影片
以上資料只供參考, 請與餐廳確認詳情
之前家人散步時，講過想試下呢間新開既餐廳。今晚得閒，即刻去試！入到場坐室外六人座位，温度啱啱好，有少少風，好嘆😄我地六個人叫左黑松露薯條、美式雞翼、西冷、厚切豬扒、比目魚、龍蝦汁海鮮意粉、肉醬意粉☺️☺️1）黑松露薯條：薯條數量、味道ok, 略嫌黑松露醬味道唔夠濃2）美式雞翼：好好食既炸雞翼3）西冷：好大塊，煎得啱啱好4）厚切豬扒：都係好大塊，好多汁，好軟身，個個讚好好食5）比目魚：好滑，但家人話略嫌淡口6）龍蝦汁海鮮意粉：寬條麵，有三隻帶子同三隻蝦7）肉醬意粉：寬條麵，味道同出面有少少唔同，唔錯一個餐係包湯、麵包、主菜、飲品同甜品，性價比高
繼續閱讀
慢燒澳洲羊架配露絲馬利泡沫汁 $308男朋友係羊架控😂😂 佢就鐘意羊味重既最最緊要多汁不乾身 ，醬汁配搭非常適當👍👍自家煙熏三文魚配野莓及芒果莎莎醬 $65早幾日我連續食得太多野所以呢日專登揀三文魚就想清少少加入野莓有點意外係神來之筆😚😚有時食三文魚會覺得膩醬汁反而令到更開胃解膩感蒜蓉包 愈簡單既菜愈好味愈顯功架呢到既包份量比出面多唔使慳住食 因為脆卜卜蒜香濃我就食完就食🤣🤣呢到份量二人剛剛好
繼續閱讀
好少入到粉嶺 今次去探朋友順便發掘一下粉嶺既美食👻 呢間新開cafe感覺好舒服好chill 環境靚同好闊落 有唔少客人仲帶埋狗狗黎玩好熱鬧🐶😆✿ 香辣水牛城雞翼配藍芝士醬雞翼炸得香脆 肉質保持到嫩滑juicy 值得一讚！表面沾滿左醬汁 辣辣地咁好惹味🔥配埋藍芝士醬一齊食好邪惡 但又好夾好好味🤤✿ 香焗法國田螺配薯蓉一上枱就見到田螺上面鋪滿左芝士 見到都流晒口水🤤田螺大大隻 肉質細嫩彈牙 仲有薯蓉係底 食落好綿密 味道亦好香濃 好重牛油味👅兩者配合得好好 食到唔想停落黎🤣整體食物質素唔錯 環境同氣氛真係好舒服好正！超級pet-friendly🐶 店員服務態度都好好 好有禮貌 黎開粉嶺嘅可以過嚟試試✅
繼續閱讀
去皇后山探完表姐諗住食埋飯先回家～，佢介紹咗呢間新開嘅cafe 我去🫶🏻鮮蟹肉釀蘑菇配橙車打芝士汁 $59前菜嚟講都算份量多，大大隻嘅蘑菇釀入新鮮嘅蟹肉，配濃郁嘅橙車打芝士。蘑菇爽口Juicy，蟹肉鮮甜。西班牙橡果級黑毛豬扒配紅酒汁 $238主菜揀咗西班牙橡果級黑毛豬扒配紅酒汁。用嘅係西班牙最高級別嘅黑毛豬肉，烤至表面金黃香脆。豬扒厚身多肉，入口鬆軟肉質柔嫩多汁，紅酒汁甘甜帶果香，再加少少黑椒吊味，加埋都好夾
繼續閱讀
第一次踏足粉嶺皇后山，估唔到呢度都有啲好骨子嘅Cafe，人少少，感覺好休閒好舒服！餐廳仲有啲戶外嘅位置，我哋見到天氣都OK，即刻坐出邊。食物選擇唔算太多，我哋叫咗一杯咖啡、一個意粉同埋一個甜品。番茄龍蝦汁燴海蝦扁意粉色香味俱全，仲配左一兜新鮮多汁嘅蕃茄仔。意粉煮得軟硬適中，龍蝦汁味道香濃，都唔錯。焦糖燉蛋係甜品嘅推介，焦糖香脆唔會太厚，燉蛋蛋味香濃，口感幼滑，仲食到雲呢拿嘅香味👍🏻👍🏻呢度仲可以帶寵物黎，下次約啲有寵物嘅朋友仔可以考慮呢度！
繼續閱讀