4號烤吧 (已結業)

太度級差，出了味道好，有些服務員都特別好，有個短頭髮態度急差，還罵人所以這邊以前从排隊到現在沒人吃是有道理的，大家去吃飯小心一點那個短頭髮女人，看着很正常一說話就是要和人吵架的節奏

今日爸爸媽媽黎食飯又唔想煮外賣打邊爐，包裝已經好企理估唔到外賣質素超高 個醉雞好滑真係好好味 個底清甜，個藥材湯底好多料 去到最黎個藥材湯完全無淡到仲係好香本身屋企人對藥材都有D 研究話D 紅棗靚。個香辣烤魚與一如以往嘅好味個江團魚唔多骨好有彈性個辣味岩岩好。其他配菜好入味最細心個位係可以用佢個盒整返個爐有埋個個火俾你熱住個魚之後打邊爐可以整埋其他配料兩老都食得好開心🥰#大埔人真係要試#食過最好味嘅醉雞湯底

大埔lunch食飯周圍都咁多人，之前發掘到呢間嘢lunch價錢合理又唔使等位！食過呢度啲酸菜魚薯粉及冬瓜鴨腿湯飯都唔錯！今日又來試試其它嘢，主要客飯為主！🐷豬扒炒丁豬扒醃得入味，咬落去有口感啖啖肉，出前一丁，加入紫洋蔥、芽菜炒起嚟好香口，麵質口感彈牙唔會淋，炒得乾身有水準，分量一啲都唔慳有成8 －9片豬嚟扒

我吃過此店數次，我覺得鴨腿湯飯和酸菜魚是做得有水準，用料有誠意和好吃,亦因此帶了家人來吃呢! 見到鄰座的人午市在吃烤魚也想下次試試><位置不在大街不用有等位的煩惱，對於最近在此工作的我是中午吃飯的好選擇。

入到餐廳眼見得四台客 ，即時落單，但出餐太慢， 午市時間要等25分鐘先有餐😅😅完全做唔到茶記快靚正出餐時間，如果係講時間或者食飯時間多一個鐘嘅唔建議去食！ 食物味道正常！明明叫沙嗲肥牛炆米 變咗沙嗲厚牛米😅咬都咬唔到

呢間餐廳我比較出名烤魚，我哋兩個人食唔到太多叫咗一個水煮魚，真心推介魚肉超好食！ 另外其他嘢都好特別， 烤台灣腸做緊推廣㗎好好食，18元 2串， 抵！平時食嘢比較清淡的話，會覺得食物偏鹹， 但整體來說值得推介！老闆娘服務很好好細心， 環境都算有風味，一班朋友過嚟飲啤酒食烤魚，都幾好feel! Honestly recommended for a casual dinner night out, great for friends gathering!

雞煲無味！經過左呢間店咁多次最終選擇左呢間！失望，以後都唔會再黎呢度，貼錢買難受！伏到暈！建議公司關心一下員工心情，唔想食野都要見到佢地木口木面！黑口黑面！睇佢地面色！

今晚叫左一個雞煲、一條又淡又腥酸辣魚條魚整個魚背唔熟又無味 最後加了一些酸菜其實都補救不了整條魚很整一腥，叫左一串一口牛韌到一個點，叫藍妹放冰桶內冇冰，我極度懷疑轉了廚房！！最搞笑就係職員趕住收雞煲過煲同 酸辣魚個鐵盆因為唔夠用！！咁主力嘅嘢都可以唔夠用！食埋今次要同佢講拜拜

晚市8點半入座，唔算多人，但等好耐，今次食燒烤，落單後要等半個鐘先上第一碟，都幾燶下，最大問題係唔好食。。。一碟一碟上得好慢，肚餓就辛苦啲。服務都係一般，又甩單。。。。

第5波後疫情咁耐都冇再去太和食飯，慶幸呢間餐廳能夠捱過。5月中星期日晚同老豆撐枱腳食烤魚，叫咗個欖豉烤魚，魚叫咗凌波魚，188 一條，如果叫沙巴龍躉就加100蚊。慳家嘅我就平平哋食凌波魚算啦🤣，搵錢辛苦架。仲叫咗啲配菜，例如白蘿白，生菜，薯粉，雲耳，每份都只係12蚊，好似加左價不過ok la 。可惜條魚好韌，唔好食，個豉汁整得差好淡，似溝水咁，質素下降咗。我哋係街坊，希望你哋疫情下都做番好少少，會再嚟食支持。

叫燒魚外賣拎返屋企先知要煮 去餐廳order個陣唔講 屋企邊有火煮 為佐個幾百蚊隱藏事實 搞到冇得食 打電話過去態度又差 以後都唔會再去幫襯 店員服務態度差到爆 外賣返黎以為食得 搞到浪費佐

首先我地係4:00pm預約左兩個人嘅檯。提早十分鐘到左之後啲侍應帶住我地去最窄嘅檯，仲係正人流多嘅餐廳中心😅落完單收左紙大概42-43分鐘先有個火鍋底，啲菜份量勁少仲貴$30一碟五塊嘅鴨血，$78六卷肥牛，半隻雞鍋$148，$48一小渣水果茶得個水味😅😅跟住食到最尾仲有肉眼可見飛蟲係鍋入面🤮🤮啲侍應都係態度差到⋯⋯問可唔可以換位話啲位都俾人訂左，同佢講訂左位又話吧檯淨係可以4人坐，大佬你係咪冇見到有四五張吧檯得兩個人坐😓我地係鍋底半個鐘未到既時候問過一次點解菜齊曬但鍋底未到，話菜係執出嚟而鍋底要煮。四十分鐘到左問多一次個年輕女侍應直接將個巴掌放係我面前示意我收聲😅😅同時間入桌嘅隔離檯都就快食曬我地嘅鍋底仲未到😂😂最後有個阿姨話個鍋底有蟲免鍋底錢，個女侍應同佢男朋友（情侶手機袋）仲死望住我如果個餐廳覺得學生兩個人出來食唔洗care就唔好俾我地入座啦，仲好意思收服務費

21/05晚5人共食5百餐，嫌幫趁得少就短時間两次執檯仲黑面，主打招呼熟客，奉勸生客自重，食物普通，自己在家煮都可以做到，使錢仲要受氣，貼錢買難受，幫趁只此一次

上網見到好多人話好食，難得經過就試吓，好唔好食就真係見仁見智。但呢個時候真心大家都好難捱，阿姐服務態度都好咗啲，同埋兩送飯外賣做得乾乾淨淨，飯同送分開，返到屋企食嘅時候感覺都仲熱辣辣新鮮

本身嚟到呢頭，係想食生炸雞髀🍗，但竟然無開🙄，行咗個圈，揀咗呢間川菜舖😉。4號川味店內環境都幾大，店內裝修有點中國風嘅感覺⛩，餐廳提供川菜之餘亦有串燒食🍡，川菜方面有前菜，小食，各式雞煲🐔，各式烤魚同水煮魚🐟，食完之後可以再另叫配菜打邊爐。💎招牌水煮魚🐟辣度麻度足夠(事先聲明我係辣得的)，不過魚片最好可以大塊啲，配菜方面有豆卜，枝竹，芽菜，薯粉，蘿蔔，配菜方面算係多。好辣的人絕對明白配菜嘅重要性。💎胡椒豬肚雞煲(半隻)🐔胡椒豬肚湯感覺好厚，飲落一啲都唔稀，豬肚好淋好入味，而且加咗啲唐芹同芫荽，連埋個湯飲惹味又暖胃。💎剁椒碲花🐷見到呢款前菜有個🆕️當然要試，其實即係剁椒豬腳，無想像中辣，但豬腳好爽口，由於唔係熱吃嘅關係，食完唔會好飽滯。人均消費💰 ： ＄150至＄180總結✍ ： 環境大，唔會迫。埋單時先知原來有8折，計落都幾抵。