點燒 (已結業)

收工經過見佢都幾多選擇，就買咗個鹽燒三文魚腩條飯。拎上手都幾重下。但返到屋企一開盒飯，呆咗幾秒。唔識講，你地睇相就會明。同想像中有好大出入，伏。試埋個三條邊，又油又咸…食到懷疑人生。49蚊食啲咁既野，真係無下次。

超級差，三文魚腩條飯，不知所謂，魚腩條幼得可憐不得止，仲要全係都係肥膏，叫人點食，打電話去了解，就話係供應商問題，佢地係唔會check, 即係話如果供應商比差的質素食材你，你可以照單全收比客食，我覺得不貿責任，完全做唔好一間食店要做的事，以上係我自己的個人體驗，如果你覺得自己無問題，可以繼續幫襯，我自己就唔會啦，祝各位身體健康

吃過最差的外賣餐廳之一一間專做串燒及中式點心的餐廳，menu選擇多，店面裝修乾淨，又有很多飲品選擇，表面似乎很吸引以前吃過它的串燒，味道不怎樣，今次來試試它的外賣飯盒選了三文魚腩飯，一打開，十分震驚看看這3條三文魚皮，加白飯，加三色豆（又唔係炒飯加三色豆係咩回事？）🤷🏻‍♀️49蚊，頹過街邊點心店買的20蚊鳳爪排骨飯8蚊加一杯豆漿，亦是非常差的質素，淡而無味如清水實在是令人好無奈的餐廳，大家自行評估性價比。

本身諗住嗌外賣，但冇諗過得呢個份量。真心讚賞：熱度、味道，真心good. 但呢個份量and size , 即係點求其⋯⋯喺超市買最平嘅三文魚腩，份量喺呢度嘅幾倍。呢三條魚腩幼條。失望😞

呢間舖頭主力做外賣，我最鍾意食佢嘅鳳爪排骨飯，鮮竹卷，豆漿，味道唔錯，價錢合 理，環境又衛生，服務尚可。 至於串燒價錢略貴又無乜特別，台式飲品都係一般水準，但試下都無妨。

舖頭細，堂食得兩個位（2邊bar枱），所以一般做外賣多。可以上佢社交平台睇餐牌，whatsapp落單先就等少啲。第二次幫襯，上試食咗個鰻魚飯唔錯幾抵食，今次試吓其他野。燒汁五花腩飯，個汁幾正，夠香得嚟唔重口味，輕微帶酸醒胃👍🏻 五花腩燒左啲油出嚟唔會太肥膩。白飯米水啱啱好，粒粒米唔乾唔黏🍚有啲似蒸飯？唔知有無估錯。美中不足係……三色豆！？我明係想賣相好睇啲，我本人係ok ge,但身邊有好多朋友都麻麻😂睇睇店主會唔會replace左佢做其他嘢🙈 杯飲品芒芒翡翠就不過不失，叫左小甜係ok,飲得出有茶底既澀澀哋👌🏻街坊生意可以多啲幫襯下🙆🏻‍♂️

屯門翠寧花園新開串燒店，金菇肥牛終於食到，去幾次都買晒，燒汁好味，抵食之選，下次要試下其他串燒，蒜香燒蠔一定要試，一百蚊6隻，仲要手掌咁大，可惜要等20分鐘，下次whatsapp預定，就唔使等咁耐

街坊見到新開諗住幫襯下，本身對於街坊小店也期望不大，不過不失也已經算係咁。。。奈何叫左杯珍珠奶茶少甜，實在比預期中更差。。。。剩係睇杯野既顏色都知出事， 稀liu liu ,完全沒有茶味，只有奶味及甜味，有點似兒時飲既練奶水。。。。珍珠係ok既， 幾煙韌，但個心再熟d會好dd真心希望店主可以改良茶底，本身手搖飲品是有佢既吸引力的，遲d 開左學，實大把學生會過來買野飲啦，做好d自然留得住d 學生哥！同埋始終街坊街里附近有間有質數既店舖會好欣慰加油！！