龍津美食

營業中

休息中

今日經過旺角，去左好耐都冇食嘅 龍津咁多間龍津 我只係鐘情於呢間因為呢間除左燒賣魚蛋好食之外，仲要抵食$10一碗今次去 發覺份量好似細左細粒左，不過佢嘅特制辣汁就冇變過...

龍津美食是在香港比較常見的小食店，銅鑼灣，旺角，深水埗，太子等等都有 雖然賣的東西都是差不多，不過價格會有一點不同的哦這次在回家的路上覺得餓了，忍不住就去買了10塊1小碗的燒賣，裏面有8-10粒（沒數清楚），不過也很抵食了啦。其實可以魚蛋加燒賣這樣2種一起叫的哦店員問我要不要辣，我要了小辣，配上燒賣剛剛好。不知道是不是因為肚子餓，吃起來特別好吃，燒賣有魚肉香味呢當然其他的醬料也可以自由添加。其實還有很多東西吃，煎釀三寶看起來很吸引，下次我都要試試

平時早餐多數都係食一片麵包，今日要好晏先食到lunch，路過龍津就買一份魚蛋加燒賣，真係好平$10 有8粒魚蛋加8粒燒賣。至於味道就一般啦，燒賣唔算彈牙，魚蛋就好d，都彈牙，而味道係來自d辣汁（唔算辣但辣味都幾香），平但唔算太好味，但夠飽肚！

旺角龍津美食 朱古力原味雙併雞蛋仔 $12 無辦法解釋。全港唯獨是這家龍津美食的雞蛋仔如此美味！即使是不同的呀姐、如何不計時、感覺如何求其隨便，你還是神奇地可以在這裡吃到一底又平又好吃的雞蛋仔！AMAZING!蛋糕仔比例比一般雞蛋仔多，淡淡蛋香襯托著鬆鬆軟軟的蛋糕部分。朱古力那邊不僅是顏色，真的帶淡淡朱古力味。另一奇點在，雖然蛋糕部分佔的比例甚多，外皮仍可以 keep 到脆！雖然有些邊位脆到有些硬，不過絕對值得支持！！而且$13一底，夫復何言！

今日未食早餐就出門返工，見肚子有啲餓，就霖住買少少小吃食下，於是黎左呢度。呢度嘅魚蛋燒賣同米其他食物都好抵食，我買左10蚊魚蛋燒賣，大大碗😍我就冇點數過，估計應該都有十零二十粒左右，雖然魚蛋細細粒，但都依然好彈牙，甜甜地，味道唔算太差😋不過今次嘅燒賣，就有啲唔係好熱，唔知係未熟定點，我覺得呢度嘅辣醬唔係好岩我口味，通常我都係走辣醬，要醬油跟住加辣油😂呢度嘅煎讓三寶都係新鮮炸，最中意食距嘅炸豆腐同米雞翅雞腿🍗，邪惡到爆啊😈

由於本人超超超鍾意食魚蛋！！試過年初二都買2個人食咗$100🤭🤭🤭試過去長洲兩個人食咗$200魚旦🥺💕喺呢間以前$3就一串🥰🥰不過喺呢度食嘅唔係味道係價錢咁平食幾多串都得啦依家格仔餅雞蛋仔都加咗價不過$13底，$20.2底，可以揀格仔餅加雞蛋仔， 好彩的話遇到佢新鮮整，有脆又好食呢個價錢不能要求太多，魚蛋燒賣格仔餅腸粉雞蛋仔都係香港人嘅美食，呢間就係平價小食店！！😋😋😋開心唔開心都要食！！！！

放工時間經過呢頭，又見到啲人督魚蛋燒賣，又心癒起！唔理一陣返去就開飯，買左魚蛋燒賣各一串，姐姐問要唔要辣，當然要啦！以前係深水埗食過佢分店既魚蛋，就鍾意左佢既汁同魚蛋，不過好耐無食，佢啲汁好香濃既蒜味，唔會勁辣，咖哩汁都好香又唔太辣，鍾意佢啲魚蛋唔係好假既爽質地，有啲Q彈既感覺。水準同深水埗分店一樣👍🏻燒賣就唔係好得，好粉好淋無魚肉味，不過$8有十粒都唔會期望太高食到真。魚肉燒賣，下次就咁叫晒魚蛋會高興啲！🤣🤣🤣

龍津依個名真係係人都識，香港人又好遊客都好。皆因佢開到成行成立，多過7仔。基本上所有香港出名既街邊小食佢一定有，燒賣魚蛋，煎釀3寶，串燒，碗仔翅乜都有。而我次次都係食燒賣魚蛋。佢既燒賣魚蛋冇話超好食勁好食，只係普普通通既燒賣咖哩魚蛋，但勝在佢超級平，9蚊買一送一，大大碗兩款都食哂，YUMMY YUMMY。姐姐會落定醬油，跟住自己可以隨心落乜醬都得，甜醬花生醬。不過食得平野都要忍一忍耐，事關賣野食D姐姐都好冇禮物，郁D就鬧人喝人

今日買腸粉, 明明見佢冇落花生醬就比我, 咁我咪叫返佢落, 點知佢勁大聲話咪落左囉咁我趕住返工費事同佢嘈, 佢仲勁大聲問係咪落多D呀,,,返到去睇,,點知倒左成半碗醬比我,嬲到我痴線, 唔會再幫襯

龍津這名字﹐相信對大部份經常出入旺角的香港人毫不陌生在現時物價飛漲的年代﹐仍可以在靚地段賣一串幾蚊一串魚蛋學生哥幾串當一餐﹐都只不過廿蚊有找 ﹐也算是良心企業不過﹐我每次去主要都是去吃魚蛋和燒賣而今次因為特別愛吃雞蛋仔的女朋友要吃就交出我的第一次 - 朱古力雞蛋仔$13的一底雞蛋仔﹐對於我這些對雞蛋仔無感的食客來說是無感好似不便宜也不貴﹐但現在都流行一些什麼雞蛋仔加上餡料﹐或是夾著雪糕之類使這底幾年前仍算是"創新"的朱古力雞蛋仔變得很普通龍津負責做雞蛋仔的職員需同時兼顧果汁吧一人負責兩邊也沒有顯得手足無措果然是旺角市中心的雞蛋師傳由於雞蛋仔都是新鮮製作﹐還要放在架上待涼使雞蛋仔變得脆身需時大概8分鐘﹐在旺角道這條人多車多的街道﹐空氣和嘈音污染嚴重的地方呆等8分鐘實在要扣少許分數龍津的燒賣魚蛋向來被選為劣食之選﹐我亦沒有對這裡的雞蛋仔抱有太大期望﹐但發現竟是意外的好吃外脆內鬆軟的口感﹐還有淡淡的朱古力味﹐一顆一顆的放入口使得朱古力味疊加﹐慢慢地變得濃郁而且還有著丁點的雞蛋味 (可能是因為製作的蛋漿比其他店黏稠)當然以上食評是跟價錢掛勾啦！不得不說價值13元的雞蛋仔已是完成了13元的目標想

首先~我想講，如果論抵食程度，龍津的確係幾抵食，之不過D燒賣嘅質素就認真一般，魚蛋都還可以，其他炸物如煙肉腸、炸蟹鉗、炸牛丸、廚師腸仔，反而幾好，辣汁炒螺肉都幾惹味，至於呢度嘅滷味食品處理方法都幾出人意表，在我心目中~凡係滷味食品，都係用冰鎮方式，然後直接搽芥辣甜醬就可以食用，但呢度D阿姐，會將D滷味浸番熱先至比客人，我個人感覺，滷味一定係凍食好過熱食，所以我覺得呢度有D怪怪哋🤣，不過唔緊要，因為呢度實在太有人氣，大部份嚟呢度買嘢食嘅人，好多都係買魚蛋同燒賣🤣😋

龍津小食係香港1d都唔陌生,因為龍津唔似平時遊客區既小食,唔會因為地區/鋪位以大大改動價錢,當然每間都有可能有少少唔同喇！不過終歸都係一個字,平！而我可以話係同佢經歷住時代既改變,由5蚊2串,到3蚊一串,到8蚊買一送一,依家黎到都係叫10蚊一碗,叫得8蚊,2串但無碗,其實對於一個鍾意食汁重口味既人黎講真係好唔方便,真係局住食10蚊😂都然對燒賣狂黎講都唔會太多,龍津既辣汁真係好好食,次次都叫多汁！不過服務質素,真係一般吧,唔好太有期望

今朝返工嘅時候路經龍津，見到佢已經開咗，我又想返Office一路做野一路食，所以就幫襯左我叫咗撈麵，配燒賣！因為本身都幾鍾意食營多撈麵，所以就叫左佢嘅撈麵！ 好快手，唔夠10分鐘，就已經拎得！仲要燒賣熱辣辣👍🏻同埋有嘢飲😍 感覺好似好多食但又好平咁~ 返到Office，打開，仲係熱嘅，同埋好香，佢嘅撈面質素好好，啲面煮到好林身！唔會因為快所以感覺硬硬地 漿料醬汁都好均勻分配！而燒賣方面，我覺得龍津嘅燒賣好過其他魚蛋燒賣舖，因為我淨係食豉油，單單一種調味料都覺得好食，之前食過其他小食店，食到最後都好頂胃，但係龍津嘅就唔會整體都算一個快靚正嘅早餐👏🏻👏🏻

晏晝約咗朋友，因為要等佢，所以就周圍行吓，又旺角中心行到呢度龍津美食，見到好多人買小食，所以忍唔住又想買呢度嘅魚蛋燒賣係最抵，因為買一送一！真係搵唔到第二間再咁平~ 因為都幾肚餓，所以對食嘅要求唔高！我叫咗燒賣，本身唔係好鍾意食呢度嘅魚蛋 燒賣一大兜！我通常食燒賣都唔好食辣，所以淨係叫佢大量落豉油~ 超興奮，真係一碗食到飽燒賣都幾好食，幾彈牙，唔會煮唔熟，亦都唔會林身~ 我知道好多事話好食嘅地方都係醬汁好食，龍津就係一般豉油，所以我對佢要求唔好咁高🤣 不過店舖係天橋底，又係轉角位，衛生就差左少少！但係佢都改建左，加多左屏風保護食物質素

我個人就好鍾意食雞蛋仔，行過啲小食店如果身邊有錢嘅話我應該就會買一個去食。有龍津係附近我就買咗個雞蛋仔嚟食係外賣啦當然， 唔通企入店裏麵食呢。一拎上手 ，都唔係熱辣辣嘅， 溫度只係屬於輕微暖暖哋咁樣， 雞蛋仔呢家嘢一定要熱食先好食啦 ，最大問題呢就係好似羽毛咁輕， 食落去呢有一啲都唔脆口，係淋bee bee嘅， 當然如果有啲人係鍾意食又凍凍哋又淋淋哋嘅雞蛋仔，呢件蛋仔對佢哋嚟講呢個就係上品啦， 但係個問題就在於我唔係鍾意食淋嘅雞蛋仔囉， 唔單止唔夠熱，唔夠脆，又淋嘅問題 ，仲有就係唔夠蛋香味， 我真係覺得呢個雞蛋仔唔好食。