龍皇酒家 (已結業)

自從7月1日由（唐宮1號）轉咗做龍皇之後，來午市飲茶3次！今天9月21日係最差，最差的一次！在落單時，問女侍應(灼時菜)一碟38港元，是甚麼菜？ 因有老人家有部分菜不能食。女侍應回答說: 唔知㗎！廚房有咩咪煮咩！我說: 咁你可否問吓廚房有咩菜？女侍應回答說: 問都無用！我拍枱話: 咁大間酒樓，你答我話唔知？終於部長來答我， 係唐生菜！咁之前又話問都無用？我繼續食嘢，見到有個女傳菜，把食物送到客人面前，跟住在傳菜盤拿起一碟醬油放係自己個鼻前貼住自己個鼻索吓係咩嚟！我眼都大哂！唔係話吓！知唔知咩叫衞生？我以後唔會再幫襯囉！

最近工作很忙碌，而且壓力都頗大，所以那天請了假，休息一下，打算散下心，舒解工作壓力，這天我和屋企人約了朋友來到灣仔這間酒樓，這間酒樓之前是唐宮壹號，現在改了名，雖是不同的酒樓，但兩間的出品同樣是上佳，價錢亦相若，在灣仔區內算合理。這次我們點了幾款點心，乾炒牛河和一隻乳鴿，味道一流。先說點心，點心包括有葛仙米鮮奶撻，松露野菌餃，蜜汁叉燒腸和蘿蔔糕。松露野菌餃，粉皮晶瑩剔透，皮薄餡靚，黑松露味道很香濃，比起平日食的肉餡，沒有油膩感之餘，更覺得清新特別，味道不俗。蜜汁叉燒腸和蘿蔔糕賣相亦十分精美， 味道很好。接著是潤燒乳鴿，乳鴿皮脆肉嫩，肉質鮮嫩多汁，令人吃得津津有味，齒頰留香。然後，我們再點了一碟乾炒牛河，牛河炒得很夠鑊氣，牛肉唔會太韌，醬油的味道很濃郁，河粉和牛肉炒得不會過老，配料亦齊有芽菜和洋蔥等，算是足料，這碟牛河色香味俱全，令人食指大動。一頓豐富的午餐怎少得甜品，接著要提的甜品點心是葛仙米鮮奶撻，到底什麼是葛仙米？ 因為感到好奇，所以我點了這款點心，所謂葛仙米原來是一種外表很像提子乾的淡水藻，食落有點似Jelly，又似乳酪雪糕上的果汁爆珠，味道甜甜的，配上奶撻，味道很特別。 食物真

六月尾先喺合和中心八樓前身o既「唐宮壹號」度參加壽宴，七月頭行經合和中心大堂時，卻發現廣告牌已貼出新店「龍皇酒家」o既簡介及優惠 。由於舊店金碧輝煌o既裝潢仍好新淨，「龍皇」完全唔洗花費裝修，就連餐具都可以繼續用，伙計又冇轉，所以簡單轉咗名即可重新開幕 。啱啱出咗糧，見「龍皇」名氣甚大，週六就訂定位請父母同姨媽去飲茶 。四人當日被安排入座廂房內之散座，樓底夠高又冇出面大堂咁嘈，十分舒適闊落。打開餐牌薄，第一張就留意到個「南北海味乳鴿宴」，因為同之前喺「唐宮壹號」食過嗰個$368乳鴿餐一樣名，連內容都有九成相似，現以優惠價每位$298作開業推介，又真係幾震撼喎 ！如果唔想全枱人都食餐，散叫鮑魚（閒日$78/位，週末及假期$88/位）、魚翅（閒日$58/位，週末及假期$68/位）或燕窩（閒日$28/位，週末及假期$38/位）都同樣咁抵食 。點心紙上清楚列出午市收費詳情：茶錢每位$13、小點$19、中點$26、大點$29、特點$34、頂點$39、另收加一服務費。為慶祝合和分店開張，新店更有一系列o既限定精品推介，合共三頁之多，很是豐富。XO仔慣性早到，係等待o既時間亦已鎖定其中一款