影片
港鐵上環站 A2 出口, 步行約4分鐘
繼續閱讀
營業時間
*6點後只提供外賣服務
星期一至日
11:30 - 20:30
以上資料只供參考, 請與餐廳確認詳情
食家推介
其實外賣和堂食，有心做的話，擺盤裝飾應該都要講究，日本料理除了味道吸引之外，擺盤呈現美感也是她們的特色之一。當你打開飯盒，看見這個畫面，第一感覺是什麼？覺得會好好吃嗎？廚師擺位有心思嗎？外表是其貌不揚，一點也不吸引，覺得不怎麼好吃，完全引不起食慾，無辦法，對日本料理的要求確是比較高。味道方面其實很好，食材新鮮，醬油配搭酸味突出的壽司飯一下子令人食慾大增而且每塊魚生都厚切，絕不吝嗇，圖中的三文魚也很肥美，入口即溶，所以若改善攞盤的技巧我覺得一定吸引更多客人，例如加紫蘇葉，吞拿魚腩加些細蔥，加些薑片/海藻/日本醃蘿白等，令畫面更豐富之餘亦增加口感，希望貴店可以更進一步
繼續閱讀
Too expensive for this quality The seafood is not fresh and not cut it properly, not good for eat.the customer service is bad, bad attitude, if you don’t speak Cantonese,don’t go this store
繼續閱讀
約去人咗上環地鐵站交收，見交收完都已經差唔多一點，不如就喺上環附近食埋嘢先，目標係蘇杭街，印象中蘇杭街有好多好嘢食。行到去其中一個轉角位，見有間日本嘢，望吓入耐仲有空位，ok唔須要等位，再睇睇menu覺得價錢ok，入得。因為已經知道自己想食咩，一入去坐低就叫咗佢個「呑拿魚兄弟便當」。喺等緊嘢食期間開吓OpenRice睇睇其他人嘅食評，點知見到最近嘅都係負評，心諗大鑊，唔通真係咁差？我個便當大概5分鐘左右有得食，食咗啖我又覺得唔錯喎，冇其他食評講到咁難食。跟餐仲有個沙律同味噌湯，兩樣都中規中矩。總結一下，70蚊有找可以食到ok嘅魚生飯，我覺其實唔錯，比想像中好。
繼續閱讀
呢日同兩個戰友專登行去上環食飯lunch時間周圍都好多人見到呢間店唔使等位就二話不說入去試吓睇睇Menu 款式選擇唔多可以叫當或者便當 價錢都幾抵食佢另外仲有烏冬可以order我最後叫咗呢款 鰻魚便當🍱賣相都唔錯 有miso soup 中華沙律 🥗沙律飯都幾多 鰻魚厚身 蛋有點未熟曬 食落會滑身啲 但係個飯食到尾有啲硬整體黎講大碗抵食 只係$63 成set （唔包飲品)出菜快 整體感覺都幾好 有機會想試下sashimi or Sushi 😆
繼續閱讀
唔係成日黎上環呢邊 ，見呢間野裝修都ok 諗住試下。一入到黎，有個阿嬸問左我三次係咪堂食，我亦答左3次係，已經覺得唔對路。坐低哎左個四色便當（帶子，三文魚，三文魚子，海膽），黎到冇海膽唔出聲，自己換左做蟹肉。到我再哎一個海膽壽司先講話冇....咁我都無話可說，咁就照食，你哋有冇諗過食日本野個飯係熱？唔係暖暖地， 係熱到出煙.... 勁無奈.... 之後仲哎左個蔥吞魚軍艦（冇蔥，冇紫菜...無言），啲飯仲要一夾就散... 失敗。呢外哎左個油甘魚刺身（3片），師傅啲刀功... 我攞把扒刀應該都切得好過佢，啲邊全部唔齊口，油甘魚勁腥有血水，未解凍完，食左兩片頂唔順，放棄... 伏到一個點！
繼續閱讀