龍虎豹

營業中

休息中

因為朋友搭上搭知道呢個地方，好似開左無幾耐，環境都唔錯，不過坐就唔係太舒服，叫左串燒都幾好味，茄子翠肉瓜呢啲菜類都燒得唔乾，飲完兩杯再想叫啲野飲點知條友話廚房已經close左，但我望一望電話個時都只係8點45左右話淨係做到壽司，咁唯有叫左壽司/卷物，但壽司一夾就散，卷物賴特別咁但味道正常無乜特別，可能大家主要都係飲酒，無乜理啲野食如何，但真心一好一般，重點樓面有一男一女員工態度好差，仲要黑口黑面，有兩個朋友有少少醉講野大聲左啲就比佢地反哂白眼，真係無言，你地賣酒架喎？又要嫌人嘈？真係咩好心情都比佢地搞彎哂，即刻埋單走人轉場

早幾日朋友生日，我哋10幾人book咗呢間新嘅餐廳試吓(限聚令嘅關係，當然係分開坐啦),話晒我都係一名港女，有特色嘅餐廳會特別加分，雖然我未睇過真嘅龍虎豹，但係喺呢度嘅牆身我都令我略知一二🙈(推介打卡位)令我非常驚喜嘅係呢度啲嘢真係好好食😋，我本身唔係特別鍾意食日本串燒嘅人，但係見佢呢度係用真炭燒先至發現原來串燒係咁好食嘅🤤我哋食咗10幾款串燒，但因為呢度鋪唔到咁多相，所以我揀咗我覺得最好食多幾款介紹俾大家，呢幾款我覺得真係必食嘅，我依家睇返啲相，自己都流緊口水🤤炸雞，必食👍🏻👍🏻👍🏻👍🏻👍🏻我真係介紹大家一定要食呢個炸雞，呢個炸雞比起好多韓國餐廳做得更好食😋，我未試過食炸雞係咁滑或咬落去係咁Juice,啲汁滴到成枱都係🤤💦另外我想介紹呢個海膽都超好食😋，其實拖羅都好好食，但係因為太好食，所以冇影到相已經食咗我第一次食燒牛油果🥑，原來係咁好味嘅😋呢個卷卷都好食又靚 ☺️總括嚟講食物嘅質素我覺得有80分以上，而且餐廳好有特色，好建議大家去試吓❤️