1981 創作藝術餐廳 (已結業)

又到每星期返娘家嘅日子，首選此餐廳，今日特別開胃，所以加配松露磨菇湯，未到達檯面已聞奇香，雖然出面30幾度高溫，但難以抗拒此熱湯，上面的泡泡好明顯係剛打出嚟，味道淡淡才飲得出松露同磨菇嘅原始味道必食燒雞以往係本港穀飼雞，但今次為試食價嘅法國走地雞，目測份量細左，當然要配少許鹽吊出味道來，肉質跟之前的無太大分別，味道依舊美味。是日特別推介蜆肉意粉鋪滿大大隻花甲，忘記是甚麼香草，帶點點香草味道，可惜帶點油不夠乾身，味道還不錯。

今次不是本咯第一次去此餐廳用餐，不過今次真的大失所望，點了一客午餐蜆意粉及一份安格斯牛扒，磨菇湯唔錯，安格斯牛扒唔香⋯ 淡而無味好似吃空氣，個賣相還可，成碟野有味道的只有薯菜，唔好怪我難聽咁講，牛扒真是我吃過當中的最差！再來是蜆肉意粉，冇汁，好像勉強把一碟蜆堆上意粉上，比起外面平價茶餐廳的碟頭飯還遜，飲品只是一般東西，所以不評論，。未幾有兩名客人竟然帶隻白色松鼠狗進入餐廳吃飯，我要強調呢間係室內餐廳，衞生條例是不可以譲狗隻入內（導盲犬除外），女示應視若無睹，真是令人儍眼了！

倆口子在追月夜想在住所附近找間有點情調的餐廳用餐兼做節，在網上搜尋看到這家好像不錯，便前往打算walk-in碰碰運氣，心想反正附近也有不少餐廳，沒位也有其他選擇啊！小店桌椅不多，大概一同時只能容納20位客人左右，如果打算專程到訪，記得要預約哦！我們大約七時到達，很幸運剛好有二人檯。雖然是小店，但店內裝潢也算有心思，也不算坐得太逼夾，起碼客人可有私人空間可與親友輕鬆聊天。很喜歡這面鐘子上的裝飾牌：Sit long/ Talk much/ Laugh Often雖然有standard menu，不過店員（懷疑是老闆之一）會很熱情上前介紹today's special。本來想試standard menu上的黑毛豬鞍及周打魚湯，但當晚沒貨，所以便聽從店員推介，點了special的生蠔、魷魚筒飯、法式血鴨酥以及半熟帶子他他。👆🏻在澳洲嚐過即開生蠔後簡直驚為天人，只此在香港，就算在酒店點的也覺相差甚遠。但這半打的竟然有點驚喜，有點creamy，味道雖較淡但有回甘！可惜忘了名堂....👆🏻師傅送的燉蘿蔔，即使是贈品小食也有驚喜呢！👆🏻要給十粒星的半熟帶子魚子他他，拼上蘋果粒及車里茄及蛋沙律墊底，味道

又到生日又係禮拜日又唔想逼，就決定豪豪地食餐fusion 菜啦😝之前食過兩三次，都堅好食，事隔幾個月再幫襯，水準依舊👍🏻👍🏻可惜今日生蠔已比人訂哂😭餐廳門口會有些廚師推薦👍🏻睇個名都夠吸引啦😍墨魚汁配日本魷魚筒飯，$208魷魚筒內包墨魚汁飯，味道唔太濃，飯唔係一般絲苗白飯既感覺，似意大利飯細細粒咁，都幾特別，又唔會覺得漏野菌克森林燒安格斯，$298好好食呀，完全感受到廚師精心制作的牛扒，好juicy 有牛鮮味👍🏻👍🏻值回票價鮮果拿破輪😝😝因爲生日老公叫廚師寫咗happy birthday 😘😘想食呢間記得訂檯呀

今晚食早場就七點食到八點半，如果食下場就八點半開始。因為我哋唔食牛，所以冇嗌到牛扒之類。每次來都叫佢d他他，例如海鮮他他、帶子他他⋯⋯佢d他他好好食！每次例牌都叫過白酒煮蛤，因為佢個汁好味，個蛤又鮮甜多肉鹽焗魚都幾出色，因為焗完之後，魚肉又嫩又多汁個黑毛豬扒，肉質鬆化。不過如果兩個人食就會覺得好飽因為好肥膩，四個人食就啱啱好一人食一兩舊！個雙墨意粉就廚師每日揀新鮮嘅食材煮，所以次次去都唔同。去食1981記得book位因為可能會full甜品有拿破崙、心太軟、同埋daily dessert 不過今次太飽無食到ps，廚房應該得一個廚師，所以出餸有啲慢，唔可以太心急。只可以慢慢坐慢慢食～

次次都燒雞，當然今次都唔例外，不過還試了凱薩沙律，份量頗大碟，沙律上有一隻溫玉與糖心之間嘅蛋，但唔捨得整爛佢，所以冇混合沙律進食，鹹鹹薄薄脆口嘅煙肉碎片，有辣味沙甸魚肉，能惹味配搭沙律菜，清爽得黎又好夾。燒雞配飯，有焗至脆口嘅羽衣甘藍做配菜，之前就在此第一次接觸這有益食物，之後自己亦會焗羽衣甘藍做健康零食，口感似紫菜，帶有微微苦味。雞皮剧出脆嘅聲音，足有半隻雞份量，肉嫩滑無比兼有肉汁個人覺得味道比較淡口，灑少許岩鹽提升味道超哂班。

平時只星期六、日有時間去食個晏仔，今日適逢放假，不忘去這家至愛兼有水準餐廳食個午餐。是日精選燒雞牛肩飯，才$45，而且有飲品，令我驚喜到不得了不過平日無烤雞午餐，但這個精選有齊我至buy嘅烤雞同牛肩，雖然份量各少了，味道依然是最捧。另外點了西班牙豬扒紅飯，因某親大人做了小手術，要戒口，豬比較適合，豬扒厚實、肉汁豐富又易咬，紅飯軟硬適中，但重口味嘅我覺得加少許鹽提升味道更完美。

同朋友仔三口子喺屯門區搵食，又唔想同人迫，所以就訂咗呢間fusion 菜，聽人介紹過好多次，終於到自己去試下。店員既服務一流，用心推薦菜式，逐樣介紹比我聽，我不停問野都唔會覺得我煩誠意推薦比大家，水牛芝士壤東菇生蠔夠新鮮餐廳內得十幾個位，適合三幾個知己吹水食好野，但記得要訂檯

幫襯多次，每次必食燒雞跟薯菜，今次都唔例外，家人回鄉拜山，一條冷去食個全餐，+$25要左杯黑松露磨菇湯餐包表皮熱辣辣，裡面軟軟有些黑芝麻，醮濃濃黑松露香味嘅湯索哂啲湯，極之回味。燒雞口感同以往有所不同，雞味稍為欠奉，一問之下原來用了以穀物養飼雞，侍應解說將心比心，自己都想食得健康，所以對客人要一樣態度，好窩心嘅良心小店

趁住未曾炎夏，又星期六又有行山腳，出發前先補充力量，多次光顧超水準西餐廳，必食燒雞，皮脆肉嫩，用心製作，今次配菜有炸過嘅羽衣甘藍，脆脆的有少許鹽花，鹹酥得黎又有益，薯菜只有兩粒菇菌、但有烤焗過份量足嘅薯仔連薯皮衣都唔覺厚，應該係小薯蛋吧朋友點的燒西班牙黑毛豬扒配紅飯不是真正嘅紅飯，係煮過用香料醃過嘅紅色米飯，濕濕淋淋的似意大利飯，黑毛豬扒厚薄適中，燒烤紋路好吸睛，肉質有咬口嫌保留肉汁，絕對係超哂班而且價錢合理嘅午餐

老公話朋友介紹嘅一間小餐廳，今晚係15年結婚周年紀念就去試。點咗半打生蠔$198，水牛芝士焗菇，鵝肝燒雞，西班牙豬同心太軟，然後自己帶支紅酒去。生蠔好有驚喜，肥美有我喜愛嘅海水味，咸度適中，但其他食物就一般，埋單九百無加一，價錢算合理。會有下次，想試下其他嘢。如果餐廳能再細心為客人嘅特別日子做啲功夫會更好，例如可以在心太軟為客人寫祝福語！

事源（大年初二）1月29日一家三口打算booking預約1月31日晚上6：30準備慶祝結婚四週年，等到31號大約4點幾餐廳打電話想confirm我們，但此時我們在街上聽不到電話响，到本人發現未接來電時已經係6：20，所以立刻回電到餐廳，可惜回覆因我們冇聽電話，whatsapp好多次冇人應，所以已經讓了給其他人 本人既氣憤又無奈，帶住個2歲半小朋友在街上天寒地凍趕過去，原本提前打去預約又問定好餐廳有冇high chair佢話冇，所以自備high chair,諗住一早準備好哂，懷著期待的心情一家人去慶祝，點知得到既結果係咁樣 為何餐廳不可以早一天confirm呢？要等到約期前2小時先confirm.本人冇用whatsapp，一句whatsapp冇回覆就俾左其他人？一般餐廳做法就算要俾其他人只少等15分鐘冇人到場先俾其他人先算合理啦！你們不是以客為先，只顧做生意，如果真係咁好生意，為何又怕坐唔滿張枱呢？？就算有幾平有幾好味，咁樣做生意遲早得失哂所有人，冇人會再光顧

對上兩編食評都係我黎，無偈啦～一個星期光顧3次，今次推薦朋友黎試，只係行遲一步入面已有兩枱人客，我必食嘅燒雞俾人叫左，第二份要等一個鐘，欲哭無淚店員推薦試羊架，另外點了海鮮焗飯飯係蛋炒飯再焗，醬汁味唔濃比較清淡，材料有蝦、蜆、魷魚、魚塊，頗豐富，不過味道唔算突出驚喜。第一次試羊架面頭嘅燒烤紋路未開動已經吸引，咬下肉汁滿瀉，肉質鮮嫩，就算肥膏部位一點都唔覺羶，好難得，但好奇怪點解兩碟嘅配菜會用菜心嘅！？感覺有點格格不入

每次只食午餐，未婚夫之前食過一次午餐覺得好味，適逢佢生日，順理成章試吓晚餐。大廚送嘅小食外表似多士，內裡的肉醬有肝嘅口感，有一份鹹香味道，有少許榛子粒，外皮邊好濃牛油味，作為餐前小食都唔錯。意大利血橙汁只不過$20一杯平過出面溝水嘅普通橙汁啦，色水像西柚汁，無乜橙香味，不過飲落似賓治，頗特別。店員推薦嘅黑麥啤酒聲稱就算唔凍都好好飲，果然無介紹錯，令平時對飲啤酒有份執著嘅未婚夫都一試傾心～從此轉呔⋯⋯每次去1981都不忘叫雞，所以晚餐要個松露野菌烤雞下面有薯蓉墊底，野菌外表烤乾但內裡仍有濕潤感，雞肉好嫩滑，夠味道毋須落鹽，別有風味。初時點拿破崙和牛，但原來用酥皮焗製，未婚夫抗拒牛油、牛奶、芝士，所以大廚改用燒去泡製和牛只燒至五成熟，肉好鮮滑，可以食出牛味，不過我地嫌比較生，感覺一般般。最後要多支白麥啤酒試試還是認為黑麥比較好飲。

一個月至少去一至兩次嘅餐廳，準時十二點開門入去，遲多半個鐘恐怕會無位，呢度嘅燒雞百吃不厭，今次雞皮部分燒得特別脆，雞肉嫩滑又唔會好肥，一定要灑少少岩鹽就變得無懈可擊第一次食溫泉蛋•卡邦妮但芝士太濃了，好漿口，溫泉蛋有少少過熟，無流心嘅蹟象，還是覺得雞最好