328美食

營業中

休息中

擺明針對比較後生果個女人既態度食物還可以唔係第一次食佢d 態度今日趁得返個比較老既睇舖諗住幫襯煎釀三寶點知態度差果個女人係我身旁經過仲撞到我，直入店裏佢仲「蹟」左我一聲我即係啤住佢啦佢望左眼唔敢再望我好彩我未落order走左啦去食家維村對面檔食魚蛋燒賣光速餐態度都夠乞人憎呢檔328個女人唔知返工黎做乜經營檔放負小食⋯⋯唔知為乜⋯⋯其實328煎釀三寶係幾好食但要有高EQ同好脾氣先好去幫襯始終都係熱氣野

經營多年小食店, 但多年前記得燒賣都唔錯!現重回舊地, 當然要回味一下這"舊"味道!果然環境衛生同服務態度跟以前都是無點變!咁就照舊要一串試試, 燒賣 $10/5粒, 價錢都唔係抵食, 燒賣肉質味道尚可, 但可惜豉油太咸了, 將整串燒賣都破壞了.....

行過經過，見到煎釀三寶，本人住附近，但從來未幫襯過，就買一份煎釀三寶，$16/5件，短短2分鐘嘅過程，態度勁差我隔離企住另一個客人我：唔該一份煎釀三寶個女人完全冇應，我點知你係咪聽唔到我再講多次：唔該一份煎釀三寶個女人勁唔耐煩：你講啦 要咩呀？！我：每樣一件加魷魚之後個櫃入邊嘅魷魚，件件都好大件唯獨佢拎咗一件係最細件嘅俾我，細件都係得4分1分嘅正常魷魚，然後嗰件魷魚係$8….Total :$24$24當跌左，以後唔會再幫襯咁多位，買嘢食一買一賣，唔想冇尊嚴/一肚氣，千祈唔好幫襯

成兜嘢基本上只係得獻汁,咩料都冇唔講都唔知自己做緊啲乜嘢 完全中晒伏好心佢哋唔好買呢兜嘢啦 擺明呃錢搞唔掂喎 呢兜嘢唔使錢都唔食雖然嗰個燒賣同炸脾都幾好食但係個碗仔翅真係令到我好失望

碗仔翅入邊無料，又無味，真係唔知食緊啲乜！價錢又唔係特別低，性價比極低！算係我食過最難食嘅碗仔翅，七仔啲碗仔翅都好味過佢好多倍！不建議大家嘗試其他食物未試過唔知好唔好食各位可以去試吓

.📍328美食📍#饅頭去荃灣 #饅頭的港味道 #饅頭的掃街系列------------------------------1️⃣魚肉燒賣 ($8/5粒)好耐未試過食燒賣食到想講粗口，即係咁店家，我明白你想掙錢，其實你啲燒賣未蒸熟嘅話，我唔介意你同我講我可以等，請問你比凍嘅燒賣我算咩意思呢🤓。眾所周知，燒賣無論係幾靚嘅來貨都好，只要係凍嘅就係難食，所以我哋後會無期。------------------------------🔸整體評分：3.0/10🔸小編回頭率：0/10

雖然天氣熱辣辣～不過好耐冇食煎釀三寶都想食下～先唔好諗佢嗰D萬年油健唔健康先～有時過吓口癮都好緊要嘅～今時今日$15/5件煎釀三寶～比起以前真係貴咗好多～我仲記得以前$1/1件～到$10/5件～仲要大大舊～依家$15/5件仲要係薄切～同埋好多粉冇乜魚肉味我環保當然自己帶微波爐盒啦～叫咗兩件茄子、兩件雲吞、一件魚肉～成為$15～當然係要加豉油同甜醬啦～食落又唔會好油膩～又唔會話喉嚨痛～不過真係細舊咗好多囉

行行吓肚餓又未夠時間食晚餐見到呢間小食店好吸引，買來試吓，點知有驚喜。食咗炸雞髀同煎釀三寶，炸髀唔會好乾，外脆內軟，炸粉亦都唔會太厚難食。三寶保持一貫水準，最緊要價錢唔貴。

由於跟我家比較近有時口痕就叫工人姐姐幫我落去買外賣除了炸雞比炸魚蛋魷魚也很好吃兩溝的碗仔翅也是不錯唯一缺點是店面對着馬路邊感覺衛生程度不是很好但炸雞髀翻炸加的鹽還有煎釀三寶的豉油

路過聞到香味 跟住香味過去以為係普通小食店賣煎釀三寶燒賣魚旦但係行到過去俾一座薯條山吸引問左價錢$12唔太貴 叫左一份黎食-店員拎左薯條去炸不到五分鐘就炸完現場所見都陸續見到好多人買野食店員加左鹽落去-成包野好重手 同埋好夠熱拮起第一條黎食 都要灘一陣吹一吹先食得外面脆卜卜咸咸地 入面好大陣薯味就算無落茄汁都好好味-呢隻薯條係粗薯條 同埋係扭紋炸薯條好難係小食店見到更何況係要炸得好食今日既路過都幾有得著阿

今次經過紅磡,係一間小食店度發現呢呢件炸水魷魚真係第一次係小食店見到呢樣美食就咁試下啦!每件$5,自己執一件比呀姐,呢度所有油炸食物呀姐都會再拎去油炸下所以件水魷魚係一定係熱辣辣!想講呢件炸水魷魚係超級彈牙都唔會話好油買左一件黎試食完之後我買多左10件返去慢慢食

今日去咗紅磡揾食 經過條橫街 就聞到一陣陣好香既油炸食品味🙂為食之人死唔執輸 聞到有香味 死都要一試才能心熄一去就叫咗炸豆腐 魷魚 魚旦 望多兩望仲要多二串燒賣🙈油炸食品揀完 會再翻炸多次俾你 包一定新鮮熱辣 魚旦好彈牙 好結實 真材實料的感覺 豆腐外面小脆 裡面仲係滑滑好正 魷魚就稍嫌失色 得個油字🙃燒賣 唔太粉 本身對喺岀面食燒賣已經等於係食麵粉 但神奇地有驚喜 燒賣蒸得啱啱好 唔會一路焗住 整到腍哂 配上辣椒油剛剛好👍🏼

今日行過，聞到陣陣香味，就忍唔住行左去買左一塊魷魚同煎釀三寶黎食。啲野食好快就炸好，等都唔使等咁濟。食物既質素小食店黎講算係唔錯，好香好惹味。但係份量就略嫌不足，一開始以為魷魚係成隻，但原來得一塊，仲要五蚊一塊，有啲唔抵食，煎釀三寶入面既魚蛋又好細舊，價錢略貴

細個個陣屋企人帶我地去買，或者買返來俾我地，今次到我地買返去俾屋企人食la由街邊做到入鋪同細個食既味道依然一樣看似一般煎釀3寶 既鋪頭，其實隱藏非一般美味！煎釀3寶之外，仲有大大既炸雞脾, 炸珍寶腸，炸大腸最值得推介既係 炸水魷!!!!水魷魚本身係高品質貨色,加上調味及火喉合到既高溫油炸,真係彈牙味美!!次次來都買大大盒,10幾件魷魚同好多件煎釀3寶,仲有既炸雞脾!

周日探望爸爸, 誰知他竟利害地帶著小人到其老人院附近的街道左穿右插, 熟練地跟老闆打招呼後, 著小人拿出他已備的自備外賣盒買拮拮!! ≧∇≦聽爸說, 此店甚受歡迎; 而買的時候也見不下7-8人買了不同的食物, 爸說的果然非虛。爸很興奮地豪買入$63的炸物, 很開心, 而且小人真心地絕對認為物有所值!! 吃完更不會狂口渴!!$7有4件煎釀魚肉, 份量剛剛好, 魚肉彈牙不會粉; 而魚蛋更正, 好好味呀~~~ ≧3≦而老闆力推的香腸是必選極品: 外層不會太硬, 食味不會過咸， 難得的是中間肉質的鬆軟, enjoy~~~∩_∩神級炸雞脾嘛, 哈, 香脆不在話下, 多肉少肥, 咬下去竟是噴汁的, 香得連猫兒也想來吃, 相比一些名牌, 實在有過之而無不及!!老實說, 今時今日掃街也不便宜, 這店實在是物有所值。一定再來, 試其他的拮拮~~~ @v@