1963 木十豆寸

營業中

休息中

呢度最有特色嘅就係佢嘅裝修好復古 周圍擺咗好多懷舊嘅擺設 雖然野食唔算超級特出 不過環境特別同埋坐得舒服今日試咗4個lunch set1. 茶燻雞佐烏龍茶漬飯 - 呢個係幾個set入面最好食 茶燻雞好香唔會燒到好乾 因為上一次食晚餐嘅時候叫過茶燻雞但就燒過龍 烏龍茶漬飯個人幾鐘意 因為好清新 2. 滷肉飯套餐 - 一般正常滷水味 個海帶幾好食夠入味 滷肉飯都幾大碗同埋食到底都仲有汁3. 麻醬麵套餐 - exactly 係腸粉嘅味道 如果自己一個食晒應該都幾膩 個餐仲有碗貢丸湯 試左一啖超級鹹:S4.紅燒牛肉麵 - 以普遍牛肉麵嘅價錢黎講佢算幾平 仲有三大舊牛腩 可惜 超 級 硬 佢d筋係完全未炆腍 最後放棄真係咬唔到我哋落完單食緊野嘅時候分別有兩個staff過嚟問咗我哋三次嗌咗d咩 最後忍唔住住問佢哋係咪漏單因為問咗好多次同埋個牛肉麵好耐都未到 佢先話係廚房漏單啊所以咪問你哋爭咩 不過可能lunch time比較繁忙所以有d甩漏 偶爾想同fd揾個環境好d嘅餐廳可以揀呢間 不過食物質素真係唔太高 同埋記得要訂枱如果唔係通常都無位

老公係台灣人，想搵一間台式餐廳慶祝生日，點左鳳梨蝦球、客家小炒、炒山蘇。覺得食材質素差，全部都好失望！先上鳳梨蝦球，見到竟然落茄汁已經知唔掂，台灣嘅鳳梨蝦球一定係落美乃滋。嗰炸皮又厚又韌，成嚿蝦食落係冇味嘅！客家小炒，我淨係食咗芹菜、豆乾已經唔想食，芹菜好老有渣！豆乾好硬！最後炒山蘇，喺台灣好鍾意食，鍾意佢好鬆脆嘅口感，點知喺呢度食到嘅山蘇老到呢.........我成個碗都係菜渣！至於環境係OK嘅，我都係比呢個環境吸引嚟食，但懷舊歸還舊，如果可以乾淨啲就更好！總結，如果係為咗打卡嘅就OK，千祈唔好期望食物質素！

今次午餐～試了嘉義啤酒鴨飯＋烏梅汁（75＋15）。個飯等了超過 30分鐘，巳追了3次，同行友人巳食過，可能這鴨少人叫。這鴨味道幾好，可惜份量少，骨多，飯微暖，下次應不會叫。烏梅汁～正，推介。👍

店名令我好奇如何拆解「木十豆寸」，原來就係「樹」咁解，開頭以為店主係咪有啲特別意思，不過原來係因為店舖所屬嘅唐樓隔離有棵樹😆而唐樓建成年份係1963。1️⃣8️⃣3️⃣0️⃣ 晚飯時間🪵木 - 青木瓜、菜脯、醃鳳梨 $199/set🪵木 - 青木瓜燉排骨湯🪵木 - 宮保皮蛋骰子牛🪵木 老皮嫩肉🪵木 - 滷肉飯🪵木 - 凍黑糖珍珠鮮奶茶🌼個人很欣賞宮保皮蛋骰子牛，成碟炒得好香好惹味，或者佢落左青椒紅椒、洋蔥，吊出香味，皮蛋配汁撈飯一流（我又係汁控），牛肉軟滑，爆出嚟香。❤️‍🔥前菜正常，佢嘅醃鳳梨酸酸甜甜好開胃。而燉排骨湯好有媽咪煲湯嘅感覺、無味精。老皮嫩肉即係炸豆腐，外酥內軟，配醬食好香口；滷肉飯做得出台灣的感覺，整體不錯👍🏻烏龍茶香燻雞 $80 反而雞件雖然雞肉滑嫩，但就唔夠入味；可能因為咁佢隨碟伴咗芥末醬。雞肉飯 $30雞肉碎比較少，飯亦未食到雞香味，差啲啲。凍芭樂紅茶 $32呢杯聞到好香嘅芭樂味，已令我諗起台灣夜市了😌

1963木十豆寸酥炸肥腸樹子水蓮麻醬麵滷肉飯價錢💲: $68/ $89/ $44/ $30好味程度😋: 3.7/5服務🍴: 3.3/5環境🗾: 3.3/5性價比🥢: 3.7/5 (dinner)回頭率😚: 3.5/5-去到灣仔原本想試尚青商號，但因為佢收太早，唯有轉場去另一間。呢一間都幾出名，位於一棟唐樓入面，好舊式。入到到真係覺得好似返左去幾十年前的世界，留聲機、大電視等等😆 環境真係好特別，不過個人覺得呢d唔係vintage，而係太過舊，張枱會搖，凳又有eh eh 聲🥶 -✅酥炸肥腸。好鍾意食豬大腸的我一見到就想叫🤪 佢地係打直切咁，幾有咬口。每條都會有啲肥膏同瘦的部份，幾好食😗同埋調味都唔太濃味，份量又多，幾好食！但‼️佢好油，我每條都用紙巾索一索先食😅-✅樹子水蓮。水蓮好好食但香港好難搵！😵 水蓮超爽脆🥰🥰🥰樹子冇咩味，主要係食蒜頭味😛不過都好好食！-❌麻醬麵。麵係有粗度的麵，但真係好乾好乾🤯🤯🤯問佢拎多一兜醬都唔夠。食到最尾好一patpat，有青瓜絲都搞唔掂，完全係硬啃。-🆗滷肉飯。有陣花椒八角味的滷肉飯。雖然佢叫滷肉，但成個飯好乾🤨有肥肉都搭救唔到。麻麻地，但比麻醬麵好🤫-

【灣仔唐樓懷舊台式料理📷】/////灣仔一日遊oh yeahhhh😙有幢唐樓竟然隱藏住一間行復古懷舊路線嘅台灣小店🤩環境昏暗得嚟都幾有情調 有舊式信箱📪、電話☎️等等擺設 好似時光倒流去番七八十年代📷👉🏻滷味拼盤 ($75)一碟有6款滷味 最中意豬耳同蘿蔔！豬耳幾爽口 蘿蔔就索晒啲滷水汁好正😽海帶偏幼同軟身 食落口感唔係太好.👉🏻烏龍茶香燻雞 ($80)要讚下個煙燻味 真係整得幾香濃😋茶味唔係好出 可以點旁邊嘅芥末醬調味雞肉都算嫩滑 同埋有好多舊好飽肚💃🏻.👉🏻涼拌苦瓜 ($25)開胃涼拌小菜(´▽｀)爽口而且浸過鹽水鹹鹹地幾特别🤟🏻.👉🏻紅燒牛肉麵 ($70)少失望🤧湯底好淡好似溝左好多水有幾塊牛肉同牛筋 但太大舊食落有啲膩🥶.👉🏻魯肉飯($30)Wuu呢個必叫 肉燥半肥瘦 份量足夠 飯粒粒粒分明 配香濃醬汁幾惹味🥰—————📍1963 木十豆寸 (灣仔)灣仔灣仔道110號中匯大樓2樓

上個月去會展睇affordable art fair諗住食飽入場慢慢行朋友介紹左呢間特色台灣店樓上鋪黎 要行2層樓梯係攰ge 當做下運動台式醉雞冷麵線醉雞好味，冷麵整體比較清，青瓜爽脆豆乳雞飯睇個名 估唔到原來係炸雞黎 份量超多，朋友食唔晒蘋果綠茶唔係講笑 好驚喜 好好飲 有蘋果肉ga 下次要再order粉紅岩鹽拿鐵coffee朋友飲ge 佢話好好味 環境好靚，打卡一流，好有懷舊感覺價錢ok 食得又睇得 大件夾好食一定會再黎

聽朋友介紹左呢間 打卡perfect嘅餐廳(ˊᵕˋ;)雖然入坐唔係等左好耐不過坐低到食得我地等左差唔多半個鐘(肚子好餓‎ᐡඉ́ ̫ ඉ̀ᐡ ‎) 嘅三杯雞嘅酒味唔係太濃，反而係偏重味嘅醬汁，冇驚艷嘅感覺(ˊᵕˋ;)不過雞肉食落好嫩滑又冇骨，啱晒我呢啲唔鍾意食買骨嘅人( ⋅֊⋅ ).ᐟ至於個麻醬麵就真係有驚喜desss!!!佢個醬除左麻醬仲有甜醬，食落去好有特色同層次～重要咁飽肚都係$45咋‪ᯅ̈咁大碗真係好抵~-1963 木十豆寸 (灣仔)灣仔灣仔道110號中匯大樓2樓

呢排係灣仔返工，梗係搵下附近有咩好食，於是就來到呢間主打台南菜餐廳。間野叫：木十豆寸，原來係‘樹’的拆法，開頭我仲行錯路，入左人地住宅個邊上，心想，點解棟鐵閘鎖左，後來門口個保安先同我講係隔離行樓梯上。餐廳位於唐樓2樓，一入去映入眼前已經好懷舊，各種各樣物品會陳列係你眼前，打卡一流，因為我無booking，所以等左大概10分鐘就有位了，lunch餐牌其實好多嘢都想試，最後係掙扎之下選左‘養生藥膳排骨湯飯’同’樹子水蓮‘，水蓮我真係愛好者，自從去陽明山食過之後就愛上了，而家除左牛大人有得食，估唔到係呢度比我見到，咁梗係叫啦。呢度似係成家台灣人主理，聽口音都聽得出，食物味道ok，藥膳味都ok，排骨都夠淋身，肉質偏瘦，不過我偏重口味，如果重到好似‘十全大補骨’隻味就好啦😂，水蓮爽口，食落去好有口感，果然水蓮都係用炒最好食，推薦。呢間主要食個氣氛同環境，記得book位。

朋友話呢間成日都好full 早一日難得openrice見到有位即刻禁制「木十豆寸」原來係「樹」既拆字@@餐廳位於唐樓2樓 要行樓梯上去推門入到黎 嘩係懷舊復古風!除左裝潢之前重有唔少懷舊擺設 氣氛好唔錯~枱與枱之間夠哂空間 有一定既私人度我叫左個茶燻雞佐烏龍茶漬飯 聽講呢個都幾多人叫$78 平日lunch hour呢個價錢唔包野飲個人覺得有d貴不過食個環境都值~塊雞食到香燻味 但唔係好覺有茶味 質感算嫩滑配埋個芥末醬又幾好味至於個飯有d硬 不過我估茶漬飯本身應該係咁份量超大 一個女仔完全食唔哂見其他食評話服務態度好差 我又覺得正正常常無咩特別

繁華 都市下 的 舊樓 有著 復古風 嘅 餐廳地板 牆身上 都 充斥 滿滿 嘅復古 風 味道一間 台式 懷舊 風 餐廳 嘅 手藝 卻 一流台灣 牛肉 湯麵 三 杯雞 飯 鹽水 雞 滷肉各式 各樣 台灣 嘅 美食 都 可以 搵 得到三杯雞 香 到爆 配上 一碗 滷肉 飯每一塊 雞 沾爆 醬汁 配上 淡淡 嘅滷水汁 這 配搭 剛好 口味 較重 嘅 你會覺得 超 鐘意 但係 口味 較淡 嘅 你會覺得 超 級鹹 鐘意 討厭 自己 揀啦🙈：唯一 要 投訴 嘅 佢地 漏左 我 嗰份🥲朋友 叫 鹹水 雞 食完 我份 餐 都仲未黎 等 接近 半 個鐘 先黎 到 SAD🌸：整體黎講 理解佢地係繁忙時間 可能會有d甩漏 好在味道好令人回味 下次非繁忙時間 黎

《1963木十斗寸》冇錯，又係灣仔最近係呢邊返學所以要發掘下呢區既餐廳有介紹既朋友，不仿留言話我聽🙃今日試咗呢間台灣野老闆都係台灣人餐廳位於唐樓上兩層冇lift既所以食飯前要做下運動啦餐廳佈置行舊式復古風個人覺得幾有特色座位都算闊落雖然位置算喺馬路隔離但可能因為上咗樓所以冇乜噪音可以靜靜地傾偈👍🏻叫左一個炒飯同牛肉麵櫻花蝦炒飯 HKD80份量有啲細男仔食可能唔太夠但飯係炒得幾香，粒粒分明滿漢牛肉麵 HKD90分開紅燒湯同清燉湯清燉嘅味道反而比紅燒更加濃郁略嫌牛肉唔夠淋但味道係唔差嘅紫薯拿鐵 HKD42紫薯味唔夠，奶可以少啲有興趣嘅朋友記得訂位呀😉

今日下午同朋友去灣仔經過附近就去試下！第一次食，所以叫了台灣菜中最普通的紅燒牛肉麵同黑糖奶茶！因為愈係普通的菜式就愈顯得到餐廳/食物的水準！果然一試之下見真章！紅燒牛肉麵入面睇落正常，但入面嘅牛筋硬到連筷子都插唔入，根本不能入口！麵條又唔彈牙，入口似未煮熟咁！杯黑糖奶茶一d茶味，黑糖味都冇！好似一杯奶水咁！最離譜係竟然俾一隻崩左杯邊嘅杯俾客人用！崩位摸落去重有少少界手嘅！雖然飲凍飲多用飲管，間餐廳又係sell 懷舊，但呢d 事關飲食安全嘅問題，作為一間餐廳都可以咁唔在意，就算食物真係好食都冇用！重要食物係咁難食，飲品又咁難飲，真係唔會再想幫襯！

無意中響Openrice 見到呢間食肆，令我諗起幾年前台中旅行去過嘅一間懷舊飯店，諗住食完飯慢慢欣賞其擺設同裝修，點知上到去同想像完全兩回事，地方比較夾窄感覺有點焗束，又唔可以揀位座，加上店員大多唔友善，我同媽咪食完都即刻走人。🥢台式豆乳雞 $70⭐️⭐️⭐️⭐️唔好誤會豆乳係豆腐，其實係豆腐乳/腐乳，呢度啲豆乳雞炸得幾金黃香脆，內裡juicy嫩滑，淡淡腐乳香好好味，而飯又粒粒飽滿有飯香，推介！🥢台灣鳳梨牛肉麵 $75⭐️⭐️一上枱有啲失望，兩片鳯梨又細又薄，同menu個圖差好遠，而牛肉算入味但唔夠腍，食完黐晒牙，麵爽口彈牙掛湯，湯底有淡淡鳯梨味幾清新。🥢荔枝蘇打$15⭐️有荔枝香但甜得滯，飲咗兩啖放棄咗！二人共消費：$176後記：1）據聞有得訂位，但我打咗幾次都無人聽，上到去問我有無訂位，我話無，跟住店員無回應⋯⋯幸好上去等咗一陣好快有位。2）問店員個鳳梨牛肉麵辣唔辣，佢答我唔知，跟住我表明媽咪唔食得辣，佢都無動於衷唔去問，服務態度認真麻麻！

這家餐廳位於灣仔鬧市，但門面比較少要小心才能找得到。入到餐廳有一種懷舊的感覺，像60、70年代的家庭內一樣。疫情下不能外遊，就當自己去了台灣。我叫了一個滷水拼盤、臊肉飯套餐。滷水拼盤的味道很好，尤其是滷豬耳，爽口。另外臊肉飯也10分好吃，豬肉的油香味和飯混合在一起， 10分好吃，但也10分邪惡。小菜是青瓜，剛好平衡了油膩的感覺。