鼎記 (已結業)

響旺角的食肆多數係火鍋、日本野、CAFE，有時都想食下港式小菜。鼎記早午係茶餐廳的型式，晚市提供小炒同串燒，另外燒味都係餐廳主打。菜式的種類太多了，睇下店員有咩心水推介，響內面揀咗一啲串燒、一個菜同一個肉類的小菜，要做到均衡飲食。七味雞軟骨（$16/串）：每一舊雞軟骨都燒到好香脆，灑上香辣的七味，一定要第一串食黎開下個胃。孜然牛肉串（$16/串）：牛肉的香比孜然的味道更濃，完全唔會被蓋過。孜然羊肉串（$16/串）：有孜然的配合，唔會好勁羊羶味。孜然雞中翼（$18/串）：外面超脆，加埋芝麻同孜然調味，非常野味，雞翼又超嫩滑，真係可以食多幾串。蜜糖燒雞全翼（$18/隻）：外皮無雞中翼咁脆，淡淡的蜜糖唔會輸比濃味的孜然。蒜蓉焗娃娃菜（$38）呢個娃娃菜太驚訝啦，每一塊都係爽脆清甜的，唔係好似平時食個啲好軟身，粉絲索哂牛油同蒜蓉的味道，娃娃菜可以平衡串燒的油膩。拔絲咕嚕肉（$78）擺盤靚到好似去酒樓食小菜咁，咕嚕肉每塊都軟滑到唔洗用力咬，外皮炸到外脆內軟，配合酸酸甜甜的咕嚕汁，每一舊都可以拉絲。青紅黃椒都唔可以錯過，加埋用火焫過的菠蘿，清甜多汁，仲用黎當飯後果。飲品有很多選擇，天氣太熱，就揀啲

今日又同朋友去旺角行街食飯，今次試下呢間鼎記茶餐廳。首先我地揀咗個二人套餐 $168冰鎮拔絲咕嚕肉呢碟餸夠特別，碟上鋪滿冰，令到菠蘿同咕嚕肉食入面都係凍，酸酸甜甜夠開胃，啱晒夏天的時候食😋避風塘辣蝦份量多，炸蝦嘅好處係唔駛剝殼，成隻蝦除咗蝦頭同蝦尾外都食得，咬落去外層脆卜卜，又唔會太辣，連埋炸蒜酥撈飯，正！白飯兩豌附送例湯員工介紹今日湯係海帶湯，每日新鮮製造，飲落去都清甜。自家製洛神花茶 $12加咗檸檬後有少少酸，洛神花唔會太甜，甜度剛剛好。凍檸茶 $9

今日放工入左位於旺角嘅呢間中餐廳，係食小炒、雞煲、燒味為主嘅！鋪頭細細，但地方都光猛、乾淨，設有卡位，圓枱，都算幾坐得舒服。我地點左個百幾蚊嘅二人晚餐:章魚老火湯 - 好香章魚味，一飲就知有別一般餐廳嘅例湯。避風塘炒辣蝦 - d蝦炸到好香口，連d殼都食得。冰鎮拔絲咕嚕肉 - 冰火嘅感覺！咕嚕肉外脆肉軟 （推介)。另外，呢個餐仲包埋絲苗白飯。所以絕對夠食！飲品可以跟餐加錢配，豐儉由人。整體黎講，今次嘅用餐體驗算唔錯，d職員都幾有禮貌，一舉手就到，反應幾快，可以encore！

行過旺角見肚仔餓了，轉角遇到間裝修得幾靚既港式茶餐廳，於是就拉左朋友入去食晚餐。餐牌種類都幾豐富，最後決定叫二人套餐精選，唔洗點左諗右諗，發現原來都幾有特色。菠蘿船香蕉咕嚕肉，用生果伴碟既咕嚕肉，咕嚕肉唔會得啲骨，起碼有大啖啖肉咬到，配埋士多啤梨同菠蘿好fresh。豆豉鯪魚魔鬼椒炒蜆，平時豉椒炒蜆就見得多，用豆豉鯪魚炒又真係第一次食，口感又出奇地夾，好夠味道，但又唔會太咸。然後再叫多隻乳鴿，皮脆肉滑，肉質唔會烤到太乾爭爭。

呢間位於油麻地既小店能夠係呢個競爭咁劇烈既地方站得住腳果然有兩度板斧野食唔算貴，最重要係佢有好多菜色都幾特別唔似一般小菜館咁悶足料老火湯飲得出唔係用味精仲有大大隻雞腳，證明真材實料門外見到Ｄ叉燒已經睇得出係靚野所以一早已經決定左要叫果然冇令我失望！叉燒係完美既半肥瘦令佢食落口感非常軟熟，更會感受到滿滿既油脂香，同時唔會過肥令口感太膩蜜汁既味道入晒味咸加甜既口味令你淨係撈汁已經可以食幾碗飯冰鎮咕嚕肉頗特別既一道菜正常咕嚕肉都係熱食今次用上冰鎮，又別有一番風味因為冰鎮過，令佢外層凍凍地，但入面依然暖，做到兩層既口感而且外層既醬因為冰鎮而做到拔絲效果，口感特別蔬菜數量都好足，口感清爽成個菜夏天食真係岩晒！特別一提呢到既凍檸茶茶底都唔錯飲落有茶香又唔會澀

餐廳係正新寶戲院隔離 今日睇戲 見到呢間餐廳都幾多野揀 決定試下呢間 可以坐到最後一刻再行過去都得🤣🤣🤣全部都係卡位 坐得幾舒服😌 燈光好光猛 餐牌上有好多選擇 仲以為係普通茶餐廳🤣🤣 最後揀左食二人餐古法醬油雞呢個好驚喜😍😍 雞件好嫩滑入味 醬油味甜鹹甜鹹咁好送飯😆😆食完一件接一件生啫野味鍋仔排骨煲呢味上到來都有仲有咋咋聲 落左洋蔥、蔥、芹菜去爆香 上菜都聞到佢嘅味道😋😋排骨大部分都係肉 偏瘦 小小乾 攞來送飯都ok 略嫌味道較淡 不過勝在夠香😛蒜蓉炒生菜蒜蓉炒得好香 好有鑊氣🤪🤪略嫌多左小小油二人餐包埋飯同湯 湯好似係菜乾湯 甜甜地 幾潤喉飲品我地叫左凍朱古力同埋三檸蘇打😝凍朱沖得算幾好飲 唔會死甜 又唔會太淡😚😚三檸蘇打唔係度度有 有檸檬 青檸 鹹檸😆😆😆見到即試🥳

這晚約了老公看電影，當然要先醫肚，因為時間不太多，茶餐廳也是一個不錯的選擇，結果就在戲院附近發現了一家門面頗闊落也光猛的，於是進去試試。內裏裝修簡潔，一個招牌鴨腩麵字樣非常顯眼，相信是拿手菜色。但老公說晚餐祇吃麵沒有飯的話恐不夠飽，於是轉吃了二人套餐。其實這餐廳應該也主打燒味，因看餐牌燒味類也有很多選擇。我們套餐跟送中式餐湯，這餐湯喝後不覺口乾，應該不是味精湯了。我們的套餐有9款菜色可供選擇，我選了冰鎮拔絲咕嚕肉，單看外形已非常吸晴，食落也十分可口，暖暖外脆内嫩的咕嚕肉，沾上冰冷的冰塊，感覺十分特別。而老公則選了生啫鍋仔白鱔球，炆得蒜香撲鼻而來，白鱔球肉滑無骨鮮嫩，襯以火腩肉，簡直絕配。套餐跟來的白飯亦盤滿砵滿，加上這兩個甚有份量的小菜，焉能不飽。於是加叫了一個咸檸7消消滯，大大粒的檸檬盡帶出咸檸7的味道。出了門口被它的一個招牌菜色吸引，68元的價錢能嚐到有乳鴿义燒的碟頭飯，已經十分超值，看圖片份量也不少啊，故相約老公下次再來一試。

本身打算頹頹地快手食個飯就算，不過見menu好多選擇咁，唔係好似一般茶記，心底裏有少少期待XD隨餐附送嘅湯呢個古法醬油雞嘅豉油汁好入味，用嚟送飯認真一流！蜜汁叉燒比想像中好味，肥瘦分明。完全無預計過有乳鴿！雖然細細隻但好多肉，夾埋啲汁甜甜地咁幾惹味。我最鍾意都係呢個菠蘿船蘋果咕嚕肉，蘋果以咕嚕肉煮法整，沖淡咗滯嘅感覺。再加上菠蘿嘅酸，成個菜就酸酸甜甜咁~最後仲叫咗金磚多士，真係一個個扭計骰咁大個，25蚊嚟講真係好抵食。總結餐廳環境望落似普通茶記，但食物質素明顯係有心思而且嘗試創新，好有新鮮感。調味方面有誠意，亦令本身平平無奇嘅菜式升咗一個層次，值得再去~

喺旺角行街見到間既入邊有好多唔同嘅嘢食有燒味有呢個小菜咁就睇吓啦食嘢雖然多元化絕對唔會似大排檔款式大環境都好舒服同埋坐得舒服因為兩個人我哋就隨便嗌左兩個小菜店舖有呢個二人套餐一個小菜再加個燒味再加埋兩碗白飯同埋例湯都係$150有找我地就叫一個叉燒同埋呢個菠蘿船蘋果咕嚕肉叉燒上到黎嗰份量都幾多而且肥瘦適中都好入味好送得飯菠蘿船蘋果咕嚕肉首先個樣都幾吸睛跟住個菠蘿係用上新鮮而蘋果就上咗炸醬同埋肉一齊炸全個味道甜甜酸酸其中食個蘋果粒清新味會中和咕嚕肉夾埋側邊嘅新鮮菠蘿全個餸變得幾清新喺旺角行得攰食返呢個飯都幾簡單滿足

一早到旺角就諗緊去邊到食早餐，點知經常這間鼎記見店內算乾淨及標榜是出前一丁麵😋it’s my favorite 就係入左去…… 坐左一陣原来水要叫先有，问佢要張纸巾另外比錢😌…… 为出前一丁而入来當然要叫啦.配上雞扒煎蛋……唉，煮出前一丁及煎蛋已经唔洗凖備啦，咁点解唔用心去處理一下雞扒呢，又干又淡而无味😒

成日經過旺角見到呢間啲叉燒好似好吸引咁！於是夜晚入黎試吓～嗌左個叉燒例牌（$78），食落去好有蜜味！而且仲要係半肥瘦叉！食落去好冧甜！一啲都唔覺得難恰恰！另外仲配左白飯+老火湯（老黃瓜煲紅蘿蔔+豬骨），個湯飲唔到有味精！飲落去好有家的感覺！另外，仲嗌左個拔絲咕嚕肉（$75）！舊肉本身熱辣辣，再加埋啲冰，真係好有冰火二重奏嘅感覺！舊咕嚕肉亦都無骨～咬落去啖啖肉，個咕嚕汁絕對可以提升左舊肉嘅精華另外再嗌左個酸菜魚（$148），魚肉非常滑溜！有少少辣，而且酸菜份量亦好多～底層仲有啲薯粉係底！我同女朋友真係食到頂住呀！連第二朝早餐無食到飲品方面，嗌左凍奶茶+凍檸茶！兩杯都正常水準！奶茶好有奶香～而檸茶啲檸檬都俾左好多片！飲埋個老火湯真係成肚水！成餐都好滿足呀！

雖然旺角好多嘢食，但係因為趕時間所以就同朋友誤打誤撞之下食咗呢間餐廳！啲位置都幾闊落下！兩個人叫咗個二人套餐✨古法醬油雞啲雞都幾嫩，而且唔會好生，一啲血水都冇！同埋見到啲豉油都夠晒深色，令我食慾大增😛😛啲雞入邊都算有醃過，唔會喺出邊死咸，總括來講都幾好食😋✨菠蘿蘋果拔絲咕嚕肉咕嚕肉份量都幾大！而且仲有鮮菠蘿🍍！佢咁樣切嘅方法令我食嘅時候好方便！仲唔使擔心餐廳會用重用嘅菠蘿添🤪🤪🤪值得一讚就係師傅技巧高超，先可以令到咕嚕肉就算有汁，但係啲汁唔會令到咕嚕肉唔香脆！啖啖肉好正✨燒味就揀咗叉燒叉燒份量都唔算好多，不過肉質都幾好，唔會鞋啲蜜汁都夠嘅，撈飯都正而且唔會醃到太鹹✨凍三檸梳打入面就有鹹柑桔🍊黃檸檬同埋青檸檬！呢個簡直係人間享受😎辛苦完成日，有三檸梳打做晚餐嘅完結真係好爽😄

行完旺角,俩口子被呢間位於豉油街金碧輝煌嘅招牌吸引,加上好耐冇食茶餐廳,就入去食個快餐！餐廳乾淨企理,光線充足係間比較新式茶記餐廳。除咗晚飯小菜外,仲有海鮮套餐、咖喱、烤魚等。我哋點咗個二人套餐$158古法醬油雞(特色煮法)菠蘿船蘋果咕嚕肉兩杯飲品、白飯、老火例湯(我哋冇要)即磨咖啡香滑,有種回甘味！喜歡飲咖啡的朋友,值得一試。古法醬油雞🐔有八大件,件件都好瘦多肉,完全零肥膏。雞肉嫩滑,醬油滲入雞肉內,味道清香,用埋醬油伴絲苗白飯,更好味！菠蘿船蘋果咕嚕肉🍍🍎茶記餐廳嘅小炒有賣相,加分！薄薄一層炸粉包住細細粒咕嚕肉同蘋果,一口一啖,容易入口。彩椒、洋蔥清甜爽口。成碟小菜被酸酸甜甜嘅醬汁包住,愈食愈開胃,完全吾肥膩。用上新鮮香甜菠蘿而非罐頭菠蘿作伴碟,非常有誠意！茶餐廳都食到有驚喜又經濟嘅小菜,而且服務員有禮貌。外賣都好受歡迎。佢哋嘅套餐亦定期轉換,會再來的！

<<Thursday Couple 為食記🐖🍌>>今日去到旺角嘅鬧市，諗住簡簡單單食餐便飯，同男朋友去搵啲小菜食，點知搵到一間好有氣勢嘅餐廳😂🤣門外感覺好似金碧輝煌，仲叫鼎記！🔥🔥🥳聽名都覺得好霸氣，以為好貴嫁🙈🙈😂但望望餐牌，原來如此好合理嘅價錢，喺旺角呢個地段做到裝修咁靚，但係咁平，都驚有詐🤣🤣我同男朋友就想幫大家試吓掂唔掂喇！😎😎🔥大家可以望吓個餐牌，其實佢真係好平民價，不論午餐定晚餐，單叫飯同埋小菜其實都唔係好貴🥳🤩實惠嘢！事不宜遲試試吓佢好唔好味🔥🤩一坐低呢就想叫番杯嘢飲先，有杯叫做三檸梳打，見到都覺得應該好酸🤣🤣但老細非常之推薦，所以我就試吓！好似係佢哋嘅招牌，聽老細講係落咗三種唔同嘅檸！中意酸嘅朋友仔，會夠曬爽！🔥🥳🍋🍋🍋一試果然好清爽，三種唔同嘅檸檬嘅香氣同埋味道感覺好特別！之後見呢度嘅叉燒都好出名，就叫咗老細斬少少叉燒俾我哋，食落口真係入口即溶，無論係肥同埋瘦嘅部位，都好正😋😋已經好耐冇食過咁好味嘅叉燒，以前就食過一間喺粉嶺嗰邊食，但係喺九龍呢頭真係少見，仲有啲窿邊嘅叉燒，香氣同蜜香撲鼻😍送飯真係一流☺️☺️👍🏼出名仲有佢哋嘅燒乳鴿，都係好

樓面阿姐態度差到。 叫左燒鵝比左幾舊都係羅友位，得肥糕，要求換就求其揼件鵝翼，仲要斬兩下暫唔斷就求其。咁唔想做咪做啦，真係好日唔尼旺角，宜家旺角就係咁比一部分食肆做到印象差晒。。