101肉燥飯專門店 (西洋菜南街) (已結業)

旺角shopping 後當然食番餐好嘅。第一次去呢間 101 TaiWanese Cafe 當然要試吓佢哋台灣美食。位置在西洋菜南街尾，H&M 對面樓上舖，要搭 lift。第一感覺環境乾淨，枱與枱之間不會迫刧。旺角人多所以下午2 點零鐘都有七成滿座。我們點了一碗無骨香辣三杯雞肉燥米線，和咖哩薯仔豬扒飯。雞肉入味帶少許焦香，湯汁香濃。 大大件的豬扒，爽口好吃夠台式。下午茶兩個人都係$60，兩個字抵食， 下次一定會叫埋班朋友一齊去。

顧客大部份是年青人，一人一鍋，個餐組合選擇都算多，有肉有菜，有碳水化合物（肉燥飯、烏冬、公仔麵、米粉米線），又有台式飲品，發育期都一定食得開心又溫飽，唔使$90！有加一服務費。所以話係年青人嘅聚腳點，價錢及份量都不欺場。味道應該好過快餐店大家樂等，環境一般，較暗，座位比較逼夾，枱面基本上唔夠兩人同時又爐又碗又飲品。沒要求，快食坐一陣還可以。服務40分，部分員工態度較差，明顯年青一代打工心態及做事方式。咁嘅價錢明白不能要求太多。

星期六晚去咗呢間食火鍋 食物唔錯 尤其個雞髀肉好好食 但係服務真係麻麻 我明白係好多人好忙 但忙得黎可唔可以比返少少尊重我地作為客人呢？第一個不滿就係我已經食到一半 但叫嘅嘢飲都仲未黎 我已經等咗好耐 其他遲過我入黎嘅都已經有曬嘢食同飲品 我用好好嘅態度同其中一位侍應講差杯嘢飲 得到嘅答覆係 “你等等啦 我好忙架”😑😑 我知你忙 但係個答覆同埋個語氣可唔可以好少少？ 其次係當個爐嘅火熄咗時 我同侍應講話可唔可以幫我開返個火嘅時候 開初佢用火槍先開到個火 所以我想佢幫我開返個火 講咗幾次 佢都聽唔到 仲問我想點⋯🙃🙃 呢兩點真係令到我心情好不滿 我明白多人好忙 但點都唔可以發我地脾氣呀麻🤷🏽‍♀️🤷🏽‍♀️

其實呢間野之前屋企附近都有，但依家轉咗第二間，所以已經好耐冇食過。今次係旺角行黎行去都唔知食咩好，見到有好耐冇食既101肉燥飯，就決定食呢間！見到好多人叫打邊爐，本身想嗌，但冇曬😔下次一定會再食！於是今次嗌咗台式肉燥豬軟骨飯套餐。好快就黎到，大大碗飯，相比豬軟骨下，豬軟骨就少咗啲🤣有啲遺憾但好彩豬軟骨都好軟，唔難入口，雖然飯好多但一下就食曬！由於好多飯，所以都好飽下仲叫咗香芋珍珠奶茶，一如既往既好飲，珍珠彈牙！套餐仲有小食送，揀咗鹽酥雞，好脆好香，唔錯！整體食物質素如舊！

蕃茄雞髀肉小火鍋$67終於揾到吉邊嘅替代品！呢度性價比超高 分店都有好幾間野食份量超足料 雞髀肉係大大舊 啖啖肉 仲要夠滑 好飽肚添架呢度啲選擇仲要多過吉邊多多聲所以想打邊爐又多個好選擇lu

終於到我帶我朋友去食好野諗起個性價比 同 味道既話 旺角101 真係無敵佢地個三杯雞 之前係煮熟左上 呢家火鍋熟左生上 要你自己煮但都無咩問題既 個玉子真係好好味 外脆內軟 去到個火鍋先 正 我地一試個湯 已經知道此鍋非池中之物湯底本身有好濃既香料味 同埋 有清甜 等佢慢慢煮既時間 飲湯既我 發現湯入面慢慢多左種雞味令個湯上左一個層次 裡面D配料 已經吸飽曬D湯汁之後就食個主角 而講真 我覺得之前佢煮熟上 會好味D但呢家都唔差 雞食得出 無太勁既雪藏味 而且又滑 肉質好軟熟一瞬間就清曬唯一美中不足既地方 真係D茶 佢就用左椰菜 但識食既人都知一定要用娃娃茶 個吸湯能力先會更正 到時就真係好味都出唔到聲重有 D牛肉同豬肉配料 就真係無咁新鮮 但呢個價位 恐怕我都不能再求太多野啦個雞同個湯底都已經征服左我!

到咗之後員工見到我地直接無視，坐邊又唔知要自己搵，坐低後舉手落order個女員工又冇反應見到我地舉手就好厭世咁望咗一下之後再等多陣先過黎落，全程好無禮貌又唔講嘢又黑面，之後送餐個陣易都好冇禮貌好大力擺低，仲落漏單。基本禮貌都冇。

Taiwan food is always a big hit in Hong Kong as it only takes us an hour to get there .And people still like to eat it in Hong Kong .Today we ate a chicken hot pot with a chocolate drink. I like the chicken hot pot a lot as the potion is huge and the chicken texture is very smooth . The potion of the chocolate drink is huge as well. The chocolate is quite thick as well, it’s a must try for chocolate lover .

同朋友喺旺角食飯，咁啱係附近趕時間就上咗嚟呢間食，見到都幾多人食，就放心咁坐低左啦。一打開個餐牌，選擇有啲過多，餐牌成本字典咁厚，建議餐廳用心整合一下，如果唔係客人其實睇到好頭暈。睇咗一陣，我決定叫呢個肉燥辣三杯雞飯，因為張圖睇落去都唔錯，點知我一叫左5分鐘都冇，侍應就上咗菜，一上菜睇到個飯我呆左，完全唔係我想像中嘅三杯雞........本來我係想有小菜嗰種感覺嘅三杯雞，但係呢一隻好似喺7–11食冰翻熱嗰啲雞肉咁，然後又凍冰冰，真係好唔開心囉。好在朋友叫嘅嘢食都冇中伏，佢哋叫咗晚餐套餐同埋麻辣卜卜蜆鍋。我建議大家嚟到呢度真係最好食打邊爐，因為唔需要廚師嘅技術含量，我見到呢度超過八成嘅食客都係食打邊爐，咁你明咩事啦我好少會對餐廳有負評，但係呢間野個名有肉燥飯專門店，而我覺得佢對唔住呢個名囉，因為佢哋肉燥飯一啲都唔專門，店家要諗下點improve食物質素！

今晚我去左呢間試佢嘅肉燥飯，係位於西洋菜南街嘅樓上鋪，一入到去，我覺得餐廳環境位置夠多但有少少逼，都算舒適，尚可接受。餐牌都幾厚，接近20款唔同配搭嘅飯/麵，有套餐+小食+飲品。呢個套餐，主食+小食+飲品（都幾抵而且出餐時間夠快，我等左7分鐘到齊小食+主食。👍🏻自己揀左鹽酥雞翼肉燥飯，飯夠多，雞翼有三隻（個人覺得可以多一隻(´･_･`)雞翼味炸得幾脆，咬落去鬆脆，肉燥飯係夠味，份量都幾平均，啲醬撈飯都唔錯。小食方面我覺得都唔錯，雖然肉類較多但都有菜可以選擇，可以跟個人喜好選擇，例如有：生菜、玉子豆腐、鹽酥雞、沙律等等咁飲品方面，我就哎左一杯朱古力牛奶雪香（凍飲），幾大杯，甜度適中，被想象中更有奶香味(o^^o)呢次用餐，我幾滿意嘅，食物品質都幾好，喜歡食台灣嘢嘅朋友可以一試

My title says it all... food tastes cheap, quality of food is quite sad but at least the price is ok 🤷🏻‍♀️I ordered the teppanyaki three cup chicken with cheese udon. Chicken tastes so weird. Tastes nth like the taiwanese type. Potato wedges on the side... but it’s so dry it barely went down my throat. I ordered the cucumber side dish and that was the only thing I liked 😅 the drink was ok too I guess (Kyoho grape with lemon) 🤷🏻‍♀️

天氣真係好熱好熱🥵係條街行左一陣已經好想匿入有冷氣既地方抖下！咁岩經過見到依間餐廳，我倆都鐘意食台灣野，就二話不說走入去。下午茶都多選擇，有啲餐都好抵三十零蚊有小食有多士又有飯，但我地唔算太餓，就叫左兩個相對簡單既餐。我叫左個小食二串一 揀左凱撒沙律同香茅豬扒。沙律不過不失啦，但要讚下個豬扒！新鮮炸出黎，炸皮有少少似鹽酥雞果啲咁，唔會過厚而且香脆，有肉汁而且肉質柔軟，幾正！男友叫左雞扒肉燥飯，大大碗，而且肉燥份量剛剛好，每啖飯都有肉燥，好快被我地k.o.左！跟餐仲有熱飲，加$2有凍飲加$7仲有得揀特飲。我地揀左珍珠奶茶同香芋珍珠奶茶。天氣咁熱飲返杯台式飲品真係好正啊🤪總結黎講，人均三十幾蚊仲有大大本台式飲品真係好抵，隨時落樓下飲杯x茶都唔止啦🤣🤣

有一開張已經有食過101肉燥飯一直覺得好抵食今次諗住過去食晚飯我個人好鍾意食雞肉就食玉子雞扒肉燥飯 再配台灣香腸小食男朋友就點了煎雞排配芝士公仔麵炸玉子豆腐是一早炸定 炸皮跟玉子豆腐分離仲要好多油 食左一粒已覺難食雞排一般水平 好彩香腸仔有隔油紙墊底香腸仔仲夠熱 算是好食肉燥飯水平keep到肉帶有肥肉香又有油份朋友個餐我無試好多 只試左個炸雞粒唔錯～果然台灣店小食水準都唔會太差其後我試左朋友少少粟米 發現有酸味原本以為自己味覺有問題但望去隔離枱枱食客都無食粟米店員收走時都唔覺有問題我向左店員投訴 第一位唔多理我我再向第二位店員投訴 佢話：不如轉個小食俾你呀。認真 我唔係奧客 唔係想R多個小食我只希望個店員答一句：我去廚房跟一跟今次再食101肉燥飯 係令人失望一件事反應食物質素一般外 店員處理手法都要改一改

登打士街一向出名多野食，最啱掃街，咁啱喺附近行行下街有啲攰，就嚟到有好多分店既台灣101食下台灣野。之前一向嚟101都食開肉燥飯，今次就叫咗個麻辣三杯雞湯面 ($50) 同加$5要咗杯珍珠奶茶。第一次係度食麻辣湯面，驚太辣就叫咗小辣。幾中意佢既面質，韌度剛剛好，湯底唔會太咸，不過份量比想像中小，略嫌唔夠辣，睇嚟下次可以挑戰中辣！另外同朋友share麻辣手撕雞 ($26)，味道好好，麻味較辣味重，對於中意食辣既人嚟講辣少少會更好！整體而言不過不失，價錢經濟實惠，上菜時間快。八點左右入座陸陸續續都仲見到好多人排緊隊，食完飯坐咗陣吹水都無被趕走。

開會夜了，所以隨心選一間餐廳食晚飯，抬頭一望，就選中台式食品。踏入此餐廳，第一個感覺係好凍，啲冷氣好強。本打算快快趣趣食碗肉燥飯就算，結果還是點了涮涮鍋，對抗寒流。三人用餐，每人一個鍋。筆者點了沙茶雞肉，還可以額外點一個主食，如：米粉、米線、飯等等。鍋中用較多菜墊底，魚旦幾粒，雞件幾大塊。餸看似不多，其實食下食下又夠飽，食埋個主食，男仔都會覺得好飽。而湯底嘅味道屬正常，不過不失，啲餸都好易入味。最緊要係個爐夠猛，即刻不覺冷。