放題，既有台式火鍋，又有港式點心，仲有台式小食，一次過滿足晒我幾個願望🤭🤭今次我地就揀左C餐，係至尊澳洲和牛火鍋餐，有最高級嘅澳洲和牛，又有好多海鮮嘅選擇，好正😊 而湯底我哋揀咗鴛鴦鍋，一個叫咗養生雞湯，而另一個係鳳梨蕃茄濃湯，兩個都好好味至於港式點心都有好多款嘅選擇，有燒賣、鳳爪、蝦餃、炸鮮奶、奶皇包等等，樣樣都好正！我哋都有瘋狂叫台式小食，推介大家食鹽酥炸杏鮑菇、酥炸花枝丸，好似去咗台灣夜市咁

最近約朋友係屯門市中心搵食，無意中發現左呢間新開既放題火鍋店「點滾鮮點心火鍋」。主打台式火鍋之餘，仲有一個超吸引既特色：任食點心，而且每款點心都係即叫即做，新鮮度完全冇得輸。仲有各款台式小食可以選，最驚喜既係每張枱都自置電視機，可以投屏播自己鍾意既劇或者電影，邊食邊睇，好chill，呢種體驗真係幾特別！.性價比高嘅至尊澳洲和牛套餐C今次我地揀左套餐C，係兩小時任食既火鍋放題，原價$348，而家仲有優惠，2人同行有85折，計返每人淨係$295左右，真係抵玩。呢個套餐主打至尊澳洲和牛，聽到都已經流口水，當然要即刻試下啦！.湯底推薦：台灣麻辣鍋 + 冬瓜豬骨白鍋湯底方面，我地揀左鴛鴦鍋，一邊係正宗台灣麻辣鍋，一邊係冬瓜豬骨白鍋。台灣麻辣鍋夠香又夠辣，d辣味吾會太死鹹，反而辣中帶香；而冬瓜豬骨白鍋湯底好清甜，煲得好夠火候，湯料仲好足，飲起黎有暖胃既感覺，兩款湯底完全滿足到吾同人既口味.至尊和牛系列：口感鮮嫩、油香四溢主打既澳洲純血和牛，d牛肉雪花分布均勻，燙熟後油香四溢，咬落好鮮嫩，肉質軟滑；澳洲精選無激素牛板腱肉有嚼勁，牛味濃厚；安格斯特級牛肉油脂比例剛好，吾會太肥膩。另外仲有其他肉類，例如

最近我有幸造訪了一間放題店名叫點滾鮮的火鍋及中式點心放題從新鮮的火鍋配料到精緻的點心每一口都讓我沉醉於美食的海洋中火鍋的配料有澳州牛五花趾肉質鮮嫩口感彈牙是火鍋的最佳伴侶更有安格斯特級牛肉和澳洲純血和牛牛舌芯和口感獨特充分展現了肉的原汁原味-荷蘭特選豬梅花脂肪分佈合理加上如虎蝦等海鮮配料火鍋的更加多樣化除了火鍋這裡的中式點心同樣令人驚艷蝦餃燒賣餡料豐富皮薄肉滑令人印象深刻金錢肚和牛柏葉更是展現了廚師的用心蠔皇鮮竹卷和菜苗餃賣相不僅好看口感也出色我幾肯定完全是大酒樓出品的出品質素小吃有麻辣鴨血香滷豬手五香牛腩花枝丸等其是豬手和牛腩入口即化實屬佳品最後有芒果糯米糍和大良炸鮮奶作為甜品為這頓美食畫上完美的句號