影片
電話號碼
21495628
營業時間
今日營業
06:30 - 22:30
星期一至日
06:30 - 22:30
以上資料只供參考, 請與餐廳確認詳情
去朋友屋企樓下屋村飲茶朋友已經講過呢間酒樓啲員工態度極之差去到試吓真係差到唔知點講😖食物質素都可以嘅叫牛肉球叫佢加多啲汁都好似黑晒面咁😑好彩唔係我自己屋企樓下😂
繼續閱讀
每次回娘家探老爸老媽，都會帶他們落樓下間屋邨酒樓～龍順軒飲個茶或吃晚飯! 雖然這間酒樓位置處於一條有四十幾年歷史的老屋邨街市内，但這間酒樓的食物質素與味道，絕對不會遜色於其他旺區或集團式經營嘅酒樓!平時在這裡飲茶的即叫即蒸點心，真心覺得很不錯，而且價錢又合理! 特別是這裡的燒賣、叉燒包、 流沙奶黃包、山竹牛肉球、灌湯餃、雞絲粉卷、 腐皮卷、酥炸雲吞等，都好新鮮好有水準! 如果大家有興趣搜尋一盅兩件嘆茶好地方，不妨來葵盛西邨龍順軒試試! 下午茶時間由下午兩點鐘開始。（P.S. 但備註一句， 由於龍順軒地方不大，而且是舊式酒樓間格， 所以來得龍順軒飲茶嘅茶客就要有心理準備，要自己搵位，但可以搭枱， 侍應好local，有晒香港老酒樓風味!)另外，今次想同大家分享在龍順軒的晚肆體驗! 今晚我們一行四人大概晚上六時半到龍順軒吃晚飯。 由於今日是星期日晚， 又有很多香港人北上消費 ，所以今晚在龍順軒吃晚飯的客人不算多! 入座後，開始细看各餐牌價錢，平均都是七八十元一碟，很經濟! 由於老爸老媽一定要有飯到肚， 所以我們就點了一個「籠仔斑頭腩蒸飯(炒底）」， 一個「花菇海鮮玉掌煲」， 「玫瑰豉油雞半隻」，和「金銀蛋上湯浸莧菜」。 餸菜來得很快手，而且新鮮滾熱辣，賣相又不錯，單看誠意已俾滿分!*籠仔斑頭腩蒸飯(炒底)： 個飯先用蛋炒底，然後再放在荷葉墊底嘅蒸籠上，再鋪斑頭腩和雲耳在飯面上蒸。打開蒸籠蓋時，飯香噴噴，斑頭腩分量好足料，蒸飯好有油甘香味，食落口好有滿足感! 但小妹覺得個飯略為浸一點，如果個飯可以再乾身些，咁就perfect啦!*花菇海鲜玉掌煲： 花菇好厚肉又炆得好腍，鴨掌又炆得好入味，又有大蝦仁、魚塊、魷魚，和生菜銀底，成個煲都好原汁原味，用來餸飯超正!* 玫瑰豉油雞： 來龍順軒不得不介绍佢哋嘅招牌玫瑰豉油雞! 佢哋嘅秘製豉油雞真的確有一首， 而且豉油雞出名嫩滑可口，是這裡必食之選!* 金銀蛋上湯浸莧菜： 好少見到酒樓嘅金銀蛋莧菜可以俾咁多皮蛋、鹹蛋和蒜子喺碟莧菜度，但這裡的金銀蛋莧菜就落足料， 而且莧菜又唔老，煮得恰到好處，值得推介!還有，在龍順軒吃晚飯仲有糖水送， 今晚就有紅豆沙和木瓜雪耳糖水! 小妹就較喜歡吃這裡嘅绿豆沙和南瓜西米露，但每晚通常只出兩款，無指定是出那一款糖水，隨廚師發板啦! 而小妹覺得其他糖水就太甜了，特別是木瓜雪耳，不過只是送的， 無所謂啦!總結，雖然這間龍順軒只是經營在老屋村內嘅酒樓，但在這裡的性價比絕對是很高! 到今天，仍能夠在屋邨生存嘅酒樓已經買少見少，而仍能夠繼續經營的，絕對是有他們獨特之處! 小妹 support support呀！
繼續閱讀
今日去樓上老人院探人，第一次去呢間酒樓。見到有位扎馬尾個樣都幾後生的侍應正招呼緊一位客人坐低，我就問佢：靚女，我哋兩位，請問有冇位。佢望都冇望到我就答：我唔知啊唔知啊。我幾乎呆咗兩秒先再問佢：我係咪要搵經理先得。佢答：你去搵啦。跟住我去收銀度搵經理...,原來係我唔識規矩，呢間酒樓原來係要自己搵位坐。我同經理講，其實你哋嗰位同事可以答我自己搵位就得了。老實講點心幾好味，尤其是豉汁鳳爪，但唔會有下次，而且會通知親戚朋友，費事激氣。
繼續閱讀
呢間舊式屋邨酒樓，經過多年的風風雨雨，依然屹立不倒，果然有其存在價值，皆因龍順軒附近的老人家（包括我）是以此處為唯一的嘆茶處，多謝老闆對老人家的關心愛心！不再多説了，要説就説主題罷。。。。食點心最重要的是……夠熱夠熱夠熱！！！每次嚟飲茶，點心一上枱，總見到烟霧霾漫內的點心，味道同價錢當然也是不錯的，猶其是下午茶中的@孖寶點心及依家比較少食到的@柚皮蒸鴨掌。故如果不嫌這裡有老人家的話，可以一試呵！！
繼續閱讀
今天來探望舅母順便飲茶。這裡只有一家酒樓。我先坐下，人不多，座位相隔不太近，也算舒服。不過我們兩個人，沒有細枱也不可以坐大枱，侍應要求我們搭枱。幸好搭枱的婆婆很快就離開。我們點了油雞瀨粉、鮮蝦腸粉、煎韭菜餃、燒賣、壤青椒。油雞瀨粉超值，油雞很多，也是有肉有皮。瀨粉正常。青椒好味，只是有點油膩。最好味的是我喜歡的煎韭菜餃。香味四溢。其他都很好。先來的是瀨粉，因為太肚餓，賣相不錯就快快開餐忘記拍照。煎韭菜餃是有三件的，我就是食完第一個覺得好味才拍下照片。整體而言，喜出望外，埋單一百七十幾。也算划算吧。跟親戚食飯飲茶最關鍵時刻是搶單埋。我當然不是老手，手肯定不夠快。但是在最後一個點心來的時候，服務員蓋印後我就告訴她要把單給我。服務員判斷後就説是應該讓後生請客。挺有善喔
繼續閱讀