101肉燥飯專門店 (厚福街) (已結業)

今次點了，下午茶（小食二串一）埋單$40元！一開始仲擔心下午茶，吾夠飽！點知最後，飽到食吾曬超級滿足！醬汁香茅豬扒，新鮮烤出來，熱烘烘！食落香脆，完全吾「銀」，但醬汁一般，沒有香茅味。奶醬厚多士100分多士香脆，而且夠熱，令到d醬全部融合！一定要襯熱食曬雪菜肉絲肉燥新竹米粉另加$7元，但絕對低食！因為份量好大，並不是細細碗。新竹米粉比平時米粉大條一點，透明色，雖然我最後才食，但米粉依然彈牙，並非「林」曬。$40元跟餐還有珍珠奶茶送真係勁正！因為熱飲關係，特別濃味！珍珠都非常彈牙。

收工後約左朋友來101肉燥專門店好邊爐。我叫左個麻辣三杯雞火鍋，配台灣拉麵，熱珍珠奶茶。麻辣三杯雞叫左小辣，其實食落唔辣，有3舊雞，都幾大舊，仲有幾塊肥牛，好多配菜，唔錯唔錯，台灣拉麵幾好食，但杯熱珍奶就麻麻地

除左旺角有分店，尖沙咀都有。不過尼間冇咩通風，焗，加上打邊爐，就熱上加熱。叫左雞脾肉鍋，配飯/麵(~$65)，加配料芝心丸(~$12-18)，韮菜水餃(~$12-18)，鐵板豬扒肉燥配芝士薯角，另加錢配芝士薯角。雞脾肉嫩滑，有大約6件，送上枱個陣少少熟地，再煮多陣。入面配料有魚糕，牛肉，菜，金菇等等。麵食揀左台灣麵，輕輕煮一煮就食得。配料方面，就不過不失。打邊爐食芝心丸最好。鐵板豬扒已經切好，自己再切走塊骨，方便食。配有手拍青瓜，辣辣地又爽，開胃。薯角雖然有芝士，不過量唔多，肉燥鹹左d。如果叫番配飯，可能好d。整體，雖然唔算係好正宗既台灣菜，但過下口癮，食下平平地既邊爐，唔錯。不過，如果有冷氣通風，會舒服d。

-成日午餐都會去呢間食 😍佢叫肉操飯專門店不過最好食嘅係佢個常餐🥳 $47有晒咁多野🥺食咗我諗超過100次 係我最鍾意食嘅常餐！ -鹽酥雞翼有三大隻鹽酥雞翼炸得非常酥脆 最緊要係好乾爽一啲都唔油💕-雪菜肉絲肉燥米粉最開心係佢碗米粉都好大碗 唔會兩啖就食晒 仲用咗台灣嘅新竹米粉所以非常有咬口好彈牙☺️-奶醬多奶醬多士烘得又熱又脆 方包夠厚 好味☺️花生醬同煉奶嘅份量一啲都唔會吝嗇🥰-珍珠奶茶呢度嘅珍珠奶茶熱既比涷嘅好飲！熱珍珠奶茶主導珍珠好煙韌 奶茶嘅茶香又夠💛-

尖沙咀厚福街其中一間以台灣101命名嘅肉燥飯專門店🤤唔洗食嚟食去都係Teawxxx又貴又悶！嚟到101喎，唔係唔點必飲珍珠奶茶吓嘛🤩大大杯，都只係跟餐加3蚊，超值！！大家都知，台灣人好鍾意食啲煎炸小食🍗🍤今次係101就見到有炸薯角啊啊啊啊🥔🥔🥔🥔極少係其他賣台灣食物嘅餐廳見到😋未到完美，但係都ok，俾個Like👍🏻又係台灣必食嘅三杯雞飯😍😍😍唔係話好辣，小小哋咁，啱哂香港人囗味又不失台灣風味，掂！仲有大多數人的選擇，都幾多人叫嘅肉燥米粉🍜湯底味道唔錯，米粉軟硬適中加上小小台灣特式肉碎同雪菜，必然係你嘅首選No. 1😎

係網上見到101肉燥出左麻辣卜卜蜆鍋 覺得幾吸引 同埋自己又鍾意食辣野 份量一前人 價錢又平平地 啱好係尖沙嘴行街 就即管試下啦自己order左麻辣卜卜蜆鍋跟新竹米粉啦 fd就落左清湯雞肉配白飯 我地又加左手撕雞 跟左一杯熱珍珠奶茶 同杯咖啡d野食上的都算快 麻辣鍋的味道都幾好 可能自己一開始未將d辣油攪勻 湯底一邊辣 一邊冇咁辣 😂😂 不過整體黎講都算唔錯 裡面好多蔬菜 蜆的份量都算OK 裡面仲有粟米 冬瓜 玉子豆腐 都算唔錯 跟的新竹米粉份量好多 我食唔晒 食晒d餸 然後將d米粉浸入去辣湯裡面煮 麻麻辣辣 都既幾美味 六七十蚊一個邊爐 食到超飽 感覺都算好好 再黎 個小食手撕雞 香辣爽口 平平地 好味抵食

星期五夜晚的101唔洗排隊就入得，兩個人分別叫咗沙茶雞脾肉小火鍋同蟲草花養生小火鍋。沙茶個湯底好咸，食材都無特別，整體都係一般。場內冷氣不足，同場有食客要用傳單搧涼，食到中段先有職員開返大個冷氣。反而隔離枱的鐵板好似較吸引。果火鍋試一次就夠，有機會的話會試下佢嘅鐵板餐。不過想係尖沙咀平食又唔想等位可以試下。

以前細個仙蹤岩仲有好多分店既時候就一直好鐘意食台灣野見到厚福街呢度有間台灣野就毫不猶豫入去試下喇哇竟然仲有入秋必食既一人小火鍋！？咁就緊係要試下60幾蚊打個邊爐真係好抵食喎一上枱就見到滿滿既食物又三杯雞肉又肥牛仲有台灣必食既台灣腸呀同其他配料呢度好多不同既配撘架 我就揀左配米線哇啲米線索哂啲勁好味既湯底三杯雞辣辣甜甜勁惹味呀食哂成個煲真係好飽 又一次過滿足哂好多願望野飲我就揀左士多啤梨雪香類似有啲胚芽既野少少甜好特別

每次去到尖沙咀諗唔到食乜就會食呢一間, 貪佢夠平, 又多選擇, 食物又大份😂最抵食就係個牛肉涮涮鍋,都係$63,有三至四舊紅燒牛肉,仲有肥牛,同埋大量蔬菜配料, 例如魚餅鴨血玉子豆腐,絕對抵食過連鎖快餐店嘅邊爐。而且仲可以揀辣嘅湯底或者牛肉湯最後加埋個面落去打邊爐其實就係平時嘅牛肉麵食物質素保持得幾好兩次食都冇乜分別。麻辣手撕雞拌麵麵質好彈牙, 手撕雞份量都好多, 有麻椒味, 只係略嫌麻醬太多, 食完好漏, 不過味道真係幾好。三杯雞肉燥飯肉燥飯比較甜,好多汁所以好好味, 不過三杯雞就比較碎, 而且雞肉有少少鞋口, 所以麻麻哋,不過飯粒煮得剛剛好。

今晚放工很想吃暖暖的麵食，所以經過這家，看到有牛肉麵就走進去了。古早味牛肉麵👌🏻所有東西也是中規中矩的，湯底顏色雖濃但味道普普通通，沒有什麼特別，也很油膩。蘿蔔挺軟的，可是沒有那份清甜。牛肉沒有很嫩也沒有很老，不太吸引。

放工都好夜所以經過厚福街就係厚福街搵野食,我地好耐無食台灣野所以今次鎖定食呢間,入到去唔算多人,可以坐係最側邊的位置,打開厚厚的menu,實在太多選擇,我地都簡左一陣,因為我想食牛肉麵,所以簡左蕃茄牛肉麵配炸花枝丸同水蜜桃紅茶既deluxe set,朋友就散叫左無骨香辣三杯雞肉燥飯無幾耐我的水蜜桃紅茶就來到,我飲左一啖真係甜到形容唔到,佢係咪落左幾10斤糖!!飲哂成杯一定糖尿病!!之後既花枝丸唔錯,咬落去幾彈口,同埋我真係咬到小小墨魚肉!!不過好細粒!!最後我既蕃茄牛肉麵都來到,好大碗!!仲有好多番茄蘿蔔 ,但牛肉就只係得3舊仔,不過味道不錯,d粗麵一樣彈口,因為太多,最後我食唔哂!!朋友既無骨香辣三杯雞肉燥飯就太小飯,餸太小!!對於男仔來講實在唔夠,佢話味道可以但食完呢餐之後,我哋都認同厚福街其實有好多餐廳,我哋下次應該選擇其他餐廳試下

今晚做瑜珈，食少少野頂肚啦，我們在厚福街選了一間台灣野#一人套餐：小食：手撕雞～麻醬味濃郁主菜：豬軟骨米粉～好好食，豬軟骨爽滑，米粉幼細，加埋青瓜，蓮藕，雞蛋作配料飲品：珍珠奶茶～大大杯#一人套餐：前菜：鹽蘇雞～酥脆主食：豬頸肉飯：豬頸肉爽口彈牙，厚度十足配飲品～冰涼#滿足的一餐

最近約左個同事食lunch 不過因為佢大肚嘅關係 為左就佢我就狗衝去the one 即佢返工附近到食飯 最後我地就揀左101肉燥飯專門店到食台灣野 有珍珠奶茶飲yeahh~~ 咁我今次就叫左台式豬軟骨肉燥飯加杯熱珍珠奶茶 個餐都幾多野食 好彩除左肉之外佢都有啲椰菜同半隻蛋 好 講返正題 佢啲肉燥真係幾好食 份量都幾多 餸飯一流 佢唔太咸 啲肉粒幾林好易入口 而啲豬軟骨都好林好軟一咬即咬斷 入味得黎肉質唔鞋 都幾好食不過珍珠奶茶就好普通 奶茶冇乜茶味得奶味 感覺上好稀好水冇乜味 （糖自己落） 不過珍珠還可以 幾彈牙同甜甜地 overall 肉燥飯係唔錯 個台式奶茶一般

同fd為咗食台灣菜特登嚟咗尖沙咀，有覺得有d失望，因為水準不似預期，以連鎖店嚟講，質素應該更好。我同fd叫咗鹽酥雞同鹽酥雞翼，其實味道都ok，不過鹽酥雞比較油，但起碼呢2樣野都叫正常。我哋分別叫咗2個主食，豬軟骨肉燥飯同三杯雞肉燥新竹米粉。其實坦白講，賣相真係唔多掂，而且d肉煮得太淋了，尤其係三杯雞，個味道真係好怪，唔似平時食既，而且個湯底好唔掂，太油了，太重味精。最後，我fd話杯芋香珍珠沖得太差，居然食到一粒粒既粉粒，口感實在......一言難盡。不過聽人講旺角嗰間ok，有機會再試下。

the one 剪完髮近近地去左食101肉燥飯之前食過隔離間火鍋超級好評weekend 既兩點尖沙咀呢間分店肉燥飯都多人等左五分鐘有位價錢無疑係平既$4x起 加$3-7轉特飲珍珠奶茶ok d珍珠都chewy (+$3)(當然茶木好好多茶木算貴 但野飲正 食物average ok)我叫左豬軟骨涼拌麵$51好油、唔香、肉好鞋同事叫三杯雞肉燥飯($4x)我試左少少雞都幾鞋茶木鐵牛好食十倍我無試d飯 可能就咁叫飯無咁伏咁街坊無賣相既食物都廢是影相雖然平價姐都可以整靚dd吧但有食評話服務一般我又唔覺wor上茶都快手的當醫肚就算不過不失買底媽咪雞蛋仔都$35連鎮香港既台灣菜：味道：茶木》台灣郎》鐵牛》肉燥飯價錢：肉燥飯《鐵牛《台灣郎《茶木