119 Italio Restaurant & Bar (已搬遷) 新店位置

Valery📍119 Italio Restaurant & Bar3點3下午茶🕞 經過太子係時候去附近嘅Cafe坐下嘆番個tea🤩 見呢間西餐廳有做下午茶☕️咁就入去試下啦😎 呢間餐廳嘅環境都幾好，望入去內部會見到有一盞好大嘅水晶燈🌟 座位都幾好坐 整體來講俾人一種舒服嘅感覺~ 燒黑啤酒汁豬肋骨配薯條 $80價錢唔係好貴但冇唸過個餐咁Hea😓 味道係可以嘅但真係好普通，自己整都整到咁濟，仲要個餐係冇任何野配😥 性價比比較低香草白酒汁煙三文魚虎蟹肉意粉 $85意粉佢哋有好多ingredients 可以揀，自選意粉🍝 食材一蘆筍，青瓜，蕃茄，蜆肉，風乾火腿，辣肉腸，煙三文魚，虎蝦肉等等🥸 汁都有忌廉汁，蕃茄汁同香草白酒汁香草白酒汁😳但個餐上到嚟真係嚇一跳，超細碟 😶 三扒兩啖就食完😯 85蚊好似貴左啲(?)是日下午茶優惠: 牛扒配薯條 $68啲餐未上晒之前見到佢做緊個牛扒優惠都諗住試吓~味道都係中規中矩，普通到不能再普通😐 唯一可以講吓嘅係薯條🍟落咗啲調味粉幾惹味。係平日去呢間餐廳，店舖好似唔夠人手咁 連埋單都冇人理🤨 如果大家經過太子嘅話可以唔使揀呢間黎食😥 或者佢嘅lunch會大份啲同

叫咗兩個餐，個洋蔥餐湯真係用出前一丁個湯底好似。蒜蓉包好好食，是日亮點！個黑松露鵝肝意大利飯第一啖好好食，但個人麻麻地鵝肝，會有油酥味，同會越食越滯。個豬肋條真係好麻麻，我覺得骨肉分離係種境界，但呢度做唔到。沙律同德國腸冇咩特別，薯條有驚喜，因為係雙色，有蕃薯條，好食。凍檸茶真係唔知做乜，冇味道，要叫先會加糖漿。環境okay, d 歌係pop music, 但個feel 又係冇咩特別，性價比好低，唔會推介人來。

去mr meatball 時經過這店，被門外裝潢吸引，所以呢一晚訂枱食晚飯試試。兩個人點了2杯啤酒，1個前菜，1個主菜1）前菜係小食併盤，有兩款德國腸，炸洋蔥圈，單骨Buffalo Wings，炸薯條同蕃薯條配松露醬。全部食物都熱騰騰，新鮮整嘅，最好食係炸蕃薯條，甜甜地唔肥膩。友人就話呢碟併盤太多機製嘢，試唔到佢廚藝。。。2）主菜係油封鴨，呢個就唔太正宗了，鴨面唔夠脆，鴨面又淋左啲傑傑地嘅肉汁，好咸。配襯嘅黑醋汁唔夠香，肉質有的鞋。原先諗住嗌甜品但太飽了，最終無叫到。題外話，見到門口有3位女士坐露天位，很有氣氛！

星期日到這店食午餐，可能是比較早的關係，人不算多。我們選了近門口靠窗的座位，餐桌闊大，座位寬敞，可惜的是一窗之隔有戶外座位，有客人在戶外位吸煙，煙味透過窗隙滲入。我們三人同行，點了兩份全日早餐和燒豬肋骨，不是套餐所以前菜餐湯飲品欠奉，所以我們各自加點了飲品，飲品價錢略貴，不過勝在賣相精美，味道好透心涼。全日早餐的份量不多，但可以按自己的食量加點食物款式，味道正常也好吃。燒豬肋骨的啤酒汁稠稠的都附在豬肋骨上，味道不錯，肉質也冧。整體來說這店的座位算是舒適，食物味道也很好，只是價錢略貴。

朋友生日想食西餐搵到太子呢間高汁餐廳和牛鵝肝多士 必食！！擺入口即溶 好邪惡招牌脆皮乳豬 又係必食！炸雞翼同雲吞 一般貨仔 唔係差另外叫左2個飲品朋友生日一早打左比餐廳係甜品（窩夫）寫字💕埋單2個人700幾 性價比高

約左屋企人慶祝 Mummy 生日因為時間關係 唔方便去咁遠係屋企附近搵下餐廳 搵到 Rating 唔錯 d野食相又幾好既 119 意大利餐廳佢地d野食 overall 都係中上，價錢唔貴，物超所值。 最 impressive 既係佢地既 Parma ham pizza. 個餅底好 crunchy, 配搭芝士，非常好食。野食都係其次，我冇諗過小店會有 arrange birthday surprise 所以就冇事先安排。但係佢地有人聽到我哋講 Happy birthday. 係我地叫甜品既時候偷偷地用朱古力醬係個 dessert plate 到畫左 Happy birthday 另外加左一個蠟燭。非常Surprise! 佢地服務好好 好細心 抵贊👍🏼 小店一定要支持!!! **佢哋人手唔係好足夠，要有少少忍耐**

天氣太熱拿拿林同朋友入左間餐廳食嘢環境望洛好中國風坐位擺設都感覺唔錯👍我第一時間叫左杯野飲解下渴店員推介左杯espresso tonic 我本身都係咖啡愛好者試左感覺又唔差啵 酸酸甜甜地又解渴 咖啡味都仲系度 正😄之前同朋友叫左三樣野食*厚切安格斯西冷多士西冷切左片容易食洛口 唔差既*安格斯牛肉漢堡塊牛肉煎到熟左少少 🤏*燒豬肋骨啤酒汁配薯條🍟豬肋骨好好食😋每款份量都唔會太多 加上我地係二個女仔食量都大 ，所以都岩岩好😆最後整體都可以😌店員服務態度好好👍坐洛都舒服 唔會好嘈 好岩同朋友傾吓偈會做回頭客既🤞

今日慶祝母親節，帶左媽媽去食西餐！ 🥰網上見到呢間有牛扒食，近近地就試吓！ 👍嚟到先知道，母親節餐廳有波士頓龍蝦送！龍蝦燒左芝士响面，又真係幾唔錯！ 牛骨髓多士，呢款小食媽媽最鍾意吃，當然要叫下試下啦😉，幾香口，唔錯，幾正塊Rib eyes 好大塊，300g ,煎得好香，好好食！十分意😋😳Wow...煎豬鞍，面頭又加左啲ham , 伴碟又有啲豆，幾得意同埋好香口🤗下次會再黎試下，服務同價錢都算係唔錯。

每月會員聚會一次，今晚嚟119食西餐！嘆紅酒！🍷水準保持👍無失望💞今晚食咗太多野，最值得介紹...鵝肝多士😋流心水牛芝士配法國雜茄🍅聚會吹水環境一流！ 鵝肝多士鵝肝多士

約咗三五知己去太子食好西，朋友介紹話呢間唔錯！所以今晚就試吓西餐。環境裝修都幾舒服，可以同朋友傾吓計，嘆下紅酒！餐廳Dinner set 有9⃣️款選擇，嘩..都算多！我哋幾個朋友決定今晚食豪啲...所以散叫餐廳老闆介紹左枝sparking Shiraz ,我超鍾意❤️，用嚟做餐前酒一流👍！前菜比較特別，menu 有個流心水牛芝士，就試試呢個，都幾開胃，襯支sparking 酒又幾好！ 跟住叫左個和牛鵝肝多士，鵝肝上有酸醬，是餐廳自家制！完全唔覺得膩，好juicy！推介👍大家唔想食澱粉質，我就提議叫左個法式薯蓉焗田螺及119脆辣雞翅！ 整體2款小食合格，驚喜是薯蓉好好食🤗然後主食揀咗個rib eyes,5成熟！ 啱啱好！外香內嫩！呢度係用prime 級牛肉，味道及品質是最好的！ 好滿足一餐😋

係新鋪瘋糖隔離有間已開了四年嘅古式特色裝修嘅西餐廳 #119Italio ， 睇來是因位於 #基隆街119號 而命名119。隔離是界限街，呢個位置都幾開揚，多人經過。凍檸茶大杯，個杯幾靚😍忍唔住要打卡。All Day breakfast $50起較親民，水煮蛋煮得幾好，有流心🥰 炸魚柳炸得夠熱好味，比預期的細塊，唔夠喉😆 waffle just ok, 非我預期的外脆內鬆軟的。另外，美中不足的是無沙律菜/蕃茄仔伴碟。環境舒適，甘啱去時少人，不嘈吵。如果不是要去睇鋪都唔捨得走🤭#飲食情侶🥰#MagicCherry攻美食😋#Cherry攻商鋪 🍒

入店: 坐咗5分鐘冇人，要自己去後巷搵人落單: 要自己行去搵待應落單，無人會招呼Lunch set : 煙肉牛漢堡（包皮濃、煙肉濃乾苦丶沙律菜是黑和爛）份量- 非正常西餐的漢堡，是家中DIY style，漢堡薄和細的，類似M記。雜菌意大利飯 （雜菌和飯是未熟，硬到爆）埋單：沒有人招呼的，要自己行去埋單。向廚房大叫左4,5次無人認。最後自己入廚房，待應和廚師系到玩手機，玩到忘我境界。要加一服務費三思阿，食7仔好過

本身聽講又live band唱歌，特登同fd過黎食，388嘅USDA prime 難食，比埋哈比人size嘅黑椒汁咁慳皮？仲點左個德國腸跟餐沙律收兩舊幾，未至於唔好食但一定唔抵食！仲有5,6隻雞翼不過不失，不過最難頂係個松露芝士薯條😞松露貴收99唔見影都算，咁芝士呢？淨係食得出麥當勞薯條配蛋黃醬lol無影收據 急住走非打手 純粹個人意見

早幾日係地圖搵左幾間餐廳，最後揀左呢間試下。入到去環境係唔錯既，都算舒服。諗左陣，就叫左2個set：一個豬肋骨，一個Sandwich。同個friend吹左陣水，就嚟左杯咖啡，叫做有拉花啦。再過多陣，就上餐，嚟到果下我真係呆左，個Portion少到一個點，賣相都好唔吸引！咁嚟到都要食架，就切一切個豬肋骨，我真係wow出嚟，個骨咸到一個點！食完都唔知自己食左啲咩，唔會畀第2次機會！價錢貴，份量好細，仲要好難食！！！

估唔到呢到有間意大利餐廳，講真門面真係唔會想入。但行過幾次又唔知食咩好，有次就入左去。點知有驚喜喎！首先是餐飲有真正嘅朱古力揀對於一個帶小朋友外餐嘅媽媽黎講係一件多麼開心的事。因為小朋友飲檸水真係飲到悶呀🤣🤣🤣其次是佢地嘅pizza好好食架，真係要試