3E小廚

營業中

休息中

以前入過港安醫院，只得素食餐單好多人都叫外賣，當時如果有3e就好啦～位於山腰斜路位，晚市幫襯過幾次小菜套餐，食物份量大夠食有餘，打定電話落單即炒，10至15分鐘就拎到呢日lunch叫2份碟頭飯外賣，乾炒牛走咗芽菜份量仲有咁多，食到底唔會成盒油，粟米汁滿瀉啱晒鍾意汁撈飯嘅香港人！

食物質素一般，但有一位樓面唔戴口罩跟客人吹水，唔顧及其他客人的安全，全程唔戴口罩， 廚房 一樣戴口罩，做街坊生意，以後唔來。有下次，話幾好食都冇用，食物最重要衛生，何況一般。唔值得再去。

午飯時間叫咗個咖喱雞扒飯同埋一個黑椒牛肉炒意粉。電話落單10分鐘之後就有得攞👍咖喱汁對於我呢個食辣小學雞來講係有啲辣嘅... 個黑椒牛肉意粉炒得好入味。今時今日40幾蚊有嘢食包嘢飲，（只要佢唔係難食）其實都冇乜嘢可以挑剔。

下午茶時間☕️☕️☕️有人情味的茶餐廳。尼排疫情下，多左係屋企食野。有時煮得多，都想抖下。😂😂叫茶記就方便快捷。✨✨✨✨✨✨✨✨✨✨✨✨下午茶餐一定要加份薯條🍟🍟🍟🍟🍟🍟叫左個蕃茄蛋三文治企理乾淨，唔錯！薯條🍟係一盒上，好企理。炸得幾好。如果屋企煮，係唔會炸。又用多油，又大油煙。外賣就最方邊。✨✨✨✨✨✨✨✨✨✨✨✨香煎雞扒意粉跟配茶揀左香腸 同 煎蛋，黑椒汁。✨✨✨✨✨✨✨✨✨✨✨✨

🍚🍚🍚🍚🍚又尼叫飯，食過好味～再繼續幫襯。😋😋😋估唔到尼間小店啲食物味道質素咁好，又好多餸菜選擇（真心好味）。🥢芋頭炆雞果然無令我失望，今晚叫左尼味餸，😋😋😋好味呀～🍻🍻🍻大廚好野👍🏻👍🏻👍🏻本身鐘意食芋頭，用尼炆雞原來咁好味。雞肉係炸雞，就比較熱氣啲。但就香口啲。而芋頭汁好甜，好似少少香芋糖水味～覺得好夾。🥢菠蘿生炒骨尼味餸如果屋企煮，要好多功夫，所以出街食就方便。尼個超水準，好香口好脆口，好味道好開胃。正

🍁為咗蜜椒雞中翼再幫襯🍁🥢蜜椒雞中翼第二次來食超水準嘅蜜椒雞中翼😂，同老公上次買外賣時試過一次，外層香口脆口，內層肉質嫩滑。個蜜糖醬好惹味。最勁係佢地整到個皮係脆脆的😍，有啲似大排檔風味嘅冰鎮咕嚕肉嘅質感口味。🍻🍻🍚今次第二次來食，今次失左啲啲水準🤔，個外層無第一似咁脆。上次真係好超水準😍😍😍但味道都依然好味。😌😌🥢魚香茄子煲❤️又係超水準味道，魚香肉碎味道濃郁，茄子又軟霖。甜甜酸酸嘅口味，確實令人好開胃。❤️係宜家尼啲天氣，又唔想煮飯，又少左去街食飯。可以係屋企食外賣都食到排檔風味嘅餸菜，真係好難得。好好味，好正！🥰🥰🥰

尼排收左工都係買外賣返屋企食，當然都想食得健康啲。就係附近發掘下有無邊間四正好味，又有住家飯feel。蜜椒雞中翼誠意推介，真心覺得好食。點解？因為佢地外層香口脆卜卜，內層雞肉都係嫩滑，又食到好香甜嘅蜜糖味，好有蜜糖焦香味。（必食）蒜蓉菜心炒牛肉誠意推介～尼一味係一個普通嘅家常菜，但係佢都有誠意嘅。菜同肉都ok夠食，起碼唔會話剩係得幾條菜加幾塊勁薄嘅肉。都食落啖啖肉㗎菜心都炒得好翠綠，加左薑蔥炒好香。青紅蘿蔔豬骨湯感覺有少少味精，但係都未至於超鹹。同埋落咗好多紅蘿蔔俾我，啱晒我口味。

早幾日經過入左去食晚飯其實係比佢個menu吸引左晚市套餐有湯送佢個湯仲要係標榜無味精個湯勁足料 仲好好飲 真係好有呀媽煲住家湯果種feel另外因為我一個人食所以就淨係嗌左蒸魚條魚蒸得啱啱好 d魚肉勁滑 個蒸魚豉油又係無得輸d店員仲好nice呢間一定會翻兜 好正😚😚😚

23/11第一次光顧3E係無乜心情享受，填飽個肚就算。第二次光顧3E，係25/11夜晚9點，因為家人入住港安醫院🏥，而過了醫院的饍食時間，唯有去前2日食過的3E碰下運氣，9點3E正在收鋪，做清潔了硬住頭皮推門入去請求協助，，好彩店員叻姐見到我咁嘅情況，叫廚房幫我煮，另外一個店員知道後，都安慰我，叫我放心，好感謝當晚協助的廚師及店員們。當時買佐雞扒飯，食物好食😋，店舖乾淨企理。有人情味的小店加油💪3E

光顧新開的食店，3e個沙嗲牛肉包比其他茶記的包抵食夾大件，包又大、牛肉餡又多，店員仲問我個包夠熱嗎？少有地貼心，賓至如歸。另加$8可配薯條，奉上來時是波浪薯條，凍飲又大杯，完全80年代feel，好親切

平日放工買唔切餸，又想食家庭小菜，見到屋企附近，新開左間餐廳，個名幾特別，叫3E小廚！行過看到玻璃窗貼的餐牌覺得幾吸引，晚市有很多小菜選擇，套餐包飯、湯同飲品，都係六七十蚊左右，平過平時買餸煮飯，所以試吓。靚湯好足料，又有家庭味道，好飲到湯渣都食埋平時屋企煮生炒排骨，好考功夫，所以試試，點知賣相同味道都好有驚喜，排骨非常脆口！魚香茄子加咗XO醬，簡直送飯一流！下次想試吓沙薑雞

樓下開咗間新茶記，前幾日食lunch叫咗蒸肉餅幾有水準今晚決定2條友近近地再嚟食過，叫咗梅菜蒸肉餅 ，星洲炒米同蜜椒雞翼。 靚姐仲好好人送咗兩碗白菜湯，無味精，甜！個湯唔記得影相唔似雪藏肉，個肉餅唔實，鮮甜唔似有味精。呢個超正！皮脆！惹味。擺咗5分鐘都仲係熱辣辣食到一半先記得影相原本幾大碟，唔多油但又唔乾，正！另外，叫咗杯凍檸茶，茶底唔苦澀，幾純。聽靚姐講仲有最雞煲可以預訂，下次過嚟再試吓。 見到隔離枱食緊，原煲上，好似有啲肥牛嗰啲嘢。 埋單172 ，都幾抵食。