1+1 吧 (已結業)

每位$88 自助甜品真心超級抵。雖然佢食物種類比我想像中少，只有兩個counter的甜品，但是神奇的是我食了兩碟就已經滯到要投降。好彩今次我同另外三個朋友一齊嚟食，所以每樣食一啖都差唔多試得晒所有款式。大部分都幾好食。個人特別推介佢嗰個即叫即整嘅梳乎厘。😂佢真係好有蛋香，熱呼呼又鬆軟的口感，我哋每個人都至少encore左三次食。而且佢仲有三款醬汁：士多啤梨醬、楓糖漿、忌廉。三款都很令人滿意。另外它的short cake水準都好。我的日本朋友好喜歡蛋糕的Cream夠輕盈，易入口。 另外一個朋友則喜歡朱古力蛋糕，因為他的朱古力口感很實在。果凍就一般啦。另外佢仲有得自己整窩夫。不過好多客人都唔多識整，大家都雞手鴨腳咁，有啲人仲整燶晒。汲取了經驗之後，我們那個又整得幾好，加埋酒店準備個漿都應該幾好。食落幾脆。 總括來講，＄88又可以試咁多嘢，環境舒服可以傾好耐計，真心唔錯。

嘩好恐怖，話晒都係酒店餐廳，點解可以咁伏？Lunch set 有餐包有湯有主菜有甜品，聽過好似好ok，我叫咗個鐵板雜扒餐($108)，媽咪就嗌咗個鐵板肉眼餐($98)，+$15 可加沙律/咖啡或茶/飯或意粉，我地都嗌咗一份意粉。本來都以為 ok ，但一食個牛肉就岀事。肉質唔新鮮，味道古怪，我同媽咪食咗兩啖就停咗。雜扒餐的豬扒同煙肉還可以接受，但並不岀色。最後個啫喱杯甜品，令我諗下小學聖誔聯歡party。總之就失望！老老實實，花園餐廳或者大家樂都好食過呢度。。。

士多啤梨控梗係要試下士多啤梨甜品自助餐啦！得知沙田這酒店餐廳正在做士多啤梨主題，便訂位試一試！價錢只是$108加一，期望不太大⋯三點前已到門口，為的是幫士多啤梨塔照相呢非常吸睛，不過上面的士多啤梨是要用力挖落黎的另外，大部分也是士多啤梨甜品，包括cheese cake ， 海綿蛋糕， mousse cup 等等⋯以這個錢黎講算不錯的～還有即制pancake更驚喜而且最好味的就是這個:自制窩夫！有得玩又有得食，而且製成品都幾香脆好味喎忍不住食了兩三塊另外，由於是日是星期日，這甜品自助餐包埋哈根達斯雪糕三款味道：紅桑子，朱古力，草莓盡興而歸

係沙田想同朋友飲下野，其實真係冇咩選擇。再次黎到係帝都酒店既 1+1 ，較入既位置冇開放到，始終都係喜歡私隱度較高既梳化座位。入黎時見到門口有張大POSTER做特價！可惜今日唔係星期三四，冇得享用。。。單點Hoegaarden吧～By The Way 佢地既nuts係幾好食！朋友叫左Nachos 同南乳雞亦佐酒～佢地Nachos份量唔算好多，不過都幾夠食架！配以牛油果醬、sour cream 同 蕃茄醬，我覺得都幾好食！至於南乳雞亦，開邊上，所以感覺好多！熱辣辣，但南乳味一般。

難得Open rice 見到有帝都酒店$88懷舊鐵板午餐coupon，鍾意食牛既我又出動去到睇餐牌，原來係$88起 ，一場黎到算啦，只要好食，$888都抵點左份鐵板肉眼，唔配飯好唔慣於是又加$15追加一碗白飯。前菜揀左忌廉粟米湯湯真係煲並唔係罐頭湯，不過除左粟米之外就係粟米，有啲寡。餐包簡直惡夢黎，凍嘅就算擺明唔新鮮，好歹你都用微波爐叮熱佢比客人都好吖。我當你新鮮焗完攤凍左，頂你用刀切開，舊包會散晒嘅？仲唔係唔知擺左幾耐嘅隔夜包不過都算，前菜失望希望肉眼搭救上台既鐵板賣相不錯職員會為你倒左汁先放上台，唔使怕自己要驚驚青青倒汁等佢啲汁炸完之後即刻切返舊食，味道中上。切開可以見到仲有些血絲，份量夠多，不過略嫌唔夠厚。之後開始眼火爆話晒懷舊鐵板餐，點解薯條唔係厚切嘅？長長幼幼，咁似M記……叉一條冇黑椒汁既薯條黎試，內心已經講晒粗口直頭係對面M記買返黎唔係自己新鮮炸茶餐廳都唔會咁啦嘛何況你係酒店？之後黎一碗白飯......食緊西餐但用中菜小碗......感覺真係好唔協調open rice coupon可以免費升級甜品，我就期待會由雜果啫喱升級啲乜嘢比我結果係一件藍莓芝士蛋糕賣相係好，但食落去真

You can't imagine their lunch promotion recently at one plus one bar can grill the steak at uncuttable quality and matched with cold hard French fries. That date my parents and I visited there cos wanna take a comfortable seat after checkout. My mother ordered a lasagna with creamy sauce and my old dad ordered a French fries. What a disappointing as the lasagna served at big plate but relatively small portion. And my old dad complained that the French fries was repeatedly deep fried led to hard

最近做緊紫薯x巨峰主題tea buffet，平日$88一位（未計加一），價錢合理所以特意試下 我地book左2.30，都幾多人黎食。食物種類唔算多，大概只有十幾款左右。（順時針）紫薯栗子蛋糕、紫薯鮮奶撻、芒果酥、紫薯芝士蛋糕、紫薯糯米糍。味道唔算特出，一般水準。藍莓芝士蛋糕、藍莓黑森林蛋糕、Brownies、焦糖燉蛋。味道一般，不過不失。最特別嘅紫薯火鍋，有唔同嘅配料俾你沾醬。不過紫薯味唔濃，有D失望。配料豐富，有泡芙、窩夫、草莓、雪米糍咁多樣甜品最好味嘅應該係巨峰梳乎里口感細滑，好香巨峰味，而且即刻係光波爐焗，暖笠笠。總括而然，甜品質素唔高，不過款色幾特別。當俾$88坐得舒舒服服咁食個特色Tea都ok嘅，不過紫薯控就唔好抱太大期望喇

今年香港天氣反常，冬季氣溫反覆。一月初的下午竟有25.1 度，在這舒適的溫度及和煦的陽光下，當然要食個outdoor lunch啦！cafe 是酒店的西菜outlet之一。Lunch set 選了蟹肉法蔥車打芝士奄列，餡料虛有其名，味道麻麻，奄列下的遊香港的很是失望！另點的燒豬肋骨配可樂燒烤汁，豬肋骨味道ok、 肉質亦嫩滑，所以算是可以。餐湯是龍蝦湯，𦬊𦬊一向不甚喜歡龍蝦湯，不過湯是很燙很熱的，所以蝦香十足，加回不少分數。在25.1 度的深冬，穿了厚衣出外，最讚的莫過於他們的特式飲品，價錢平，而且透心涼快啊！

第二次食呢間嘢， 第一次食係抹茶x蜜糖主題,今次係紫薯x巨峰提子主題，每枱客都有一個迷你紫薯火鍋， 睇落一set野擺得好靚好精緻， 不過個紫薯鍋味道有d淡， 如果濃返啲就完美甜品有紫薯梳乎厘(限量推出)， 好多人都話好食但我就覺得不過不失， 始終覺得梳乎厘都係原味最正巨峰提子芭菲， 呢個好正 我食咗三個， 上面有粒迷你馬卡龍再加半粒巨峰提子，底下有啲 果醬同 cream，最底層有粟米片味道好夾！其他甜品仲有 紫薯蛋撻、 焦糖燉蛋、 朱古力蛋糕、仲有個窩夫機可以自己整窩夫食成個tea buffet 最唔鍾意嘅甜品, 竟然係我一向鍾意食嘅紫薯撻， 因為 紫薯撻入面有一粒好大嘅士多啤梨 仲要係酸嘅，同紫薯一啲都唔夾， 士多啤梨 搶曬 紫薯嘅味真係好失望

一聽到甜品自助餐已經很吸引, 再加上"草莓"這兩個可愛的字詞... 變成(((草莓白朱古力甜品自助餐)))... 當然非試不可!!! 一踏進門口, 就被這被染紅的, 甜蜜蜜的世界...完完全全的把我包圍著!!! 草莓馬卡龍: 馬卡龍太脆了, 而且硬硬的... 幸好中間有新鮮的紅莓做夾心, 酸酸甜甜的, 完全中和了甜甜的馬卡龍, 吃十粒都不會滯呢!!! 白朱古力草莓塔: 數以百粒的新鮮草莓, 任由我們把它們從草莓塔上摘下來,好玩又好味!!! 當白朱古力草莓塔被摧毀後, 酒店侍應們會拿出一些新鲜草莓... 即是說新鮮草莓是無限量供應的!!! 告訴大家一種超好味食法: 新鮮草莓沾上甜蜜蜜煉奶, 甜蜜蜜煉奶會令草莓變得更甜, 更美味!!!

早前facebook講呢度嘅士多啤梨甜品自助餐講得好勁早左個幾月book終於book倒🙈來食的人好多都係家長帶住小朋友又或者一班女仔來聚會$88的價錢有埋咖啡或茶任飲係抵嘅甜品款式都算多 仲有自制窩夫 crape 之類的特色野 但其實質素外貌都算一般 所以食唔倒幾多就無食全個buffet最重點應該係呢個士多啤梨塔 個塔隔離擺左啲獨立一粒粒 點左白朱古力嘅士多啤梨 想我地食左一粒粒嘅先 留翻個塔影相啲士多啤梨大多都甜嘅 就算唔甜嘅都唔會好酸加上有白朱古力係面 係好食嘅基本上自助餐去到後半我都剩係食士多啤梨粒 連啲白朱古力都唔要 無咁漏另外有一點唔好嘅就係佢一樣咸食都無 剩食甜品其實好快食夠總括來講佢啲野食雖然一般 但有個好坐嘅地方可以同朋友傾下計食下野係值得嘅

喺平日既時間，特登嚟到酒店享受一下傳說中嘅草莓放題放題。今次我就冇book位，諗住話哂平日，打電話來都會大把位，兩點鐘嘅時候打電話來，接電話嗰位小姐就話今日已經full Booking ,我問有無得walk in等位，佢答完全冇可能有位。本來抱住勁差嘅心情以為無得食，但男朋友堅持叫我來試吓walk in，結果有5位同場既都係等緊補位，結果我地全部竟然可以入哂去食！真係覺得嗰個聽電話嘅小姐超級過分。講番正題啊，關於食物質素。一入到黎，就有唔少人圍住草莓塔拎士多啤梨，補給量都幾足夠，都算refill得快！大約有10幾款的甜品，但樣樣食一舊都夠你飽！在場冇一樣食物令我特別另眼相看，但難食亦稱不上。呢一個價錢食到咁多種甜品，what do you expect? 主角士多啤梨嘅味道，連普通超市唔當造的士多啤梨都比它甜，所以建議重點唔好放喺草莓度。坐左唔夠一個鐘就走人了所以唔需要話一定2.30到，因為在場都好多人好快離場

有士多啤梨的主題，當然要試 數一數……有16款甜品$88(再加10%服務費)轉左師傅?士多啤梨塔不似推廣般细緻士多啤梨塔，小左藍苺和白朱古力醬比A4紙高小小的草莓塔白朱古力草莓忌廉果撻草莓維多利亞蛋糕白朱古力酒心朱古力，草莓馬卡龍，草莓紅絲绒杯子蛋糕，、草莓千層酥(上面)(下面)藍莓芝士蛋糕，白朱古力草莓慕絲蛋糕，朱古力布朗尼蛋糕法式燉蛋，芒果布丁草苺奶凍，野苺意式奶凍即製班㦸，自製窩夫鲜士多啤梨雖然细細粒，味道好鮮甜草莓馬卡龍好香的馬卡龍，外脆內裡煙勒(配上覆盆子的鲜甜，好惹味)白朱古力草莓忌廉果撻好香口的撻底，白朱古力好sweet朱古力布朗尼好濃郁朱古力味，好實的口感，配上內裡果仁碎，好香口白朱古力草莓慕絲蛋糕(半圓形外表，好可愛，草莓慕絲好香好幼滑，底層海绵蛋糕鬆軟全白色的草莓维多利亞蛋糕(味道好creamy,但味道偏牛奶味道)即制班㦸班㦸皮好重蛋味(內裡cream 幼滑，加上草莓粒，甜味滿分)草莓千層酥(酥皮香脆，吉士小，士多啤梨甜)藍莓芝士蛋糕(口感好實的芝士，味濃郁，藍莓醬好甜)白朱古力酒心朱古力(酒心好甜，無酒澀味，白朱古力好甜)杯子蛋糕(红絲绒cream 增加蛋糕的香味

一個懶洋洋的午後，小a 來電，相約到帝都酒店的 1+1 吧，吃個甜品下午茶，以紅莓及白朱古力作為主題，泡製各式各樣的甜品，聽見已令人精神一振，二話不說，立即起行。

約三時多步入餐廳，已接近滿客，虛席寥寥可數，幸運地還可安排於二人座位，甫坐下，先來一杯熱檸檬茶，醒醒胃口。

再到奪目的草莓山前，即時摘下粒粒鮮紅欲滴的草莓，來自韓國最時令的草莓，均勻圓潤，香甜多汁，令人愛不釋手，停不了口。


鮮嫩粉紅的草莓馬卡龍，賣相悅目，入口酥脆，中間夾著幼滑香甜的吉士及酸甜的紅莓，多重滋味，實在討人歡心。
紅莓絲絨杯子蛋糕，草莓忌廉配上朱古力蛋糕，綿密細膩的口感，香甜之中帶著點點的回甘，令人回味無窮。
草莓班㦸，師傅即席泡製，充滿蛋香，保證新鮮熱辣。


最愛是草莓窩夫，這回是自家製作，只要將蛋漿注入窩夫機內，靜待兩分鐘，熱哄哄的窩夫新鮮出爐，再加上草莓粒、朱古力碎及鮮忌廉，自家出品，當然份外鬆軟美味。


白朱古力草莓忌廉果撻，口感軟滑輕盈，剛好的甜度。
焦糖布甸，幼滑香濃，帶著暖暖的甜美滋味。
還有芒果布甸，賣相小巧精緻，粒粒鮮芒果肉，絕對不能錯過。


餐後，再來一杯香醇幼滑的熱咖啡，感覺實

位於沙田新城市的帝都酒店經常都會推出不同主題的下午茶Buffet優惠，平日只需$88，就算星期六或日都只需$118，時間由2:30-5:30pm。前陣子推廣的以紫薯為題的已大感興趣，不過位子永遠手快有、手慢無，上次因未能book到位子感到飲恨。今次難得推出以士多啤梨做主題的下午茶Buffet，即刻唔理三七廿一，book左枱先算。循例行逛一圈，有白朱古力士多啤梨塔、朱古力布朗尼蛋糕、藍莓芝士蛋糕、草莓千層酥、白朱古力士多啤梨慕絲蛋糕白朱古力酒心朱古力、草莓紅絨絲杯子蛋糕、芒果布甸、法式焦糖燉蛋、北海道草奶凍、野莓意式奶凍、白朱古力草莓忌廉果撻等約超過十款甜品。另外，現場還有即製草莓班戟和窩夫。小妹一心就衝著傳說中那巨型的白朱古力士多啤梨塔而來。不過一坐下，行動不及其他人快，結果到最後只能眼尾望到員工搬走只剩下白朱古力黏滿圓錐體的物體離開視線。不過那塔並非想像中的巨大，只有一張A4size的高度和大小，更重要的是，員工搬走果塔之後，都沒有refill新的，很失望。沒有士多啤梨塔，取而代之是用竹籤叉住一粒一粒的白朱古力士多啤梨，總算好過無得食吧，但只是補給了一次就沒有要補給。士多啤梨細細粒也