龍之品味 (已結業)

尋日黃雨後趁停雨落街醫肚，同屋企人老公仔女走左去呢間小店食飯，幾鬼好。佢伙記係門口都好招呼，讚，老公見佢有雞煲，又有燒烤食，又試吓.坐低叫左雞堡，烤雞腎，雞皮，個女至愛嘅烤牛扒，老公想食嘅烤由魚，d嘢食上得ok快，先來個雞煲，好香好惹味。哈原來落干紅椒，香葉同my favourite薯仔，d汁好入味，滾左食到一半個侍應都主動加水good ah, 其他燒烤都出色，佢嘅燒烤牛扒超大塊，食落發現好厚身，肥瘦3/7分佈，燒烤剛好熟多小小，無血水，好得喎,so ,從質量去評，呢個牛排好食到，其他烤雞同魚都見師傅慢工出細貨，烤魚係一盤上，連埋配菜配料如芫茜紅椒香葉都幾鬼好食，難得個汁唔咸。小店中有呢個水準，難得。註：仔女食到唔停口,下次影番多D相

是日星期日有點涼爽，晚上行到美景街，周圍行下揾嘢食，行下行下見到呢個小店幾骨字，又有我至愛嘅燒烤牛串，梗係入去試下，我點了燒牛仔骨一份$58,燒玉子豆腐一份，另外見有一大圍檯點份鷄㷛，嘩!我都好鬼鍾意食，但得我同媽兩個人驚食唔哂，so,我只叫半隻鷄㷛，先講個鷄㷛係gas爐上，好足料，最正係佢落埋薯仔同香葉，更入唒鷄味同惹味的醬汁，簡直係鷄㷛嘅靈魂，先賣$108!我係上水食半份都仲無味．都要$188!!邊有呢個水準!另外，燒烤安格斯牛扒如圖，真係好多肉汁juicy又腍身，好食到無朋友，直程拍得住跑馬地bar snack,但係呢度先賣58!!我的天!又係土地問題，跑馬地租貴，連份扒都成$128係一小份，呢度真係又好食又大份!燒玉子豆腐就ok la.last order 份燒肥牛卷，都食得出個師傅有心機燒，超好味，係剛好燒熟，仲keep juicy, no fridged smell無雪味!我都好少見有小店咁唔起眼都咁好心機煮!忠心希望你keep住水準，下一次同大班friends 再gathering.註- 見隔離檯叫烤魚超大盆，都忍唔住影張相