龍皇酒家 (活@KCC) (已結業)

難得放假，就在網站搜尋附近一間酒樓飲茶，第一次來，見人出電梯排隊，我們也跟著排隊，聽到前方的客是訂了枱，當排到櫃檯到我們時，才見到有取票排隊入座，眼見酒樓有很多空枱，電腦牌當時顯示A21,下一張A22,我們已是A22,當時知客先量體溫，朋友一問知客其它問題，她就很悔氣，還說企埋一邊等叫號碼，叫其他同事唔好理我們，去理訂了枱的下位客人，當時除了下一位客人，現場已沒有其他人在等位，我朋友因為知客沒禮貌之下，找經理投訴，經理不停說要我們攞飛出來先，問我們有沒有攞飛，其實，在這個時候，是否應先安撫不耐煩的客人，而不是先招呼下一位預約了的客人，如果這裡只招呼預約的客人，而不招呼第一次來不知道沒有預約要取飛的客人，而不是傻傻的去排隊的人，請在電梯門口就貼告示，最後氣憤的走了，沒有下一次

📯朋友最近光顧過KCC的龍皇酒家，吃了它的澳洲龍蝦伊麵，告知我不錯，所以，彼此相約到這龍皇吃晚飯。愛吃龍蝦的我，經了解和商議後，決定order一份澳洲龍蝦伊麵從沒試過到酒樓只叫一樣餸，今晚是也，皆因沒有斤半或一斤的龍蝦🦞，那就叫了一隻2斤的龍蝦😁👏🏼終於上桌喇，2人享用這超大碟的龍蝦伊麵，實在讓人感到開心和興奮，還有垂涎三尺呢🤩龍蝦和伊麵很好吃，每件碩大的龍蝦肉，新鮮爽彈，滋味無窮，而伊麵的勾芡弄得恰到好處，無懈可擊，我連依附在龍蝦殼的勾芡也不放過，真的開懷大吃🔖總言之，當晚的澳洲龍蝦伊麵，高質，好吃，希望下次再到訪時，保持這水準！

環境算是舒適吧！疫情中，隔開距離足夠，感覺安全👍🏻吃得放心！餐碗碟有人滾水清潔👍🏻👍🏻食物夠熱👍🏻味道可以。大膽一試龍皇既燒鵝，有意外驚喜👍🏻皮脆肉滑好耐冇喺飲茶時候叫過鳳爪😬因為怕污糟，今次又大膽叫下，竟然多汁好味👍🏻👍🏻鮑魚燒賣，鮑魚超級細粒😂😂😂好在燒賣好食搭救😆😆小籠包，叉燒腸，就普通啦！可是全程冇人換骨碟☹️冇人執走冇食物的蒸籠！希望下次再來會有改善😊

今晚約了朋友在公司附近KCC龍皇吃晚饭，以為熾哥會有D驚喜，點知原来中伏。招乎還可以，因為無乜客，得幾枱，但食物就超级普通，更有點失望及浪得虛名。點了個套餐，再加個义燒。义燒勉勉强强，豬手太硬冇乜味，蛋角没有鮮味又冇蛋味，炒饭好似炒到有噥味，有一種早知吾来的感覺，好耐冇食過咁渣嘅菜館。第一次来就咁，覺得有的吾好彩，相片都無乜興趣去影。埋单承惠七百幾元，雖然不太貴，但不好吃，食物的進步空間很大，看情况這間館子吾會頂得好耐，真系試過就算。

除咗好味之外，服務態度需要加強！之前話食阿拉斯加蟹要訂，甘前一日訂左隻5斤阿拉斯加蟹，當日重打比我確認，但當晚好搞笑地比左其他人，服務員重好理直氣壯地話得反6斤，甘其實訂黎做乜？

今日聚餐一大班朋友話想係酒家食，佢地就選擇左龍皇，因為地點都方便大家係葵涌KCC 到，貪玩的我們在訂台時仲訂左麻雀枱 ，係等齊人前玩左一會。我們人多叫左套餐， 乳豬 @@細細隻皮都脆卜卜。西蘭花炒帶子 @@西蘭花爽爽地唔太淋帶子大大粒煎得唔錯。炸蟹鉗@@炸蟹鉗好大件又彈牙配上新鮮生果沙律都幾有新鮮感。燕窩羹@@碗上面都幾多燕窩。花菇鮑魚生菜@@ 花菇大大件，鮑魚麻麻地。其他菜色就麻麻地，而個甜品桂花糕夠清甜，個蛋散炸得唔錯幾好食。

閒日夜晚約咗朋友上來食飯. 坐底7點幾, 到走人9點左右, 大枱細枱全間都得十枱客人唔到. 三個人叫咗四人餐, 加多碟叉燒. 先來一個<<老火湯>>都算真係足料, TOTAL每人有足兩碗.前菜四選二, <<醬油豬手>>幾好食, 不過得四件.<<砂薑鳳爪>>份量多返D, 不過無乜味.主菜係<<蟹肉煎蛋角>>都食到少少蟹肉. <<蜜汁叉燒>> 例叫做肥瘦適中, 最值得推介.<<龍皇一品炒飯>>甜品係<<椰香桂花糕>>整體上OK的, 唔太差. 不過係性價比低! 可能係精品居多, 三個人食四人餐加多個叉燒, 都唔係好飽. 

今晚一家人喺葵興KCC商場裡食晚飯，剛好六位叫 『魚翅花膠宴』半席 免茶芥 免加一 菜式跟外面酒家的圍餐菜式不一樣，挺有新鮮感，整體來講味道都唔錯，份量足！只是覺得魚籽軟殻蟹有點咸，其餘大家都好滿意，尤其濃雞湯翅和龍蝦湯泡海黃魚，前者飲到超濃郁的雞湯味且足料，後者用龍蝦湯浸的方式上菜挺特別，並預先把魚肉切成一件件，啖啖肉非常鮮嫩👍🏻漏左影乳豬：)雖然KCC商場喺工廠區，但其實過黎好方便，葵興地鐵站出口沿天橋就可以直達，又有泊車優惠，家庭聚餐又多個地方選擇！

周末嘆茶，一盎2件是常識吧🤘🏻平時飲茶質素唔會差😚我地叫左香片👍🏻好清香既茶味之後叫左1.蟹籽燒賣蝦🦐肉彈牙👍🏻2.豪皇鳳爪夠林夠入味❤️3.叉燒包一般4.薑蔥牛柏業爽身彈牙5.牛肉腸粉腸粉皮厚，麻麻共hkd$205👍🏻👍🏻👍🏻————————————————滿分5🔆🏝環境🔆🔆🔆🔆🛋服務🔆🔆🔆💲價錢🔆🔆🔆😋食物質素🔆🔆🔆🔆💥翻兜指數🔆🔆🔆🔆————————————————📍餐廳名稱：龍皇📍地址：KCC

今日第一次來到龍皇，平時聽同事講就講得多，來到食又唔錯嘅，個乳豬細細，但都燒得夠脆，個 燕窩羹都多燕窩係面的，帶子西蘭花，帶子煎得剛剛好，西蘭花我不嬲都鍾意食，所以一定話好食， 炸蟹鉗佢配鮮果沙律有新鮮感， 大大隻又夠彈牙。花菇鮑魚生菜， 花菇大大件，鮑魚咸左d ，條魚就蒸得剛剛好和好滑。炸子雞有d 咸，食左兩舊冇再食，食唔出咩野炒白菜 🤣，炒飯炒得夠乾身，個伊麵都正常味道，反而我覺得好驚喜有蛋散食，我忍唔住食左3舊， 桂花糕夠清甜。

今日同朋友入咗葵涌KCC附近聽講座，完咗之後都差不多兩點因為還未食lunch，在KCC看見龍皇酒家，朋友話未試過在龍皇酒家飲茶所以我們決定上去試一試，原來兩點後有下午茶時段所有點心八折。我之前都在九龍區這邊的龍皇飲過茶印象中點心OK但價錢比較貴，但今次見佢餐牌上的價錢合理，還有兩點後時段有點心八折都算吸引。但最重要都係食物有冇質素，我哋選擇了蘿蔔絲酥餅，這個酥餅做得好有水準外皮焗得鬆化，內裏蘿蔔絲軟滑。其他點心即叫即蒸水準都唔錯。

諗住近工廠區 晏就應該唔會太多人去食！ 去到等安排座位等左10分鐘左右！可以接受既一開波就話幾樣野冇混吉！環境靚！服務可以 ！食物完全唔可以！！牛柏葉完全冇xo醬味冇色冇味！仲要好韌！！！炸唔透！食落有d死實！！唔松！唔入味！鳳爪仲有啲腳甲喺度！！有3粒叉燒酥外層唔香 唔脆 唔熱！叉燒酥入面完全食唔到層次！D 酥皮:！！ 春風得意腸 ！d米網都脆既！！口感都ok得6舊！上面有d豬肉松 但係餡全部係蘿白::]]]唯一正常::]]]個餡都流流::]貴貴貴！！！整體都比普通酒樓叉::

以前好鐘意去銅記既龍皇酒家飲茶或晚飯；貪佢食物質素兼服務好，雖然貴少少都覺得值得。但自從採用限時進餐後便甚少光臨。最近家人約食飯建議去葵興呢間龍皇，話有優惠想去試吓。我就更加期待，可重溫呢間酒樓的美食。環境高雅；人流不算多；幸好不用限時；可慢慢食。服務員態度很好，不時過來執野。是晚點了一個半席圍餐；有乳豬、花膠羹、蒸魚、椒鹽軟殼蟹、炒海蔘、花膠扒等；食物味道很好；唯獨花膠扒略遜，簿了一點；叫炆花膠會較適合。另外叫了每人一隻鮑魚；味道不錯；及兩隻乳鴿；稍嫌細仔。

嚟到工業區搵到依間酒樓，點知有驚喜。叫左個3百幾蚊既餐，一條斑一碟菜一碟豉油王炒麵。估唔到咁普通嘅豉油王炒麵可以炒到咁好食，果然食質素就係要食普通野，即係學食神話齋叉蛋飯先至試到真功夫，炒到乾身唔多油有鑊氣。生菜都可以炒到好似玻璃咁靚，又係平凡中見真章。嗰條斑就有少少怪，因為我哋自己白痴，誤以為係清蒸，點知黎碗湯。估唔到又幾好飲，酸菜味好重，條魚好香口同埋啲肉質好鮮。所以我哋都覺得好滿意。流沙奶黃包賣相好靚，食落不錯。仲有碟蛋撻唔記得影相。總括來講，有少少偏貴（5舊水）但係食物有質素，不錯。

二月尾平日的睌飯，今次是第一次來這個商場。進門只得一枱二人客。侍應招呼我們坐近入口位，我當然不悅；空空的一個場為什么要我坐近入口，最討厭及怕人多時在你枱邊行來行去。叫了兩鎹一湯一炒飯。進食時；侍應勁熱情招呼，一男一女侍應企在枱旁看着你食。飲完一碗湯即給你加湯。男侍應又勁多咀，應了他一兩句都費事理佢。阻碍我同女友溝通談情。