227甜棧 (已結業)

呢間甜湯係朋友推介的，我地o岩o岩o係界限街體育館玩完，佢話附近有間糖水鋪，叫大圍一齊去幫襯。從外觀睇，間鋪好有中式o既味道，縱橫交錯o既木條元素營造到好似間古代建築般，暗淡o既內裡當眼處掛o左幾串搶眼o既燈籠，部份牆身用o左仿磚頭o既設計，加上全木造o既檯凳，彷彿令人穿越o左幾個世紀，回到了古代，扮演住一個客棧中o既過客。純粹跟人叫，我點o左一款「養生花系列」；朋友說我好dry，也許都要養下身了吧。基本上就係揀沙冰、涼粉或者豆腐花，配上一隻糖水或者豆漿，另外可再加點一d 配料例如雪耳、龍眼肉等。o係糖水鋪用以上咁樣o既組合配成一碗糖水比較少見。我呢個係「仙草涼粉配養生黑糖水加手工芋圓地瓜圓」(個名好長，哈哈……) ($22+4)，首先呢，涼粉同糖水o既份量係balanced 的，我朋友叫豆腐花配豆漿都係一樣，意思即係唔會話好似平時食開咁豆腐花係主角，然後糖水就少少咁，佢個定位應該係兩樣都咁重要。黃黃地o既係黑糖沙冰，叫親黑糖水就會送埋，好香甜o既味道。芋圓都唔錯，唔同o既顏色，有住唔同o既饀，你可以先試下食唔食得出係咩味，然後從餐廳牆身個表中開估。但係d 涼粉我就覺得一般，我懷疑係落

其實太子真係多左好多好正嘅餐廳，除左至前個兩個posts係太子之外，呢間中式裝潢嘅甜品店都係一個💯的選擇‼️ 抹茶布甸，濃濃的茶香，香滑入口，茶味係會係口中停溜，是不二選擇。花膠燉鮮奶，香濃的牛奶味配上花膠，一點都唔甜，絶對係女仔的福音。人人都熱捧的台式甜點仙草芋圓，呢到都有仲要係彩色家🌈黑色係芝麻味 綠色係綠茶味 紅色係紅椈色 白色係芋圓 紫色係紫心蕃薯 黃色係黃色蕃薯，粒粒都大大粒好煙靭，而且啲仙草係佢地自家制好好食！😋😋😋

閒日自己放自己一日假休息一下去開太子 之前有朋友介紹呢間甜品店就過黎試試一行入舖頭就感受到好強的中國風有中式傳統紅黃燈籠 枱櫈都係用深色木 連門都係中式趟門好似提前過中秋咁 好有feel 店內有自助茶水 - 菊花普洱茶可能啱啱沖 所以好淡 但我臨走前再去添就飲到濃啲的菊花香味同茶味 再夜啲就應該更香濃自選甜品 - 揀左鴛鴦豆腐花加珍珠同芋圓 底係薑汁黑糖水碗就大啦 但其實每樣料得好少芋圓只得6粒🙁 豆花都係得兩大片不過真係好食 芋圓好煙韌 拍得住台灣個啲珍珠都好煙韌 唔會過甜 啱啱好所謂鴛鴦豆腐花 我就分唔到啦 只食到普通豆花的味道 微微豆香 但唔算特別滑糖水底有薑味但唔強 只屬一般最正都係個芋圓 但真係太少啦！另一推介係糖不甩三食！平時食開糖不甩就係丸子配花生芝麻椰絲呢度就配上三種粉任沾一個係平時食開個隻，另外兩個分別係黃豆粉同抹茶粉 (靈感唔通黎自日式蕨餅？🤔)首先講左丸子先，真係超煙韌！直程有啲似麻薯的黏度 沾上3種粉都同樣好食！糖不甩粉就幾時都咁好味 傳統食法始終係正既 但黃豆粉同抹茶粉都好夾要贊一贊個抹茶粉 好濃抹茶味 拍得住日本抹茶店個啲！呢個都算係中日fusion喎😂

同朋友食完打邊爐之後....好似唔係幾夠喉.....行行吓經過一間古典優雅嘅糖水舖....兩隻腳不期然自動自覺行入去因為真係比佢哋嘅環境所吸引而且裏面播放緊優雅嘅古箏音樂令人致身於七，八十年代之古貌之地....就像文人雅士....優雅景致一番就是呢類古典優雅之地.....連自己也變為文人雅士希望吟詩作對一番我食呢個四色護丸燒仙草雖然貴咗啲....名就好聽.....其實就係普通嘅涼粉....都成＄38一碗....不過啲涼粉都算係幾滑溜我老友叫呢個護院紅豆豆腐花....味道就一般般但要極力推介呢個桂花蓮子芝麻湯圓真係好好味湯圓好軟熟而且食落去唔太甜.....五粒真係唔係幾夠喉呢度仲有個特別之處.....就係菊花普里茶任你無限添飲三個糖水總共食咗＄101

海鹽牛奶冰 $49有蝶豆花 珍珠 綜合圓 小丸子西瓜材料都幾多 而且夏天食冰就好爽💦💦 海鹽既咸加煉奶既甜係舌頭既衝擊 好正❤️🙈珍珠好彈牙 綜合圓都好煙韌 小丸子唔會好粉 好食好食😚而且份量都多 珍珠食到底都仲有😂評分:9/10🌟呢間好耐冇幫襯之後再去食 質素依久 仲係好好食又健康 而且價性比高🙈👍🏻❤️今次黎試新野 都一樣好食 唔鐘意餐牌既 又可以自選 而且幾創新好多選擇 一定揀到自己啱食既😋養生黑糖水係首選 黑糖沙冰都唔錯豆腐花都好滑 小丸子係必食 好煙韌唔會好粉或者太硬 下次想去試其他 花膠系列者好吸引呢❤️😭一定會再去的

花膠燉鮮奶蛋白 $49唔知點解我哋要等咁耐😿30分鐘有多黎到熱辣辣 花膠唔算好大 不過都有好多粒 差不多啦🙈蛋白都幾滑 唔會好甜 名乎其實既養生系列😂不過個人還是喜歡凍的多一點評分:7/10🌟彩虹綜合圓黑糖沙冰 $38好鐘意食呢間 健康又好食🤘🏻黑糖沙冰唔會好甜 而且唔會太快溶🙈紅豆 緣豆都唔會過甜 珍珠都好彈牙😋芋圓有唔同色好qq 而且都好煙韌 同台灣食既差唔多 唔會有勁多粉好難食 食完飯都食得落☺️😚評分:9/10🌟他們還有自得配搭的甜點 也推介 真正認為很多產品也不錯 幾年沒來也能保持水準 難怪也是那麼多人光顧🙈💕😋

今回仍叫我的至愛， 原仔木瓜椰汁燉花膠， $69，下時話要15分鐘製作。因為全店得我一枱客，又坐近厨房，竟然等了10分鐘，厨房傳來"叮"一聲，跟著疑似打開微波爐的聲音，心裡一沉。不久，我的甜品被送上。燉? 木瓜表面好乾身。木瓜味和椰汁味明顯分離，花膠吾太熱。 $69高檔甜品，如此水準，冇言。

前幾日係網上睇到食評介紹，所以同朋友說，飯後一定要陪我來試試。所以我們晚餐後就特意前來試試。這間甜品店，店舖裝修很有特色，環境舒適，服務態度好，但甜品水準就未如理想。這間甜品店很細心，這點值得一讚，店舖有茉莉花提供，而且很清香，先食甜品前， 漱一漱口，清一清之前飯前食物味道，再食甜品。4個人叫了不同款式甜品，我因睇推介花膠燉鮮奶蛋白，一定是我必點甜品。而朋友就點選了，花膠蓮子鮮奶燉木瓜，花膠木瓜燉椰皇，燕窩燉鮮奶蛋白。這兩款點品都是用燉鮮奶蛋白做底，面層的燕窩可以，花膠就有點泡得不夠軟身，有點怪怪的。而打底的燉鮮奶蛋白，雖然唔太甜，但完全唔滑，還有點結實感覺，好像攪拌不均勻似的。花膠木瓜燉椰皇，有木瓜，有花膠，但椰皇就像似飲緊椰皇加點椰汁花膠蓮子鮮奶燉椰皇，蓮子唔夠淋，帶點堅硬，花膠就是花膠比花膠燉鮮奶蛋白好點點，最好食就是片海底椰片，椰皇就像以上味道，我自己都不敢再提食完這餐甜品比人插到暈，價錢貴，無水準，我自己都不敢想像，無所謂啦，不到黃河心不死，一次已足夠。所以都係親身感受一下，才知好與壞，所以都係信自己，介紹始終是最美好的

食完晚飯，我們仍意猶未盡，便到附近的甜品店繼續交談。而且友人請食飯，我當然請食糖水回禮啦 ^_<友人介紹了這間甜品店。一入內，以為是茶館，室內佈置古色古香，很有懷舊的色彩！我去過不同的甜品店及糖水鋪，但從未見過如此特別！再仔細看餐牌，大部分都是滋補養生的糖水或甜品，更意想不到的是，居然有花膠 於是我們毫不猶豫地點了「花膠蓮子鮮奶燉椰皇」。價錢雖然頗貴，但勝在真材實料。花膠蓮子鮮奶燉椰皇，花膠足料、海底椰清甜滋潤。

食飽火鍋晚餐咁燥，可以點？？緊係去搵間甜品舖，食個甜品，潤一潤喇！！剛好我們在花園街界限街一帶，朋友就介紹我們去227甜棧，試吓佢個養生花系列。養生花系列，自己寫紙字，自己揀。豆腐花有黑白配，糖水都養生黑糖、薑汁黑糖同微糖黑豆漿。而配料仲有十七款俾你選，款款都係健康養生的。黑豆花（熱），配蓮子、山藥、綠茶凍、黑糖寒天和薑汁黑糖水。味道不會太甜，清清的，適合香港喜歡不太甜的口味。豆腐花很滑，加上薑汁黑糖水，感覺很清新，而配料份量和味道。

雖然鋪面細細地，但環境係有特色既，好坐既，但糖水無係我預期中咁好食，直情麻麻地可能我晏就黎食，無咩人唔洗等位 唔知係我唔識叫定咩🙈🙈🙈🙈，叫左自選 豆腐花底 ，但我個人真係覺得麻麻，但佢有個位俾你地自己斟茶黎飲， 反而d茶幾香幾好飲😆

食超過6次以上，每一次都為仙草而黎，今次同樣都係為仙草而黎😂配料大同小異都食過哂，今次簡左芋圓同丸子，夠彈牙，唯獨仙草不變，滑滑涼涼的，加埋沙冰，透心涼。上次試左布甸，今次叫左個椰皇，一d都唔抵食，入面d蓮子好似未熟甘，椰肉好硬，畢唔出黎，下次都係食返仙草算。

友人一心推介我食呢間店既綠茶紅豆布甸，去到都諗住一定系叫戈個架喇，懷住幾期望既心情就入左店內。當叫職員落單落兩個綠茶紅豆布甸戈陣，佢竟然話賣曬，媽呀真系超級無敵失望然後就算，叫左養生花系列黎食，賣點系可以自己搭配組合。第1項可以揀豆花第2項可以揀配料第3項可以揀糖水揀左白豆腐花+燕麥+芋圓地瓜圓+黑糖水白豆腐花質地還好，黑糖水真系超甜，燕麥同埋芋圓地瓜圓既數量真系少得可憐，芋圓都冇煙韌既感覺食兩啖冇曬，開頭仲諗住啲食材幾新鮮，有啲期望，如是者，第1個負皮決定比呢間店。

今晚吃完晚飯想去吃甜品，想起附近好像有個抹茶布甸物體的甜品，便搜索了一下第一次來吃這間店來到門口，看見一個人都沒有入去坐了一會兒，看了三分鐘餐牌，突然有位店員把我們的餐牌和點餐紙從我們手上拿走。。。我們問:什麼事？我們未看完的店員:喔？你們還未寫好單呀？都沒有人，不明白在急什麼第一次來想看有沒有什麼特色甜品嘛最後還是點了有綠茶布甸的那個完全是中伏的綠茶甜品 幸好只點了一個 賣相還可以 味道真係勁失望 可以話係被圖呃左雪糕綠茶紅豆布甸 $38綠茶雪糕似係維記雪糕 奶味重 茶味淡 睇佢張照片同餐牌真係吾知佢下面係冰嚟 一直以為有成舊布甸 原來只係薄薄的 口感雖綿 但味道只有苦澀下面的冰極為粗糙 只靠煉奶調味紅豆還可以 煙韌的丸子也不錯 但這兩項較好的卻只有一點點 還說是招牌甜品  整體味道非常一般 感覺完全不值!!吃完都挺後悔的~早知走多兩步去點點甜吃><

🍮雪糕紅豆綠茶布甸🍮好耐之前好多人介紹 已經好想黎食今次黎左覺得好失望------------------------------綠茶雪糕ok啦 好雀巢既感覺抹茶布甸幾綿 有啲甘既抹茶味 不過唔夠凍底有堆冰係想點？淋少少煉奶人都好呀😒$38唔值囉😐