5度台式手抓餅專門店

營業中

休息中

上次叫過一次水果茶，好難飲藥水味咁 今次諗住叫巨峰提子梳打，簡單野 難飲極有個譜啦，點知都可以好難飲不如你地咪整野飲啦 真係未飲過咁難飲既野飲🤮🤮🤮全部都係藥水味 好噁心

最好呢就係老闆整又快又好食 嗰兩個女員工做得又難食又慢 態度又差每次想食嗰陣時見到係老闆整就去買, 見到係嗰兩個員工整就唔買 老闆做嘅通常係最好嘅醬有多啦配料多 員工就唔使講啦咁少

🍴餐廳：5度台式手抓餅專門店📍地址屯門龍門居地舖37號舖呢間外賣店每次經過我哋都一定買，起碼食過五十次以上，每次都係食佢嘅炸雞，四十幾蚊有一大桶炸雞，算係好抵食，食過芝士味，沙律味，辣醬味，原味最好食係芝士不過講真真係每次都唔同，睇下好唔好彩，有時啲芝士醬好少，有時又勁咸，啲雞有時好乾，有時又好juicy，仲有啲份量，有時成桶滿曬，有時得半桶，好似畀人偷食咗咁。。因為性價比高所以我都有繼續食，同埋呢度營業時間好唔穩定，有時好早開，有時好夜開，同埋星期六通常都冇開😆今次試埋佢嘅手抓餅，夾出前一丁真係第一次，估唔到都算唔錯

內容悄長：事源係咁，上網見有人介紹諗住試試，一開始行埋去唔知要填紙落單剔你要咩餸，於是就直接同咗個收銀嘅女士講想要啲咩餸，然後佢黑住面一語不發指一指張落單紙，交咗比佢之後，因為落單即做，要等陣先有得攞，於是走開買其他嘢食，返嚟攞個陣見張枱有樣嘢，諗住係自己嘅手抓餅，一攞上手個收銀嘅女士就講：「你知你叫個個係手抓餅啊可～」，其實我已經行到埋嚟等你，你又唔講邊個知，攞錯都唔需要呢個態度，真係未食已經一肚氣。

今日去屯門碼頭 經過呢間叫做五度台式小食專門店 叫咗呢個芒果沙冰$24但有少少失望 因為入邊只有芒果糖漿沙冰完全冇原芒果嘅食材喺入邊呢個嘅芒果沙冰好似細個去買吱吱冰嘅味道🥲🥲味道好一般！！下次唔會再買

俗語說：「平野冇好野」，但我覺得不一定，只要你願意找，一定發掘到寶。上次經過看到餐牌，一系列珍珠奶茶都是二十幾元，在今時今日的物價不斷升，竟然會那麼便宜，真是好吸引。黑糖珍珠撞奶$22首先是份量夠多，選用大杯盛載，珍珠數量多，口感軟韌，而牛奶味濃，黑糖就較淡，以這樣的價錢都有穩定的質素，完全收貨！

成日見人推薦呢間手抓餅，今日終於去開屯門，經過呢度忍唔住試下先，真係好耐冇食過！餅底 $13可選一款醬料今次試咗秘製沙律醬叫左3款🌟甜粟米粒$6粟米粒份量都算多🌟雞蛋$5雞蛋煎得有啲熟，不過同手抓餅都好夾🌟燒雞肉$9燒雞肉唔建議大家試，雞肉冇咩味，同埋比較乾身整體餅底唔錯，即叫即整，仲好脆口！不過個人認為沙律醬唔夠多所以食食下會有啲乾身但係口痕想下食手抓餅，呢個價錢都可以接受！呢間舖頭冇設立位置比客人食，所以買完之後係需要企喺條街度食！

以前好中意食呢間手抓餅，真係由細個食到大。自從上次係個女人找少錢同佢講返仲要比佢串之後無再幫襯過。今日落259D巴士見到係個男人整餅，見好耐無食，咁就再幫襯試下啦。點左咸牛肉加蛋加生菜，諗住塞車完好攰返去有啖好食。點知咸牛肉($9)變左栗米($6)，仲要睇返張單發現計多左錢。返到屋企放入口，一粒粒栗米漏落地先發覺。唔食栗米既我真係好傷心。咸牛肉變栗米都已經唔係第一次，上次咁岩見到叫停左佢。但今次我無check 真係失策但幾次都係咁令我都不禁懷疑係咪特登。我試幾次都係咁可能我黑仔啦，我錯。 終之大家要食真係要check 單，同要金精火眼睇緊啲！我永遠black list啦，話晒比左太多次機會佢啦（龍門人上）

內容稍長，但請細閱。平時行過都會幫襯吓手抓餅，見平時態度都唔錯，但係今日約九點半一去到，照剔紙落單，冇任何職員理我，收我錢，喊咗2次「唔該!」店方之後，有個女職員，攞住其他人嘅飲品行出去，但係冇叫人攞走，懵懵望住右邊男職員，最後放低飲品，入返去廚房，都係冇啋我。我再大聲小小喊「唔該!」，果個男職員大聲罵我:「你做咩x野?!」佢見到我剔咗紙落單，就叫我「走開」，直接撕爛我張紙，再叫我「走開！」如果店方見到，希望可以俾我一個解釋，謝謝

睇左個youtuber介紹手抓餅，一於尼試下。4點鐵左右我唸算係開鋪無耐，店入面得1個人準備緊，問左佢之後佢只係遞左疊落單表比我，其實可以講句或者寫反個牌話係寫單落order會好d, 如果5係好似我第1次叫5知掟咁好似有d懢介叫左司華力腸同芝士，都等左5分鐘到就有得食。食落其實無咩味，同係台灣食到既真係5係好同。佢個皮無應有既油香味，無光澤，如果5係靠入面d配料真係食5到落去。可能台灣5同地方手抓餅有5同整法，我上次係台中，台南食既，一向怕油我都對手抓餅有好印象，希望佢會改善一下，令手抓餅更好味啦！

屋企人話想食手抓餅, 所以返屋企時就買左一個俾佢。餡料都有幾多選擇, 屋企人冇講低想要咩餡料, 所以就簡簡單單揀左芝士同火腿, 應該係最穩陣同大路既選擇。落左單之後即叫既做, 當日唔算好多人等左大約5分鐘就有, 個賣相都幾吸引, 好想即刻食左佢。拎返屋企後自己試左兩啖覺得味道都幾好, 餡料唔算好多但都足夠, 餅底酥軟唔會太油, 外面煎得夠香酥, 屋企人都食得好滋味, 好快就成個食哂。整體來講合格有餘, 想食手抓餅可以一試。

龍門居是有名的小吃家，就像台灣夜市一樣，所以雖說我是九龍人，但也常常到屯門來借故探朋友，實質是大塊朵頤，哈哈😄今次試的是賣台式手抓餅和台式飲料，他們店的台式飲品，不能想像，竟然可以比外面的出名店鋪好飲，手抓餅也好食，可惜太貴，叫2款餸加落手抓餅，已經要接近30蚊，所以通常過來探朋友，我都會買一兩樣東西試試，今次買了杯芝士奶蓋伯爵紅茶飲飲，好讓我過過癮！的確～芝士味好濃，茶亦很香，價錢不貴，22蚊一杯

知道龍門居附近有好多小食店，試了台式手抓餅，有幾十種配料可以揀。不算太油，煮完馬上食，熱辣辣食特別好味。韮菜盒子，如果鍾意食韮菜，一定覺得超好食，好香，餡料中有粉絲，個餅煎得不算太油。最後仲試左邪悪芝士薯條，大致上ok, 個芝士醬咸左小小。

第一次食既手抓餅有好多不同款式選擇其實我個人觀感就麻麻哋....好似整到好窿好熱氣......但係當你咬落去嘅時候....脆bob bob又另外一番滋味....經過可以試吓

上週六喺龍門居買左啲小食，當正餐食。原來唔係間間店都喺openrice有資料~呢間手抓餅唔係第一次食，次次都好滿意。芝士磨菇手抓餅 $24同一日內嘅第二份手抓餅！因為我上晝仲喺悅湖嗰邊買小食食，明顯呢份好食好多！餅底 $12，再自選配料，我揀左芝士$7、磨菇$5手抓餅煎得香脆，冇油膩感。磨菇份量多，芝士係一整塊！我下次會即場食，肯定仲正！水蜜桃綠茶 $12幫襯埋佢杯飲品，不過好難飲既冇水蜜桃味，又冇綠茶味，類似飲緊甜冰水