龍點心 (Eastcore)

營業中

休息中

呢間傳統+創新特色新派點心茶居裝修融合港式傳統同現代霓虹潮流而且舖頭地方大環境好舒服^ω^港原味2.0燒賣拼盤 $72呢間茶居標榜fusion創意點心🥧 燒賣都有好多唔同口味 仲有佢哋嘅招牌辣椒油 😋👍🏻 創新又特別-梅菜扣肉燒賣-XO醬帶子燒賣-蝦醬墨魚燒賣-馬友鹹魚燒賣- 香辣雞軟骨燒賣- 芫荽馬蹄燒賣龍餃子🥟 $50有四款🥟筍尖蝦餃皇、酸菜魚鳳眼餃、松露野菌晶瑩餃、蟹粉菠菜香蝦餃我最鍾意就係筍尖蝦餃 筍&🦐夠晒爽口脆脆富貴紅米腸粉 $52紅色外皮包裹脆卜卜脆脆ge蝦仁🦐仲有三種醬汁：醬油、花生醬&甜辣醬 👍🏻惹味超值價原隻紅燒乳鴿 $32呢個超抵熱辣辣原隻乳鴿上枱 脆卜卜嘅乳鴿 燒到金黃色嘅外皮 內層啖啖肉 好抵食！仲有即棄手套🧤非常貼心陳皮醬龍薑球蒸陳村粉 $68唔係好多茶樓有得食陳村粉 龍躉大大塊魚肉 陳皮醬 完美融合陳村粉😋😋 呢個必點推介 ！ 燕麥藤椒牛肉包 $38呢個fusion 創意100/100💞 淡淡尖椒加埋牛肉餡料 麻香味道好出 好特別🥰

唔明點解咁多好評？我同朋友親身體驗過 真的怕怕 我見到之前一直有不好的評語 但朋友想試！ 所以不防一試但又中伏了🫢 😨😨😨 最近同朋友去食過早茶 價錢好似好似好平咁 但食物普通及一般 不出色 花樣多多 只可以話有創意 可以打下咭！ 但埋單 又加一服務費 又每位茶錢 份量少 🙂‍↕️ 最緊要服務善 樓面啲女侍應 黑口黑面 扮老闆娘咁 趕客咁 其實又冇乜客 朋友個個say no 吾會再去 😙 現時好多點心店都好好食 咁既食物質素 加咁既價錢 及有咁既員工服務態度

今天出開觀塘做物理治療，做完後見有張優惠券話送點心，於是便入內試下。由於是下午茶時間，有其他優惠，店員話需要點一客正價點心，才可以選擇一客免費點心。於是便揀了正價咸水角，送了一客4粒蝦餃（值4X蚊）。見下午茶優惠孖寶又幾抵，30蚊點了牛肉腸粉和义燒包。由於是一個人， 四個點心實在太飽，最後都食唔哂（應該2人去食就最抵）。點心原本幾好，可惜唔夠熱，义燒包和腸粉都微暖，要知道一個微暖和熱辣辣嘅义燒包口感相差甚遠，而腸粉又係微暖和偏實，像是食物剛解凍並翻熱了少許。由於是平日下午，眼見食客不多，但點心都係微暖，希望日後有所改善。由於已收茶錢，再加一就好像有少許貴。

🌕傳統加創新嘅點心，每一口都結合了經典嘅製作技藝與現代嘅創新元素，無論係外觀還是口感，呢啲點心都展現出精緻與美味，是喜愛美食者不可錯過的選擇！🌕寬敞嘅用餐環境更增添了愉悅嘅用餐體驗，適合與朋友或家人共享💃🏻🌟食過幾間分店，感覺灣仔間分店再好食啲🤣

價錢與質素完全唔匹配以特價乳鴿招徠 實質缺貨叫左6樣點心 85折後240 埋單蝦餃皮粉爛 唔煙韌流沙包餡少皮厚桂花糕桂花少 魚膠粉太多更離譜係可以全場漏單  唔追都唔上搵笨

多款新式點心，座位舒適，又幾抵食燒賣拼盤($70): 有六款好特別嘅燒賣，包括雞軟骨燒賣，黑松露燒賣，冬陰功燒賣，點解鯪魚球燒賣，陳皮牛肉燒賣同埋胡椒蝦肉燒賣等等，每款都好特別嘅味道，食得出個不同的分別，好有驚喜！一籠大滿足($70): 有六款唔同嘅餃，特別係酸菜魚餃，真係食到酸菜同埋魚肉，仲帶點糜爛嘅口味，蟹粉菠菜香蝦餃，同埋筍尖蝦餃都好好食，食到蟹粉的香味。必點大澳蝦醬鮮魷卷($58): 外面係脆卜卜好似翠筒的質地，一咬即脆開，入面食到蝦醬嘅香味同埋魷魚肉，好特別又好好味。必點脆脆富貴紅米腸粉($52): 咬落脆卜卜，層層口感之餘仲有好特別嘅醬汁，包括麻醬同埋甜酸醬，估唔到有幾夾喎。鳳爪拼黑椒金錢肚($46): 經典必食，蒸得入味軟腍，喜歡佢可以雙拼，就算兩個人都可以食到多啲款式。

之前見到社交平台 講呢間有紅米腸粉 ，今日黎試下。等位/入座： 星期日下午一點鐘，兩位唔使等。 不過入面都其實坐到幾滿。 落單/上菜： QR code 落單，自己揀埋開咩茶。 不過就唔係好睇得明下面嗰啲茶係咩款。 食物： 紅米腸相對其他點心鋪食過嘅冇咁飽滿，但都要$52。 我哋走左沙律醬。 另外有三種醬畀你點。 鹹水角（$32）反而調味好特別，同埋入面啲料好足，唔會有食空氣嘅感覺。蝦醬鮮魷卷（$58）外面就包得好脆喇。但係你唔講我冇留意到有蝦醬味，反而佢啲紅蘿蔔蔬菜突出一啲。馬拉小籠包（$48），都係唔理解點解係叫馬拉小籠包味道一般，同埋係冇醋嘅。 總結：cp值唔太高，想食新嘢就試下啦。同區同類型有更好嘅選擇。

如果食中式點心，坦白講價錢都唔係平，講緊四個蝦餃都起碼三十幾四十元一籠，仲要講緊盅頭飯都起碼幾十蚊一盅今日經開觀塘走去呢間龍點心，真係有驚喜佢哋有一人下午茶餐，可以點一盅飯或者一碗粥，再加一款點心，都係$30，每位茶錢$12再加一我一個人都可以點咗一壺普洱同埋一壺滾水呢個係佢哋其他餐….不過都冇我一人餐咁抵第一個我叫咗迷你章魚肉餅飯和三粒蝦餃坦白講個飯一啲都唔迷你㗎…一個人真係夠食㗎第二個我叫咗皮蛋瘦肉粥同埋鮮蝦腐皮卷碗粥超級夠份量坦白講，我叫咗兩個下午茶有粥有飯有蝦餃有腐皮卷就算加埋$12茶錢再加一都$80有找真係抵食到爆

２０２５年３月２２日週六傍晚７時許，與友人「獵奇式」逛到官塘此店。店內環境尚不錯，既然此店開宗明義自稱點心專門店，於是隨便點幾款。但一看到價錢，比我們光顧慣了的點心連鎖店貴一大截，即當場卻步了。例如腸粉一碟，竟標價４０大元，連加一比我們吃慣實價２９元的貴了超過五成！最後我們決定只叫兩客鮮蝦蝦子麪，心想吃完後過檔，另找餐廳。端來一碟麪，麪條綠色，大概是菠菜麪，撒上了少許蝦子，旁邊擺上四粒小蝦，湯則另碗奉上。綠色麪條淡而無味，蝦粒則太鹹，湯也偏鹹。完全談不上美味，也實在吃不飽。這種質素，竟標價６８元。另外，還要收茶錢每位１２元，然後再加一！官塘區不是貴租金區，竟然可以如此開天殺價， 又提供如此差的食品，難怪連週六晚飯時段，也大半虛席。獵奇宣告失敗。友人與我深感後悔，同聲一嘆：「絕對不會有下次，一定要寫個『伏』字！」

明明好鍾意食鳳爪，但係見到金錢肚每次都卻步，唔可以將金錢同鳳爪分開？之前個豆瓣醬好好食㗎，點解無端端又轉左，點解淨係尖沙咀分店有，點解觀塘分店冇㗎？新派燒賣雖然特別，但係舊式點心選擇唔係太多，而且好少玩款式，係時候要換款了

新興食點心餐廳茶餐廳嘅格局酒樓點心質素午市時段非常多人基本上要等位先入到去點心選擇非常多 不過適合 多人分享一個人食叫咗個飯章魚肉餅飯用料非常 豐富本身個碗已經好大章魚粒 非常多 仲要鋪到滿其實一個人都食唔曬仲搭咗菜襯返嚟 影相好靚要用電話落齊單 先會有茶咁啱隔離幾台都唔識用職員太忙又幫唔到手有待改善

《觀塘 新派特式點心🐉》好耐之前係觀塘返工 睇住點心鋪開日日中午都好多人 要等好耐 沒有機會試今日經過 終於試到去到門口見到🐲 「龍」字霓虹燈 同 龍記錢莊原來同龍莊同一個老闆設計以紅綠色為主調無論 餐廳設計 點心 同 菜式 都結合傳統 創新 多元文化加上龍仔同龍師傅卡通 介紹點心 幾有心意✨點心全部新鮮整 熱辣辣🔥❤️脆脆富貴紅米腸粉$52口感層次分明 香脆可口仲有三個汁選擇 豉油 麻醬 甜酸醬 配埋醬汁 又可以試到另一個口感 幾特別好食得黎又有玩味😍一龍大滿足 $70裏面有六款特式點心傳統同創新融合既最特別係 黑松茸菇餃 同 蟹粉菠菜餃兩個都幾有創意 同 好食😋之後再叫左一口鹹水角 $38一串串 外形好似日式湯圓😂蘿蔔絲酥 $42蘿蔔絲餡多 酥皮鬆脆筍奕蝦餃皇 $42鮮蝦彈牙 皮薄整餐試左好多新野 好滿足🥰✨龍點心 (Eastcore) (觀塘)觀塘觀塘道398-402號Eastcore 1樓4號舖#tg31eat觀塘 #龍點心 #觀塘美食 #觀塘點心 .....#852 #hkig #hkfoodie #foodie #hkblogger #foodporn #likeforlik

之前一直都有幫襯開，一排無食就再唸住再去🫖一行兩人叫咗5樣嘢🥢脆脆富貴好米腸粉Ok好食嘅，keep到脆口～唔錯🥢馬拉小籠包阿姐成日強調D點心即叫即蒸，但上到枱勉強只可以叫暖暖地囉，味道亦一般，未試過都可以一試嘅🥢南北杏菜膽燉豬肺👍🏻佢嘅燉湯唔錯👍🏻🥢臘腸潤腸蒸雞飯👌🏻米粒粒分明，好多餸，蠟腸潤腸都偏甜🥢龍記陸寶燒賣拼盤👎🏻👎🏻👎🏻未至於好難食，但唔好食☹️👉🏻星加玻黑胡椒🦀燒賣⋯除左黑胡椒味咩都食唔出👉🏻十年陳皮牛肉燒賣～咪就係普通牛肉燒賣，不過陳皮味就唔多覺囉，👌🏻啦👉🏻冬蔭功泰辣燒賣～有冬蔭功嘅酸酸地，無咩辣👉🏻黑松露珍香燒賣～一般🤦🏻‍♀️其餘兩款我已經放棄，一啖都唔想再試本身我唸住唔食就算嘅時候，有個阿姐不停問我係唔係好好食呢，我開頭唸住算啦由佢講，點知佢重不停問不停問，好似要我讚揚佢咁，嗱係個阿姐問我架嘛，咁我講真話啦🤷🏻‍♀️個燒賣唔好食囉，個阿姐聽到之後超無禮貌，話呢個係最新嗰款點心，唔係之前出個款，我回覆佢話好唔好食同佢係邊款無咩關係喎！佢最後好無禮貌咁同我講話口味嘅嘢你食唔慣姐，咁都無辦法!!之後佢當我張枱透明嘅一樣，無茶都唔加水😑其實阿姐你唔接受客人評語你又何必問呢？唔通

明明写的走姜蓉，竟然还上了一大坨姜蓉！！！而且在询问过后，非常的不耐烦，摆脸色给谁看呢？？就这还敢收取百分之十的服务费、垃圾到不能更垃圾了，要想受气的话来这里一定可以被气死呢

邊行去車站邊兩頭望搵食情況下比我見到有間點心舖 啱哂我😆餐廳裝修新潮 連點心菜式都新穎茶芥$𝟏𝟐/位 需加一服務費༯ 南北杏菜膽豬肺湯 $𝟓𝟐有滋補燉湯 我當然要叫盅飲足料之餘味道清甜無味精豬肺腍而不腥臭 飲完「肺」氣十足༯ 一龍大滿足（各一隻）$𝟕𝟎有好幾款特色點心都想試 索性叫個點心拼盤試齊佢🙈六款中最喜歡 鹹蛋黃墨魚燒賣墨魚肉中間包住粒流心蛋黃比起傳統燒賣感覺仲肥仔又邪惡😂另外仲有酸菜魚鳳眼餃、蟹粉菠菜香蝦餃、松露野菌晶瑩餃、筍尖蝦餃皇斑蘭麻蓉桃子༯ 脆脆富貴紅米腸 $𝟓𝟐本身鍾意食加上店員都推薦所以叫腸粉軟滑有彈性 中間爽彈蝦肉食落同炸兩一樣脆卜卜附有沙律醬 泰式辣醬同豉油個人覺得唔點醬都夠味好食◡̈ 以上食評乃個人意見僅供參考◡̈ 價錢僅供參考一切以餐廳為準