龍子薈潮客

營業中

休息中

一心諗住試下呢間酒樓嘅晚飯，見到佢可以三選一一個特價嘅菜式我哋揀咗半隻片皮鴨。55蚊大大隻字細字寫住60蚊有現金券，拗曬頭咁問過職員乜嘢現金券會貴啲，佢答唔到都算喇個經理行過就好簡單咁樣講話有冇現金券佢會去到收銀嘅時候會幫我哋計。正常人咪會話我冇現金券咁即係收幾多錢，佢冇正面回答確認係55蚊只係掛住叮囑佢個員工點樣落單，佢個員工應該係新人，佢又唔去幫手呢啲老細真係跟唔過，唉！個片皮鴨完全唔好食好似隔夜燒鴨又鞋又冇味，另一碟餸等咗30分鐘所以我連白飯都唔叫，埋單嘅時候去到收銀佢計55蚊然後畀返張50蚊嘅現金券我要用夠300蚊下次用咁即係話你用現金券嗰啲優惠菜單就會貴咗簡直痴線有冇同個客戶個角度去諗呢樣嘢！

附近間間茶樓都減價，連帶這間在酒店樓下的茶樓都要跟住減。30幾蚊一個孖寶，等於10幾蚊一個點心，星期六每人50幾蚊已經食到好飽。而且佢座位鬆動，坐得舒服，雖然可能比附近街坊茶樓貴一點點，但環境同食物又好啲。鳳凰煎米雞香口好吃，腸粉夠滑，仲有好多地方都冇嘅乾蒸牛肉燒賣，我最鍾意食嘅係上湯鮮竹卷，鮮竹夠滑身又唔會太濃味，清甜的。不過呢一間茶樓，有時上菜比較慢，冇咩特色點心，可能因為咁比較少人唔使等位，對於我呢啲食客嚟講係一件好事，橫掂我都少食公仔樣點心。

酒樓地方擠迫，坐在近走廊，人來人往，感覺不舒適，一行四人，叫了個198元套餐，有3個點心，1個小食，1碟炒飯，先來小食咕嚕肉，份量少得可憐，有4-6粒菠蘿，5粒咕嚕肉，但另一碟咕嚕肉份量比較正常，我們要求換碟正常咕嚕肉，但個部長黑口黑面聲稱這碟是憐桌的，但我們堅持要換回正常份量個碟，最終喃喃自語才換回給我們，之後來了2籠燒賣，我們話只叫了1籠，頭先個黑面部長急急腳走來，話這籠燒賣不是我們，我們點的套餐，每籠只得2粒燒賣，我話餐紙無寫明得2粒，佢話係無寫明就走開了，我們o晒嘴，深感無奈😮‍💨，過了一陣，黑面部長又走回來，拿回原先有4粒燒賣給我們，被佢吹脹，身為部長連這些攪錯，這間酒樓已給我們列入黑名單，永不光顧😭😭

這裏的團年飯不用分上下圍，所以早一個月前訂了七點鐘圍茶。七點左右一家到齊，便通知酒樓員工起菜，係再次查詢下第一道菜乳豬全體終於上枱，乳豬皮都幾香脆，不過好肥冇乜肉。吃完乳豬等了半個小時，第二道菜仍然未上，向員工多次查詢下，她們說己為我們反映，只能為我們茶壺加水，最有趣的是連經理都話啲廚師唔聽佢講，最後過了八點半，足等了個半小時才上第二道菜，彷彿全酒樓上完所有圍菜才開始為我們做菜。年尾過節即使忙，酒樓總要有應對方案，不是要客人呆等，連要等幾耐也未能交代，只是叫我們再等一等，難怪港人不想留港消費。最後這晚的菜色不如理想，雞太咸，龍蝦和魚唔新鮮，冇乜味，翅只吃到胡椒粉味，笑口棗外脆內淋，唯一正常是糯米飯。呢間酒樓同其他同系酒樓以後都唔會再光顧啦。

見屋企人喺呢度飲茶都OK，而且你新開酒樓，仲可以加大坐16人都好舒服，所以提前同家人喺呢度食冬至飯，諗住會食得舒服開心啲，我哋order歡聚宴，可能呢間酒樓係新開，點知啲上菜阿姐連枱號位置唔清楚比較混亂，曾晚D餸好耐先一碟一碟上枱，食呢一餐飯三個鐘頭，有啲冇癮。再講原本菜單一隻雞就嚟錯咗半隻，好彩發現得早未食，另外一碟帶子只得六粒，成晚最好味係碟燒雞夠味夠熱，其它菜味道就一般般啦又不夠熱，總之有待改善！

早前老豆朋友喺呢到擺咗幾圍, 食完返嚟勁讚.咁我地就搵個星期六去飲個早茶睇下係咪咁好啦. 先上嚟OPENRICE睇食評, 點心唔夠熱? 但我地今次樣樣都夠晒溫度. 應該係運作順咗吧. 除咗個粥淡味啲, 個潮洲粉果皮厚咗啲啲之外, 其他點心都好正常吖. 早茶又有孖寶優惠. 算幾抵喇. 坐得都唔算太逼,  唔使排隊,  暫時都係一個唔錯嘅選擇. 

朋友生日，一班人出嚟又想玩、又食飯，咁啱見新開酒樓，就試一試，果然唔錯，冇選擇錯。星期六14人book咗間房，有兩枱麻雀，又有得唱K，唱K音響唔錯👍🏻，我哋14人食咗套餐，全包宴，我哋要求做個生日大壽桃包，酒樓好好，真係應我哋要求叫廚房整咗，整得仲好靚添。食物味道好，員工服務態度唔錯，環境新開，乾淨衛生，我哋間房張枱勁大，可以坐到18人，仲有轉盤係自動嘅。每人都係幾百蚊就可以玩成日，唔錯嘅選擇😆

但係大多數啲點心係暖的，服務員招呼係好，但係食物唔夠熱，牛腩湯麵及水餃湯麵係暖的，蜆肉韭菜粿直情係凍嘅，希望酒樓的廚房要改善下,唔好將啲點心蒸定，應該係即叫即蒸。

今晚我哋為母親設兩圍壽宴，順便振興一下市道。橫掂都係要畀錢，梗係要精心挑選一下，最後決定試下喺悅來坊新開張的龍子薈，佢哋定的套餐價錢唔貴（其實算平）,地方裝修速新，服務員態度有點似國內水平。最重要的就是食品質素及份量交足貨，尤其是個砂鍋花膠翅，足12両，花膠又多，佢哋應該有一個非凡的大廚，出品喜出望外，兩圍枱都讚不絕口。娛樂又有打麻雀加唱K，超級盡興👏如果你哋還猶豫緊試唔試呢間新食肆，真係可以放心一試👍🏻。