39越南屋 (已結業)

呢間舖係油麻地地鐵站C出口轉左就到，但唔算旺場，今次試左佢既全日套餐，越式牛腩河另外會跟一個雞絲沙律，飲品就冷熱都加2蚊。首先個牛腩河既湯底算係清淡，香料應該落得少，河既份量適中，一個大人都食得飽，但勝在牛腩既份量算多而且大大塊都幾有咬口。至於雞絲沙律就普通水平，通有菜食下都OK既總結係如果係附近平平地食都可以接受既

我曾在2017年5月底光顧此店一次。今日再度到此店，我感到非常後悔，因為這家店一如其他食評家的評語，食物尚可，但態度非常差。首先，甫進店有個四、五十歲的中年肥婆坐在客人的座位，自己搞自己事，所以我以為是一般客人。誰知正當點菜時，這名"神秘"客人突然"變成"服務員，落單後又經常煲電話粥，完全唔係做事的。吃完後，我已動身離開座位，她卻不在收銀行崗位，直到客人自己把錢放在收銀桌面，她才過來，而且我有一種很強烈的感覺，就是她到底是否失明人士呢？因為她不由分說，就以不客氣的態度說五十元呀！我指著錢說，不是五十元嗎？她才恍然大悟說，噢.....之後完全沒有因為這樣的誤會表示歉意，甚至她似乎沒有意識到這是一門生意，向客人致謝X。生意的目的就是留住客人，讓客人永遠是自己的客人，不斷光顧我為職志，因為自己的不小心，甚至沒有心而發生的誤會而這樣粗暴無禮對待客人。老實說，我當然明白這樣地方淺窄的彈丸小店，是小本經營的店舖，不能期望會有酒店式的服務。各位可別誤會，我不會要求得比我所付出的有豐厚斬獲，但這婦人連基本尊重自己和尊重別人也做不到，嚴格來說，是當客人是水魚，總之，他們的想法和做法，根本就是放下金錢是你

同事兼友人帶咗我去一間巷仔小店覓食，越南🇻🇳嘢都係賣飛佛😋店面不大，坐到五六枱客仔𝙻𝚞𝚗𝚌𝚑 𝚝𝚒𝚖𝚎嚟都唔係好多人.友人單點左嗰💛#雞翼撈檬 $50足料～雞翼有3隻，唔厚粉但都脆口，友人表示仍然食到好多肉汁，檬汁酸得嚟偏甜，一碗份量都飽～撈檬口感正常偏軟身～.我就點左午餐set 💛#豬扒撈檬 + #雞翼沙律 $58 加$2嘢飲 ($60)豬扒煎得幾香，有啲香茅味味道亦正常，唔會太「銀」唔會太淰，厚度份量適中；檬汁係我鐘意嘅酸甜度～雞翼沙律嗰汁同檬汁一樣，但好似再酸少少🤏🏻.不過食到最尾先發現店員有衛生問題，侍應都冇帶口罩

入到啲一間餐廳，開頭已經覺得陳陳舊舊，但我見到有人幫襯，便沒有為意，之後叫嘢食，叫咗一個生牛肉河粉和一個香茅豬扒撈矇，套餐$58會有個木瓜沙律+1隻雞翼，另外加飲品加兩蚊，再叫多咗一個蝦醬炒通菜$55 ，開頭都冇為意，直到有一男一女夠大年紀嘅人入嚟食，見到佢哋冇戴口罩，先醒起餐廳沒有和我們量體溫，侍應和廚師是同一個人都是沒有戴口罩。跟住就到戲肉，我男朋友去拎杯熱水，點知聽到吱吱聲，咁我哋都由佢，當聽唔到，再之後啲餸嚟到都冇乜特別，普普通通唔算難食，不過不失，通菜好硬，但之後看見嘅情景已經令到我冇胃口進食，你看見相片上有一張相是影廚房地下嗎？我看見過姐姐將個豬扒就咁放喺地下，如果個吱吱聲行埋去嘅話咁會點呢，之後看見個姐姐拿布抹地下，開頭都諗住算，之後竟然見到佢再攞另一塊布抹地，都係用同一對手套之後將塊布攞嚟拿來抹砧板，果下你直頭什麼東西也吃不下去！

隔了一段時間再來光顧，是因為他的食物味道不錯。但是今天的經歷足以令到我永遠不會再光顧這餐廳。事緣在今天光顧的時候，餐牌上出現了全日套餐，其中一項是香茅豬扒撈檬。由於太太比較想食香茅豬扒湯檬，於是便問店員可否將撈檬變成湯檬。店員答一句唔好意思已經set好了，咁我哋就算數啦，改為吃越南雞絲湯檬。之後問題便來了，在店員準備食物的時候，不停咁講有冇搞錯啊，套餐定左係咁㗎啦，邊可以轉㗎，轉個粉變河都話姐，咁樣轉重邊係套餐呀等等的說話，不停地俾說話我聽。我明白雖然很多餐廳訂了午餐或套餐，有些細節上未必能夠改動，但問題係我哋之前幫襯的時候，菜單上也沒有香茅豬扒湯檬，以前他們亦都可以幫我地轉成湯檬，於是我們才這樣問，沒想到竟然會受到這樣不禮貌的對待，總之以後就不會再幫襯了。還有，套餐上寫的小食本來是雞翼及木瓜沙律，到上台的時候才跟我們說雞翼沒有了，轉做豬頸肉（但我們是開店後的第一台客）咁我想問，你唔出聲又自己轉左個小食，咁又係咪嗰個套餐呢？真心建議，自己食飯唔係要搵氣嚟受，千萬不要幫襯。

一開始網上見到呢間餐廳劣評如潮，打消咗去嘅念頭，但今次再到經過見到入面乾淨企理，並非如食評所說環境衛生惡劣， 便決定一試 見到餐牌上面有坊間較少見嘅蟹膏湯檬同順化湯粉，決定試下蟹膏湯檬 。原來佢哋蟹膏湯檬係好多配菜 ，有豬紅、豆卜、扎肉同埋番茄， 當然主角蟹膏亦都唔少，湯底橙紅色似係融入咗蟹膏，飲落有一陣清甜嘅鮮蟹味道。 麼粉入面混雜咗生洋蔥絲同埋蔥白，爽脆口感同埋少少嘅辛辣增加咗整碗粉既層次。連埋嘢飲，一個午餐48元無加一，抵食啦。啲寫劣評係咪真係食過？相都無張喎。大家自行判斷啦

呢間餐廳小弟大概一年前黎過，覺得都幾有越南feel。無諗過今次係第二次，亦係最後一次😤首先一入到店鋪，店員既感覺已經好唔友善。入到去得番兩張吉枱，一張係裡面，另一張係門口格離。因為門口格離個張比太陽哂到應一應，我地都示意想坐裡面個張。不過店員有隻狗仔係裡面張枱格離，佢就望一望隻狗，再望一望我地，全程只用眼神交流==‘坐低左之後望下張枱，好污糟，再望下周圍d枱，張張都係咁，即刻無哂胃口本身小弟黎係想食上次無既芒果糯米飯，點知今次都係無既👏🏻最後只係叫左碗越南粉同酸辣鳳爪。小弟係等上菜期間留意到店員有好特別既上菜方式，就係掟落枱！睇電視睇得多，現實中見人掟碟野落枱比客人真係第一次！上次黎都係叫左特別牛河同酸辣鳳爪。碗粉就正正常常，可惜個鳳爪就同上一次唔同哂，少左好多配菜，好失望😓小弟覺得一間餐廳幾好食都好，服務態度同衛生都係好重要。呢間餐廳都算係小弟去過服務態度最差既餐廳！所以無下次

那晚和朋友去百老匯電影中心看電影，離電影開場還有一小時，我們在附近的雅打街和廟街邊走邊聊。這裏的大排擋，可說是香港人氣最旺的其中一條食街，也是香港典型夜生活的踩點之一。其中，潮州打冷 / 煲仔飯 / 雲吞麵 / 牛肉火鍋 / 粵式小炒 / 糖水，都是享譽國際的街道美食。當中不少食肆，看似門面寒酸，其實卧虎藏龍，有些是明星食堂，有些是米芝蓮一星或車胎人榜單名店，或可能位列來年的米芝蓮榜單 ...晚上八點多，廟街上的眾多食肆門前的人龍還是經久不散，剛好朋友想吃越南粉麵，我們就走到後街的 39 越南屋。餐廳在深水埗和大埔都有分店，但雅打街這裏仍是家庭式經營，店主 / 櫃面 / 廚房，都是越南人。店面不大，但乾淨簡潔，最多只容納約二十人。傳統的越南牛河，湯底是靈魂，一般都用羅漢果草果和胡椒茴香八角桂皮等中藥，再加入大量蘿蔔，讓湯底香中帶甜。聽老闆說這裏的烹煮，偏向清淡的北越風，有別於重味的南越味道。我倆叫了鮮茄牛腩湯檬和鮮茄蟹膏湯檬，廚房煮速極快，不用五分鐘就送來。我倆的湯底都是鮮茄湯，湯底有蕃茄甜酸味，算是清新而不會過咸，但也欠缺了牛骨的油香骨香。後來和朋友每碗都交換吃一半，都覺得茄蟹湯檬和

this restaurant is so bad. noodles portion is for baby. they try to cheat you for soup base and give u small portion. I ordered ice lemon tea and asked for less sweeten. and it is turned out so sweet.the service is OK. definitely not value for money. I felt cheated.

平心而論食物質素其實不太差，生牛河湯底OK, 牛肉質素亦可以。但店內南亞裔女侍應極度無禮怠懶，可謂本人多年來光顧港九新界各餐廳的經驗最差的一次。個人覺得作為食肆除食物外，服務態度亦非常重要。就算食物可接受，如此待客態度令光顧此店成為貼錢買難受，坦白說日後就算全店食物免費亦不會再來。

店名：39越南屋 39 Viet Nam Home地點：Shop3,G/F, Arts Mansion, 46-58 Arthur Street, Yau Ma Tei 油麻地鴉打街46-58號雅寶大廈地下3號舖，電話：56832986 (1)     順化湯米線；(2) 越式特別牛粉； 每客平均售價：五十三元五角食物的整體評價：(甲)   味道/烹調：Ø  順化湯米線比起同樣有提供此食物的店舖多茄汁，而較多配料，如洋蔥和蔥及附有扎肉，由於多茄汁，所以吃起來更酸甜，而且豬和牛肉的軟硬程度適中；Ø  越式特別牛粉的湯底味道可口，除了牛肉還有牛腩及一、兩塊牛柏葉，另外還加上大片檸檬葉，所以材料豐富。(乙)  種類方面：可供選擇的食品數量普通，但食物比起其他同類銷售的特別，因為不是每間越南店均提供上述食物。環境：裝修品夠特別，有不少越南式的掛畫，用圖畫來表達越南的文化。服 務：合格。衛生：可以。抵食：一般。

從來無食過咁難食的「越南」嘢！叫咗個不知所謂的越南雞飯，點知係烚雞飯，零雞味。個生牛肉湯河連基本的青檸辣椒香菜都無，得個無味勁油湯加少許牛肉碎片河粉，就學人叫越南生牛肉pho，簡直侮辱咗正宗越南湯河。炭燒豬頸肉五十八蚊得7薄片勁唔抵食。以為舊區街坊自營小店會有啲好嘢食，完全中伏！以後打死我都唔會再幫襯！！！

一打開菜單，發現十之八九皆非越南菜式，已恐有伏。為求穩陣，遂點了生牛湯河，但結果還是令人失望。牛肉量少，而且質素不佳，無甚牛味，湯底平平，只覺飲了一堆油進腹中。總的來說，這是令人感覺憤怒的一頓。

環境好簡潔,家庭式嘅餐廳,雖然係喺後街但係可能就係呢種小小隱世嘅感覺,令餐廳更特別.(雖然其實隔離就係四季,條街成日都好多人😂)講返餐lunch先,3個人,4樣野越式撈粉絲粉絲本身調過味,配料係扎肉,最特別係配左薄荷葉,令到成個粉絲嘅味道好有層次.如果分開唔食薄荷葉,個粉絲本身都好身.春卷撈檬檬嗰part就冇咪特別好講,條春卷好食,包脆餡多.燒牛肉撈檬啲牛肉有幾塊係有小小筋,但係嗰陣淡淡嘅燒烤味真係好香,配清淡嘅檬粉真係好夾.蕃茄牛腩煲蕃茄汁好香,牛腩都燘得好冧. 可以一試

本身想食煲仔飯，但被一條街的人龍嚇怕，見前小小有一條小人龍，去睇下原來係越南菜，打開餐牌，見到出面好小見到既野，當然叫黎試試生牛肉湯河~牛味屬正常，但湯好濃好香，河粉堅滑，乜醬都唔駛加越南拼盤拼越式蝦醬~呢個蝦醬係墨綠色既，雖然佢好香，但食落有魚腥臭味，確實食唔慣，但用枱面酸辣汁食D，內藏豬腩肉，都好爽口，炸豆腐是剛炸出來的，好滑蒜蓉炒合掌瓜菜苖~呢個甘大個女真係第一次食，好似通菜甘爽口，但就多左一份清甜見待應同廚房都係越南話溝通， 所以d野食點會唔正宗呢！真係好特別！