39越南屋 (已結業)

原本打算同朋友仔去廟街食煲仔飯，因為實在太多人等，所以轉去試一試隔離嘅越式餐廳。自問在美加生活過一段日子，對越南湯河係有一定要求，尤其是湯頭。曾經試過好多好評如潮嘅香港越式餐廳，湯河嘅味道都有㸃失望。相反39越南屋簡直係一個驚喜，小店沒有任何特色嘅裝飾，店主，櫃面到廚房都係越南人。是次㸃了特別牛肉河，蟹肉湯檬和韮菜花蓮藕苗小炒 特別牛肉河是重點，大量牛骨同適量雞骨煮成濃濃嘅淸湯是越南湯河嘅靈魂！牛味濃而不油膩，上枱時湯夠熱（這味道有好多越式餐廳都做唔到），河粉幼滑，牛腩鬆化，還有生牛肉，牛丸，牛柏頁，牛筯，熟芽菜，洋蔥和大量蔥花。叧外一讚，小店還慷慨提供新鮮九層塔，檸檬葉，青檸仔，指天椒， 重有＂是拉差＂都能令越南湯河大大提升美味～終於遇到一間能食到舊日正宗越南風味又物有所值嘅越式小店！

有天二哥跟我提起在油麻地39越南屋吃了一餐美食,為食的我當然要去試試有多好吃啦!!於事約埋車爸爸一起去吃越南菜喇~位於鴉打街的小店座位不多過20個又看看它如何取得我嘴刁的二哥青睞?食物種類不算十分多選擇越南菜基本的也能供應,但原來有很多餐牌沒有的神祕食品老細話要睇貨源才有,例如當晚見到隔離檯的豬什拼盤睇見都想試可惜靠我倆人食力真的無能為力呀!!飲品有我最like的{青檸梳打}$18,還要用上勝獅梳打水又怎能放過呢!!車爸爸要{咸檸七}$18,咸檸檬味道很足很好喝啊~小食本想吃{大蝦柚子沙律}可惜沒貨,唯有改點{大蝦米紙卷}$48米紙卷足料非常除了有大蝦外還有片軟滑腩肉片,金不換及爽口蔬菜口感十分豐富,米紙夠滑溜沒有乾巴巴的,點少許汁吃清爽冇負擔真不錯^0^車爸爸吃{生牛肉湯河}$42,他評這碗粉湯頭濃香不過肥,牛肉帶香質素也不俗,河粉更是滑溜非常很讚呀~我點{香茅豬扒撈檬}$42,豬扒醃得入味又夠淋很好味,檬粉亦沒有碎濕濕唯獨那撈汁我略嫌不夠酸,但不愛酸的朋友一定喜歡

油麻地雖然話多食店，但食得多總想發掘下新野食，琴日行去地鐵站途中見到呢間越南野又幾骨緻，所以今日一於試下佢店內坐位不多，大概容納到廿個人左右，繁忙時間可能要等位 主打係飯及濛粉類，加$5可配港式飲品 今次試左蟹肉湯濛$45- 有洋蔥及蔥做配料，加上扎肉同蝦，蟹肉反而唔多見到，有少少類似蟹膏係湯內，可大部分都溶左。呷一口湯，酸酸地有的蕃茄味，慢慢滲出蟹膏的味道，湯底幾甜的！濛粉份量不算多，略嫌煮得太淋，吸附湯汁的確幾好味，可惜真係細碗左的，有的唔夠飽跟餐叫左凍檸茶，茶味幾濃，檸檬都有四片，甜度剛好夠晒凍，幾好埋單$50，略嫌份量少左的，下次試下飯類，勝在上菜速度夠快！