龍皇酒家 (黃埔天地美食坊) (已結業)

年卅晚電話訂了初二下午的枱，可惜當天在現場等待了很久都沒有枱，原因很簡單， 你有你在外面等，內裏有熟客在裏面等。 所以根本輪不到你。 訂了枱，都冇位，這是什麼的酒樓。

2019年新一年新一日，有假放的我當然反娘家和家人共聚天倫在紅日出門用餐都明白餐飲業的辛酸，酒樓必定不會有什麼好的禮遇，衞生問題洗碗也洗不切，所以乾淨程度自己落手洗完才用吧小點$16 中點$22 大點$26 特點$29 頂點$33 茶位$10有下午茶 2點起 減$3皮蛋瘦肉粥(套餐) 粥夠棉，皮蛋太碎了 大少少就完美的粥咸水角 下午茶價 龍皇一品炒飯$88 喜歡這炒飯有欖菜+脆脆 馬拉糕 下午茶價 蘿蔔So 夠灑鬆化 椒鹽魷魚 粉比較多蟹子鮮蝦燒賣黑芝麻流沙包腐皮卷+燒汁煎包腐皮卷涵少 煎包凍左金玉參腸粉腸粉款式比較少 腸粉皮比較黏性 山竹牛肉球芋絲脆春卷如果整鮮蝦春卷更岩我食味道賣相衞生服務抵食推介

今日同屋企人落左樓下食個便飯。七點鐘到，等左五分鐘就有位。滑蛋蝦仁個蛋勁滑！個蝦仁又多又大件，好抵食！四隻豉汁炒聖子呢個都好有鑊氣，雖然炒埋一齊煮，但係聖子有完完整整四隻，包保冇呃人。拔絲咕嚕骨整體有鑊氣。唔會好多炸醬。好味

諗左好耐，要比好評定一般呢？認真，個翅好好食又唔貴，值5星，但其他食物好一般，仲有啲餐具好污糟，筷子、筷子架、杯碟有食物殘渣.... 最後決定，都係要比一般首先講最有水準果個翅，一窩可供4位用，每人都有好多翅，好足料，個湯又濃又鮮甜，都係賣$338一窩，幾抵食，不過，我果碗翅入面有條幼蔥... 應該係洗碗唔乾淨...其他食物如炸子雞、蒸魚，都係一般水準，致於個粉絲煲就太醎總括，個翅真係好食，可以encore，但可能去第二間分店，因為呢間啲碗碟洗得唔乾淨...

朋友自美國回來，聽聞龍皇的食品不錯，所以帶他到這邊試試。不過點心選擇不算多，我們點了一些傳統的點心，點了個點心拼盤套餐配上龍皇炒飯。其實味道是真的不錯，不過不算特別，但是比出邊價錢是偏貴的。點心最特別算是燒汁煎包，本身是叉燒包，輕輕煎了還配上很重的香蔥，遠遠飄過來的蔥味，很是吸引！龍皇炒飯也是值得試，炒得很香，得乾身！大家就算飽也食得上一兩碗！可能是正值大閘蟹的季節，侍應們忙着推銷大閘蟹有關的食品，有點覺得擾人了。。。

雖然知中秋呢D大時大節都有心理凖備，但無諗過真係差成咁！嘩！D筷子全部肥淋淋，8点坐低已經話呢樣無嗰樣無;好不容易叫到几個餸，但每個餸逐碟逐碟隔半粒鐘先上一碟。食物呢，真係流到震，蟹肉粉C煲九成半都係粉C同蒜片，蒸雞就得8件。。。。算把啦，無下次，完。👎👎👎

因為身體健康問題我們必須按特定餐單飲食，在下單前已向職員和部長反覆強調。但等了約35分鐘，大部分食物已上枱，我們一直追的食物還是沒有來。由於身體已撐不住，也不知道適合的食物何時上來我們決定取消食物。最誇張是部長以一副高高在上的態度和我們「理論」，只想逼我們快點吃完而不正視忽視顧客訴求的事實。最後只吃了一只乳鴿就付了1300多埋單。

今日lunch 去黃埔美食坊食飯，事關同事升職同時又有新同事入職。結果book 左兩圍系龍皇。一到門口，入門已經爆滿。好彩同事事前已經booking左，同埋都點好餐。一坐落就立即可以上餐，十分有效率！！每圍大約11個人，每臺10個菜。不過吾逐一講，只講特別好食ge：1.    龍皇一品炒飯&同埋最後加ge牛肉鼓椒炒河 好有瓁氣！！好受歡迎！2.    點心普通，但金珠咸水角炸得好脆，好味！推介！！3.    脆皮雞肉，皮脆肉嫩不肥！4.    沙巴大龍躉，好新鮮多肉！其他則一般。總言之，上菜、收盤效率高；小炒、個別小菜美味；反而點心較遜色。碗碟也算頗乾淨！

秋風起除了食蛇羹之外、其實還有多一個選擇、其中一個就是食蟹了！當然清蒸阿拉斯加長腳蟹的煮法最鮮味。今晚大伙人在酒店歡樂時光後、就去到了黃埔花園的龍王酒家食晚飯。當然要食時令之選、阿拉斯加長腳蟹、大約重五斤一隻、五個人份量剛剛好！自己最鍾意係清蒸、因為蟹一定要鮮。今晚當然唔會失望、蟹蒸出來的時候已經散發出一陣清甜的蟹香味、食指即時大動。相機先食之後、有專人待奉剪蟹、方便食用。蟹肉有嚼口、又夠鮮甜、真係啖啖肉。真係忍唔住口講咗句點解嘅！現在不用200元一斤、真係覺得好抵食、飯後已經再相約食第二餐。

象拔蚌炒西芹冇象拔蚌，又話每人兩條出到嚟得每人兩絲，＄2X X元得嗰少少好似俾人偷食咗幾啖咁，隻雞又斬唔開，啲嘢食差咗100,000倍，冇下次，肯定以後都唔會再嚟食。

今天食晚飯，因為周邊要等位，見龍皇唔使等，於是坐低左，反正之前試過還可以。睇菜單，無什麼可選擇，叫左個炒雜菌，所謂雜菌，有金菇和菜玉瓜，咁叫雜菌？離普的等左三十幾分鐘囉。妙齡鴿，還好，有D鹹。安格斯肉眼扒，薄切，無牛味，肥膏多加拿大龍蝦烏冬，超難食，肉是霉，得幾粒，$298唔值。一追再追，等三十幾分鐘，室溫，唔知是否見我地要取消，求求期期俾我地。海蜇頭比上次食，差左好多，得個酸。兩個人$7xx真是無下次。PS.連伙計都以為我地食飽，未上炒雜菌＆龍蝦就送上甜品。超好笑。

龍皇好似係我地飯堂，每個星期都去某分店，去足接近9年。但是今日小朋友想去冒險樂園，所以一早去黃埔花園。龍粉嘅我地又係去龍皇。出乎意料之外，星期六10點去到黃埔龍皇，唔洗等位。行入去，有個亞姐離遠大嗌，坐啦，飲咩茶？我地也只好離遠大叫，普洱呀唔該！好...地道。黃埔呢間龍皇唔大，大熱天冷氣唔涼，可能因為老區，有好多老人家飲茶。坐低先知10前結帳有優惠，所以所有侍應忙到癲咗，服務態度欠奉。甫坐下不久，聞到成間酒樓一陣味，好大油煙，加上冷氣少，最慘今天著了件新的絲質襯衫，索晒陣味，唉。問侍應整緊咩，個個避而不答。只見兩個黑衣人忙於煎魚然後放入外賣膠盒。好大陣味同油煙。之後諗下，間酒樓得一半滿，中伏了。希望會有改善，我們會再來的。

龍皇酒家嘅茶市由2pm開始，茶錢$9一位。所有下午茶優惠都好抵食！龍皇一品炒飯，大約4人份量。炒得夠乾身，味道都好好加埋欖菜、蛋白、菜片炒，鹹鹹地，好惹味！班肉粥細細碗，大概分到3至4人份班肉完全無碎骨，魚肉都好大塊，值得一試！鮮竹鯪魚肉每粒都好大，除返開都係$5一粒，好抵食！加埋豉油同胡椒粉，更加滋味仲有黃金糕。平時過年煎嚟食香口啲，但呢度蒸出嚟就另一番風味甜甜地、煙煙韌韌，當甜品食都得最後係綠豆沙。雖然味道一般，過於淡，但勝在綠豆夠多，好足料埋單每人$60，好夠飽！會再嚟食過

After the harbour walk along Whompao We choose Lung WonFor lunch I am not smart enough Waitress said if we want to sit by the window We must order Chinese courses instead of Yum Cha eating dim sum There I decide to take the window table 3 persons A 4 headed set lunch Including soup 3 dim sum A hot dish And a rice or noodles in plate hot dish We have sea cucumbers and 2 onions Quite good 😊 But for the 1 st class fried rice I am disappointed 😔 A few dried scallops yellow strips No any shrimps nor

食物味道大不如前，幾乎難入口，簡單的點心如墨魚餅，豬肚等，不是過鹹，就是淡而無味，小食如豬頸肉，端上桌的賣相如厨餘，令人驚訝。出品連街頭小食都不如，遑論是出自"高級"食肆。服務又差劣，全程的點心籠及空碟放滿桌上，茶水亦無員工補'充。基本上食物水準差劣得令人意外，服務又始典型管理不善的食店，本想反映予經理作出改善，最終都铠覺得完全失望，打消念頭。今天大家根本未飽，但也不想再落柯打了，免得浪費金錢及氣惱。唯有結帳到別家食店繼續，這店已是多次令人失望，結論是以後不再光顧。