點點心點心專門店 (已搬遷) 新店位置

聽見朋友說點心不錯, 今天來試試, 不過沒有甚麼特別, 兩個人, 叫了鳳爪排骨飯, 雲金滑雞飯, 牛肉, 真係菠蘿飽, 蝦餃, 蠔皇鮮竹卷. 除了餐牌上的招牌推介 - 真係菠蘿飽, 蝦餃可以一試. 至於雲金滑雞飯, 一片雲耳., 兩條金針, 滑雞只是少量連皮雞粒. 唯一可取是飯粒還算分明. (唐記) 做得比他好食很多, 建議老闆到 (唐記) 買來試試. 鮮竹卷汁太濃(杰), 牛肉和普通茶樓分別不大. 門口還貼了周中試食的廣告............但我覺得同樣價錢, 可以有很多更好的選擇.

跟班為食狼友，鈡咗入嚟le間點心舖，都唔知間嘢得唔得。不過達達就話冇老點唔洗閃喎！跟手佢就攞住張點心紙喪劃，喝住先肯停，不過最後我哋都叫左唔少.....law，但係overall又真係幾好食喎有驚喜晶瑩鮮蝦餃： 蝦餃飽滿，皮薄饀靚，D蝦亦都大隻又幾爽口，鮮蝦用料鮮甜蟹子燒賣皇： 豬肉肥瘦適中，夠新鮮，夾著幾隻爽口的鮮蝦, 味道不錯鳳爪： 非常入味, 香蒜加上豉汁好野味, D鳳爪皮arm arm黐住骨, D根咬落好爽. 正正义燒腸： 皮好薄, 好滑! 即拉腸粉應有水準馬拉榚： 色澤金黄，內裡氣孔無數，甜度適中，好軟熟，好香叉燒包： 掛住食其他嘢，灘凍咗，飽皮乾乾地，全塲最失敗之選咸水角： 外層多多脆, 食落煙煙un un, 饀唔算多, 勝在夠香口最超超超令人驚喜ge係蜂巢糕： 成件糕都佈滿無數氣孔，好似屋企張床褥咁，軟綿綿，加上黑糖ge香味撲鼻，好食到唔識講！杏仁茶： 真係即撞喎，D氣泡痕仲見得到，杏仁香味上晒鼻，入口又好creamy，蛋白滑滑，一盅唔夠喉呀！外面最少廿幾三十蚊先有交易，le道十幾蚊一大盅，抵食！！

我又係睇咗D報紙報導走去試試, 我係夜晚去的, 一去到門口, 咦, 幾好喎, 同幅相一樣, 幾光, 不過晚市都無乜人, 心諗, 唔係呱.D伙記都幾OK, 都幾有禮貌. 先睇睇餐牌, tick左幾樣野試下, 都係有打"星星"果D, 真係菠蘿包, 脆皮蝦腸, 鳯爪排骨飯, 鮑魚炒麵, 蝦餃. 其他都無乜特別, 响出面一樣食到, 先講鮑魚炒麵: 多油到"無朋友" , 食咗少少, 我唔鍾意浪費, 不過真係食唔落. 放棄咗. 脆皮蝦腸: 腸粉質數同对面Tong記重有好大斷距離. 材料一般, 無特別, 味到一般, 好似淨係食到豉油味, 蝦都係無乜味, 失望. 鳯爪排骨飯: 好普通, 好普通, 好普通. 好彩都重熱既, 最驚果D汁一舊舊.蝦餃: 水滴滴咁, 賣相嚇人, 不過都OK大隻, 唔知係咪用唔同既蝦, 蝦餃D蝦好似好食D. 真係菠蘿包: 其實我係為左試下呢樣野, 所以先黎試下. 上枱時D伙記話小心熱, 食落甜甜地, 裡面有D菠蘿肉咁, 如果表榜即叫即整, 呢個包算係差, 個包唔夠鬆, 普通麵包舖烘去黎D麵包好食好多. D料得個甜字, 唔香. 都係失望.總括, 試過一次乜都夠, 重要地方唔

本人推介, 點心好去處, 待應雖忙,員工服務態度很好!!2點半後有下午茶優惠食物方面:真係菠蘿包:外皮香脆,內有菠蘿肉,特別,特別!!味道指數: * * * * * (5分為滿分)脆皮鮮蝦腸:酒樓水準, 還包住脆脆的蝦肉, 皮薄餡靚,值得一試!味道指數: * * * * * (5分為滿分)蝦餃:又是推介的點心, 爽口, 食鮮! 大大隻, 好抵食!味道指數: * * * * * (5分為滿分)紅棗糕: 一層一層, 甜而不膩,有紅棗獨特的香、黃糖的甜味道指數: * * * * * (5分為滿分)木瓜鮮奶露:西米又淋, 木瓜很香, 秋冬季最佳滋潤之選,最重要甜度剛好味道指數: * * * * (5分為滿分)

之前經朋友介紹食過這裡的「真係菠蘿包」之後念念不忘，今次專程去堂食試其他點心。 之前都怕要等位，但7:00pm前去到都可即入。 環境是小店格局, 都坐得舒適，服務不錯，見到客人入門口即刻走去開門 (因為度玻璃門都好重好難開)。黠心方面，試左脆皮蝦腸、腊味飯、魚湯鮮竹卷、菠蘿包、皮蛋瘦肉粥及鮑魚絲炒麵。 可惜掛住食，無影相。脆皮蝦腸︰不錯，夠脆皮腊味飯︰有腊肉及腊腸，腊肉瘦肉稍多，難咬魚湯鮮竹卷︰鮮竹卷同魚湯分開上，可保脆口，但鮮竹卷未隨乾稍嫌多油皮蛋瘦肉粥︰我阿媽話有佢煲的水準，夠杰，不會生水鮑魚絲炒麵︰同普通炒麵無分別，油可以少些菠蘿包︰買飛佛下次可以再去試其他點心

呢間店環境好好,坐得好舒服.一個人去食可以自成一角慢慢欣賞食物.店員有熱情,我估店員都知個門重,我一到門口,就開門迎接.坐低後立刻奉上熱茶,我一路點菜.就一路介紹呢間店的食物.什至什麼時侯會少人,都講埋...直情當人客係貴賓.我最欣賞有禮貎的人.呢種服務態度簡直要高度讚揚.開放式廚房.是近年熱門的裝修.好處是見到廚房的衛生情況.有另一個好處.今時今日做廚師不是幕後功臣.廚師呢種職業逐漸搬上幕前.當天我差不多點先吃第一餐.近來將的食飯時間搞到亂左.哈...因為3點先食第一餐.我第一個就點飯..店員極力推介脆皮蝦腸.我一時忘記問店員腸粉有乜成份,就答應左.要一份.點知唔啱口味....茶:2元,跟足x好運..不過茶絕對夠熱.不用左望右望搵亞姐加茶..加茶速度快到一飲完.亞姐就加茶.鍾意飲幾多都得.其間店員仲好細心問會唔會過溶,過淡.個種感覺好溫暖...鳯爪排骨飯:真係好普通.飯粒有點過硬.太乾身.鳯爪同排骨我無期望過係新鮮貨.也不至於無肉味.全憑醬油帯出味道.普通到我屋企樓下個間點心店都好食過佢...蝦餃.18元.太濕身.而蝦餃個皮做得太大..有種錯覺令人覺得好少蝦肉,而且有一粒仲爆開左..

九點幾才吃晚飯，因曾看見有名人談及此食肆，於於決心一試。前後落了三次單，因開飯上載相片有限，不能全部登出。總括而言，這裏標榜是即叫即蒸，所以及是蒸的都是熱辣辣的，這是最基本的要求。但叫了皮蛋瘦肉粥和鮑魚炒麵就較一般，下次不吃也無妨。最理想仍是傳統的蒸鳳爪，夠味好吃。脆皮鮮蝦腸也特別，腸粉皮包著脆皮，裏面有蝦，配合起來願意吃完再吃。之後還點了沙姜鳳爪、桂花榚都不錯。綠茶流沙飽的皮較厚，味道也好。蕃薯糖水較濃。。晚上來都有一個好處，就是人較少，不用等位，間中亦有不少人進入，外賣的也不少。

叫了雞絲腸及三花餃, 收這樣的價錢, 可以有這樣的水準, 都可以收貨. 食物夠熱, 但係,雞絲腸一夾即散, OK啦...服務員有禮貌, 適當時會為加茶, 沒有的ORDER會很有禮貌同你交戴, 另外環境更意想不到的乾浸及衞生, 在佐敦這些舊區來說(不是說看少它), 己經算係咁. 不能苛求.

本人已惠顧第三次, 第一次在8月尾, 當時是一些會員介紹, 所以之後就去試食, 雖然所賣的點心種類不算多, 而大部份的食物質素很好, 可惜每次去都忘記拍下照片分享......1)叉燒飽: 好味 !! 味道不會過濃, 多肉, 冇乜肥肉.2)少林腸:每次都會點, 因為腸粉內包住網紋春卷, 口感好好味, 脆和暖 !!3)蝦餃:雖然皮不是很薄, 但內裡的蝦肉夠爽, 好味.4)燒賣: 相信是d師傳用刀 "啄", 因為食倒一粒粒肉, 好味 !!5)腐皮卷:多左油.6)凍青瓜: 雖然夠凍, 但味道一般, 都係灼菜心好味d !!7)真係波蘿飽: 內裡係碎粒波蘿, 幾好味!!8)小寵飽: 有汁, 味道不錯 !!9)芋頭西米露:　不會太甜, 芋頭入口溶化, 好好味 !!10)桂花奶凍:超＂好＂＂好＂＂好＂味，　入口軟滑, 甜度適中, 而且仲有雪耳碎, 好有新鮮 感, 但可惜限量供應, 希望快d再推出 !!11)雞飯:　d飯軟硬適中, 飯有口感, 不會太淋 !!12)炒麵:　不會太油, 味道OK !!13)流沙奶皇飽:不算多奶皇流出來, 有待改善 !!至於服務態度要讚:有位總廚十分健談, 有禮貌, 其他侍

第一次寫食評就比了點點心!因為真係幾好食2個人食叫左5個點心,本來叫4個,后來再加一個1.菠蘿包個包裡面真係有菠蘿,第一次食到菠蘿包內有菠蘿,汁也ok滑,一定要試下!2.豆苗餃, 點心紙好似叫三花餃睇落好靚,菜苗很滑,一點也不"鞋"3.帶子餃見到原粒帶子,大家睇下相就知4.少林腸最初吾知係乜,但點心紙打左粒星,就點埋啦! 原來係羅漢齋腸,好似炸兩的口感,出面未試過,好食5.本來只點了四個點心,見幾好食,后來再加多一個小籠包很多汁,汁有汁味,肉有肉味(學黃麗梅),係其他經常都食都乾到硬的小籠包,這裡就很多汁服務員OK,吾洗叫都會主動加茶,有些位可以見到師傅即場整點心,但今次冇坐那些位,好似一樓咁講,度門真係好重,同埋冇電視,有電視好些overall 真係幾好食,好食過好多大茶樓! 價錢也ok,2個人食都吾洗$100仲有好多點心未試,有機會一定再試

(佢地度門超重-.-)一入到去坐低就tick點心 點心紙上選擇唔多 價錢同其他店差唔多 但始終都係比酒樓貴少少我地嗌左6樣野:1. 鳳爪排骨飯 - 好好味 d飯唔會好淋 軟硬適中 good!!2. 蝦餃 - 唔錯 蝦肉好juicy3. 燒賣 - 唔錯 都係好juicy 不過我覺得蝦同豬肉可以痴實d 因為我一咬蝦同肉就分開晒4. 奶皇流沙包 - 本來諗住佢好濃咸旦黃味 但食唔到有 只係一大pat流沙奶黃 不過個包好軟熟5. 炸鮮蝦腐皮卷 - 好好味 平時響酒樓食通常都唔熱又唔脆 但佢兩樣都做得好好 而且d蝦又係超juicy 不過就油左少少6. 叉燒腸 - 唔錯 叉燒都幾肥下 我鍾意 腸粉都幾滑哩度ge點心好多都好juicy 所以我好鍾意 平時酒樓果d都好乾 唔知係咪全部點心都係即場製作ge哩同埋哩度ge服務都好好 員工都好有禮貌 又會成日加茶 good!!overall: 會再黎!