龍川雲南米線

營業中

休息中

第一次食呢間米線，門口望嘅時候就覺得裝修幾好，原來係保留上一手cafe嘅裝修👍🏻平日中午都幾多人，但回檯都快，冷氣夠，環境唔逼，比傳統米線舖頭坐得舒服嗌左麻辣胡椒湯同番茄湯，麻辣胡椒幾惹味，但番茄湯就正正常常，不過不失，個人認為腩肉好好味小食嗌左皮蛋同豬頸肉，豬頸肉普通，皮蛋好食，夠味；凍檸茶都正常發揮店員都態度好，即使多客，都唔會hea，小小缺點係無牙籤不過整體感覺幾好，下次會再幫襯👍🏻👍🏻

店員態度非常友善，尤其店長四眼哥哥係忙到飛起既時候態度依然親切友善，簡直係仆心仆命式招呼客人(地板有油，佢鞋底太滑，仆親兩次，好慘)食品推介：豬腩肉，肉醬，豬腸，墨丸真心好好食食左兩次第一次小鍋米線酸辣湯，小小辣，一飲湯底有驚喜，真係湯底一流，食左唔口渴，食到最尾撈埋啲肉碎黎食，好耐冇試過食得哂成碗米線，好食到全清，十個讚啦第二次食小鍋米線胡椒麻辣湯，一飲湯底好似無乜特別咁，但食下食下食落有後勁，有麻辣得黎但又不失有胡椒味，食完又係唔口渴，不錯

元朗終於開分店，即刻衝過嚟食！果然無令我失望👍🏻湯底超濃郁超好味🤤小食孜然脆腩、炸大腸、墨魚餅都好好食🤤店員哥哥仲要好好招呼，新舖坐得又舒服又闊落，會經常嚟😍