1仔冰室 (已結業)

呢間冰室上菜好快，由落單到上菜大概十分鐘左右，超乎我預料。因為我點左個支竹火腩鱔煲，通常呢啲都要煮耐啲，我預計都要啲時間先上菜，點知佢一落完單上左個例湯，我飲左一半都唔夠，兩個餸都上晒。個鱔煲好夠味，支竹吸了鱔煲啲汁，非常好食，鱔都好香脆，只係啲火腩有啲「鞋」，比較難咬入口，但整體味道都好唔錯。沙茶醬炒芥蘭好惹味，而且炒得剛好，芥蘭唔過火，仲好青綠爽脆，牛肉亦炒得剛好唔會「韌」但略嫌啲芥蘭葉有啲啲老。

今日下晝要去紅磡做嘢，要2:30pm先有飯食，見到1仔冰室，覺得個名得意，所以入去幫襯！叫咗個豬扒包下午茶餐，加杯咖啡。豬扒包不過不失，D白汁有D酸，反而杯咖啡，我就覺得好好飲。😊

今日去試左1號冰室既早餐～因為突然好想食沙嗲牛🙈我就揀左個a餐，沙嗲牛米粉配火腿蛋。多士唔脆最先上嘅係多士配腿蛋，好可惜嘅係件多士已經林晒，即係唔係即刻焗☹️有啲失望而且佢係預先搽咗牛油、感覺上就冇咗牛油嘅香味～米粉味道不錯而個沙嗲牛米嘅味道都唔差，幾濃味而加牛肉唔算少，但係就唔算好出色奶茶香滑☕️最後試埋個奶茶，算幾滑同埋茶味幾香不過如果比我揀下次就未必會再嚟，始終我覺得冰室嘅多士係好重要嘅。

星期日諗住食個麥當當，但條隊超長又冇位，咪試吓隔離間餐廳叫做‘一仔冰室’。佢入邊d卡位又幾特別喎，可以坐到最少六個人，早餐都好多選擇，由A-H, 我試咗個A餐， 沙嗲牛肉麵+餐蛋牛油多士，個碗麵真係好大，牛肉大大塊，唔係d牛肉碎，食完碗麵已經飽咗一大半，以$32價錢黎講一d都吾失禮，可以算係超值。 聽聞依度夜晚都有好多款set dinner食,有款籠仔蒸飯都好似好出名，另外每晚都有燉湯可以叫，搵日夜晚都要嚟幫襯下。

打完波同個老友喺附近搵嘢食，因為驚肚餓嘅關係好想食飯，一於去茶記炒兩碟小菜一湯填飽肚先講。對面馬路就見到霓虹光管，門面都幾光鮮，唔諗太多馬上入去坐低。快靚正的是日精選晚餐，落堂阿姐話要試吓呢度嘅招牌沙薑鷄，套餐已經有半隻雞真材實料，啖啖肉。沙薑味道濃郁，鷄肉嫩，仲有啲芝麻，成件事香氣撲鼻。屋企冇湯飲，出嚟又唔使捱例湯，加多少少錢就有得飲燉湯，木瓜雪耳燉肉排，滋潤到不得了。仲有沙嗲粉絲大蝦煲，大大隻中蝦爽口彈牙 ，粉絲吸收晒大蝦的鮮味，仲有沙嗲好惹味，yummy!兩個大男人仲食得落法蘭西多士，好似女士食甜品咁，冰室美食特別有香港風味。

老公今晚話想食蒸魚，咁麻煩嘅菜式梗係出街食啦！反正屋企附近開咗間新嘅冰室，咁就一於去試吓好唔好食。見門面光猛，入邊裝修簡潔乾淨，收銀位仲見到有好多獎杯添！坐低睇吓餐牌價錢經濟實惠，老公選了廚師推介的晚餐，有佢喜歡的清蒸紅鮋 $96。點解話佢抵食呢？因為平時街市買都要幾十蚊一條魚啦！仲要自己整得冇廚師咁好味。清蒸紅鮋新鮮熱辣辣，魚肉蒸得剛剛好，鮮嫩多汁，有魚嘅鮮味之餘又唔會腥。奉送白飯，加埋蒸魚豉油撈飯就一流啦！轉燉湯只加$20，冇味精又真材實料。就算一般例湯都唔差嘅。樽仔奶茶 侍應話係鍾意飲奶茶嘅人一定要試吓，因為攞獎㗎！跟餐轉加$20仲要送埋個玻璃樽俾你，環保又方便攜帶，真係要讚啦！

最近，有朋友建議走到紅磡的紅磡灣中心地下間 <1仔冰室> 食飯！既價錢平又款式多，不一定要去小菜館呢！如果識路的話，附近有條長天橋可直達紅磡站！店內光潔鮮明，坐得舒適，亦有電視睇！當晚，我們一行7人，點了是日精選晚餐、廚師推介及家常小菜。以上三款餐：轉燉湯加 $20 (花旗參燉鷄)奉送白飯，例湯或熱飲轉凍飲加 $3，特飲加 $7店子師傅好有效率，轉眼間便送齊！是日精選晚餐 (下午6時起供應)菠蘿京都豬扒 $74 這款我點的！ 豬扒切件送上，酸甜醬汁好開胃！ 豬扒肉質不韌又不嚡口，配上鮮甜多汁的菠蘿，推介的小菜！麵醬冬瓜火腩煲 $74恰巧！放到我面前，自然順手夾多幾件啦！ 冬瓜吸收醬汁及火腩的鹹味，口感微微清爽又入味，火腩肉越肥美邪惡我越喜愛呀！粟米香菇煎肉餅 $76一客6件，加入粟米、冬菇及蔥粒，肉餅細細件又不死實，既香口又美味！廚師推介 (下午6時起供應)清蒸紅鮋 $96食晚飯，蒸魚的確不可或缺！為了保持新鮮及質素，店方的蒸魚限量供應！清蒸紅鮋火候恰到好處，魚肉柔軟鮮滑！沙嗲粉絲大蝦煲 $118起碼有6隻大蝦，果然用料十足！  沙嗲汁提升其鮮甜味，富彈性的粉絲吸收香濃

行完街，行過少少就見到佢，一來大大個招牌清楚見到，二來都有抵食套餐，最緊要係呢到嘅奶茶，師傅係國際冠軍茶王，喜歡嘆杯香滑奶茶真心要試！用玻璃水樽上枱，奶茶入口味道濃郁香滑，個樽還可以取走再用，夠晒環保！而跟餐轉飲要加$20，如果計埋多了個樽用當然都算合理！餐牌選擇超多，望見是日晚餐推介，今晚就點了個是日精選晚餐，潮式家鄕煎肉餅 $76，已奉送白飯同例湯或熱飲，因本人較喜歡吃肉餅，還有係煎嘅感覺更加香口，而個潮式煎肉餅上枱有六大塊，入口啖啖肉好有口感，而配埋個飯就真係一個唔錯嘅選擇！餐廳都十分闊落整潔，又係一個街坊飯堂好選擇！

以往嚟呢頭食飯，都喺因為有事要到「大酒店」，之後，亦大多數都喺晌必嘉街搵食，漸漸發覺呢條小街已發展成為一街食街，食群3林立，啲食店多到近乎一家接一家。是晚，同友人嚟到「1仔冰室」，貪佢門面新淨，睇落好醒神，而且，望入去夠人氣，算喺值搏嘅指標嘛！走進餐廳，無話大玩懷舊，反而有點清新型格，一室淺木系配湖水藍，非常醒目，又不失雅致。當然，座位嘅緊密度，就貫徹番茶記本色，哈哈！翻一轉餐牌，一如茶記精神，乜鬼都有。由中西式飯類、炒粉飯麵、家常小炒、懷舊籠仔荷葉蒸飯、茶記小食……等等，都一應俱全。而當中嘅家常小炒及肉餅系列，已包埋白飯，奉送例湯或熱飲。此外，仲有啲套餐，一系列廚師推介（$72-$118），另一系列就精選晚餐（$72-$92），跟白飯，奉送例湯或熱飲。然而，+$20可以選擇例湯轉燉湯，餐飲亦可以轉凍飲（＋$3）、特飲（＋$7）。花旗參清燉鷄湯 ＋$20友人鍾意飲湯，難得只喺加$20就可以轉為燉湯，咁就梗喺轉一客嚟試試啦。啲湯果然好足料，而且，味道香濃，帶淡淡花旗參嘅甘味，實屬抵飲，唯美中不足喺稍稍有點油。奶茶紅豆冰 +$7散點要$25，依家跟餐補$7就飲到，就梗喺轉啦。之前晌好幾家茶

Went here for dinner as I was hungry and they offered steamed fish which is something I wanted to eat.The decor was aqua blue with a modern touch.The menurdered meat patties and steamed fish.The meat patties were damn good as it was lean and there were not any strange chewy bits in it, perfect with rice and it wasn't too salty.The steamed fish was delicate and fresh so it was just what I wanted.Overall, very satisfied so I will come back for fish!The fish gets sold out quickly so be sure to get

訴說香港地道菜式，冰室必定係其中一個選擇，而且每個旅客來到香港都會食冰室嘅食品。今次同朋友去咗呢間冰室食物整體水準亦都唔錯，而且佢嘅奶茶亦是相當推介。冰室環境寬闊，餐牌內有多款菜式，有小菜、常餐等等，特別佢嘅奶茶真是必須點來飲的。1仔旦旦沙嗲牛肉包相當抵食一個菜式，而且呢個招牌旦旦系列，仲要係師傅自創出嚟，應該其他冰室係食唔到。而且呢個包賣相相當吸引及豐富，原來佢係超多炒蛋之下隱藏著沙爹牛肉包。沙爹牛肉味道香濃，配上份量奇多的炒滑蛋，香滑美味。原隻鹹蛋蒸肉餅平時屋企我都非常鍾意食肉餅，今次呢個肉餅亦相當出色。火喉剛好肉質新鮮，送白飯一流。豉汁蒸盲鰽盲鰽魚都幾大條，而且蒸魚最緊要就是新鮮，而且魚肉肉質滑溜，食時相當唔錯。蒜香椒鹽鮮魷賣相吸引，而且椒鹽鮮魷相當新鮮，味道香脆惹味，送啤酒一流。蟲草花香菇雞腳燉湯晚市套餐有飯、有湯，加$20更可轉做是日燉湯，真係好抵食。是日燉湯是蟲草花香菇燉雞腳，一盅燉湯已經用料十足，啱晒我啲唔夠湯水嘅人。籠仔荷葉蒸海蝦飯蒜蓉蒸海蝦香口，亦令荷葉飯更美味。食完呢個飯真係超飽超滿足。樽仔奶茶依間冰室嘅奶茶真係唔好錯過，特別呢個樽仔奶茶，茶味濃郁滑溜，比市面好多冰

有時候得一個人都要去開飯，我都會選擇去冰室居多，勝在口味多元化之餘，同時又食到美味地道美食，早排行開呢頭順便食埋飯先回家，就入左呢間冰室開餐本身係一個飯桶一日唔食佢總係爭啲，平時食開都系一碟精美小菜再配個白飯咁食已經好滋味不過今次轉一轉口味食個懷舊籠仔荷葉蒸飯，多數係酒家先至食得，估唔到係呢度都有得食有晒驚喜，份量仲有分大細又幾體貼當然有幾款口味提供，我就點了籠仔荷葉蒸班片飯，惠顧任何套餐加$20可以飲埋樽仔奶茶，仲係攞過冠軍茶王得獎作品，難得咁有緣當然要品嚐一下用上玻璃樽盛戴飲完仲可以攞走當水樽自用，先飲啖冰凍奶茶入口滑溜之餘茶味濃厚確實好飲，終於輪到籠仔飯出場陣陣鮮味四溢雖然比較清淡但咁食先至原汁原味，班片肉質鮮嫩香甜飯粒吸收左魚肉鮮味同其他配料，食落更加滋味又滿足到食慾嘅我咁又品嚐左一餐地道美食。

在朋友的黃埔家玩了一整天，晚上到附近找個地方吃晚飯。選了這家感覺較新的冰室，裝修有現代感，闊落的空間坐得舒適。餐牌貫徹冰室的感覺 - 選擇夠多。早市，午市，茶市，晚市大量選擇。1仔旦旦沙爹牛肉包 $42份量十足，沙爹牛肉包上有海量的滑蛋，至少用上4-5隻蛋才有這個效果。切開滑蛋，麵包夾住沙爹牛肉。除了滿口蛋香，亦有沙爹牛肉香，非常吸引。金磚四角 (花生醬) $32看著牛油在金黃的多士上漫漫溶化，相當治癒。切開多士中間有花生醬，令口感更豐富。籠仔荷葉蒸海蝦飯 $78籠仔荷葉飯配上簡單的海蝦和蒜蓉已直接將味道帶出，每一口飯都有蒜香，夠開胃。蒜香椒鹽鮮魷 $82椒鹽鮮魷絕對不似冰室出品，口感香脆，蒜香味濃，非常惹味。豉汁蒸盲曹 $88盲曹魚肉香滑，香濃豉汁為盲曹錦上添花，拌飯的好選擇。桂花蜜雞中翼 $74雞中翼非常香脆，桂花蜜添上甜香，十分開胃。燉湯: 蟲草花香菇燉雞腳 +$20加配的燉湯絕不馬虎，蟲草、花香、菇燉和雞腳，非常足料，味道香濃，甚有住家湯的味道。樽仔奶茶 $35冠軍茶皇的奶茶，其香濃奶茶味一試難忘！口感幼滑，一樽已經有兩杯奶茶的份量，奶茶迷必飲！薑煲檸樂 $25平時不會叫的餐飲

平時都會去茶餐廳同冰室開飯，鍾意佢款式多元化之餘口味又夠地道，基本上每個人都會去呢度品嚐一下美食，由港式早餐以至傳統炒粉麵飯，唔少得家常小菜呢度人氣必點美食。早排又去左紅磡呢間冰室開飯，當然每間冰室都會有佢地招牌特色美食，識食一定要食番個是日精選晚餐下午6時起供應，又有多款菜式選擇。我就點左呢款韮黃蝦仁細帶子炒蛋，晚飯套餐奉送白飯一齊食就最完美。《燉湯》凡惠顧晚餐仲可以轉燉湯都係俾多$20，又可以飲到一碗滋潤十足嘅靚湯水簡直超值，是日燉湯係木瓜雪耳燉黃排，一開蓋已見真材實料，趁熱飲番啖清甜滋潤湯水補一補。《韮黃蝦仁細帶子炒蛋》再來係主菜韮黃蝦仁細帶子炒蛋估唔到份量十足，韮黃入口幼嫩味道濃郁最適合用來炒蛋帶出香味，蝦仁肉質爽彈帶子鮮甜，食啖香滑炒蛋再配啖白飯相當美味。《香脆奶油豬仔包》食完仲想食啲嘢再點個特色麵包，香脆奶油豬仔包先至滿足。《樽仔奶茶》最後飲番支招牌樽仔奶茶，1仔出品的 冠軍茶王，跟餐轉加$20 真係抵飲！

早排有朋友問我，喝過最好喝的港式奶茶是哪一家餐廳，我想了良久，竟然有點回答不上。的確，香港很多茶餐廳的奶茶都好喝，可是要數哪一家是我的最愛，好像又暫時未有。直到上星期來訪新開張的一仔冰室，我想我找到了。冰室位置很寬闊，一行六人，浩浩蕩蕩的佔用了圓桌。正值下午五時多的尷尬時刻，大家便決定先點少少下午茶食物，再正式用晚膳。天氣酷熱，點了一杯奶茶紅豆冰($24)消暑。沒想到奶茶味十足，香濃細滑，與軟熟、甜度適中的紅荳蓉非常合襯。兩者配合得宜，完全不會搶過另一方的味道。金磚四角，有數種口味可選擇，點了花生醬口味。茶餐價錢$36，包括熱飲。西多士入面滿佈花生醬，邪惡美味。嘗了一口朋友點的熱奶茶，還是我的更香醇濃郁。店員推薦招牌旦旦系列，這裡自創的旦旦包坊間未見，點了個1仔旦旦沙爹牛肉包($42，配熱飲)。甫上桌，還以為上錯菜式，原來厚厚的炒蛋之下隱藏著沙爹牛肉夾麵包。沙爹牛肉味道尚算香濃，配上份量奇多的炒滑蛋，香滑美味。朋友加點了一杯薑檸樂，同樣大獲好評。片片檸檬與薑絲，配上煲熱的可樂，若是冬天喝到，驅寒暖胃。吃過下午菜食品，大家戰鬥力稍減，卻開始進軍不同小菜。晚市套餐有飯、有湯，加$20更可轉