龍津美食

營業中

休息中

剛帶著2個小朋友去買牛雜魚蛋，剪牛雜的小弟聽到我話想要多啲牛肚，因為小朋友鍾意食，佢二話不說就剪咗好多牛肚，返到屋企發現好滿，仲要牛肚剪得好細，好方便小朋友食☺️真係好細心！跟住阿姨裝好碗魚蛋後，我開咗聲想加甜醬，阿姨叫我自己加，本身我都諗住自己搞，點知小弟突然開口話幫我加！😊 我估可能見到我帶住兩個小朋友真係好熱心幫手，連我個仔都留意到哥哥好好人，開口話哥哥好好人！希望佢聽到啦。麻煩晒🙏🏻😊

平時夜晚都有買開嘢食，一直服務態度都冇特別好、或者差。但係每次買外賣都會有蓋，同埋有包裝袋。點知今日諗住買外賣魚蛋燒賣返屋企，買嗰陣同佢講要外賣、要蓋，點知竟然有位上咗年紀嘅嬸嬸（嗰度嘅員工），喺裝好魚蛋燒賣之後同我講，話要環保叫我企喺度食！咁我買外賣是為了返屋企食，所以點會想企喺度食？另外如果外賣要收錢，你講聲或者貼張紙出嚟俾人知道就可以！而且我已經攞住杯未開封嘅嘢飲，之後我同佢講明趕住去搭巴士，甚至願意加錢去買佢個袋同個蓋，佢都當聽唔到，擰轉後面。後來側邊有位阿姐睇唔過眼，先過嚟默默幫我包裝好啲外賣。咁嘅服務態度，絕對冇下次！

行過好想食魚蛋燒賣 仲買一送一 所以停底試吓 仲叫咗魷魚 但係可惜無煎釀三寶睇返先知龍津美食有好多間 可能之前食過冇為意兩位店員好有禮貌 好快手🍢 魚蛋燒賣 HKD$12買一送一 $12 有魚蛋5粒 燒賣5粒 幾抵食燒賣煙韌 唔會太粉魚蛋彈牙唔會太爽口 比較實心啲 個人比較鍾意魚蛋唔係浸係辣汁入邊所以唔入味 豉油唔係好夠鹹同甜 辣汁可以再辣啲 但呢個價錢已經不錯🦑 魷魚 HKD$12見到佢哋啲凍滷味幾企理乾淨 擠晒喺個櫃入邊味道主要來自甜醬芥辣 魷魚唔會太韌 輕輕就可以喺竹籤上面此落嚟⭐️ 只收現金📍荃灣路德圍50號嘉新大廈地舖 🇭🇰

飲完酒好肚餓已經12點幾去路德圍掃街就岩曬🛎 $12 魚蛋燒賣10粒揀左辣第一啖食落唔辣，但後勁幾強食曬十粒後就覺得好辣😂不過好爽魚蛋同燒賣唔太彈牙，淋淋地但呢個價錢黎講，唔會咁高要求啦👍🏻🌐 環境/服務店員都幾有禮貌，好快手就算半夜都仲好多人買而且都唔洗等

有時特別想食啲好經典嘅香港街頭小食，例如魚蛋，燒賣，牛雜嗰啲，就會去呢一間食。值得一提嘅就係佢嘅營業時間通常都夜啲，所以有時搭完地鐵尾班車都食到，食物質素就不過不失，勝在十分抵食。

龍津美食，雖然會有人覺得佢係劣食😂但我真係離唔開佢嘅燒賣不過都唔係間間都好食㗎，荃灣呢間就好啱我心水🤩🤩🤩燒賣$10一串，買一送一即係都係$1一粒，真係好抵食‼️‼️‼️燒賣蒸得唔會過淋，仲好彈牙🤩🤩🤩 重中之中‼️‼️‼️一定係佢個秘製辣汁‼️我每一次都一定會叫佢俾多啲辣汁我😆每次都會好希望姐姐可以手鬆啲， 俾多啲辣汁我🤣🤣🤣🤣🤣真係超級超級好食，又唔會剩係得個辣味，好香！食到第四、五粒就會feel到有少少辣😍真係諗起又想食！🦽: 因為今次係外賣，所以不適用味道: ⭐️⭐️⭐️⭐️⭐️服務: N/A價錢: ⭐️⭐️⭐️⭐️⭐️🦽👍🏻: N/A🚗: N/A

前(22-1-2022  Sat)晚同老公落街買嘢,順便又賣外賣返屋企食,與其喺荃灣買咗拎返屋企食凍晒,不如又嚟路德圍掃街,今次我哋試呢間,我哋嚟到睇,有老公鍾意嗰種橙色嘅豬大腸,不過佢今次唔買呢樣,要咗:3. $10.00嘅格仔餅好耐冇食格仔餅喇,所以叫呢個,呢喥嘅花生同甜度啱啱好,唔會太甜太膩,同埋啲鍊奶唔會滴晒出嚟,不過格仔餅已經唔脆.味道:4分1. $10.00一串五粒嘅燒賣送五粒魚蛋Size唔係大,熱騰騰,口感正常,而味道就普通,魚蛋唔及元朗燒賣皇后妙舒(上次食評係2022年1月14日刊登嘅呢篇: https://www.openrice.com/zh/hongkong/review/yeah-%E6%8E%83%E8%A1%97%E4%BB%A3%E9%A3%9F-3-e4302664),而佢嘅豉油係唔鹹.燒賣3分, 魚蛋2.5分2. $13.00嘅生菜魚肉都幾大碗同好熱,魚肉口感都係正常,個湯雖然有胡椒,但唔辣,唔錯.味道:3.8分

正正常常 不過不失✌🏻✌🏻✌🏻✌🏻✌🏻✌🏻$10 十粒 有得雙拼🤪🤪🤪🤪🤪🤪🤪🤪燒賣魚蛋👍🏻咖哩汁不錯😛最啱宜家冇得堂食 去夜晚掃街👏🏻

行街經過總係比嘅街頭小食香味所吸引，真係想瘦都難龍津周圍都有，除咗燒賣魚蛋出名平之外，煎釀三寶都好平$15有六件，魚蛋最出色！茄子青椒都唔錯，翻炸完熱辣辣加啲豉油辣醬，正！

龍律小食一向十分抵食，而味道都正常不太差，今日突然想吃燒賣就想起附近買就過去，但見到個個都買牛雜就忍唔住睇下，呢度嘅牛雜有大中小，最貴價格三十元，因我只有一個人食，就叫左碗細牛雜十五元，熱呼呼十分吸引，而醬可以自己加，最後加了紅醬和黃芥辣，底部有少少牛雜的湯汁十分香，牛雜份量有一半都十分入味，而且份量比心目中多不少，但牛腸有失望，完全沒有味道但口感不錯，蘿蔔切了薄片可以講好入味又甜，但份量太少只有薄三片反而有失望。但以十五蚊可以食到呢個量嘅牛雜黎講都算唔錯啦。

叫左雙併魚蛋燒賣，加咖哩汁！就係因為維尼b唔在場我先可以食到！個咖哩汁好香，唔係得個辣字果種，$10就有雙併，過隔離買多碗雙併豆花，咁就係媽媽既早餐喇！見到有試炸大腸，下次想試呢！

This shop is located in Tsuen Wan. As a chain store, 龍津 is famous for its low price. There are different local 🇭🇰hong kong food you could order in this delivery shop. For fishball and siu mai(a kind of snack made by fish), they provided an super offer of buy one get one free, so you could enjoy 12 pieces for just $8. The taste of the food is fair, but not that great. You can also eat egg waffle and beef stuffs from there. But once again, the food are cheap, while the quality is just at an averag

今日做野經過荃灣 雖然食左lunch但係見到有間小食店都係忍唔住行左去買野食咁我就叫左一串燒賣同一底雞蛋仔燒買就正正常常一般般雞蛋仔就真係好食 夠脆 夠熱 當中個袋仲有位通窿防止佢變淋

前幾日係荃灣行街，見肚餓諗住隨便搵d野食醫下肚，咁岩經呢間龍津美食，排一陣隊就到我，買左燒賣魚蛋加一份牛雜。水準好低，魚蛋冇味，燒賣食緊面粉咁，牛雜算可以，唔會有下次。

哩間小食店做到街知巷聞，出名並唔係佢食物好食，而係遍布香港幾間分店，間間都咁難食，點解你可以有咁多分店架，除左佢賣得平之外，我諗唔到仲有咩可以讚下，我唔會因為平而幫襯佢囉。