齊齊串泰式小食 (已搬遷) 新店位置

呢間之前開喺龍門居，個陣已經成日食，依加搬左去美樂，當然都要繼續幫襯！💛•呢5樣串燒全部都燒得夠乾身，有啲焦香味，但又唔會好燶👍🏼肉類醃得幾好，調味適中～不過佢地秘製沙嗲醬先係重點！！質地有啲「杰」身，可以掛喺串燒上面，有濃郁嘅花生味同埋有好多花生粒🤤有辣有唔辣，好味到想用佢黎點所有野食😍 唔係即刻食嘅話可以叫醬另上(每份$2)～🥢 豬頸肉 $15豬頸肉食落唔乾，而且好爽口，係食過最正嘅串燒豬頸肉😋推薦！🥢 牛肉 $13牛肉有少少「鞋」，但可接受。🥢 雞肉 $12雞肉唔乾，連住少少雞皮，但唔會好肥🥢 煙肉腸仔捲 $10正正常常，咸度適中🥢 墨魚丸 $11墨魚丸唔太彈牙，口感比較粉😬•🥢 秘製蒜香雞翼尖 $25雞翼尖夠辣，好惹味，而且份量好多！$25好抵食！

唔記得咗影相有驚喜！佢個沙爹汁堅好食，買左墨丸、燒賣同雞中翼，好好味呀！！d staff仲好好禮貌添～今日得串燒，冇其他嘢，睇餐牌應該有粉仔、腸粉嗰d，下次試下先~~

今日經過美樂，望到裏面有間串燒店行去試一試， 今日試咗豬頸肉，雞，牛，雞腎除咗牛肉比較鞋，其他全部ok喎😋最有驚喜燒雞腎豬頸肉燒得脆口香口~ 個醬汁好惹味 今次試咗辣醬汁，香辣到好味到停唔到口~正😋😋😋 價錢仲好平,經過可以去試試👍👍👍 下次試埋燒雞翼尖 ,燒燒賣🤗🤗🤗🤗