222餐廳

營業中

休息中

呢個係天水圍西鐵站嘅隱世餐館，有咩特別？應該係…熟客多，小本經營但係足料我覺得佢嘅晚餐系列嚟講都性價比幾高，而且係家的味道👅性價比高嘅原因係佢竟然有魚飯，鯇魚同白鱔都有，仲要價錢唔貴，難怪我坐喺度都聽到幾個人叫魚飯啦，下次真係要試吓晚餐包咗例湯，熱飲同埋白飯今次我就試咗人哋推介嘅海南雞飯套餐老火湯 老火湯係紅蘿蔔粟米湯飲落去好甜，有紅蘿蔔，粟米，瘦肉，南北杏，冬瓜，好足料喺出面飲多數都係味精湯，估佢唔到真材實料咁樣煲湯，仲要好香甜，絕對可以飲多碗💯💯無骨海南雞飯 嚟到嘅時候睇到份海南雞都幾靚仔，雞嘅份量都算多，皮香肉滑，建議連皮食，更出色最驚喜嘅位置係佢連個雞翼位都係拆咗骨油飯 海南雞飯一定係配油飯先好食，有椰香味飯黎講佢真係好大碗，食咗好多先記得影

今日在天水圍探完朋友，佢介紹我去天水圍C出口的222餐廳，新開張一定要試吓😋佢知道我同老公食嘢有要求😂入咗去雖然地方細細是乾淨👍叫咗牛扒同咖喱牛腩飯餐，仲有例湯送，今日青紅蘿蔔湯，賣相似我屋企煲，飲落足料，正😄牛扒飯（牛扒成塊男仕手掌咁大）老公話好味道😍我最愛的咖喱牛腩都係大份足料，味道唔太辣啱我，食咖哩一定配凍檸茶，原來佢哋用香水青檸同黃色檸檬有驚喜，香味濃郁👍老公杯央走都啱佢飲😁多謝朋友介紹我哋可以食到好嘢..一定有下次🙌