101台式休閒餐廳 (青衣城2)

營業中

休息中

位於青衣青敬路33號青衣城二期地下G30號舖的 101台式休閒餐廳 (101 Taiwanese Restaurant)，主打台灣菜。餐廳的感覺明亮舒適，而且桌子之間有板子遮檔，感覺更安全衞生。點了 一人台灣涮涮鍋商務套餐，連加一後，每人約八十多元。套餐包一客鍋物、主食，另外可以再加配飲品和肉類。約十分鐘後，火鍋便上桌了，效率相當快速。店員會同時附上一個卡式爐，待火鍋煮滾後，便會把爐調較至中火。台灣古早牛肉火鍋 (Taiwanese Beef Shabu Shabu)火鍋的材料有：古早牛肉、包心菜、魚腐、豆腐卜、台灣麵、蕃茄、粟米、紫洋蔥、玉子豆腐、金菇整體份量十足，男士吃也相當夠飽。古早牛肉有三大件，頗為慷慨。不過，牛肉略為乾身，建議將牛肉放至鍋底，吸收一下湯汁，質感會更佳。包心菜的份量頗多，而且就算長時間烚，也不會變黃變得過軟。。加配了肉類：美國穀飼肥牛片，牛肉有四片，質素中等。主食則可以選新竹米粉、米線、公仔麵及白飯。筆者想飽肚些，所以點了白飯。火鍋的湯底採用了牛肉湯，濃濃牛肉湯用了配飯，味道不錯。香芋珍珠 Taro with Pearls飲品質感香滑，奶味相對較重，如果芋頭的味

兩個人閒日平平哋食咩好？今日嚟到青衣城見到呢間台式101火鍋店幾抵食，就入去試下。佢除咗火鍋之外亦都有一啲台式嘅飯同麵，例如肉操飯同埋涼拌麵，價錢都相當經濟，大概都係70至80蚊埋單。講返火鍋，湯底主要有沙嗲湯底，蕃茄湯底同埋壽喜燒可以選擇，我就選擇咗壽喜燒，搭配牛肉一流。火鍋料方面都足料，有玉子豆腐，包心菜，花枝丸，台灣香腸，豆卜，當然仲有重點肥牛啦，如果牛肉驚唔夠食嘅話，仲可以加$8要多一碟，跟餐仲有一個主食，可以選擇公仔麵，新竹米粉，米線或者白飯。而飲品仲可以選擇特飲，跟餐價錢最貴加$10就可以叫到佢哋著名嘅盆栽奶茶，上面有啲Oreo碎，又靚又大杯，值得一試。👍總結，如果平時想打下邊爐，又想平平哋，除咗去連鎖快餐店之外，呢間絕對係一個好選擇。

冇得去旅行，掛念台灣嘅時候，咪去食下 #台灣菜 囉！ 是日就帶咗個女去 #101台式休閒餐廳  #食牛肉麵， 其實我最鍾意台灣美食就係夠貼地，大碗麵大碗飯好味又夠飽肚，呢度仲有好得意嘅盆栽飲品， 地道得嚟都可以打卡able！#番茄牛肉炒蛋飯 $46除咗台式美食之外仲有簡單家常美食，今日小朋友就指定話要食呢款，真係幾有屋企風味。#台灣古早番茄牛肉麵 $59我好似每次嚟都係叫呢個😂 大大碗麵，足料，湯濃， 雖然其實我係最鍾意食嗰兩嚿入曬味嘅白蘿蔔😂#鹽酥花枝丸 $28呢度啲花之丸幾好食，上碟嘅時候熱辣辣， juicy彈牙， 如果小朋友食可以提下唔好加辣粉。#盆栽士多啤梨珍珠 $29啲杯好明顯係嗌你氹下自己開心， 味道好似士多啤梨奶，嗰啲花泥係朱古力曲奇粉，攪勻飲都唔錯！ 佢另外仲有香芋、咖啡同埋朱古力味

由於疫情冇得出國，又好想食台灣嘅美食🤔今次就嚟咗呢一間喺青衣城嘅台式餐廳食美食😍因為咁啱我哋去嘅係下午茶時間就好多人所以都要排一陣隊，比我嘅感覺佢係好旺 所以要早啲去攞位啦！今次我哋叫咗一個下午茶餐一個正餐：鮮油奶多+雞扒+腸仔（$39）台灣古早蕃茄牛肉麵（$86）盆栽香芋珍珠奶茶（+$5）（跟餐係加$5,但點就$29）總體來講都唔錯，特別係蕃茄牛肉麵值得一試！牛肉嫩口唔會好硬，相比係平價嘅餐廳已經做得好出，大家有興趣可以試吓！推介⭐️⭐️⭐️⭐️評價⭐️⭐️⭐️⭐️環境⭐️⭐️⭐️

耐冇食台灣野，心思思想食，約左朋友收工食飯，過下口癮。我地叫左兩個一人套餐，主食＋小食＋飲品。💬主食台灣麻辣牛肉麵🌶🌶🌶辣度我叫左小辣，轉新竹米粉。米粉既麵質比較爽口，而且吸哂麻辣湯，食落好惹味。牛肉🐮味濃，唔韌。蘿蔔係成碗麵既精髓，又淋又入味。🐽醬汁香茅豬扒肉燥飯肉燥唔肥膩，配大大塊豬扒，脆卜卜，咸香滋味。💬小食台灣腸香腸係黑椒口味，切成一片片再煎，好香口。🐔鹽酥雞皮夠酥脆，炸得岩岩好，雞肉唔乾之餘都算嫰滑。有小小孜然粉調味，一啖一舊😏食肉獸表示滿足。💬飲品盆栽特濃朱古力珍珠一杯野飲有四重口感😈超邪惡💗💗Orea餅碎、滑嘟嘟Cream、濃郁朱古同埋煙韌有咬口既珍珠。🍯🐝峰蜜綠茶天氣轉涼，峰蜜夠潤喉，唔錯。🖐總括🤷‍♀️食物質素唔錯而且份量好足。係商場入面絕對經濟抵食。

💬 青衣城內性價比好高嘅台式食肆😎dinner set 大約$70-85左右 有齊大大碗飯/麵+小食+餐飲🙌🏻唔叫set dinner 單叫個飯都係$40-60 仲要全部份量都好多😯真係啱晒一家大細做日常晚餐🤣🤣▪️ 台灣麻辣牛肉麵馳名台灣牛肉麵非常正宗 而且份量十足😆古早味牛腩味道濃郁😚台灣麵條口感軟硬度適中😌麻辣湯底亦好香夠晒辣 絕對係物超所值！▪️ 台灣三杯雞配燥肉飯呢個三杯雞躁肉飯都不過不失！🥰三杯雞肉質嫩滑、味道不俗😚燥肉帶有輕微辣味岩哂我依啲唔太辣得既人~燥肉甜甜地好㘃味😋▪️ 鹽酥雞脆雞炸完外皮香脆 咬落去好多肉汁 完全唔乾唔油🤪熱辣辣食落去 鹹鹹哋又大大舊炸雞好滿足！▪️ 夏日的摩摩茶 summer holiday超級fresh！食完咁多油炸嘢 好需要杯茶嚟消濟😆而呢杯夏日摩摩茶我見都好多人飲 佢大杯得嚟又唔會太甜 仲加咗唔少生果好夠fresh😛▪️ 盆栽香芋珍珠奶茶大大杯珍珠奶茶🥤講真 淨係飲完呢杯都飽咗一半😂70-80附送一杯份量咁多嘅餐飲真係好抵😝表面鋪滿大量oreo 餅碎同一棵草 外觀夠晒吸引🤪______________________________

冇得去台灣，點都要食返碗牛肉面頂一頂😂近近地青衣城就有間101台式休閑餐廳，2條友一人叫個一人套餐，有面+小食+飲品。台灣麻辣牛肉面+7味雞翼+咖啡$83✨台灣麻辣牛肉面 -我無辣不歡當然要3隻辣，牛肉份量都幾多，湯底偏甜，辣到十足，味道都ok台灣麻辣三杯雞面+鹽酥雞+盆栽士多啤梨珍珠$79✨台灣麻辣三杯雞 -呢個要2隻辣，雞肉都好嫩滑，湯底偏甜，辣到都夠 ✨盆栽士多啤梨珍-呢杯野好靚，唔捨得飲，真係好似盆栽🎍

疫情仲未完，防疫得好好嘅台灣都話可能要下年下半年先開關，想快閃去台灣食個肉燥飯真係有排都未有得去，唯一可以做就係香港食住台灣菜望梅止渴先。今日去左間cp值超高台灣café－ 101 台式休閒餐廳，食台灣fusion菜，晚餐連小食飲品每人都係80蚊有找，呢排天氣涼左仲有台灣涮涮鍋可以揀，超抵食！食台灣野一定唔少得肉燥飯，我地叫左個醬汁雞扒拼玉子豆腐肉燥飯套餐（包小食同飲品），聽落個名都知有好多材料，先講下雞扒肉質比我想像中嫩滑加埋少少黑椒同燒汁，非常juicy！肉燥飯配燒汁都意外地夾，咸咸地肉燥加埋甜甜地嘅燒汁真係好好送飯，肉子豆腐係炸嘅（第一次食），外面好脆而入面嘅豆腐又好滑，真係好特別，好似食緊天婦羅咁！跟餐嘅小食我地叫左台灣腸，雖然係跟套餐但份量一d都唔少，夠哂2個人share，唔似平時台式餐廳嘅炸香腸，呢度嘅台灣腸有黑椒加上甜甜嘅蜜糖味，又出奇地夾同好食！飲品叫左水蜜桃紅茶，水蜜桃味好出加埋少少茶香，好好飲！見到唔少人都係叫呢款～男朋友叫左日式壽喜燒豚肉小火鍋，火鍋非常之足料，有（豚肉，魚腐，玉子豆腐，豆卜，包心菜，蕃茄，粟米同金菇等等）仲配埋新竹米粉／米線／公仔麵／白飯等等可以

抵食鐵板+慢煮牛坑腩青衣城選擇實在太多，見到101有火鍋、鐵板、小菜等等， 兩個人就叫咗一個鐵板同一個慢煮咖喱牛坑腩飯試試。慢煮牛坑腩咖哩等唔到五分鐘就上枱， 如果總辣度有五，呢個辣度大約二。牛坑腩嫩口入味， 啖啖肉唔會好多肥膏。 食完令人回味。至於鐵板餐， 除了自選肉類兩款，還有腸仔、火腿、粟米和薯角伴碟。兩個餐都可以用特價配飲品， 加9蚊就有朱古力雪香( 面頭有胚芽)， 而特濃朱古力只不過係冇胚芽嘅分別， 加十蚊就轉大杯裝。

今晚同家人到附近食晚飯，揀左台灣菜食，而家有套餐很抵食，也有火鍋的選擇，份量亦很足。晚市一人套餐有30款，非常多選擇，套餐有齊主食+小食+飲品，價錢$70-$86。台灣古早蕃茄牛肉麵 $86超級大碗，湯底係濃郁蕃茄湯，微酸甜好開胃，仲好鮮味，配牛肉好夾，牛肉份量極多，四大件牛肉，鬆化味濃，啖啖牛味，好正。蘿蔔清甜多汁，麵條偏粗身，掛到好多湯汁。鹽酥雞份量幾多，炸得脆卜卜，肉質嫩滑多汁，有油香，落左辣味粉好惹味。章魚餅一客兩件，都夠熱辣辣，質感軟彈，內有章魚粒有咬口，幾惹味。特盛燒汁雞扒肉燥飯 $80肉燥同醬汁都好香濃，超好配搭飯，燒汁唔會好咸，食完唔膩，雞扒煎香肉質仍嫩腍，而且有兩大塊好飽肚。盆栽珍珠奶茶 +$5外形果然好吸引，似足盆栽，用餅干碎裝扮成泥，仲有薄荷葉點綴的小綠葉，下面係珍珠奶茶，茶味濃郁又順滑，珍珠好Q彈好咬。香芋珍珠香芋味道超香，配珍珠最夾，有台式特飲的風味。

人在 青衣-Maritime Square, 想找一間 "黃店" 食個下午茶 , 都不太容易 ~見到這家 💛黃店 "101台式休閒餐廳" 就二話不說 , 入去幫襯 ~Menu ~鹵水豬大腸肉燥飯 : 不論是豬大腸或是肉燥都非常入味 , 豬大腸肉質軟軟又帶點QQ口感 , 食落又有肥滋滋 , 很好吃 ~雞扒菠蘿包漢堡 : 依我估計這個是港台 fusion 吧 , 菠蘿包是香港的代表作 , 用菠蘿包夾住用台式煮法的雞扒 , very interesting ~台式特飲 , 我們就選了 香橙特飲 & 香桃特飲 , 味道不算太甜 , 不過不失 ~ 本篇完 ~

2公婆6點幾揾野食又肚餓，見呢間無咩人等又有位就入去，老公嗌左個豬扒肉燥飯，我試左小小，個汁咸到飲海水咁。我見到面可以轉烏冬，就+$10轉左，最後來到既時候，即刻叫左句”哇 “ 塊雞扒細個大家x啲縮水雞扒, 個烏冬唔知有無一個？ 個湯底我唔食辣轉左清湯，清湯就似係味精粉溝水一樣。 基於我勁肚餓，最後將啲烏冬食哂，我食完之後，竟然仲係好！肚！餓！60蚊攝牙罅，我認輸！真心覺得有錢真好，因為你間野咁難食都仲可以營運

叫左個特盛雞肉米線同香辣牛肉麵，份量都幾大份，都抵食。試左個牛肉麵，感覺味道好淡，無咩味道，麵條完全入吾到湯味，有啲入望。相反，雞肉好夠味，肉質亦好嫩，湯底需然淡，但啲肉既味搭夠。

同朋友一齊黎食野，但服務員態度極差。因為我同朋友都係叫左野食先再話堂食，但服務員竟然話「你而家先講？oh my god」，繼而再同其他服服員一齊取笑，加以諷刺。請問一下，第一次黎食野，我同朋友可以點知要先講堂食再叫野食？唔緊要，咁我地有責任同時，服務員無責任？佢可以問下掛？點解唔問？我地錯既同時，又有無需要態度差到咁？唔係要服務員低聲下氣，至少有對人既尊重同禮貌掛？咁既程度真係忍服唔到下次同朋友唔會再黎食，食都食得唔開心

首先，一入到去完全冇人理，出面又無人等位，我就以為好似大快活果啲咁落左單再自己揾位坐，點知我落完單之後話堂食，個店員 (紮馬尾，50x歲)就即刻好大反應咁話:「下！你係度食？我出左單啦，唉」跟住又不停係我面前俾說話我聽，對住walkie講:「佢落左單先轉係度食」又咦咦唉唉咁，其他店員又態度好差咁講: 「oh my god！依家好混亂」等等嘅說話我承認我都有問題，但啲服務態度都唔好咁差啦，至少想講客人壞話都唔好係客人面前講啦，少少尊重都無。另外唔該揾人長期企係門口，我未見過一間餐廳無人係門口俾指示客人架囉。