101肉燥飯專門店 (厚福街) (已結業)

放工都好夜所以經過厚福街就係厚福街搵野食,我地好耐無食台灣野所以今次鎖定食呢間,入到去唔算多人,可以坐係最側邊的位置,打開厚厚的menu,實在太多選擇,我地都簡左一陣,因為我想食牛肉麵,所以簡左蕃茄牛肉麵配炸花枝丸同水蜜桃紅茶既deluxe set,朋友就散叫左無骨香辣三杯雞肉燥飯無幾耐我的水蜜桃紅茶就來到,我飲左一啖真係甜到形容唔到,佢係咪落左幾10斤糖!!飲哂成杯一定糖尿病!!之後既花枝丸唔錯,咬落去幾彈口,同埋我真係咬到小小墨魚肉!!不過好細粒!!最後我既蕃茄牛肉麵都來到,好大碗!!仲有好多番茄蘿蔔 ,但牛肉就只係得3舊仔,不過味道不錯,d粗麵一樣彈口,因為太多,最後我食唔哂!!朋友既無骨香辣三杯雞肉燥飯就太小飯,餸太小!!對於男仔來講實在唔夠,佢話味道可以但食完呢餐之後,我哋都認同厚福街其實有好多餐廳,我哋下次應該選擇其他餐廳試下