298 Nikuya Room

營業中

休息中

同事帶出城，一早預約好上環一間烤肉店，原來呢間烤肉店有三間主題，其中呢間食烤肉。個牛拼盤非常正，店員細心解釋每個部位，我哋仲encore左某啲部份除咗仲有一啲熟食同沙律，西冷生牛肉卷海膽，真心一定要試！值得去一試，性價比比較高👍🏻👍🏻

今天晚上到來試試日韓燒，因之前睇Youtube介紹話好好食，所以特登過海試吓，順便買埋所剩無幾的有藍芽功能的血壓計。當日下午好彩有訂位，當時訂已經無晒6點的時間，要訂到8點才有位，7點50分上到去，發現還有walk in客在等位中，好睇有訂位，如果唔係應該食唔到。由於我哋唔食牛肉，所以只點了豬及胡椒雞，燒腩肉跟菜，兩樣嘢都好好食，但如果分量再多啲就好了。

298 Nikuya Room 長期on the top of my favorite list. 難得放假, 就貢左去中環食lunch. 不過建議提前打電話去book, 都幾full. 我地兩個人order左兩個set share: 298套餐 同和三寶套餐. 每個套餐包幾款starters（沙津, 泡菜, 牛舌) 一碗白飯同一杯飲品. 真心地盛讚d牛肉真係好優質, 牛味好濃, 油脂分怖適中, 所以燒完之後, 好juicy再配埋白飯真係無得頂! 整體性價比很高, 十分推薦!

☞ Bookmark咗呢間餐廳好耐㗎喇，今次lunch嚟到嗌咗一個燒肉set、一個海膽和牛丼、一個海膽西冷牛肉卷😋.🍴 海膽和牛丼套餐(細) Uni and Wagyu Bowl Set (Small) ($360)/ 以為佢會好細份，點知都唔會！份量嚟講一個女仔食絕對夠飽👍🏻/ 和牛份量比想像中多，食得出明顯嘅肉味，但唔算好林身/ 海膽相對之下份量就比較少喇🤭因為米飯係熱嘅，令到海膽暖咗，食落去口感同海膽西冷牛肉卷有啲唔同🤣個人嚟講我覺得個卷好味好多（食評會喺另一個post講埋～）/ 仲有個重點就係啲珍珠米好濕好黏口，唔夠粒粒分明，個人而言唔太鍾意🧐/ ‼️溫馨提示‼️ 如果大家有興趣食呢個記得book位時reserve定啊！🍴 海膽西冷牛肉卷 Wagyu Sirloin Wrapped Uni ($210)/ 抱住極大期望去試呢個海膽西冷牛肉卷😋果然無令我失望！/ 牛肉刺身食落完全無雪藏味，而海膽都好rich好creamy！喺香港嚟講呢個海膽嘅鮮甜度真係數一數二，十分推薦呢個俾大家👍🏻.

阿蘇YouTube 介紹的燒肉店，一心去食round steak，由於太多人follow 阿蘇的推介，可惜去到已經售罄！前菜order 了牛油果蝦法律和海鮮煎餅，都唔錯，由其是煎餅個脆漿質地又脆唔油，好味！肉食order左厚切牛舌，西冷，肉眼同柚子胡椒雞，食物水準相當高，牛味濃，個人應為厚切的較好燒，可以花多啲時間燒香外面，入面肉汁也能保留。 價錢算合理，服務態度很好，環境空間夠寛敞。

What's not to like?!   Have been here many times and never disappoints, the bibimbap always is consistent.  My son had the waggu beef bowl, he was very satisfied!  Staff are super friendly and were attentive, really can't find any fault at 298!

和牛小排套餐 $160牛肉色澤幾好燒好後油脂食落幾香，但可惜牛肉醃醬汁太咸反而遮蓋了牛肉原本的味道！食唔出牛肉味🙃前菜及沙律🥗正常水平，合格飯唔彈牙並且沒有香氣加點牛舌$60薄切口感爽脆，沒有什麼味道可點評午市分兩個時段12:00-13:00 / 13:00-14:00用餐時間很短但是上菜很慢🧐我們點的都不需要烹製就可出餐的都等待了快20分鐘而且不會主動提供飲用水乾等到餐點到來又很趕急燒燒完又很趕急食😂食品質素不過不失啦可以試吓，但沒有吸引力令我再去🤪

老實說，我一直以來對日本燒烤的認知都不太高，因個人喜好，韓國燒烤才是我的真命天子。這次由我太太介紹，我們星期五晚去了位於中環的這間日本燒烤餐廳進食。結果喜出望外，肉質鮮嫩，尤其是生牛肉，只可以用百食不厭來形容！因為是星期五晚的關係，一進場都已經爆曬，我已經特登提早一個星期訂位，但最早都只有八點。今次主要點的餸是以日本和牛為主。我地分別點了招牌生牛肉、崩沙腩、牛舌、牛肚，還有一份五花腩豚肉。生牛肉部份，因為實在太好食，我特登點多咗一份。入口即溶不在話下，鮮甜嫩滑的口感為之後的主菜揭開序幕。先前提到點過的燒肉方面大都多汁新鮮，尤其是牛肉，六成熟已經夠，熟多過六成反而影響到鮮味。火爐的爐頭夠熱而且非常均勻，唔易癡底燒燶，每一樣燒肉經過燒烤後味道都是剛剛好，不會太肥膩，但也不會太煙韌。裏面的設計非常舒適，就算係二人座位，雖然不是非常歡堂，但是兩個人同一個方向面對個火爐有一種好舒適的感覺。昏黃的燈光給人一種放鬆的感覺，尤其是星期五晚，一周的工作完結後，需要的其實就是放鬆。整體來講，作為一間日本燒烤店，係提供食材方面我覺得他們已經做得好，同事環境優雅的配搭，令到整體分數在往提升，所以我10分推介！

曾經友人想約係298lunch，但奈何booking經常爆滿，要提早預定先會比較容易安排，最後同友人既約定不了了之。後來，為同同事farewell，我再次建議食298，同事沒有意見，欣然同意。我提早一日打去預定，本身想約11號12點半，方便遷就公司lunch time，可惜，298只有兩個午餐時段分別是12點和1點，考慮過後我地揀左10號既12點section；同日，睇完openrice既食評，見到佢既海膽牛肉卷相當吸引，決定預訂5件。當日，有同事提早到並先點餐，我們五人均是點了298 set並加了三份牛舌 ($50一份)，其他同事陸續黎到，因提早預訂，餐廳安排了房間給我們，我們3/2分桌這樣就座，環境舒適寬敞。坐左無幾耐，職員安排上左飯同套餐小食先，有飯、湯、沙律、三款韓式泡菜、兩塊牛舌和少量泡菜牛肉。份量剛好，味道不錯！好快，萬眾期待的298 set來了！因分開3/2人這樣坐，牛肉也分了3人份和2人份的盤子盛載，我們5人都是無肉不歡的人，所以當一見到牛肉黎到之後大家都雙眼發光，因為真係好靚！下圖可見，原鏡頭下既牛肉都已經相當吸引，根本唔需要再用濾鏡美化！（#這是foodie鏡頭下的

熱愛吃燒肉的友人生日，於是帶他來試試看看餐牌，由100多元至$298都有，豐儉由人A 298 set $298共有5個部分，口感和牛味各有不同，有些油脂豐富入口即溶，有些牛肉味超香濃，我們都說就像去了日本吃燒肉一樣，質料真的比價錢高，非常推介跟餐還有白飯，湯，沙律，泡菜和醃過的牛舌，全部都好好吃飲品點了凍咖啡，味道不錯E 和牛小排套餐 $150比我想像中份量多，有約7塊，每塊都超濃郁的和牛味，油脂香氣撲鼻，配上白飯吃感覺好幸福跟餐同樣有白飯，湯，沙律，泡菜和醃過的牛舌另加一份牛舌 $50沒想過另加的份量這麼大，有約9塊，牛舌比較有咬口，也很香牛味，吃得很過癮，這是必需加的肉我們剛踏出門，已經在想什麼時候再來吃下一餐

終於有機會食呢間燒肉店🤩Lunch set好抵由💰150 - 298, 有2輪12:00同13:15, 記住一定要book枱, 環境舒適, 私隱度好夠, 跟餐有湯、沙律🥗、泡菜、醃過嘅牛舌蘿蔔同白飯, 飲品除咗汽水/ 咖啡☕️仲有茶可以揀~#hoisumeat中環 ✨298 Set (Chef’s selection for the day) 💰298💫評分: 8.8/10📝有7款而每款有1-2件, 厚切牛舌有一千零一塊所以覺得特別好食😋各款牛肉都高質有牛肉味, 充滿油脂配白飯一流🥰✨Yakishabu Set (Chef’s selection for the day) 💰268💫評分: 8.9/10📝有蛋汁點🤩🤩🤩所以其實點都加分因為好少燒肉店會有呢種燒肉俾你可以好似Sukiyaki 點蛋汁食牛肉🤣有驚喜🥳無禁heavy, 簿切嘅牛食落去牛肉味濃郁, 呢個價錢真心高質😌✨牛舌 (+💰50)💫評分: 7.4/10📝足足有~8片, 食完2個高質set就比下去🥲大大份好抵食不過無特別, 唔加其實份量都好夠, 因為佢都幾多side dishes🤣𝟚𝟡𝟠 ℕ𝕚𝕜𝕦𝕪𝕒 ℝ𝕠𝕠𝕞📍中環士丹利街6

298 Nikuya Room, Central🐄I had been craving Yakiniku for a good while. Oh man, the wagyu beef was so good and the lunch sets here were so reasonably priced. I don't see anything I could possibly complaint about with this price point. The staff was very attentive and our food was served quite promptly, definitely a great spot for a quick lunch. How could I not know about this place before seriously?.Wagyu lunch set 🥩 $150 .📍2/F, Pearl Oriental House, 60 Stanley St, Central🌟Rating: 8.5/10

偶爾會想在平日午市時間，去一間高質餐廳，犒賞自己，所以今日就去了298Nikuya。樓底很高，空間很寬闊，裝潢簡約但又不簡陋。本身想點壽喜燒套餐，但需要得25分鐘，為免要其他人等，最後還是點了和三寶套餐。非常豐富。除了主菜之外，湯、前菜、泡菜、小菜樣樣俱備，就連泡菜都有三款提供。同行友人都是點了這個。和三寶是哪三寶，我沒有問。三款不同的肉質，油脂分佈均勻，啖啖肉香。店內抽風系統非常好，吃完回到公司都不用擔心一身烤肉味。👍🏻

今次選擇了食日式燒肉慶祝生日，話曬大家咁耐冇去過日本，都要食下高質燒肉止止癮。餐廳環境寬敞，抽風系統做得好好，唔會一入到去就好勁燒肉味，我地食完d衫都冇味👍🏻我地一行4人被安排坐圓枱，同事們都大讚坐位舒服。Lunch set 有平有貴，我地4個都不約而同叫了同一個set，因為可以試曬唔同款既肉。Set A - 298 Set ($298)呢個set 係Chef’s selection，總共有7款，每款有2件，係由唔同級數既崩沙腩、和牛小排和牛舌組成。崩沙腩牛脂分佈較少，相對地肉味很重；而和牛小排的較多牛脂，做到入口即溶效果；牛舌切成粒狀，口感比外面既又多咬口，味道濃郁。跟餐還有湯、沙律、泡菜、醃過的牛舌蘿蔔和白飯，以及飲品。飲品選擇除了汽水外，仲有茶可揀。總括而言，這間餐廳lunch的CP 值很高，有日本食的水準 。店員亦都有問必答，環境舒服，適合聚會傾計，🔸🔸🔸🔸🌟價錢 - 8/10 🌟回頭指數 - 10/10🔺地址: 中環士丹利街60號明珠行2樓

燒肉午餐跟朋友來吃午飯。我們都點了和三寶套餐。三種不同的肉，每種三塊。没用細問是哪個部位，但是三種也很好，新鮮柔熟，油脂平均。還有附上的前菜、沙律、湯，份量很多，CP值非常高！坐的位置寬闊，環境也很好，一邊聊天，一邊吃了很久。有機會會再來吃午餐。