點盅皇包點專門店

營業中

休息中

哩間鋪頭個腸粉三式拼真係好食，但係每次去買我都係有講要辣嘅，但次次返到去開黎陣都冇辣醬。如果其實佢真係冇辣醬可以提供，照直講我OK架,，唔洗下下入單有又冇落落去，次次返去都失望一次，幾hurt架。

收工行去天盛買外賣，可能因中秋關係有幾間小店都早關左門，咁見到呢間外賣點心店未試過就試啦，價錢黎講中規中矩，比Mr包平dd。我就買左個鳳爪排骨飯加個鵪鶉蛋燒賣，分別就26蚊同18蚊，擺埋左一齊，先講講個飯就比較硬d，雖然我個人都比較鍾意硬少少既飯，但有d位有d硬到有d乾，排骨就都比較乾身d，鳳爪色澤比較淡食落都唔太夠味。鵪鶉蛋燒賣就幾大粒，肉既部份都係比較乾啦，鵪鶉蛋就正常，整體都係普普通通。除左點心之外仲有腸粉魚蛋果d，住係果邊路過買下小食都ok既。

立食街入面有間賣點心嘅店舖，點心嘢飯嘅總類都算多，lunch time去都唔算多人，所以就買咗個飯。叫咗個排骨飯。排骨嘅數量都唔算太多，飯嘅份量應該大概一碗，一個人食都okay夠食嘅排骨算幾淋，唔肥，有幾嚿有軟骨，軟骨都易嚼碎；有啲就係有骨，都算多肉。飯嘅texture較硬，雖然未去到生骨，不過可以淋啲。另外再叫多份燒賣，燒賣一份4粒。燒賣係豬肉餡料，口感都唔okay，入面食得到嚿嚿豬肉，粉比例唔多。整體水平尚可，唔算太突出。

想食平價點心就會諗起呢個鋪頭，呢間小店位於天盛商場小食街入邊，舖頭細細間，買嘅點心種類唔多，不過勝在夠平。點心雖然亦都唔係整得特別出色。個人就比較鍾意佢嘅三色拼，三色拼入邊有燒賣，魚蛋同腸粉。有埋甜醬，芝麻醬，需要可以加辣。次次下午茶口痕，想食少少嘢就會黎買佢嘅三式拼，魚肉燒賣同魚蛋都好好味。魚蛋夠彈牙，腸粉份量最多，食完都好夠飽。其實佢嘅包類都有好多，不過唔知點解次次去想食咩包就冇咩包。唔知係咪一早就賣晒。

年頭因為疫情嘅關係，同屋企人少咗出去茶樓飲茶，嗰時開始多咗幫襯呢間點心舖。通常我都會嗌三個點心加一個蒸飯，唔使一舊水又可以過下茶癮。我最鍾意食雞圠，因為入面舊芋頭好綿好好食。燒賣就麻麻哋因為啲豬肉好肥。佢點心嘅選擇比較少，如果將來有多啲選擇或者有期間限定就好啦！

今日落大雨，又係食外買嘅時候，食得足粉麵飯多都想食下D小食，正好見到小時後成日食嘅嘢，腸粉、魚蛋、燒賣，正！一定要買一大包試下先，腸粉溜溜的，燒賣大大隻，魚蛋有口感，豉油唔會太咸，下次要記得落多D麻醬先！

今晚放工去天水圍街市買點盅皇的飯盒及小食！因我已食了很多次這間店的外賣飯，喜歡飯的口感！但豉油可能太多有少許鹹，但飯一粒粒都好喜歡感覺餸菜少了點！但都很好味！但最不開心就係買了魚蛋燒賣，估不到冇蓋！所以我和店員說仲要去街市買生果，好似不衛生，所以要求給予蓋蓋上。最初店員已立即幫我拿蓋蓋上！但那個收銀員員工突然發老脾駡個店員！仲大大聲話細兜係冇蓋！之後就搶走那店員的食物，再張竹籤大大力咁插入魚蛋燒賣到再將膠袋邦上就給我，我立即感覺非常討厭！那個收錢不是第一次這麼差的服務態度了！我立時黑面要求不要那份魚蛋及燒賣！要她退錢。她立時將食物丟在垃圾桶內！我即時發覺貴店員工都這樣討厭沒有蓋蓋上的食物！點解可以咁樣給客戶食呢？她的行動令我感覺我再不會落這個單的。請貴店檢討你們那個收銀員的無禮又常黑面的員工！是一名女職員，平時落單講嘢做事成日都無咩禮貌，問多句都會黑面那個員工。真的感覺我來買飯好似欠咗佢咁。不過下次我見到佢都不會再幫襯。希望天水圍點盅皇檢討那個收銀啦！謝謝給我反應意見。