龍記招牌雲吞 (已搬遷) 新店位置

早一星期經同學介紹黎到呢間店. 一入到去已經坐爆晒.心想可能唔錯. 有位坐低就見到牆邊貼住d 報導介紹呢間野. 照叫左一碗雲吞牛肉麵. d 雲吞果然足料. 我食完一柆仲以為食緊蝦餃. 有人認為雲吞應該冇咁多蝦, 我就冇乜所謂. 不過暫時黎講我覺得佢d 雲吞係幾正, 口感好. 牛肉又幾滑. 成碗野最敗北就係個湯, 偏咸, 唔係太好, 鹼水味幾重. 唔掂. d 麵, 不過不失, 同普通舖頭一樣水準.

想食雲吞麵,行過見佢標榜大大粒雲吞麵,仲見有阿姐係度包雲吞,價錢幾平,就入去試下啦!雲吞~有四大粒,以蝦為主,好爽口,可能有落d化學野掛??不過我就覺得幾好食麵~呢樣就相當唔掂!!好濃烈的鹼水味,加左好多醋都中和唔到,食左幾啖都係放棄算數d阿姐服務唔錯,幾親切,見佢都會同d熟客傾下計,但不會影響工作,會有下次,不過就一定唔食麵!!

一想食雲吞同鯪魚球就會諗起此店.因為啲雲吞好大粒,好爽,好好味.鯪魚球都係好美味.而且價錢又抵.我同同事兩個人食咗一碗雲吞河$16+一碗鯪魚球麵$16+一碟油菜$10+兩支汽水$10合共$52.一人先至$26蚊.我哋食完都覺得好飽.大家不妨一試!

只是湊巧經過，但見午飯時間鋪頭擠滿食客及光顧外賣的人，好奇心驅使下一嚐招牌雲吞。雲吞很大粒，釀有三隻鮮蝦，完全不像平時吃到的滿口雪蝦味，蝦肉有咬口及鮮味，絕對是驚喜推介。雖然只有鯪魚球、牛肉及雲吞三種選擇，但價錢絕對超值，食物新鮮及服務快速，最適合quick lunch一族。

在回校溫習之前來一個午餐~跟朋友選了龍記, 人不算很多, 不會迫迫的坐得也頗舒適~雲吞很大粒, 而且味道不錯, 河粉就跟其他店子一樣吧~我喜歡吃他們的鯪魚球, 沒有魚腥味而且彈牙~價錢十分便宜, 但奇怪的是..這店子只有雲吞, 鯪魚球和牛肉供客人選擇...店內的電話聲不停響起而且沒有人接聽, 的確是有點煩..!

前陣子到尖沙咀逛街,朋友晚上7時許要上課,早啲食晚餐。還末肚餓，唔想食咁飽,又想食好味雲吞，朋友介紹到此試試。店鋪裝修很一般,門口大大個招牌甚是搶眼。時達6點,人也不少,隨便找位子坐下。見只得三樣招牌菜,有雲吞、鯪魚球及鮮牛肉,我點了淨雲吞,朋友點了魚球鮮牛撈麵,另外點了碟腐乳通菜。淨雲吞一碗六粒,比食開的茶餐廳大粒,又比水餃細少少。曾聽聞某人說過,若雲吞像水餃般大隻,便不叫雲吞了。咬下去,蝦肉爽脆,很新鮮!皮內有蝦三隻,夾少少半肥瘦豬肉,比例約7:3,一點也不肥膩。外皮薄得來又滑滑溜,很是不錯。湯底很清,喝完不口渴。落了一匙自製辣椒油,一點也不辣,有點失望。鯪魚球大大粒,食落有果皮香,魚肉不腥,有點胡椒味,很彈牙。撈麵試了一口,很爽,亳無梘水味,不錯呢!麵很多,見朋友食極都食唔完,重話好飽添!叫多杯凍奶茶,只是$61,很抵食。若問水準,不至於極好吃,但質數已不錯了,路經而忽然好想食細蓉,值得一試。

成間舖頭得3款餸選擇- 雲吞、牛肉、鯪魚球.我叫咗雲吞麵, 質素一般, 粒雲吞又唔係真係咁正... 一碗有四粒, 都幾大粒下... 價錢好抵, 只係$15一碗, 叫多支汽水都係$20.

大大粒的雲吞，d蝦好彈牙，好好味。一碗雲吞麵有四大粒雲吞，售15元，也算抵。店中選擇很少，只得牛肉、鯪魚球和雲吞三款選擇，另外還有油菜和飲品。不過，我次次去都是為了吃雲吞，所以不覺得是一個問題，而且選擇少代表流量快，唔會吃隔夜貨。