101台式休閒餐廳 (青衣城2)

營業中

休息中

是日星期六，優遊自在同老婆嚟一趟小旅遊，先過嚟青衣城睇場戲、食吓飯，再行轉短山。事緣都喺有啲戲票贈券就到期，唔用好似好唔抵，最方便就喺過嚟表衣城。戲就揀咗套韓國片「無價之保」，喺催淚嘅劇情片，而食晏主要都喺睇餐廳環境，話晒啲疫情仲喺好勁。睇咗幾間，見「101台式休閒餐廳」相對人唔多，而入門右側角落有啲大卡位，自成一角老婆就覺得用餐最安心。 餐廳內裝修精簡，加上樓底高，確喺感覺幾休閒。一室紅白相襯，視覺幾醒目，而防疫都做足，防疫間隔嘅透明膠板，夠大又夠高，呢個元素亦喺我哋會考慮之一，因為見唔少餐廳都做得好鬆散，「求其」搵塊紙板嚟濫竽充數。 我哋所揀嘅一側卡位，既晌死角位，唔會有人出人入嘅問題，而且，非常闊落，唔太肥嘅人，我覺得可以坐到6個人，而牆上做咗個大書櫃作裝飾，增加啲文青感。 門口棟咗兩塊大板，就一眼睇晒有啲咩選擇，有各式各樣台式肉燥飯、麻辣湯麵、田園蕃茄系列、午餐、一人套餐……等等。飲品有加配優惠，不過，好搞笑，所謂午餐，只喺得個主食，嘢飲都喺要俾錢加配。 入鄉隨俗，啲餐具都好似啲茶記咁，擺晒晌餐枱下嘅櫃桶。如果，想要啲熱水浸餐具消毒，亦要出去專櫃自行搞掂。 蟲草花木耳炆雞飯 $

成日都掛住台灣美食 依家冇得飛去台灣唯有食下台灣菜解下癮🙈🙈🙈呢間屬於平價台灣菜除咗台式肉燥飯 台灣湯麵 晚市仲有台式小火鍋 選擇多元化之餘 價錢平又好食 超級抵食!🌀 台灣魚腐花枝丸田園蕃茄湯湯麵所有台灣湯麵均用上台式手工麵不過本身好鍾意食新竹米粉 所以有轉到麵底麵量好多 分量超足 呢個價錢真係良心價!蕃茄湯湯底濃郁 見到有好多番茄粒粒喺湯底入面應該用上大量新鮮番茄煮熬而成而花枝丸又夠彈牙 抵讚😗😗.🌀台灣鹽酥雞鹽酥雞炸得香脆 上枱熱辣辣雞肉夠嫩滑 而且夠惹味表層灑上少少七味粉 真係會食到停唔到口!🌀滷水豬大腸豬大腸洗得好乾淨 滷得好入味 餸飯食應該一流!良心餐廳💛良心價錢 下次行過都可以試下

🐾 101台式休閒餐廳🐾麻辣三杯雞小火鍋✔️$78蕃茄濃湯豚肉小火鍋✔️$83水蜜桃水果茶✔️+$10盆栽咖啡奶茶✔️+$10鹵大腸✔️$28-麻辣三杯雞小火鍋:三杯雞係用雞髀😍勁嫩滑！！！我揀左岀前一丁！勁正超入味🤣 麻辣味幾重😳如果唔食得辣真係好好叫🤣因為會越黎越辣🤣入面重有好多其他配料，例如：玉子豆腐，娃娃菜等等係全部野都會煲到好入味！但食到尾尾會有啲鹹🤣-蕃茄濃湯豚肉小火鍋:蕃茄味好濃😍但豚肉就比較厚，所以淥岀黎就比較硬身，同埋入面都有好多配料，宜個就揀左渝川面，比起烏冬幼身，但佢口感係似烏冬咁嘅-鹵大腸:好入味 入面唔會話好多肥膏😍而且份量好多🤣好抵呀！-水蜜桃水果茶：好fresh嘅水果茶🍎🍍入面重有啲水果可以食🤣-盆栽咖啡奶茶:勁大杯！我最尾都飲唔曬😗性價比勁高🤤—(非專業,完全跟據個人口味☺)食物:7/10環境:7/10服務:8/10人均消費:$100———————————————▪店舖名稱: 101台式休閒餐廳 (青衣城) (青衣)▪店舖地址:🔸青衣青敬路33號青衣城二期地下G30號舖-----------------------

想去台灣又無得去，咁就食住台灣菜止住旅行癮🙈 今次行完山去到青衣發現到呢間主打台灣菜嘅餐廳，而且價錢仲好親民，當然要試下啦!😍1. 台灣古早牛肉麵🍜🐮 配 麻辣麻醬手撕雞🐣 (一人套餐 $81; 包括: 主食+小食+飲品)超級大碗，如果係細食嘅朋友，應該夠2個人食!😉 湯底幾清甜又唔油膩，牛肉炆得軟腍同入味，牛味香濃，白蘿蔔清甜入味，麵條偏扁身，帶點煙韌，好掛湯!😋👍小食: 麻辣麻醬手撕雞🐣 麻味食落幾香，又唔會好辣，似用咗雞脾肉絲😎👍 加上青瓜同埋麻醬撈埋一齊好好食!😙飲品: 🍓士多啤梨牛奶雪香超大杯，幾香士多啤梨味又唔會覺得漏😙2. 鹽酥雞🐣 ($27)份量幾多，幾香囗，炸粉做到好薄👍，肉質嫩滑，好香孜然味，但調味有少少過重🙊3. 自選經典鐵板餐 ($66+$2+$4)我今次揀咗+$2轉西冷牛扒🐮、香茅豬扒🐷，已包咗腸仔、火腿、粟米、薯角，我揀咗咖哩汁，用嚟點薯角幾正!😝 仲包埋白飯/薯菜/意粉/+$4轉肉燥飯，我揀咗肉燥飯，同台灣嘅肉燥有點不同，似用咗潤腸炒過，幾特別，牛扒同豬扒都好大塊，每塊都超過一隻手掌咁大，肉質嫩腍，香茅豬扒煮得好入味!😝 咁多款肉，食肉獸一定唔可以錯過!

記錄一下在政府實施六時後禁晚市的措施前一晚吃的一人台式涮涮鍋。在冬天吃火鍋是最合適不過的選擇☺️1️⃣蕃茄濃湯雞脾肉小火鍋 $80蕃茄湯底味道很濃，和新竹米粉是絕配。雞脾肉很嫩滑，加上少許豉油，味道很好。加$8可再加配一份肉類，選了美國黑豚片肉，很滿足。2️⃣台灣卜卜蜆小火鍋 $78選了豬骨清湯湯底，雖然不辣，但味道一點也不淡，配上卜卜蜆，有點清甜。卜卜硯味道也不錯。加$8可再加配一份肉類，選了美國谷飼肥牛片，很薄也很可口。3️⃣盆栽特濃朱古力珍珠（原價：$29，套餐加配優惠$10）盆栽造型的朱古力飲品打卡一流，甜度適中。去台式餐廳吃晚餐，台式飲料真的是不可缺少喔！4️⃣夏日的摩摩茶 （原價：$38，套餐加配優惠$10）混合雜果、七喜汽水、水蜜桃汁和茉莉花茶的無酒精飲品，味道清新。二人限聚令下，一人一小鍋，既衛生，份量也剛剛好，環境亦十分舒適。

九龍人對青衣真是不太熟路, 適逢到青衣運動埸練習, 所以同隊友隨便找家餐廳食飽就打道回府。路經青衣城2期地下, 見到有101台式休閒餐廳, 就佢喇!本來見到小火鍋好吸引, 可惜因為時間關係, 所以隨便輕食。三杯雞肉肉燥飯及古早牛肉麵之前食過肉燥飯都覺得不油膩又惹味，想不到三杯雞都好出色，味道好香！不是求其之作。牛肉麵用的是陽春麵, 感覺正宗 ; 而常見嘅牛展側為牛肋條，煮得很腍好易入囗，湯頭濃而不膩👍當然唔小得有小食，掙扎左好耐先揀到七味雞翼及鹽酥花枝丸兩者味道接近，花枝丸炸得香口又彈牙，雞翼肉滑多汁，兩款都好食我地仲叫左杯盆栽咖啡珍珠，因為太大杯所以兩個人share就岩晒！以往都係飲珍珠奶茶，今次轉左咖啡個感覺又幾新奇喎仲有啲餅碎扮盆栽泥土，除左珍珠又多一份口感

所有火鍋啲蔬菜都差唔多一樣，通常有包心菜、粟米、紫洋蔥、蕃茄同金菇等。鍋內啲料本身熟，加熱一陣就食得中文同英文材料描述唔一樣，英文描述唔準 台式古早味牛肉火鍋(小辣)好足料滿到就瀉，有大概6舊牛肉，牛肉好腍，肥瘦適中。小辣開頭唔覺得辣，之後越食越辣。米粉煮左一陣就熟，吸曬啲湯有啲肥膩同辣。最後因爲太多料飽到食唔曬 麻辣卜卜蜆小火鍋蜆有沙，少少生同海水味麻辣湯底似譚仔麻辣味。粟米吸曬啲湯，無粟米甜味，淨係食得出麻辣味

『無骨香辣三杯雞肉燥飯』 HKD 45 雞肉大塊而且富醬油味,係飽肚之選。加$5 可享『愛文芒果汁』,清甜去膩。菜式5分鐘內送上 但肉燥唔算好熱。『麻辣魚腐花枝新竹米粉』HK45,份量頗generous而的確食到麻麻的辣。花枝丸有3粒而且有嚼勁,加$7配杯『凍即磨咖啡』可以降降溫。再來個『台灣苗栗香辣牛肉麵』HKD56,嗌小辣口味痺一痺個口就可以,牛肉足料唔見靭但稍厭乾身,未有完全吸收湯底精華,加HKD9來個『士多啤梨牛奶雪香』。冰雪有D蓋過奶味,但總算入口帶滑。加多份『七味雞翼3只』 HKD22算係功德完滿。總結份量令性價比推高,唯餸菜可以加熱D先出會更佳。侍應工作態度不錯,夠快捷且客氣,不失為令人愜意的一頓晚餐。#101台式休閑餐廳#台灣菜#三杯雞#新竹米粉

101 對於小肥妹黎講算係一個幾有回憶嘅地方，近排先知原來原來仲係一間黃店黎㗎，咁就更加要去支持下💛台灣菜黎講佢哋走平價路線，價錢親民，係糧尾既好選擇🤣• 台灣苗栗香辣牛肉麵 $88一黎到有少少嚇親，因為個份量真係好多好大碗😂家姐唔食得太辣所以就叫左小辣，湯頭帶微微辣味道唔算話好濃郁，牛肉煮得岩岩好，唔會硬到咬唔開，亦冇太淋而失去咬口，而麵條粗身就似食拉麵咁😯• 台灣麻辣鹽水雞翼麵 $77每隻雞翼都超級大隻，調味真係似足出面食鹽水雞嗰浸獨特既白胡椒味，而且肉質好嫩滑，好鐘意佢層滑嘟嘟既雞皮！依碗就叫左中辣，辣勁唔算太強烈，睇黎下次可以挑戰下大辣😛• 鹽酥雞 （跟餐小食）成日掛住台灣夜市啲鹽酥雞，所以小食部分就嗌左黎過下口癮😋調味落得適中，雖然係熱氣野但都忍唔住一粒接一粒🤣• 麻醬麻辣手撕雞 （跟餐小食）有麻醬中和返個辣度所以唔算辣，都係一個幾惹味既小食😆• 鹽酥花枝丸 $28簡單野好難做得唔好食😆係預期中嘅味道😗• 夏日的摩摩茶 （跟餐+$5）依杯包含左雜果、七喜、水蜜桃汁同苿莉花茶感覺好fresh，少見有茶同汽水混合既配搭🤟🏻• 茉莉花mojito（跟餐+$5）依款同摩摩茶有少少相似

講起台灣真係有思鄉病，之前每年都去幾次，而家嚟緊幾年都去唔到一次😫唔緊要，想要返台灣嘅味道，又要平價親民，可以試吓呢度嘅地道台灣菜😄🍜古早味台灣牛肉麵：採用一級牛肉，炆燉數小時，牛肉淋哂入哂味，夾落去都差不多會散，特別介紹佢嘅手工麵爽口彈牙，浸左係湯一段時間都唔會淋👍🏼🐥三杯雞涮涮鍋：凍凍地嘅天氣最啱打邊爐，三杯雞查查會配以新鮮蔬菜，大中小辣任你選擇，湯底越滾越入味，可以加配肉燥飯，亦建議可以加個烏冬，絕配🙌🏻🍗鹽酥雞小食：食落去完全有台灣夜市嘅風味🥟台式餃子配新竹米：正宗既新竹米滑嘟嘟🥤水蜜桃紅茶，金橘蜂蜜都好味😋

星期五晚上，雖然疫情未完結，但夜晚七點左右呢間餐廳已full, 好啦即管試試佢 <3。好耐未試過去青衣城食飯, 宜家仲有免費拍車真係好方便！好過呢度比佢個餐牌吸引左，真係好多元化～仲要有一人一pot, 所以就入左去食拿XD。✦✦✦✦✦✦✦✦✦✦✦✦✦✦N4 台灣卜卜蜆小火鍋 $78辣度剛剛好，仲有蜆味👌。另外又有菜同埋新竹米粉，個湯底都幾好味，有台灣風味🧐✦✦✦✦✦✦✦✦✦✦✦✦✦✦S12古早牛肉麵 $86個麵硬道有口感，牛肉味濃，係台灣既味道。大碗麵好味又夠飽肚，白蘿蔔✦✦✦✦✦✦✦✦✦✦✦✦✦✦花枝丸 (跟牛肉面餐)花枝丸一串有三粒🍡，彈牙，有小小辛辣，好想再食多幾粒👏。✦✦✦✦✦✦✦✦✦✦✦✦✦✦G5蕃茄牛肉炒蛋 $54$54蚊真係好抵食不過D 蛋同牛肉有些小OVER COOK, 但味道OKAY,仲有飯配埋好唔錯，好抵食,，係屋企既風味。✦✦✦✦✦✦✦✦✦✦✦✦✦✦盆栽珍珠奶茶$29係打卡飲品之一，味道重奶味，唔似珍侏奶茶，杯野飲好靚✦✦✦✦✦✦✦✦✦✦✦✦✦✦#青衣城 #101台灣 #盆栽珍珠奶茶 #簡單味道 #101台式休閒餐廳  #台灣菜✦✦✦✦✦✦✦✦✦✦✦✦✦✦

超愛去旅行嘅我，已經一年無✈️過，好掛住台灣嘅美食🥺🥺特別中意台灣街頭小食，係香港都唔易食到呢種味道，嚟到呢間台式餐廳見到咁多款台式小食，超開心呀！我點咗鹽酥雞、台灣腸同我最愛嘅花枝丸呢幾款台灣夜市必吃美食，好難得佢做到台灣嘅味道呀，尤其係鹽酥雞，好香口，食到停唔到口🙈，台灣牛肉麵就梗係要試埋啦，牛肉湯底夠味得嚟唔會好咸，啱我😬牛肉軟硬適中，麵夠彈牙～一次過試唔洗咁多款，下次再嚟試過😋😋

今日近近地簡左青衣城台灣野食，門口大大個101，超級易搵。晚市有好多套餐，有主食、小食同飲料。另外仲有火鍋同好多其他野食簡，最後中意蕃茄湯既我簡左台灣蕃茄牛肉麵套餐，小食簡左鹽酥雞，飲品要珍珠奶茶。蕃茄牛肉麵套餐 $86 牛肉麵好大碗，牛肉有4大舊，望落去已經好滿足😍湯底係濃濃既蕃茄湯，飲落酸酸甜甜好開胃。牛肉咬落鬆化唔會鞋口，好有肉味，讚👍🏻仲有好多舊蘿蔔，都燘得好淋，麵都好淋好入味。鹽酥雞一籃鹽酥雞有8-10大粒，炸到卜卜脆，肉質都幾實幾易入口，加埋辣粉非常惹味，keep住一路食唔停口！珍珠奶茶大大杯珍珠奶茶，珍珠咬口好好好彈，奶茶係台式奶茶，有淡淡香味，幾好飲。

一人餐S19古早牛肉涼拌麵 $79牛肉是牛腩部位☺️ 多肉無肥膏 拌麵個汁都ok 麵係非常容易咬開 一咬就斷既冷麵～T3 鹽酥雞（小）同想象中有啲唔同 無炸衣 雞嫩滑👍🏻調味足夠～J12 香芋珍珠（大）（少少雪）好濃香芋而是夠曬大杯 唔錯！😍🥰 珍珠中間個芯偏硬～一人餐S14蕃茄牛肉麵 $91個上面個拌麵既牛肉係一樣既～ 番茄湯都唔錯 夠味👌🏼 麵同拌麵唔一樣 麵質都好味過拌麵😙T4 台灣腸（小）小食都不錯吃☺️ 台灣腸好味 有小小炭香味 唔知係燒定本係身條腸係炭燒黑椒台灣腸😆J26 盆栽珍珠奶茶（少雪）好邪惡 好多cream要加珍奶🤣

疫情無得去台灣旅行.🧳現在近近地係青衣城*101台式休閑餐廳來食一個下午茶餐 ☕️ 性價比高又可以輕輕鬆鬆來T-time 必叫珍珠奶茶🧋加一個菠蘿包配黑椒雞扒 （脆皮菠蘿🍍包）加多的 濃濃黑椒 粒，並且更加突出。 此外，雞扒配黑胡椒辣，菠蘿🍍包 辣得黎似乎也有份額，中和的感覺。紅燒番茄🍅牛肉麵 自選 新竹米粉喜歡💕麵夠Q彈湯底番茄🍅濃湯，濃郁番茄鮮味，現在麵食必叫首選。而紅燒牛肉 入口軟嫩。下次可以試其他 或者再encore雖然是下午茶🫖店外出面都排晒隊 又要等位如果有意食下午茶☕️ 真係要提早少少攞位📲#午後來過休閒T-time #偶爾想念一下#台灣風#國家嘅蜂巢#帶點茶餐廳感覺#101台式休閒餐廳#台灣菜#新竹米粉 VS 紅燒牛肉#黑椒雞扒 VS 菠蘿包